عالم الحياة الزوجية - منتدى

غزالة_ماتصاد · 09-06-2009, 01:49

السلام عليكم ورحمة الله وبركاته
خواااتي اخوااني انا وااااااااايد حزينة ومتظاايقة
حاليا زوجي مساافر عنده دوره و احتمال الدورة هذي اطول شهرين أو اكثر
و معااملة عاايلتي زفت
كأني هم ثقيل عليهم
مع اني والله ماقصر اقوم الصبح واسوي الفطور و اشتغل فالبيت كأني وحده ماتزوجت
و امزح واسولف
يعني بالعربي ما أطلب لا طلعاات ولا جياات ولا فلووس و لا اي شي
اللي متوفر بس
والله اذا نفسي شي آكله اشتري للبيت كله
ولا عادي اسكت ما ابين اني ابي شي
و على الرغم من هذا كله
امي وابوي يعاملون حريم خوااني احسن معاااامله
وعلى فكرة حريم خواني مايدلون المطبخ و اي شي يبونه يطلبون من الخدامات
و عيالهم على امي و خواتي الغير المتزوجات
وانا سااكته لا علقت ولا تدخلت فيهم
بس اخواني يقطون علي نغزاات باايخة و حريمهم و امي وابوي قاااعدين
ولا احد يفزعلي ولا يرد عليهم
بالعكس يا يزدونهم يا يطنشون
قسم بالله كل يوم ارقد والدمعه فعيني
وادعي ان الله يرد زوجي سالم غانم معافي من السغر
بس جد اغاار خاصة من امي وابوي لمن يدلعون حريم اخواني وانا لاااا
صح ان البنت اذا تزوجت خلاص تصير مثل الظيفة بس بعد مهما كان انا بنتهم
ماعرف شو الحل و الاسلوب معامهم

غزالة_ماتصاد · 09-06-2009, 01:55

اكثر شي يقهرني اخواني الشباب 6 ماشالله
و معاشاتهم حلوة و كلهم عندهم اراظي و بيوت بس مايبون يطلعون قاعدين فبيت ابوي و مأجرين بيوتهم

و كل هم اللي يقووون امي
الحريم لازم عند رياييلم و مادري شنو
والبيت مايستقبل عيال مطلقات والله هم اللي يخربون امي و ابوي

لاحول ولاقوة الا بالله

لوولوو · 09-06-2009, 01:57

ياقلبي عليكي الله يهدي امك وابوكي
وربنا يرجع زوجك سالم غانم وان شاء الله ربنا مايحوجك لاحد غير وجه الكريم

بس نصيحه مني لا تبيني لزوجك انو اهلك مايعاملوك طيب
لانو مهما كان طيب حيمسكها زله

وربنا يوفقك ويسعدك دنيا واخره

غزالة_ماتصاد · 09-06-2009, 01:58

الله يصلح حالي و حال زوجي و الله لا يحدني عليهم
صدق الزمان هذا مافيه اخوان عدلين

لوولوو · 09-06-2009, 02:03

ياقلبي لا تزعلي نفسك وترى لسه الدنيا بخير ان شاء الله

..هــــــــــــدب.. · 09-06-2009, 02:53

الله يعينك اختي كثير عوايل كذا اذا البنت اتزوجت تتغير معاملتهم لها
يمكن عشان يخلوها تحس بقيمة بيتها وتتحمل زوجها ولاتفكر بالطلاق
الله يخليلك زوجك ويسخره لك ولايحيجك لعباده

كحلها سايل · 09-06-2009, 03:40

الله يقر عينك برجعة زوجك من السفر ..
هونيها و تهون ..

وجـــدان غـــاليتك · 09-06-2009, 06:38

الله المستعان ..عندك وعند خلق الله خير..
ماقول غير الله يقرعينك برجعته من السفر بسلامه ,,تقبلي مروري,,

نورالتقى · 09-06-2009, 08:43

كان الله في عونك واغناكي عن جميع خلقه بغناه وحده سبحانه وتعالى الغني الحميد
مشكلتك انا اعاني منها احيانا !!!! احس اني غريبة في بيت اهلي والوحيد الذي كان يفهمني ويحتويني ويشجعني ويسعد قلبي رحل عن هذه الدنيا
والدي الحبيب الذي اشتقت له كثيراويارب اجمعني به عاجلا غيراجلا يارب العالمين في جنات النعيم
لست ادري لما بعض الأهل تفكيرهم كدة والله المستعان
هناك خلل ما ولست ادري من فين؟
اصبري يأختي
المهم ان يكون زوجك هو اهلك وناسك وكل دنيتك والله يجمعكم عما قريب
تناسي ما انتي فيه وسلي خاطرك بأي شيء تحبيه
الله يسعدك ويسعد الجميع
اميييييين
نورالتقى

kh1sh · 09-06-2009, 09:29

وهل يرمى بالحجر الا الشجرة المثمرة
يعني بالله الكينه وش نبي فيها عشان نرميها بحجر
لكن النخلة ولا شجرة التفاح ولا الخوخ او اي شجرة مثمرة نرميها بالحجر عشان نجني من ثمرها وهذا الحاصل معك انتي تقومين وتدخلين مطبخ وتسنعين امورك ويمكن في اشياء ما قلتيها مو موجودة عندكم ومهما كان الوجه اللي قدامك يمكن في الخفا ينقال شي ثاني انتي تقولين انك عند اهلك عشان زوجك في دورة واخوانك يقولون عيال المطلقات مالهم مكان بالبيت معناته ان فيه حدا الحريم ملفقة عليك انك زعلانه مع زوجك مو في دورة ولا شي بس انتي قولي لزوجك يتصل عليك ويبين لهم انه مهتم فيك واذا رجعتي له فعلا لا يبن ان اهلك يعاملونك كذا لانه وقتها اذا صار اي شي بينكم مهما كان بسيط بيقول ايه ناري ولا جنة اهلها لكن خليه يعتقد بأن اهلك عندك الدنيا والآخرة والحرة اللي بصدرك من اهلك الحين وفريها عشان ثاني يوم ترجعين لزوجك فكيها واقعدي ابكي واذا سألك قولي من فرقا اهلي بس وش اسوي اشتقت لك عشان ما تخربين الموضوع مره
تقبلي مروري ورأيي يحتمل الصواب والخطأ

غزالة_ماتصاد · 09-06-2009, 12:46

الله يجزاكم كل خيييييييييييير
و يوفقكم ويسهل اموري و اموركم

فعلا كلامكم عين العقل

بحر وغروب · 09-06-2009, 12:56

المشكله لا تقمصنا دور الضحيه ,,
واقنعنا انفسنا باتقان هالدور !!!!
يا اختي مستحيـــــــــــل في اهل يكرهون بنتهم ,,
ومستحيــــــــــــــل يفضلون زوجات عيالهم على بناتهم ,,
ماتدخل العقل !!
يمكن انتي حساسه شوي ,,,, وتفهمي الأمور وتفسريها غلط ,,,
بالعكس انا اشوف انه البنت لتزوجت تقوى علاقتها بأهلها اكثر واكثر ,,,
ويوم المنى لمن تروح عندهم وتبات ليله او ليلتين
مدري احسك حساسه شوي ,,,,
معقوله امك تحب زوجات اخوانك اكثر منك ؟؟
بنتها اللي جابتها من بطنها ؟ وتعبت عليها ,, وربتها
؟؟؟؟؟؟؟؟؟ اي دونت نوووو !!!
راجعي نفسك ,,,, وقللي حساسيه ,,, ترى الاهل مالك غناة عنهم ,,,
هم العزوه والسند ,,, ولا سمح الله صار لك شي شوفي من بيوقف جنبك اول الناس !!
بعدين قرري يحبونك والا لأ ,,,

قحطاااني ماااركه · 09-06-2009, 13:02

أختي غزالة لا تتحسسي من الموضوع زياده
صدقيني كل اللي فيك هي الغيرة وصرتي تتخيلي
أشياء ما لها وجود مهما صار مستحيل أمك ولا أبوك
يكرهونك أكيد انيت ام وتحسين إحساس الوالدين
تعوذي من إبليس ولا تكبرين السالفه
وإن شاء الله يرجع زوجك سالم غانم ويلتم شملكم من جديد
الله يوفقك ويسعدك بالدنيا والأخرة
تحيااااااتي

ابيض القلب · 09-06-2009, 13:05

وش مجلسك ليش مارحتي معه

زوجتي سر حياتي · 09-06-2009, 18:33

اللاءات الخمس:
لا تعقدي المقارنات بينك وبين زوجات إخوتك
لا تظني أن أبويك قد تغيرا عليك
لا تبيني لزوجك ما يحصل لك من ضيقة في بيت أهلك -إن صح ذلك-
لا تقللي عاطفتك تجاه والديك
لا تنسي أن إخوتك هم إخوتك أولا وأخيرا فاحتسبي فيهم الأجر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

العائلة المفروض مايتغيرون على بناتهم بعد الزواج