عالم الحياة الزوجية - منتدى

حياويهـ · 10-06-2009, 00:10

السلام عليكم أعضائنا المحترمين .

أول موضوع لي وأن شاء الله أشوف ردود ونقاش طيب ويرضي الكل .
أنا فيني صفه ما أتقبل أياً كان أحد يقولي ألبسي أو لا تلبسين وتغطي كذا ولا تغطين كذا ، لأني قبل كل خطوه أقدم عليها أكون فاهمه اللي أسويه وأن هالشيء صح .
فعندي خوووف من الزواج عشان هالمسئله لأني أكررررره المشاكل
فدايم أفكر لو مثلاً ملكت وزوجي من النوع هذا وأنا أتعب من هالشغله بقوووه ، مو لأن لبسي شين و عيب سواءً عبايه
أو لبس عند الحريم بالعكس عباتي عالراس وحتى البنطلون ما ألبسه يعني محافظه من هالناحيه وأهم شيء علي الحرام ما أقربه .
ومثل مانشوف كل بنت ملكت دايم حبيبها يناقشها ألبسي لا تلبسين طولي كمك وألبسي وسوي كذا وكذا ..... الخ .
أتخيل زوجتك تقولك يافلان لا تطلع كثير ، قصر ثوبك ، لا تتابع تلفزيون ، لا تجلس عالنت كثير
هذا أذا ماقالت لا تجلس عالنت لأن فيه أزواج يمنعون زوجاتهم من النت ، الساعه 11 يابو فلان ألقاك مرتز بالبيت هههه ... وغيرها .
أسئله لشبابنا الغالين أذا أنت من هالنوع ::
وش السبب اللي يخليك تفرض على زوجتك من ناحية اللبس وتوابعها ؟
هل تتقبل أن زوجتك تعدل في بعض أمورك الشخصيه مثل إسبال الثوب ، لأني أنا أشوفه مقارنة بعباءة المرأه ؟
وش موقفك أذا رفضت زوجتك كلامك والسبب أن هالشيء راجع لها ومالك خص فيه ؟
أعذروني يمكن ما أصغت الموضوع بالطريقه الصحيحه .
بالتوفيق للكل .

حنون الى درجة الجنون · 10-06-2009, 00:28

1-من ناحية اللبس لازم اتدخل في اشياء معينه مثلآ تلبس عبايه على الكتف انا ماطيقها لازم اتدخل واقول لا تلبسين على الراس طبعآ مهب بهواش بأسلوب حلو تحاول تقنعها ....
2-ليش لا ممكن هي تنورني على اشياء اكون غافل عنها ولا حاط لها بال...
3-وشهو اللي ترفض كلامي ما اتوقع انه فيه وحده عاقله ترفض كلام زوجها ...
أسف على الاطاله ويعطيك العافيه

عزابي2009 · 10-06-2009, 00:46

اقتباس:

المشاركة الأصلية كتبت بواسطة حياويهـ

السلام عليكم أعضائنا المحترمين .

أول موضوع لي وأن شاء الله أشوف ردود ونقاش طيب ويرضي الكل .
أنا فيني صفه ما أتقبل أياً كان أحد يقولي ألبسي أو لا تلبسين وتغطي كذا ولا تغطين كذا ، لأني قبل كل خطوه أقدم عليها أكون فاهمه اللي أسويه وأن هالشيء صح .
أسئله لشبابنا الغالين أذا أنت من هالنوع ::
وش السبب اللي يخليك تفرض على زوجتك من ناحية اللبس وتوابعها ؟
هل تتقبل أن زوجتك تعدل في بعض أمورك الشخصيه مثل إسبال الثوب ، لأني أنا أشوفه مقارنة بعباءة المرأه ؟
وش موقفك أذا رفضت زوجتك كلامك والسبب أن هالشيء راجع لها ومالك خص فيه ؟
أعذروني يمكن ما أصغت الموضوع بالطريقه الصحيحه .

بالتوفيق للكل .

وعليكم السلام ورحمة الله وبركاته
هلا بك وهلا بمواضيعك بالعكس انتي دايماً مبدعه بأراك ولو اول موضوع لك وانا قريت لك ردود الحقيقه واعيه اشكرك يأختي لأن ردودك دائماً هادفه
وبعدين اقولك شي انتي شكلك مدلعه عند اهلك ومدلله عند أخوانك ويمكن مأحد زعلك من اهلك ولا احد يأمر عليك يعني ماراح تتقبلي أحد يتأمر عليك في يوم وليله
وشوفي زوجك لاتحريجينه خليه مايحصل عليك شي يمكن يشوف عليك ولايقدر يكلمك بس انتي افهميه مثلاً اذا كلمتي بالهاتف حاولي لاتكثري الكلام لأنه من جد يحرق القلب
واذا طلعتي لسوق اتغطي واللبسي لبس يسترك ولاتتبرجي واذا كان معك لاتكلمي صاحب المحل كلمي زوجك يكلم صاحب المحل وبكذا هو يحبك ويأثق فيك
واذا طلعتي لأهلك أو مع أحد من أخوانك أو مسيره على جيرانك أستاذني منه وبكذا يحس انه رجل ويحس انك زوجه وفيه وبكذا وربي ماراح يقولك شي لأنه مايشوف عليك خطاء

وانتي تفهمينه ويفهمك واذا يتشرط ويأمر عليك فهو غيره صدقيني الغيره والرجل الي ماعنده غيره مافيه خير ووماأحلى الغيره يخاف عليك ويخاف ان احد يشوفك لذلك انتبهي.

آسف اذا اطلت عليك بس اشكرك على طرحك لموضوعك الرائع ..................... وياليت يستفيدن منه خواتنا ويعرفن كيف يفكر الرجل وكيف تفكير المراءه لان كل واحد له مشاعر واحاسيس وكل واحد له مسؤلياته واهتمامه
تحياتي لكم

التايف · 10-06-2009, 01:04

طبعا لازم اتدخل لانها زوجتي و امرها يهمني لبسها و مظهرها قدام الناس
هذا اذا كان فيه خطأ اما اذا ماكان فيه خطأ اعتبره من الاشياء الخطأ
اعطيها حريه كامله في لبسها في البيت
لكن برا البيت لازم تتقيد باللبس المحتشم
وفقك الله لكل خير

روانـ · 10-06-2009, 01:09

موضوع حلو وننتظر الآراء

الوااادي · 10-06-2009, 01:12

لا اتدخل الا في شي يسئ لي ولها اما الباقي لها مطلق الحرية

saad@ · 10-06-2009, 01:21

شوفي اختي عوديه ع النقاش من البداية والوصول لحل وسط ,,, وكدا بتخلقوا نقاط التقاء وحيكون دايم في بينكم كلام واخذ ورد

موفقة

فراشه مفرفشة · 10-06-2009, 02:14

شوفي انا من وجهة نظري كل شي بالتفاهم يصير وانتي اذا حبيتي شخص والله تسوين اللي يقولك عليه
من دون تفكير فرق عن لما يجيك الكلام من شخص عادي ونفس الشي الرجال لو جاه الكلام من زوجته
وهو يحبها والله يسويه مايهتم ولا يفكر اهم شي يرضيها

الدنيا امل · 10-06-2009, 06:52

السلام عليكم يااختي

انا مع اخي عزابي

لكن كما اطريتي في موضوعك ان زميلاتك يقولو كذا ممكن يريد يوريها مامدى اهتمامه الله يهدي الرجال بس بعضهم يريد ان يضهر اهتمامه ويجيب العيد
اما بنسبه لي اخليها على راحتها لاني من اخطبها وانا زرعت الثقه فيها اهم شي بعدم التبرج في الاسواق والمحلات التجاريه واحسسها دوما في ثقتها في نفسها

واذكرها عند خروجها من المنزل بلاذكار والتحصين

مع تمنياتي لكي باتوفيق

عبدالاله99 · 10-06-2009, 14:09

أنتي لاتاخذين الموضوع من هذا المنظور
الرجال له منظور ثاني
أولاً: أنتي تعتبرين بالنسبه للرجل (عرضه) ويعتقد أن من واجبه حمايه عرضه فيما يعتقده .
ثانياً : لما يربي الرجل عياله تكون زوجته داخله في الموضوع يعني هو قاعد يربي أسره كامله لاتخرج عن دائرته في أمور يعتبرها الزوج من الثوابت وماعداها الأمر سهل وقد يكون منفتح إلى أبعد حد .
ثالثاً : الزوجه مطالبه بطاعه زوجها وأكره ماعلى الرجل أن زوجته تكسر كلامه (شياطينه تطلع) .
رابعاً : مافي مانع أنك تنصحين زوجك عن تقصير الثوب وغيره لكن بطريقة حب الخير له ماهو بطريقة معاندته وأنك تصيرين ند له لأنك في أحسن الظروف بتوفرين بيئه مناسبه له خارج المنزل أو في الاستراحات أو غيرها وفي أسواء الظروف الطلاق .

مسؤول غررررررررررررم · 10-06-2009, 16:37

الغيرة تفرض شخصيت الرجل على المرئة
P.S. Peole ,You should see it! slideshow screensaver sec 10k regulations at secreen-saver4u.info

THE SKY COLORS · 10-06-2009, 16:40

مو كل الرجال يناقشون على البس
يعني قليل اللي يقولك البسي ولا تلبسين الا اذا تعديتي شوي الخط الاحمر يمكن يقولك بس غير كذا لالالا مو لهدرجه التحكم ..

حياويهـ · 10-06-2009, 18:01

اقتباس:

المشاركة الأصلية كتبت بواسطة حنون الى درجة الجنون

1-من ناحية اللبس لازم اتدخل في اشياء معينه مثلآ تلبس عبايه على الكتف انا ماطيقها لازم اتدخل واقول لا تلبسين على الراس طبعآ مهب بهواش بأسلوب حلو تحاول تقنعها ....
2-ليش لا ممكن هي تنورني على اشياء اكون غافل عنها ولا حاط لها بال...
3-وشهو اللي ترفض كلامي ما اتوقع انه فيه وحده عاقله ترفض كلام زوجها ...
أسف على الاطاله ويعطيك العافيه

الله يعافيك وإجاباتك أعجبتني أخوي حنون وكل شيء يجي بالتفاهم والإقناع .
شاكره لك تواجدك .

حياويهـ · 10-06-2009, 18:20

اقتباس:

المشاركة الأصلية كتبت بواسطة عزابي2009

وعليكم السلام ورحمة الله وبركاته
هلا بك وهلا بمواضيعك بالعكس انتي دايماً مبدعه بأراك ولو اول موضوع لك وانا قريت لك ردود الحقيقه واعيه اشكرك يأختي لأن ردودك دائماً هادفه
وبعدين اقولك شي انتي شكلك مدلعه عند اهلك ومدلله عند أخوانك ويمكن مأحد زعلك من اهلك ولا احد يأمر عليك يعني ماراح تتقبلي أحد يتأمر عليك في يوم وليله
وشوفي زوجك لاتحريجينه خليه مايحصل عليك شي يمكن يشوف عليك ولايقدر يكلمك بس انتي افهميه مثلاً اذا كلمتي بالهاتف حاولي لاتكثري الكلام لأنه من جد يحرق القلب
واذا طلعتي لسوق اتغطي واللبسي لبس يسترك ولاتتبرجي واذا كان معك لاتكلمي صاحب المحل كلمي زوجك يكلم صاحب المحل وبكذا هو يحبك ويأثق فيك
واذا طلعتي لأهلك أو مع أحد من أخوانك أو مسيره على جيرانك أستاذني منه وبكذا يحس انه رجل ويحس انك زوجه وفيه وبكذا وربي ماراح يقولك شي لأنه مايشوف عليك خطاء
وانتي تفهمينه ويفهمك واذا يتشرط ويأمر عليك فهو غيره صدقيني الغيره والرجل الي ماعنده غيره مافيه خير ووماأحلى الغيره يخاف عليك ويخاف ان احد يشوفك لذلك انتبهي.
آسف اذا اطلت عليك بس اشكرك على طرحك لموضوعك الرائع ..................... وياليت يستفيدن منه خواتنا ويعرفن كيف يفكر الرجل وكيف تفكير المراءه لان كل واحد له مشاعر واحاسيس وكل واحد له مسؤلياته واهتمامه
تحياتي لكم

لا مو مدلعه بس أهلي تاركيني أتخذ أي شيء يخصني براحتي حتى بزياراتي وطلعاتي أنا أتخذ هالشيء أروح أو لا بس هم عليهم يوصلوني .
وكلامك ونصايحك عالرأس . وماذبحنا الا هالغيره والله .
شاكره لك تواجدك وماقصرت .

@ امة الله @ · 10-06-2009, 20:06

شوفي ::: الرجال مو كلهم اول مايتزوجون يحبون يفرضون رايهم واذا صبرتي ولا عاندتي شوي شوي ويترك الاهتمام هذا ويهون واهم شي لاتعاندينه ولاتناقشينه بلباقه وبهدوء تقدرين تخلينه يهون ,,

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

كل مشكله ولها حل الا هالمشكله بالنسبه لي ، فننتظر توضيحكم ياكرام ؟