عالم الحياة الزوجية - منتدى

كوب كابتشينو · 10-06-2009, 06:29

السلام عليكم ورحمة الله وبركاته
اتمنى التوفيق لكل عروس00 لكن بسأل سؤال00 اذا كنتي بشهر العسل00 وطبعا كنتي متنقبه00 انا بتكلم عن نفسي00 الله يثبتني00 كنت اعاني من كيف اكون انيقه وانا منقبه00 يعني اغلب الوقت طلعات00 وانت منقبه00 وطبعا مافيه مجال تحطين مكياج00 فقدامك00 الشنطه والجزمه00اعزكم الله00 طيب الشنطه سهل امرها00 بس الجزمه بصراحه الواحد يتعب من المشي لازم كوتش00عاد تخيلي شكلك000 انا عن نفسي ساعات اقول ما يهمني00 بس ساعات جدا 00اتضايق لما اطلع واشوف الناس كاشخه ولابسه0 0ومكياج00 ونظارات وحركات وعطوررررر على مسافات تشمينها00 استغفر الله00 تصدقون اكثر من يكشخ00 الخليجيات000تلقين المكياج كامل00ولا زواج00 وقت الفطور000 وكشششخخخخخخخهههه بزيادة0 0ويتعنون اذا شافوا العبايه يناظرون00 ويتكلمون00 قال يعني حنا مثلكم000 عرب00 المشكله لما اشوفهم واشوف نفسي000 اتضايق احس زوجي يقارن000 احسه يقول وش هالقرويه00 اقول يالله الواحد يحتسب الاجر000 واهم شي دين الواحد00 واقول اذا رجعت للفندق بحاول اعوضه00 واكشخ000 المشكله بحكم كوني منقبه00 صعب اكل برا000 فغالبا نظطر ناخذ للفندق00 طيب اول ما نوصل00 طبعا شكلي بيكون زي الوحده اللي جايه من السوق0

0 بحكم ان عبايتي ونقابي علي طول الوقت000 والشعر لازق00 كانه ما زيت00بعد00
طيب توني واصله وتعبانه000 وجوعانين وبناكل قبل لايبرد الاكل00 بصراحه اذا شفت نفسي بالمرايه00 اقول عسى ما يرتاع00 ابو الشباب000 طيب تعشينا000 بصراحه ما يكون فيني حيل00اقوم اتضبط00 ومكياج وسشوار0

0 تعبانين والوقت متاخر00 كان فيني حيل خذت لي دش00 يريح جسمي00 واحيانا بدون000 اقول خليها بكرة الصباح000 يالله اذا قمت00 بسرررعه لانتاخر عالفطور00 وهكذا00 احس اني بصراحه ما عرفت كيف اتانق00بالسفر000 احس دايم مبهذله00 حتى صرت ما اخذ لي صور بالسفر00 يامنقبه يا محيوسه توني واصله للفندق00!!
انا ما ودي لاني احس زوجي لما نطلع يشوف الهبل00 والناس00 كاشخه00 ولو سمحتوا لايظن احد اني اعيب على الحجاب او اسبه00 بالعكس حجابي تاج راسي00 ومستحيل اتخلى عن نقابي000 لو ما اسافر من الاصل00 ولا اشيل النقاب00 ربي بكل مكان000 والله والله صحيح 00 ودي اني كشخه00 بس رضا ربي اهم000 خصوصا عبايتي ما فيها اي تطريز00 وواسعه0واذا طلعت ما اتعطر00 0 بس ابي نصايح تفيدني لما اسافر00 بشرط ما تاثر على الحجاب00والستر00 يعني كيف اكشخ00تكفون00
والمشكله اسمع كلام من بعض العرب00 وتعليقات وضحك00 واقول 00 ما يهمني00 بس ساعات اضعف لما مثلا يقولون وش هالقرويه عمرها ما سافرت0000!!!الله يعين زوجها0000
المشكله الاكبر00 انهم يحاولون يناظرون زوجي00 وشبه تحرش بحكم انه كاشخ وانا شكلي جدا عادي000

عاد ابي فزعتكم000

رقة مشاعر · 10-06-2009, 08:08

حبيبتي اولا الف مبروك الزواج والله يتمملك على خير.. وعبال ما نفرح باول خبر حملك

ثانيا اسال الله ان يوفقك ويثبتك على سترك ويثيبك
حبيبتي حطي في بالك قناعة تامة ان مهما صار رضى ربك فوق كل شئ .. ومقدم على رضى زوجك او رضى الناس عنك او حتى رضاك عن شكلك
ولا يهمك كلام المستهترين او النظرات الغبية
هما يناظروا فيكي وعندهم فضول يعرفوا اي جمال يختبي وراا هالنقاب

حبيبتي
دايم نحور اوضاعنا واسلوب حياتنا مع ما يتماشي مع منهجنا وديننا وقيمنا

حبيبتي فيه طرق كثيرة تكشخي فيها وممكن تظل تحت العباية والنقاب

الى حين تكشفينها لزوجك

شعرك اسشوريه ولفيه .. واول ما تدخلون الفندق افتحيه بس وخليه طايح وممكن تمسكيه ببنسة ... او ترفعيه بطوق
وممكن تجعديه وتلفيه بعد واول ما تدخلوا ع الفندق

حركي شعرك بايدك وخللي شعرك حتى يبان مظهر التجعيدة وتطلعي اخر طلة واخر حلاوة:")

ممكن تحطي ميك اب خفيف وتطلعي فيه ويظل تحت النقاب حتى اول ما ترجعوا يكون مكياجك جاهز بس لا تحطي شئ عند العين لانه راح يبان بفتحة النقاب

اول ما تدخلوا بس على طول حطي كحل داخل العين على حسب لون لباسك .. اسود .. ازرق... اخضر....
بسرعة وبكذا اختصرتي الوقت
وعندك العدسات الملونة اكشخي فيها بعد ما تحطي الكحل وتغنيك عن الشدو اللي يحتاج وقت طويل لرسمه

وطبعا رش العطر ع السريع بعد ما تفتحي العباية ما يحتاج مجهود ووقت
الاكسسوارات بعد ممكن تكونين لابستها تحت الملابس بس انتبهي من اللي للها اصوات

والجزمة حلاتها بوقت السفر تكون خفيفة ومريحة وفلات

واتركي عنك هاللي يكشخون من صباح ربي

ع الفطور هذولا ماعندهم سالفة .. بهرجة مهرجين مالها داعي

واعرفي ان لكل وقت اناقته وكشخته واكسسواره وملابسه ومكياجه

حبيبتي اعطيك اهم سر من اسرار الجمال والانوثة

هي ( الثقة بالنفس) خليكي واثقة بنفسك
لا تغرك نظراتهم ولا تلميحاتهم

الثقة بالنفس اكبر شئ يجذب الرجل للانثى ... سحر لا يتقنه الا من فهمه صح

كوب كابتشينو · 11-06-2009, 00:08

شكرا لك اختي(رقة مشاعر00))ماقصرتي00فعلا افكارك مريحه000 بس معليش اسمحي لك00 مهما قلتي ماعلي منهم بصير واثقه00 ماتقدرين000 لقله من تشوفين متنقب000 تحسين الكل يطالع000 بس معليش00الواحد يتمسك بدينه00((ياتي على الناس زمان فيه القابض على دينه كالقابض على جمر000))تدرين ساعات اقول لنفسي000 المفروض هالعربيات يستحون على انفسهم00 لاني انا الصح00 مو زيهم سفور00!!
دايم اقول لنفسي00 ليش ما اعتز بحجابي00 واصير خير سفيرة لديني00 بس ساعات اضعف00 الله يعيذنا منالشيطان يخرب علي00 همتى
بخصوص اني اضبط نفسي00 واطلع واذا رجعت00 القى كل شي جاهز000 ياختي ما ادري00 انتي جربتي هالشي00؟؟00 والله احس كل شي يندمر00 مدري المكياج مع النقاب00 يتغير00 والشعر مع ضغط الطرحه00 يزيت ويروح كل الشغل00 بس صحيح عالاقل بيكون ارحم من قبل000
جزاك االله خير00 ماقصرتي000 بطبق تجاربك00 وارد لك00 شكرا جزيلالالالالا لاهتمامك0
مشكلتي00 اخذ معي بالسفر00 ملابس كثيرة واشياء كشخه00 وحركات00 بس ما ادري متى البسهم000؟؟
احس ينقصني التنظيم000 وتنظيم الطلعات00 بس مومعقوله اقول لزوجي لانطلع عشان بتكشخ 00!!
تصدقين00 جاء ببالي00 مستقبلا00ان شاءالله00لو حصل وسافرت خلالالاص00 ما اخذ كل هالاشياء00لاني اغلب الوقت متغطيه000 والله مدري00 وش اسوي!!!

رقة مشاعر · 11-06-2009, 02:15

يابعدي ... فديتك
انا اقول لك هالكلام من جد عن تجربة
الاناقة الخفيفة وع السريع هي المناسبة لاوقات السفرات والطلعات
اتركي عنك خواتنا العرب السافرات... انا اعتبرهم ما عندهم سالفة

الاجانب ارحم منهم... يفرقون بين طلعات الرحلات والكشتات

وبين السهرات والمناسبات

تلقينهم في طلعاتهم بساطة وملابس مريحة بدون تكلف
ياقلبي لساتك عروسة جديدة

مع الوقت تتعلمي وش تاخذين ووش تخلين

وبتكون عندك خبرة

والله يوفقك يالغلااااا

كوب كابتشينو · 11-06-2009, 02:20

جزاك الله خير0000 فعلا كلامك منطقي000 ومقنع ماقصرتي000

نسكافيه 6 · 11-06-2009, 12:01

حاولى تفسخين العباءه والنقاب . وتستانسين مع زوجك وتروحين بلد اوربى عشان محد يشوفك.بس الأول تاخذين رأيه بالموضوع.ولما ترجعين بلدك لبسى العباءه والنقاب والله حرام هذى احلى ايام عمرك

رقة مشاعر · 11-06-2009, 12:31

88888
بئس الرأي ... وبست النصيحة
الحين تبينها تاخذ راي زوجها ... ولا يهمك امر ربها!!!
الله يهديك بس

roro1234 · 13-06-2009, 02:31

شكرا ع الموضوع ومن جد مشكله انا مسافره شهر العسل بعد فتره ومو عارفه ايش اسوي لاني متعوده من يوم اروح لين اجي وانا تقريبا بلبس واحد والشعر مزيت والحاله حاله
وحلولك يارقة مشاعر حلوه بس المشكله انه طبيعة شعري دهنيه ومع الشيله طول اليوم بتزيد الطين بله

كوب كابتشينو · 13-06-2009, 04:06

شكرا لكل من تفاعل0 معي000 بصراحه يانسكافيه 6 000 اسمي واسمك00 يبي من يجمعنا بكافي000هههههها
حددي اليوم ونا اعزمك000ابشري00
شكرا ياحبيبتي على ردك000 بس انا مستحيل000 اكشف000 اخاف من ربي والعقوبه000 وانا ما تغطيت عشان احد يعرفني0 او احد يشوفني00انا ماتغطيت لارضاء الناس000 انا تغطيت لان ربي يشوفني بكل مكان00واتمنى يرضى علي00 لان سعادتي برضا ربي00
يعني صحيح لو كشفت ما راح احد يناظرني000 كلفت نظر000 بس احس اني لو كشفت ما راح انبسط00 بيانبني ضميري00 واتحسف0000 ولكل وجهة نظر000 وطريقه00 انا اعرف لك ناس زي طريقتك00 وينبسطون00 بس ما ادري هل يحسون بالرضاء عن ذاتهم00 ؟؟

رقة مشاعر))))))
ماقصرتي الله يجزاك خير00
0roro1234
الله يوفقك ويسعدك00 مالنا الا نصايح رقه مشاعر000 وش نسوي00!!
مشكورين0000 ماقصرتوا

الوعد باكر · 13-06-2009, 05:20

السلام عليكم
أختي انا عن نفسي لما اسافر اخذ معاي ثلاثه اطقم كل جزمه بشنطتها وتكون الجزم مو عاليه كعبها يكون صغير والبس عبايه على الكتف بدون زينه وطرحه وغطايه اما مكياجي عند الخروج فيكون خفيف جدا كريم ترطيب وبودره خفيفه ومسكره رموش وروج وكحل خفيف يعني اللي يمر من جنبي مايشوفه وأغطي بالغطايه وجهي وفقط افتح عيوني فتحه صغيره والبس بنطلون اسود عشان ارتاح في مشيتي وماألفت النظر لأن لونه اسود وعبايتي طبعا مقفله من فوق لتحت أما بالنسبه اذا رجعنا الفندق ادخل الحمام اخذ دش واجفف جسمي والبس في الحمام واستشور شعري واحط احلا مكياج وكله هذا بالحمام ولما اخرج وانا احلا شي وعادة نطلب العشاء من برى يعني قبل وصولنا للفندق نمر على مطعم قريب من الفندق ونطلب عشاء ونقولهم احنا في اي فندق ورقم غرفتنا وفي اي ساعه نبيه وناخذ رقم تلفونهم وياخذون رقم الجوال ويوصل العشاء الين حدنا في الوقت اللي نبي ونتعشاء ونتفرج فلم وننام
انا مرتاحه مع نظامي هذا واهم شي الكعب يكون صغير عشان اصير كشخه وماأتعب في المشي وبالتوفيق للجميع

دعواتكم بالذريه الصالحه والستر في الدنيا والاخره والصلاة والسلام على رسول الله

رقة مشاعر · 13-06-2009, 07:01

ربي يوفقكم جميعا .. ويسعدكم ... ويجعل حياتكم كلها فرح وسعاآدة
حبيبتي 0roro1234
بما انه طبيعة شعرك دهني ويخرب استشواره بالطرحة والعباية
انصحك تعملي كيرلي تلفلفليه لفايف لحد ما توصلي وتفليها
وبكذا راح يصيرشكلك كشخة ^_*

حبيبتي الوعد باكر

افكارك حلوة ... ربي يسعدك ويرزقك الذرية الصالحة اللي تقر عينك

هدوء الكون · 13-06-2009, 07:55

عادي حطي ميك اب خفيف
والبسي لبس حلووووو يناسب الطلعات جينز وهيك شي
والعطر مو لازم ولاحطي معطر جسم وبودرات وشعرك امره بسيط لفيه بطريقه اذا وصلتي فكيه ويصيررر واااو
وبعدين لايروح وقتكم مشاويررر ارجعوا بدري او وقت الظهر مثلااا خليه للكشخه والتعووويض

سناء الفضه · 13-06-2009, 16:06

الحين شهر عسل وترجعون للأوتيل وشعوركم مدهنه
وكذا قدام ز و و ووجك؟؟؟
لاحبيبتي اهم شي النظاااااااافه ...لان الشعر اذا دهن بتطلع منه ريحه خاايسه
لايشم فيك الاالطيييييييييب
موب اهم شي لايبرد الاكل
الاخليه يبرد ويعفن بعد
ولايشوفني بهالحاله
اول ماتوصلين خذي دش سرييع
تراالنظافه اهم من الكشخه على ريحه خايسه وشعر مدهن
وترا هذي احلى ايامك
موفقه حبيبتي

كوب كابتشينو · 13-06-2009, 20:14

شكرا لكل من تفاعل معي00 افكاركم حلوه000 ومفيده000كانت غايبه عن بالي000جزاكم الله خير000
فعلا000 اهم شي النظافه000000 والله انك صادقه000

عزة الذهب · 13-06-2009, 20:38

السلام عليكم ورحمة الله وبركاته
تكفووووووووووووووون ودي استشيركم في بعض الاموراولا شعري اجعد حتى لو استشورة يصيركشة ثانيا ماعندي خبرة في كحل العيون ابي كحل اسودحيل وبودرة خدودبس تكون لون المشمش وابي ماركة ارواج تكون حلوة بس بشرتي حنطية لنتظركم يالغاليات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اناقتك بشهر العسل000