عالم الحياة الزوجية - منتدى

زعيمة المطلّقات · 11-06-2009, 07:52

هلا وغلا حبايبي ..
يامرحبا بأهل القصيم ..

ياحبي لهم..

لهم معزّة خاصة بقلب الزعيمة..

المهم..ياطويلين العمر..
جتني رسالة على البريد..

والله مافهمت منها شي..

خبركم الزعيمة مو من القصيم..>>>> لازم تعلمين يعني..

أبي تترجمونها لي..الله يسعدكم,,

&
&
&
قصيمية تصف حال المطر..
(عنيزه تلثق وغاديتن لقسه وكلشن رابص

عندنا وأنا متعنقطه بفروتي من الذراقه ومارغتن الفكس والهواء يشخفن مع كل محل وصايرتن مثل الحوقله أصوي صوي وشاقصتن بمكاني ماغير أقحن زنجبيل وأكل كريريث )

:frashafwa (2):

نسر بني الحارث · 11-06-2009, 07:58

واناااااااااااااااا بعد زعمتناااااااااااااااا مو فاااااااااهمه الكلاااااااااام اذا وصلتك الترجمه علميييييييييني او علمن 00 بووه شيء مو فاااهمنه
هههههههههههههههههههههه

الدنيا فرص · 11-06-2009, 08:35

انا منيب قصمنجي لكن نعاشرهم والله انهم طيبين .. موب كلهم!! ..
(-:
يالله نبدا في الترجمة !
تثلق= يعني جايها مطر
لسقه=يعني حوسه !!
رابص= رطب او مبلول
متعنقطه=متمسكه او متعلقه يعني متخمخمه فيها بقوه << حلها عاد وش متخمخمه (-:
الذراقه=الخوف
مارغتن=داهنه
يشخفن= يهب عليها الهوا
الحوقله=طائر او عصفور صغير
يصوي=يصيح او يصوصي<<< حلها (-:
شاقصتن= قاعده بقوه !
اقحن= اشرب
كريرث= تصغير كراث << ما تلقى مجلس عجايز القصيم الا وتحصله (ياحليهم).
تقبلي مروري ..
تحياتي

زعيمة المطلّقات · 11-06-2009, 08:55

هلا وغلا نسورة..
يالله جيبي القلم والورقة..
خلنا نفك الرموز,,
:frashafwa (20):
هلا وغلا أخوي..الدنيا فرص..
الكلمة الوحيدة اللي عندنا <<<<<<<<<< الذراقة..

مشكوور أخوي على التوضيح..

:frashafwa (20):

المررتفع · 11-06-2009, 09:21

اقتباس:

المشاركة الأصلية كتبت بواسطة زعيمة المطلّقات

هلا وغلا حبايبي ..

يامرحبا بأهل القصيم ..

ياحبي لهم..

لهم معزّة خاصة بقلب الزعيمة..

المهم..ياطويلين العمر..
جتني رسالة على البريد..

والله مافهمت منها شي..

خبركم الزعيمة مو من القصيم..>>>> لازم تعلمين يعني..

أبي تترجمونها لي..الله يسعدكم,,

&
&
&
قصيمية تصف حال المطر..
(عنيزه تلثق وغاديتن لقسه وكلشن رابص

عندنا وأنا متعنقطه بفروتي من الذراقه ومارغتن الفكس والهواء يشخفن مع كل محل وصايرتن مثل الحوقله أصوي صوي وشاقصتن بمكاني ماغير أقحن زنجبيل وأكل كريريث )

:frashafwa (2):

هههههههههههههههههههههههههههههههههههههههههههههههههه ههههههههههههههههههههههههههههه
الله يقطع سوالفك يا الزعيمة
ابشري والله بالترجمة
تراني اصل وفصل ابا عن جد بالقصيم وخصوصا بريدة المقدسة

اقتباس:

(عنيزه تلثق وغاديتن لقسه وكلشن رابص

الترجمة : عنيزة متبلله وصايره حوسه وكل شي متبلل
الجملة الثانية
[QUOTE][

عندنا وأنا متعنقطه بفروتي من الذراقه ومارغتن الفكس والهواء يشخفن مع كل محل وصايرتن مثل الحوقله أصوي صوي وشاقصتن بمكاني ماغير أقحن زنجبيل وأكل كريريث )

/QUOTE]
الترجمة : عندنا وانا لابس فروتي بقوة من الخوف وداهنه الفيكس دهن كثير والهواء يجيني مع كل محل وصايره مثل طير الحوقله اطلع اصوات وجالسه بمكاني ما غير اشرب زنجبيل واكل كراث

اتمنى ان تكون الترجمة وصلت
وتقبلي تفحيطي في شارع المرتفع دوار الزعيمة

زعيمة المطلّقات · 11-06-2009, 09:31

[quote=المررتفع;5016172]هههههههههههههههههههههههههههههههههههههههههههههههههه ههههههههههههههههههههههههههههه
الله يقطع سوالفك يا الزعيمة
ابشري والله بالترجمة
تراني اصل وفصل ابا عن جد بالقصيم وخصوصا بريدة المقدسة

الترجمة : عنيزة متبلله وصايره حوسه وكل شي متبلل
الجملة الثانية
[quote][
عندنا وأنا متعنقطه بفروتي من الذراقه ومارغتن الفكس والهواء يشخفن مع كل محل وصايرتن مثل الحوقله أصوي صوي وشاقصتن بمكاني ماغير أقحن زنجبيل وأكل كريريث )
/QUOTE]
الترجمة : عندنا وانا لابس فروتي بقوة من الخوف وداهنه الفيكس دهن كثير والهواء يجيني مع كل محل وصايره مثل طير الحوقله اطلع اصوات وجالسه بمكاني ما غير اشرب زنجبيل واكل كراث

اتمنى ان تكون الترجمة وصلت
وتقبلي تفحيطي في شارع المرتفع دوار الزعيمة

[/quote]

ونِعِم ببريدة وأهلها..

مشكووووووور ياأستاذي الفاضل..

الترجمة وصلت..

والله خليتن أحس إني بحصة لغات..خخخخخخخخخخخ

إيييييييييه من بريدة..
سلملي على أهلها..

***ياجماعة الخير..
فعلاً ..أنتقلت عدوى إنفلونزا التفحيط للمنتدى..

هههههههههههههههههههههههههههههههههههه
:frashafwa (20):

(((قلب امرأة))) · 11-06-2009, 11:24

والله كلام غير مفهوم

سبحان الله كل قبيله لها لهجه مختلفة

والحمد لله انا اعرف كلام القبائل المجاوره

بس عندي استفسار بسيط المررتفع اش يعني
تراني اصل وفصل ابا عن جد بالقصيم وخصوصا بريدة المقدسة

الأخ الكبير · 11-06-2009, 11:50

أهلا بأختي الزعيمة

المفردات التى ذكرتها لك الأخت كانت دراجة ومعروفة في السابق على وقت
الآباء والأجداد ليس فقط بعنيزة ولكن بنجد كلها ولو سألتى الوالد أو الوالدة بلا
شك ستعرفها ،،

وأنا وبكل فخر من عنيزة مدينة العلم والثقافة التى أفتتح فيها ثاني مدرسة

حكومية للطلاب بالمملكة بعد مكة ،، وأول مدرسة للبنات في منطقة نجد

والتى أنجبت العلامتين أبن سعدي وأبن عثيمين وأنجبت أول من حمل

الدكتوراه من الرجال والنساء في نجد ،، وأنجبت أربعة وزراء عملوا

في الدولة وهم وزير المعارف ، وزير العمل ، وزير التجارة ، وزير الشئون

الاجتماعية ، وأنجبت العديد من الأطباء في مستشفيات المملكة ورائد الفضاء

عبدالمحسن البسام الذي رافق الأمير سلطان بن سلمان في رحلته الفضائية

وغير ذلك كثير من الأدباء والشعراء ومنهم الأديب مسافر والأديب الدامغ

والأديب الغذامي ،، وكثير من رجال الثقافة والأعلام ومنهم المذيع العيسى

ومحمد الرشيد وإبراهيم التركي وغيرهم كثير ،،

تقديري وأحترامي لك

حــــــــيرانه · 11-06-2009, 17:12

هههههههههههههههههههههههههههههههههه

الله يسعدك يازعيمه .. ترجمة الأخ المرتفع جدا وافيه الله يخليه لنا مترجم من ديار نجد المميزه

لدمعتي قصة الم !! · 11-06-2009, 17:25

بريدة تلثق = كل شئ بالمدينة مغرّق بالماء

2. وغاديتن لقسه = صاير غير مرتبه ( لقسه يعني محيوسه)

3. وكلشن رابص = كل شيء متشبع بالماء

4. متعنقطه = متمسكة ومتلحفه

5. الذراقه = الخوف

6. ومارغتن = داهنه الجسم . يمرغ = يدهن بكثرة

7. يشخفن = ينفخ

8. (الحوقله = فرخ العصفور

9. أصوي = أصفر

10. وشاقصتن = ثابته

11. كريريث = الكرّاث اللي أوراقه قصيره ورفيعه مشهور بعنيزة فقط وهو طعيم جدا ..

تراني مو من القصيم بس ملطوش لعيونكم هههههههههههههه

زعيمة المطلّقات · 11-06-2009, 17:47

اقتباس:

المشاركة الأصلية كتبت بواسطة الأخ الكبير

أهلا بأختي الزعيمة

المفردات التى ذكرتها لك الأخت كانت دراجة ومعروفة في السابق على وقت
الآباء والأجداد ليس فقط بعنيزة ولكن بنجد كلها ولو سألتى الوالد أو الوالدة بلا
شك ستعرفها ،،

وأنا وبكل فخر من عنيزة مدينة العلم والثقافة التى أفتتح فيها ثاني مدرسة

حكومية للطلاب بالمملكة بعد مكة ،، وأول مدرسة للبنات في منطقة نجد

والتى أنجبت العلامتين أبن سعدي وأبن عثيمين وأنجبت أول من حمل

الدكتوراه من الرجال والنساء في نجد ،، وأنجبت أربعة وزراء عملوا

في الدولة وهم وزير المعارف ، وزير العمل ، وزير التجارة ، وزير الشئون

الاجتماعية ، وأنجبت العديد من الأطباء في مستشفيات المملكة ورائد الفضاء

عبدالمحسن البسام الذي رافق الأمير سلطان بن سلمان في رحلته الفضائية

وغير ذلك كثير من الأدباء والشعراء ومنهم الأديب مسافر والأديب الدامغ

والأديب الغذامي ،، وكثير من رجال الثقافة والأعلام ومنهم المذيع العيسى

ومحمد الرشيد وإبراهيم التركي وغيرهم كثير ،،

تقديري وأحترامي لك

هلا وغلا بأخوي الكبير..

يالله حيه ..عندنا..

ونِعِم بأهل عنيزة ..كلهم..

تصدق.>>>.(مافِطِن عليّ أنشد الوالد والوالدة)..

أختكم الزعيمة قبيلية..أباً عن جد..بس مو كل اللهجات أفهمها..

فعلاً ..مدينة عنيزة..بالقصيم..
ومدينة صامطة بجيزان..
تخرج منها آلاف العُلماء الأفاضل..

ولاتهون باقي المدن..
غريبة ماأعداك أخوي المررتفع باأنفلزنزا التفحيط..

هههههههههههههههه
شاكرة لك مرورك الكريم..

نبرة الاحزان · 11-06-2009, 18:11

مااسمحلكم ترى خوالي قصماااان حدكم عاد لا تغلطون

لدمعتي قصة الم !! · 11-06-2009, 18:14

اقتباس:

المشاركة الأصلية كتبت بواسطة نبرة الاحزان

مااسمحلكم ترى خوالي قصماااان حدكم عاد لا تغلطون

يابنت الموضوع مزح عاد لا تزعلين ترى الزعيمه تختار مواضيع وسطيه وليست متطرفه لحزب معين
سري الى الامام ايتها الزعيمه

م-سيف · 11-06-2009, 18:17

الحين العربي يالله نقراه ....
خخخخخخخخخخ
بس احلى شي ... الكريريث خخخخخخخخخخخ ..هذي ألي وصلت خخخخخخخخخخخخخ

Abdullah7th · 11-06-2009, 18:23

شايف اليوم التلفزيون السعودي يبث على الانتين ....ما عاد فيه بث فضائي وعالمي يعني ..صحيح انا من الجوردن التي تحد السعودية من الشمال ...بس دخلونا بالجو ....شو هاضا يا حرمة ...
مش فاهم شي ..أعرف القصيم وأعرف جيزان ...بس عالم اللهجات ما اوحيه ...ولا ابخصه

يا زعيمة ...خليكي معاي شوي هنا ..امس تكتبين عن حقوق المطلقات ...وهذا موضوع عالمي ...واليوم تكتبين عن لهجة محلية ...يعني انت عندك اغراق في العالمية واغراق في المحلية ......يعني انت عمر الشريف ههههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ياأهل القصيم هلمّوا!!! الزعيمة تناديكم!!!