عالم الحياة الزوجية - منتدى

laidi · 13-06-2009, 17:35

بسم الله الرحمن الرحيم

انا لاعت كبدي باختصار ...وابي الطلاق لان الحياة بيننا وصلت الى طريق مسدود..

لاكن زوجي معلقني الحين وانا زهقت ابي الفكه منه ومن اهله...وابوي خايف يقوله طلق يقول من وين بجيب لك مية الف ....يقصد مهري ...

المهم انا بسالكم ....اقدر اروح انا لحالي اشتكي عليه بالمحكمه ...لانه الحين لاهو زوجي اللي يصرف علي ولا هو طليقي وانا تعبت نفسيا ...ومستحيل ارجع بعد اخر سالفه سواها هو واهله يوم تهجموا علي في بيتي ...

واذا رحت واشتكيت بيلزمني القاضي ارجع المهر مع العلم انا ماعفته دلع لاكن جنني ...

انسان نجس مستفز كل عله فيه ...
انا عندي ولد عمره سنتين ومتزوجه لين 3 سنوات .... اللي يعرف الجواب يرد واللي يعرف واللي مايعرف ابيه يدعي لي افتك من هالعلل اللي رحت لهم برجولي ...

العمده · 13-06-2009, 17:46

انا ماعندي الا ان اقول الله يكتب اللي فيه الخير لك
ويكفيك الله شر كل من به شر
واسأل الله العظيم رب العرش العظيم ان ينصفك ويهدي سرك
واتمنى لك التوفيق فوق كل ارض وتحت كل سماء
هذا ما استطيع ان افزع لك به
وبالتوفيق

laidi · 13-06-2009, 17:46

ردووووووو تكفوووون ....لاني عندي امتحان وضروري اسكر بشوف ردودكم بالليل ...

حــــــــيرانه · 13-06-2009, 17:53

حبيبتي .. تقدري تخلعيه .. ومن غير ماتدفعي شي بس أهم شي يكون في سبب ماينصبر عليه مو بس انت مو طايقته

وبعدين قولي للشيخ تهجموا اهله علي ببيتي .. وجيبي شهود وان شالله انك راح تاخذي طلاقك بأذن الله ..

واذا رحت لحالك المحكمه مافيها شي بس لو انت بتروحين خذي ابوكي احسن .

وراح ادعيلك حبيبتي ولا يهمك الله يفرج لك منه يارب ويفكك من شره ويكتب لك حياه جديده وحلوه يارب

اهم شي انت ادعي الله وأسأليه الفرج بالليل والنهار ولا راح تخيبي ن شالله .

انا تعلقت زيك حبيبتي ولا فكني منه الا الله وحده كنت ادعي الليل والنهار انه ربي يفكني منه وسبحان الله اسبوع واحد

واتصلو على ابوي وجابو صك الطلاق من نفسهم وهالكلام من اسبوع بس . . ثقي بالله ولاتحتاجي لأحد ان شالله

كيان انسانة · 13-06-2009, 18:22

الله يعينك وييسر امرك

الدنيا فرص · 13-06-2009, 18:31

هلاوين والله وغلا اختي ..

شوفي وانا اخوك . ..
انتي لو طلبتي الطلاق كذا من غير اسباب ... اكيد الشيخ راح يطلب منكم ترجعون له المهر .
نفس الشي ابوك لو راح لزوجك وطلب منه انه يطلقك اكييد بيطلب حقه . واعتقد انه ما علقك هالمده الا لانه يبيها تجي منك عشان يكسب المهر . .
لكن تبين نصيحتي .!!
اطلعي للمحكمه انتي وابوك وبيني للشيخ انك ماتبينه عشان افعاله السابقه معك واذا اقتنع فيها الشيخ.
يخلعك منه بدون ما يرجع له .
اذا كانت اسباب الطلاق مقنعه ..
بس لا تنسين تجيبن شهود على افعاله .

والله يكتب لك الخير وما فيه .

تحياتي

المعانق · 13-06-2009, 18:46

مثل ماقالت حيرانه...

لكن ثبتي شهود على اهله اللي تهجموا عليك.. والأفضل انها يكون الطلاق بكمه رجال من اهلك واهله.. مثلا ابوك يكلم ابوه ويقوله ولدك كذا و كذا.. وخله يطلق يفكنا من المحاكم واذا مانفع ..مالكم الا المحكمه

نسر بني الحارث · 14-06-2009, 00:17

الله يعيييييييييييييينك ويفكك من شرررررررررره اناااااااا مو قاااااااهررررررني انهم يقولووووووون رجعي المهررر ليش ارجع المهرررررررررر اناااا متزوجته علشااااااان ارجع المهررر اجيب من عيال كمااااااااااان ارجع المهرررررررروالله قهرررررررر ان شاء الله يطلقك الشيخ قولي على صاااااااار لك
:frashafwa (20):

حـــــــــلا · 14-06-2009, 01:03

أختي الله يصبرك ويعينك

ويفرج همك و هموم المسلمين

امــــــــــــــين

عليك بقول لا حول ولا قوة الابالله كريرها باليوم أكــــــــثر من 100 مرة قوليها بايمان

ان شاء تتحول حالك وماتدرين الاهو مطلق بلا خلع ومشاكل ....صدقيني انا قلتها باسبوع

وبعدها تطلقت بكل سهولة

hatem37. · 14-06-2009, 01:09

يا حبيبي كل شيء بقضـــــــــــاء ما بأيدينا خلقنا تعســــــــــــــاء
ربما تجمعنا اقدارنـــــــــا ذات يوم بعدمـــــا عـــــز اللقــــــــــــــاء
فاذاأنكرخل خلـــــــــــــه و تلاقينا لقاء الغربــــــــــــــــــاء
و مضى كل الي غايتــــــه لا تقل شئنا.....فان الحظ شـــــــاء

يطري علي · 14-06-2009, 02:59

اختي الكريمه بقولك كلامي وان شاءالله تمشين عليه وهذا راجع لك لكن اسمعيني للاخر

اولاً انتي تبين الطلاق ,, وانتي رافضه الرجعه لزوجك .. والله انا ودي ترجعين وتتعوذين من الشيطان وصدقيني انه ما طلق الا يبيك ,, خلي عنك كلام الناس اللي حولك ,, والله ياختي ما احد يحس فيكم !! وما احد درا عنكم الكل مرتاح ومتهني ويطعي راي ويروح ينام عند زوجته وعياله ويضحك ويلعب وانتي اللي تاكلينها !!
اصبري وفكري زين وشوف القرار الصوواب واستخيري لربك ,, ترى وانا اخوك الطلاق مو لعبه اهم شي يكون هناك سبب مقتع للطلاق ,, فكري في كلام رسولنا الكريم صلى الله عليه وسلم ..

وسالفه ان اهله تهجمو عليكم في البيت ,, هذا شغله عاديه لا تحطين هذا الشي سبب رئيسي للطلاق ,,
واذا انتي عند قرارك وتبين الطلاق ولقيتي العذر اللي ربك يعذرك عليه إن شاءالله ,, وان شاءالله ما توصل الامور لهذا الحد ,,
لكن بقولك شنو تسوين ,, لا تروحين للمحكمة ولا شي ,, خلي عندك عزت نفس وكرامه !! مادام انتي ما تبين الرجال لا تروحين ولا ترجعين له ,, وليه مستعجله على الطلاق !! اصبري وتركدي وان شاءالله اهلك ما يقصرون معاك ولا هم متضايقن منك ,, اصبري على زوجك واذا وصل منه شي قولي له ولا وصلي له الكلام انه مافي رجعه ونبي الطلاق ومثل ما اخذتني من البيت بكرامه ابيك تطلقني بكرامتي والله يوفقك ويستر عليك ,,

ترى المحاكم مالها داعي !! وانا اخوك وبعدين اذا تطلقتي فكري في ولدك !! راح يجي ابوه يشوفه راح تكبر المشاكل اذا جت من ورا المحاكم وكلن يحقد على الثاني اتمنى اتمنى ما توصل المواصيل للمحاكم وخلكم انتم الطيبين واكسبو الطيييييييب ,, حتى الناس تحترمكم وتعزكم ,, وولدك الله يخليه راح يعرف انك انتي ما دقيتي باب المحكمه على ابوه وانت بنت محترمه ,,

واتمنى من كل قلبي انك ترجعين وتردين لزوجك ,, وصدقيني بعد هالغياب والله اكيد مشتاق لكم ,, لا تفكرين في الكلام اللي يقوله ترى الحب بالقلب ,, مهما كان قاسي وجاف معكم ,, ترى يحبكم ويعزكم وفاقدكم ويبيكم ,,
واذا ما صرف عليك !! ما فيها عيب انتي عند اهلك ؟ واذا رديتي له عيونه لج ولولده ,,
فكري فالامر الله يخليك ويستر عليك تكفين يابنت الاجواد لا توصلين الامر للمحاكم خلي هالشي يجي منه اكسبي الطيب في اخر لحظه وخلكم الطيييبن مهما صار ترى انتم بينكم وووووووووولد ( يعني حلقه وصل بين بعض )

يارب ما يوصل الامر للطلاق وتردين لزوجك وابو عيالك وتكبرين بعينه ويستر عليكم ويخليكم لبعض ..

..هــــــــــــدب.. · 14-06-2009, 03:49

اولا اختي انا ما اشجعك على الطلاق
الطلاق دمار لك ولولدك حياه ثانيه راح تفقدي بيتك وحريتك وكل شي حلو كنتي تسويه فبيتك
ولدك اش ذنبه يعيش بعيد عن ابوه ياختي كل البيوت فيها مشاكل وبالذات انتي توك الزوجين مايركدون الا بعد الخمس سنوات الاولى من الزواج
يعني لو اطلقتي بتتزوجي واحد ثاني وبعد اول طفل بتواجهك مشكله بتطلقي كمان؟
انصحك اذا السالفه فيها اهله ادحري الشيطان وفكري بحلول انسي ان فيه بالشرع طلاق الا اذا كان استعملتي كل الحلول وياليت تشوفي حل موجود بالرابط اللي بتوقيعي اخر المحاظره وفكري فيها زين
الحياه بطفل عند اهلك صعبه مره ونظرة اهلك بتتغير بعد طلاقك ياليت تسمعي كلامي
فكري بالحلول الممكنه وشوفي هل فيه امل للاستمرار او لا
اسال الله ان يجعل لك فرج ومخرج ويجمع شملك

قطاف الصبر · 14-06-2009, 08:07

الله يعينك ويكتب لك الخير حيث كان

ساهر2009 · 14-06-2009, 09:18

لاحووووووول الله

ساهر2009 · 14-06-2009, 09:19

اختي اذ زوجك فيه شي يعني اااااااااااااااااااااااااااااااا

تقدري تطلبي الطلاق بالمحكمه بس

ياريت تحاولي تتفاهمي معااااااااااااااه احسن من الطلاق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اللي يعرف شي يقولي ...ودي اتطلق