 |
 |
 |
||
|
|
|
||
 |
|
 |
هذا الموقع مخصص للعلاقات الزوجية المهذبة و الثقافة الجنسية و لا يتضمن أى صور أو أى مواد مثيرة و لكن به من الموضوعات مالا يناسب من هم أقل من 18 سنة.
|
|||||||
| عالم الحياة الزوجيه زاوية خاصة لعرض المشاكل التي تواجهك في حياتك الشخصية و الاسرية و الزوجية و الاجتماعية و محاولة إيجاد الحل لهابإذن الله |
 |
|
|
LinkBack | أدوات الموضوع | انواع عرض الموضوع |
15-06-2009, 00:23
|
#1 (permalink) | ||
|
عضو نادي الألف
 
تاريخ التسجيل: 31-05-2004
الدولة: الكويت فديتها
المشاركات: 6,188
|
فزعتكم...
السلام عليكم ورحمة الله وبركاته
مابي اي مقدمات من الحره اللي فيني بشتكيلكم حالي امي ثم امي ثم امي من بدت المراجعه للامتحانات وهي ناشبتلي قبل سنتين مكسره الاب توب على راسي والحين الامتحانات وكل اقولها اذا خذيتيه ترا والله ماأدرس يعني(اعاند)شوي وامس اعتذر دكتور من محاضرته وقلت لرفيجاتي شرايكم نتغدا بره بس ماأعلم الماما..لاني ادري بتعصب وتاخذ مني السياره الزبده تغدينا وستانسنا في مجمع الافنيوز بعد ماطلعنا اهني الصدمه دعمني (صدمني)حقير بنغالي صاحب تكسي عاد انا هني اول ماجاء في بالي الوالده وقراراتها الصارمه ادري بتسوي شي لي يخليني اموت خذيت رقم الحقير وماقدرت انطر الشرطه وقبه على البيت.. سفطت سيارتي في الباركنغ وستانست مر اليوم وامي ماشافت السياره الصبح الطامه الكبرى الخدامه تنظف سيارتي وتجي حق امي تقولها ماما وااازد مسكله سياره مدام....................اخترعت امي .....قعدتني فصرخ وهواش وحطت الحره في الاب توب اخذته مني قالت علشان اتسنعين اشوي وووووووووووووووالسب الخ وسياره مافي اخوج الكبير هو اللي يوديج وجيبج بس اشوه ان اخوي موفاضي ملتهي مع زوجته امي زعلانه علي لاني قلت لها لو ابوي عايش جان ماسوى سواتج ولملحين ماتكلمني السالفه سارلها اسبوع واخذ الاب توب اذا نامت او في البريك الجامعه علشان التهي معاكم اشوي شوفولي حل بليز
__________________
] الصديق هو الشخص الذي يعرف أغنية قلبك، ويستطيع أن يغنيها لك عندما تنسى كلماتها    __________________ |
||
|
|
|
15-06-2009, 01:36
|
#3 (permalink) | ||
|
عضو نادي الألف
تاريخ التسجيل: 08-11-2008
الدولة: بالرياض .. مابقى لي غير عطره ينتظرني بهالمكان ..
المشاركات: 4,215
|
رد: فزعتكم...
اقول عطيني مفتاح السياره وانا راضيه ان امي تحرمني حتى من الجوال مو بس الاب بس عطيني سياره
هههههههههههههههههههههههههههههههههههههههههههههههه
__________________
 __________________ |
||
|
|
|
|
15-06-2009, 01:36
|
#4 (permalink) | ||
|
عضو نادي الألف
تاريخ التسجيل: 04-04-2009
الدولة: (لاإله الا انت سبحانك اني كنت من الظالمين)اللهم بها اخرجت يونس من بطن الحوت...فأخرجهُ بها من قلبي كي أعيش...**
المشاركات: 5,733
|
رد: فزعتكم...
الله يهديكي احنا امهات احيان لما اولادنا مايسمعو الكلام
ويعاندون ونشوفهم بخطر نستعمل القسوه عليهم الله لايحرمك منها يارب ويخليه ذخر لك الام احن مخلوق وانتي التزمي بكلامها وصاحباتك ماينفعوك كل وحده لها حياتها الخاصه اتمنىلك التوفيق وروحي ذاكري
__________________
  __________________ |
||
|
|
|
|
15-06-2009, 01:37
|
#5 (permalink) | ||
|
مــــبـــــدع
تاريخ التسجيل: 06-06-2009
المشاركات: 364
|
رد: فزعتكم...
انتي بنت عاصيه وكاسره كلمت أمك !!
ثانيا ً هل تعرفين ان خروج المرآه دون محرم حرام ؟ وانتي تسوقين وتطلعين من دون علم احد ومن دون رفقة أحد محارمك ؟ ثانيا ً .. تتكلمين مع أمك بطريقة وقحه .. مع إحترامي كيف تعاندين .. صدقيني .. الغلط كله منك .. والسبب الدلال الزايد .. وبعدين صحيح معها كل الحق تكسر الابتوب ..!! والخادمه والبنغالي اللي شتمتيهم .. مالك حق تشتمينهم وهذه تسمى قلة أدب وحرام تغتابين الناس!!! اتقي الله في نفسك ولا بتندمين العمر كله .. وأسفآآآآآه يا أمة الإسلام .. وين بنات المسلمين .. وين انتو ومن قدوتكم عائشه وصفيه وفاطمه وأسماء رضوان الله عليهن .. ومازلتي للأسف الشديد تعصين امكِ وفي خطاء .. تسرقين الابتوب الله يصلحك ويهديك .. انا بينت لك أخطائك .. حتى تشعري بالخطاء وتعودي للصواب .. والحقيقة تجرح أحياناً
__________________
 أحب الصالحين ولست منهم لعلي أن أنال بهم شفاعة ... وأكره من تجارته المعاصي ولو كنا سواء في البضاعة __________________ |
||
|
|
|
|
15-06-2009, 01:47
|
#7 (permalink) | ||
|
ِعضو محترف ومتميز
تاريخ التسجيل: 26-08-2006
المشاركات: 725
|
رد: فزعتكم...
يالغلا أنا اول كنت مثلك وتجيني شكوك أن أمي ماتحبني وتكرهني وتبي تفشلني بعد ماكبرت وجاني أطفال وربي عرفت كل شي أمي كانت تنصحني او تسوية لمصلحتي أنا الحين تعبانة بتربية عيالي وكل ماتعبت أتذكر أمي الله يحفظها لي ويخليها ويشفيها وأقول وينك يايمه وربي أنتي الحنان كله وأقولها يمه شلون تحملتيني وصبرتي علي وربي بنتي الحين مطفشتني من كثر طلباتها إذا كبرتي وجاك أطفال وربي راح تعرفين كل الي تسوية أمك لمصلحتك وراح تتذكرينها يالغلا روحي حبي راسها ويدها خليها ترضى عليك شوفي طلعتي من دون رضاها صدمك بنغالي هذا تنبيه من رب العلمين بعدين راح يصير شي أكبر لاسمح الله لو زعلتيها مره الثانيه بالعكس أسمعي كلامها ونصيحتها النت والاب توب مو أهم من أمك وطاعتها يالغلا لاتندمين بري بوالديك الحين قبل مايفوت الفوت الله يخليلك الوالدة يارب
__________________
 __________________ |
||
|
|
|
|
15-06-2009, 01:50
|
#8 (permalink) | ||
|
المــ المتميزة ـراقبة
تاريخ التسجيل: 30-03-2007
الدولة: لازمـ اقـgggلــ ../!
المشاركات: 20,866
|
رد: فزعتكم...
ياقليبي سوي اللي تبي كلها فتره وبتنتهي الاختبارات
وينتهي هالتوتر اللي فيها بموضوع انك تطلعين من دون اذنها غلط مهما كان وهذي الطلعه رجعت عليك بسالفه اكبر انتي ريحي بالها هالفتره وعقب ارتاحي وهي تكون بعد مرتاحه وربي يريحك بالك بالخير
__________________
. .  __________________ |
||
|
|
|
|
15-06-2009, 01:52
|
#9 (permalink) | ||
|
عضو فعال
تاريخ التسجيل: 02-12-2008
المشاركات: 30
|
رد: فزعتكم...
الله ما يضرب بعصا
سبحان الله انتي طلعتي من غير علم امج..وتحريتي انج ما بتنكشفين لكن..سبحان الله الله وين.............؟ اولا: صار حادث........ ثانيا: الخدامة فتنت عليج........ وحراااااااام عليج انتي عصيتي امج...وقطعتي قلبها قطع قطع يوم قلتي لو كان ابوي موجود...........الخ ما فكرتي ولو للحظة انها تخاف عليج وتبي مصلحتج؟ الله يهديج....... __________________ |
||
|
|
|
|
15-06-2009, 01:59
|
#10 (permalink) | |||
|
وسام العضو المتميز
تاريخ التسجيل: 27-11-2004
المشاركات: 13,602
|
رد: فزعتكم...
اقتباس:
عشان اقول لأهلك
__________________
اهلا بكم في مجلس صدق الوفى للمبدعين والمبدعات  كصقر فوق الأعالي أنت مشرفَ "صدقُ الصقور عهدها عهدُ الوفى
__________________ |
|||
|
|
|
|
15-06-2009, 02:12
|
#11 (permalink) | ||
|
وسام العضو المتميز
تاريخ التسجيل: 27-11-2004
المشاركات: 13,602
|
رد: فزعتكم...
اختي بنت الكويت معقول تسوين في امج جذي؟؟؟؟ جرحتيها بكلمة قويه ومعقول ما ندمتي بعدها تتحدين ما اخلي امج ترضى عليج بس والله انج بتندمي طول عمرج على الكلام اللي قلتي وخاصه لو ابوي حي جان ما سوى سواتج الله اكبر عشان شنو عشان لاب توب او تتسلي مع صديقاتج وصديقاتج ضحك مع اهلهم ولعب وانتي كاسره قلبها ليت تذرف دموعج الحين وليت تكتبي كلام حلو في رساله وفيها ورده وتعتذري لها من علمج او من عطاج هذا الشعور القاسي  نصيحه مني لج لا الناس ولا المجتمع ولا شهادتج ولا احد بالكون ينفعج غير اللي كنتي ببطنها تسعه شهور ما عندج البوم صور تفتحيها اشوي وانا اعرف شنو سبب كل هذا اكيد تسمعي اغاني؟؟ لان الاغاني تقسي القلب وتعلم على اللا مبالاه الله يهديج ونصيحه الله الله بامج وما تبي إلا مصلحتج وإلا ليه ما تحرمج من الاكل والشرب والمصروف؟؟ ياما وحنا صغار كنا نظن اهلهنا اعداء لكن بعد ما كبرنا عرفنا انهم محبين والاعداء هم اللي يضحكون لج 24 ساعه وعسى الله يلين قلبج وياليت تفكري فيها وتخيلي انها تبكي على ابوج جرح قوي كن تقول حارمه عمري عشانج وما تزوجت والله تحصل وايد وسمعت كثير من امهات يضحون والعيال لا حول ولا قوة إلا بالله حتى لو اعتذرتي وسامحتج صدقيني الجرح مو سهل بتفكر فيه تكفين حاولي تعوضيها وغصب تنسى الجرح والاجازه طويله وعمر الانسان ما يدري كم بعيش بطول او بقصر يالله اكو ناس تتمنى حنان ام وناس شبعانه الله يعين
__________________
اهلا بكم في مجلس صدق الوفى للمبدعين والمبدعات كصقر فوق الأعالي أنت مشرفَ "صدقُ الصقور عهدها عهدُ الوفى
__________________ |
||
|
|
|
|
15-06-2009, 02:32
|
#12 (permalink) | ||
|
مــــبـــــدع
تاريخ التسجيل: 13-03-2009
المشاركات: 413
|
رد: فزعتكم...
اعتقد انك مراهقة من طريقة كلامك و تمردك على اهلك
إن لم يكن كذلك فافعالك تقول هذا اختي امك كيف ما كان الوضع فهي يحبك و تخاف عليك و لو تلفي الكرة الارضية ما حتلاقي حد يخاف عليك مثلها في حدا يخاصم امو اسبوع؟ عيب يا بنت !!!! روحي بوسي ايديها و اعتذري لها الله يهديك
__________________
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاماً
  __________________ |
||
|
|
|
|
15-06-2009, 02:43
|
#14 (permalink) | ||
|
مــــبـــــدع
تاريخ التسجيل: 06-06-2009
المشاركات: 364
|
رد: فزعتكم...
الجنه تحت اقدام الأمهات ...
تشوفين قاع رجلها اللي تدوس عليه الارض روحي وبوسي عليه .. < شعور جميل جداً صدقيني
__________________
أحب الصالحين ولست منهم لعلي أن أنال بهم شفاعة ... وأكره من تجارته المعاصي ولو كنا سواء في البضاعة __________________ |
||
|
|
|
|
15-06-2009, 03:16
|
#15 (permalink) | ||
|
عضو فعال
تاريخ التسجيل: 14-06-2009
المشاركات: 42
|
رد: فزعتكم...
السلام عليكم ورحمه الله وبركآته .
أختي الكريمه: هنا وآضح خوف أمك عليك .. وانت لما تقولين لها لو أبوي عايش كان ماسويتي فيني كذا ..!! انتي فكري بهالجمله ؟؟ ماتشوفينها صعبه على أمك .. ماتشوفينها انها كبيره بمعناها ..والله انا متأكد انها خلت امك تصيح .. آختي حاولي تجلسين مع امك وفهميها انو انتي كبرتي .. ومحتاجه لشوية حرية في تصرفاتي .. قولي لها عايبج الوضع إلي بينا .. ترى مهما صار انا بنتج وانتي امي .. اتمنى فهمتي قصدي اختي .. الله يجمع بين قلوبكم اللهم آمين __________________ |
||
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
الساعة الآن 17:08.
موقع حلوة - ابراج مكتوب - للرجال فقط - الثقافة الجنسية - الحياة الزوجية - اختبار القدرة الجنسية - للمقبلين على الزواج - الحمل و الولادة - اخبار الفنانين - كلمات الاغاني تجارة الكترونية - منتديات الامارات - اناشيد طيور الجنة - العاب - العاب بنات - صور اطفال - صوت الاسلام - الفراشة - عالم حواء - منتديات - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - بنت الحلال – زواج - اصحاب–تعارف - مدونات مكتوب – مدونات عربية - توبيكات - العاب بنات- العاب تلبيس-العاب ماكياج |
||||
العرض العادي
