عالم الحياة الزوجية - منتدى

نواااره2009 · 16-06-2009, 17:05

مرحبا...أنا ضايقة فيني الدنيا وأحس إني دخلت نفسي في ورطة ...ومالي من بعد الله إلا أنتم...
ماأقدر أقول لأهلي ...لودرى أبوي بيدفني في حديقة بيتنا...
أنا من بعد القضية اللي رفعها طليقي ظلم وقهر.. وأحس إني طول الوقت مقهووووورة على الآخر
...قمت وأنا بكامل قواي العقلية وكتبت له رسالة عن طريق الإيميل عنوانها صحيييييفة دعوى مقامه ضد ضميرك<<نفس الورقة اللي وصلتني من المحكمة..كان مكتوب فيها:
أرفع دعواي هذه ضد(زوجتي)وهي كمايلي:
(وكاتب هنا كلاااام كله كذب إن أهل زوجتي إطردوني و..و...و..)(أنا في رساتي كتبتها على لسانه بس كتبت الصدق مع بعض الإستهزاء في فعايله يعني لوقراها أي أحد في مكانه بيذبح نفسه من القهر..
كتبت كل شئ من كلامه الوسخ وضربه وتصديقة لأمه وحرماني من أبسط حقوقي
آخر شي كتبت:ونسيت أقولك ياحضرة القاضي فصلت رقمها هههههه والله إني تحفة حتى زوجتي تقول أرخص مافي الدنيا الأرقام ولودريت عطيته الجوال كله....لاوبعد أخذت منها اللاب توب خخخخخخ...وعلى فكرة مرة من المرات في أول شهر من زواجنا كعادتي أي موضوع تفتحه معي أسفها ثلاث أيام وذاك اليوم كنت سافها وكان الراتب نازل وأرجع للبيت وشاري لي وجبة من ماك وأكلت قدامها وأناأدري إن البيت فاضي ماتعشت هههههه خلها تستاهل
وأطلب مايلي:
(هنا كان كاتب أن ترجع لي زوجتي لأعيش حياة أسرية طيبة وأستر على نفسي(الله لايسترعليه)<<ولاأحد يجي يقول ليه تدعين عليه)
أنا بالرسالة كتبت
(أن يعرف الإنسان حقيقة نفسه وقدرها
إن كنت تدري فهي مصيبة
وإن كنت لاتدري فالمصيبة أعظم
(تبقى الأسود أسود والكلاب كلابا)
<<<أنا كتبت تبقى الأسود أسود والكلاب كلابا لأنه في بداية زواجنا يقول عيال عمي يوم شافوا أبوك يقولون له هيبة مثل الأسد..وصار دايم إذا شاف أبوي يتصل علي يقول الأسد يتصل عليك
يعني إذا أبوي أسد فمعروفه إني أقصده هو بالمعنى الثاني
....المهم أنا أرسلتها من فترة ..
واليوم رد الرسالة...( ردي لك وعلى كلامك ماتقرينه لا لا,, بتشوفينه بعيونك لأنك بترجعين بترجعين بترجعين بالطيب بالقوة بترجعين ووقتها بعلمك وإذكري كلامي زين,,,,,,)
وأرسل وحدة ثانيه...(أنا ماعاد أبي الفلوس أبيك أنتي والله لآخذك من المحكمة مثل العنز ياعنز وآخذك بصك من المحكمة أذلك فيه طول عمرك)
آآآآآآآه أحس إني بموت أكيد بياخذني لو وضح للقاضي إنه مايبي لوبندفع له المهر..
وأهلي يحسبونه على كلامه الأول يبي المهر... يقولون إذا رحتي للمحكمة إرجعي معه بشروط لأنه بيتورط لاهو ولاأمه تبيني...
لكن الحين بياخذني أنا من قريت رسالته أتخيل إنهم يحرقوني أو يشوهوني أو يسكرون علي غرفة ويعذبوني وإذا جاء أحد من أهلي مايدخلونهم...والله لو يشوهني إني ماطول لاحق ولا باطل تعرفون محاكمنا؟؟...وإلا تعويض وش ينفع التعويض..؟؟.......وإذا عاندت بجلس معلقة سنين؟؟...

ماأقدر أقول لأهلي اللي صار...أبوي وأخواني طيبين بس مايحبون الحركات مثل الرسايل
أنا خاااااااايفة أو يمكن يقتلني في صحراء والله ماأحد يدري عني؟...........

...أويعذبني يسويها هو وأمه ناس مرضى ...
أو أول ماياخذني يربطني ويضربني عاد من بينقذني...حتى الشرطة عندنا وجودها مثل عدمها...

Abdullah7th · 16-06-2009, 17:25

حاولت افهم المقال بكل حذافيره ..ولكن بعض الأشياء عصيت علي
المهم
مرة ثانية اتخذي صديقة أخت عاقلة ,.....استشيرها في شأنك كله كي لا تقعي في خطأ ..كنت حابب ارد على المقال حقك بشكل مباشر ..ولكن سامحيني ما فهمت بعض الاشياء ..( يمكن اللهجة وبعض الكلمات )
فسجلت لك نصيحة الاستشارة ...وربنا يستر على أخطائنا ويلهمنا الصواب ...آمين

حــــــــيرانه · 16-06-2009, 18:24

حبيبتي ..
فين قاعدين احنا ياخذك غصب ، على كيفه هو
ابوكي واخوانك خليهم عارفين كل شي .. لاتطلعي عن شوورهم ابد
واستغفري عشان الله يفرجها عليك ،وادعي الله انه يفكك منه
الله يهديك على الخير ان شالله

بـريق الألماس · 16-06-2009, 18:45

حبيبتي لا تزعلي صح انتي غلطانه بس المفروض ماترسلي رساله له

الحين لازم تقولي لاخوانك عشين لايتهمك بكلام زور ومن جد بعدين تندمي

واولا اشتكي لربك في ثلث الليل واستغفري وتصدقي بنية الفرج

وان شاء الله ربك يفرجها لك

لـــمـــى · 16-06-2009, 18:54

لا حول ولا قوة الا بلله ..
لازم تستفزينه يعني ؟؟
مافكرتي ان القاضي يمكن يحكم برجعتك له ؟؟
ماتنلامين من قهرك .. بس كان المفروض تحكمين عقلك قبل تتصرفين ..
شوفي أقرب واحد لك في أخوانك و احكي له و وريه الإيميلات .. و تحملي مايجيك من اخوانك و ابوك احسن من انك تندمين بعدين ..
لآآآزم يكون عندهم علم باللي سويتيه و يشوفون مدى سوء نيته بالرسايل ..
الله يعينك و يكفيك شره و شر أمه ..

قحطاااني ماااركه · 16-06-2009, 20:02

لا حول ولا قوة إلا بالله العلي العظيم
انا ادري ما سويتي هالشيء إلا من القهر والظلم اللي شافته عينك
على كل حال صار اللي صار انتي أرفضي الرجعة لزوجك بتاتا وانتم
دافعين له المهر دافعين سواء طلقك ولا خلعتيه ؟!!
هالرسالة لا تقدم ولا تأخر بالاخير القاضي ما يقدر يجبرك على الرجوع
صحيح يمكن الموضوع يطول شوي بالمحاكم بحكم إهمال القضاة وعدم مبالاتهم
بالقضايا ..

استغفري ربك وتصدقي ووعليك بسهام الليل
وخلي ربك هو اللي ياخذ بحقك منه

وإذا ودك تعلمين اهلك شيء راجع لك بس أظن هالشي
لا يقدو ولا يأخر

لدمعتي قصة الم !! · 16-06-2009, 20:09

السلام عليكم ورحمة الله وبركاته
والله ياحبيبتي اللى يده بالمويه مو مثل الي يده بالنار
واكيد انتى مقهوره ولا احد يقدر يلومك
لكن تسرررررررررررررعتي فارسلك الرساله له
يعني انتى ماسمعتي بقهر الرجال
بالذات لانك وصفتيه بالكلاب
يعني اللحين راح يسوي المستحييييييييييييييل ويرجعك بس علشان ياخد حقه من كلامك
لكن انا انصحك تكلمى احد من اخوانك ويكون قرررررررريب منك وفهميه وقوليله انا ارسلتها وقت غضب وزعل
لان الخوف ان الرساله الي ارسلتيها يكون اخدها حجه عليك
ولا تستبعدي ها الشي
فقول لاحد خوانك علشان يكونون بالصوره
والله يسهل امرك ويفرج كربك
تقبلي مروري
ام تالا

THE SKY COLORS · 16-06-2009, 20:12

ههههههههههههههههههههههههههههههههههه معليش اسمحي لي والله ضحكت
شوفي اختي مافيه شيء على الله بعيد
ادعي ربك بلليل والنهار انه يوفقك ويكتب لك اللي فيه الخير

نواااره2009 · 16-06-2009, 20:13

اقتباس:

المشاركة الأصلية كتبت بواسطة Abdullah7th

حاولت افهم المقال بكل حذافيره ..ولكن بعض الأشياء عصيت علي
المهم
مرة ثانية اتخذي صديقة أخت عاقلة ,.....استشيرها في شأنك كله كي لا تقعي في خطأ ..كنت حابب ارد على المقال حقك بشكل مباشر ..ولكن سامحيني ما فهمت بعض الاشياء ..( يمكن اللهجة وبعض الكلمات )
فسجلت لك نصيحة الاستشارة ...وربنا يستر على أخطائنا ويلهمنا الصواب ...آمين

الله يجزاك خير أخي يكفي مرورك ..

نواااره2009 · 16-06-2009, 20:16

اقتباس:

المشاركة الأصلية كتبت بواسطة حــــــــيرانه

حبيبتي ..
فين قاعدين احنا ياخذك غصب ، على كيفه هو
ابوكي واخوانك خليهم عارفين كل شي .. لاتطلعي عن شوورهم ابد
واستغفري عشان الله يفرجها عليك ،وادعي الله انه يفكك منه
الله يهديك على الخير ان شالله

ياقلبي ياحيرانة مستحيل أقول لأبوي عن الرسالة
وإذا جاء أهلي بالطيب أخاف يشورون علي بالرجعة

نواااره2009 · 16-06-2009, 20:18

اقتباس:

المشاركة الأصلية كتبت بواسطة بـريق الألماس

حبيبتي لا تزعلي صح انتي غلطانه بس المفروض ماترسلي رساله له

الحين لازم تقولي لاخوانك عشين لايتهمك بكلام زور ومن جد بعدين تندمي

واولا اشتكي لربك في ثلث الليل واستغفري وتصدقي بنية الفرج

وان شاء الله ربك يفرجها لك

والله أدري إني غلطانة بس من القهر اللي فيني وماتوقعت أبدا
إنه يفكر يرجعني عشان ينتقم..مستحيييييييل أقول لأخواني

نسر بني الحارث · 16-06-2009, 20:20

قاااااااالك يااااااااا يخذك قاااااااااااااااال اتحداه يااااااااخذك فلوسه ارميهاااااااااااااا بوجهه على الجزمه القديمه بعد يستاااااااااهل اذا كاتب لك كلاااااااااام مو فيك يستاااااااااهل الكلام انااااااااااا عاااااااااارفه انك كتبتيه من قهررررررررر .... هوو بسويهااااااااا عنااااااد يبغى يجبك يذلك لكن يخسي انتي المهم لا تعطينه اهميه مافي قاضي يجبرررك على الرجعه ما عليك منه اعتبريه ولاشيء الكلام الي وصله يكفيه

نواااره2009 · 16-06-2009, 20:21

اقتباس:

المشاركة الأصلية كتبت بواسطة لـــمـــى

لا حول ولا قوة الا بلله ..

لازم تستفزينه يعني ؟؟
مافكرتي ان القاضي يمكن يحكم برجعتك له ؟؟
ماتنلامين من قهرك .. بس كان المفروض تحكمين عقلك قبل تتصرفين ..
شوفي أقرب واحد لك في أخوانك و احكي له و وريه الإيميلات .. و تحملي مايجيك من اخوانك و ابوك احسن من انك تندمين بعدين ..
لآآآزم يكون عندهم علم باللي سويتيه و يشوفون مدى سوء نيته بالرسايل ..

الله يعينك و يكفيك شره و شر أمه ..

آآآآه

والله إنك صادقة إذا تمسك فيني قدام القاضي بيرجعني له ..والمصيبة إني مسحت كل الإيميلات اللي منه ومني..

نواااره2009 · 16-06-2009, 20:26

اقتباس:

المشاركة الأصلية كتبت بواسطة قحطاااني ماااركه

لا حول ولا قوة إلا بالله العلي العظيم

انا ادري ما سويتي هالشيء إلا من القهر والظلم اللي شافته عينك
على كل حال صار اللي صار انتي أرفضي الرجعة لزوجك بتاتا وانتم
دافعين له المهر دافعين سواء طلقك ولا خلعتيه ؟!!
هالرسالة لا تقدم ولا تأخر بالاخير القاضي ما يقدر يجبرك على الرجوع
صحيح يمكن الموضوع يطول شوي بالمحاكم بحكم إهمال القضاة وعدم مبالاتهم
بالقضايا ..

استغفري ربك وتصدقي ووعليك بسهام الليل
وخلي ربك هو اللي ياخذ بحقك منه

وإذا ودك تعلمين اهلك شيء راجع لك بس أظن هالشي

لا يقدو ولا يأخر

أنا بدفع له بس شكل الرجال يبي ياخذني يذلني والله إني لاأقدر أنام ولا شئ....بس يسويها القاضي لاشافه متمسك فيني يرجعني بس أنا أفكر حتى لوأخذني برمي نفسي من السيارة قبل أوصل بيتهم والله ياقحطاني يسوونها يعذبوني..

نواااره2009 · 16-06-2009, 20:31

اقتباس:

المشاركة الأصلية كتبت بواسطة لا انحني الا لخالقي

السلام عليكم ورحمة الله وبركاته

والله ياحبيبتي اللى يده بالمويه مو مثل الي يده بالنار
واكيد انتى مقهوره ولا احد يقدر يلومك
لكن تسرررررررررررررعتي فارسلك الرساله له
يعني انتى ماسمعتي بقهر الرجال
بالذات لانك وصفتيه بالكلاب
يعني اللحين راح يسوي المستحييييييييييييييل ويرجعك بس علشان ياخد حقه من كلامك
لكن انا انصحك تكلمى احد من اخوانك ويكون قرررررررريب منك وفهميه وقوليله انا ارسلتها وقت غضب وزعل
لان الخوف ان الرساله الي ارسلتيها يكون اخدها حجه عليك
ولا تستبعدي ها الشي
فقول لاحد خوانك علشان يكونون بالصوره
والله يسهل امرك ويفرج كربك
تقبلي مروري

ام تالا

هلا ياأم تالا...أنا أدري إنه بينقهر وأعرف قهر الرجال عشان كذا أرسلتها أبيه ينقهر يكفي قهرني وقهر أبوي ..يكفي أمه قهرتني يوم رحت أجيب أغراضي.....بس صعبه أقول لأهلي ...وماأتوقع إنه ياخذها حجة لأن فيها كل بلاوية لوقراها الشيخ بيطلقني منه بدون مايرجع لي....ولوفرضنا إن الرسايل حجة مالي دخل فيها ..عادي يقدر يسوي له إيميل ويرسل لين يقول آمين..القاضي مستحيل ياخذ برسايل الإيميلات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أدري غلطانة.. لا أحد يعاتبني لأن اللي فيني مكفيني