عالم الحياة الزوجية - منتدى

بنت ابوها الحلوة · 16-06-2009, 17:05

مرحبا يا بنات

اكتب لكم والدموع تسيل من عيني و قد اغرقت خدي

المهم يا بنات تذكروني صحيح كنت احس باعراض ودوار راس وغيره وكان ينزل منتى سائل ابيض قبل الدورة بكم يوم وكان عندي احتمال اني حامل وحتى كنت مبسوطة وفرحانة ويوم المفروض تنزل علي الدورة شفتها ما نزلت قعدت الصبح شوق اقراء قصص مثل عادتي ولما جت شوي الظهر قلت خلني ابي بلغدى مجرد بديت جاني الم في بطني ودوار فظيع اول مرة يصير بحياتي من شميت رحيت الزفر وما عرفت كيف وصلت على السرير ومديت ايدي للتفلون وتجلت على زوجي وخبرته وداني المستشفى الدكتورة ما رضت تعطيني اي شي فكرت حامل تبي فحص بول ما رضى ينزل مني بول شسوي حاولت قرد الامكان ركبت على مصل وتم ساعتين واني في هذي الساعتين احاول ادخل الحمام ما ينزل شي ما في شي المهم رحت البيت وجبت على طريقى اختبار حمل والعصر سويته طلع لي خط احمر واحد ما طلع الخط الثاني انتظرت ولا طلع انصدمت ليش وصرت ابكي شوي نزلت علي الدورة الملعونة بس ليش حسيت بالام فظيعة وهل ممكن المصل اثر نزل الدورة لو شنو كنت اول مرة احس بهذي الام وارجع بهذي الطرقة اول مرة احس بدوار راس مع كل المي كنت اقول يمكن حامل ومبسوطة بس الحين اني قمة التعاسة والحزن

ادعولي يابنات اني احمل هذا الشهر

تعرفو الناس ما تخلصو من كلامهم ونظراتهم
اني صغيرة بلعمر توني 19 سنة يعني للحين وقت وللحين ما كملت سنة من زواجي بس ليش ماحملت سبحان الله بس والله ياربي خاطري بيبي اضمه لصدري بحنان
الناس على طول من تشوفني تقول ها ما في شي
حملتي لو لا
وناس تقول شو ناطرة
وغيرها من اسئلة والله تقهر
كل يوم لازم يوجه هذا السؤال

اهل زوجي يقلون يلا نبي نشوف اولاد ولادنا وذيك يلا اني ابي اصير عمة وابي اشوف اولاد اخوي
والله تعبت تعبت

ادعولي يا بنات ان تكون الدورة اخر شهر وبعدها خلاص احمل هذا الشهر
رح اسوي جهدي بس ابي دعاكم

اني ما قصرت من اتجاه ربي بشي والحمد لله من العبادات صلاة وصوم ودعاء والى اخره بس الله كريم ويعطيني متى يشاء

يارب بحق كل من احببت وكل من اعزيز لك ان لاتحرمني الذرية الصالحة يالله ولا تحرم كل من اراد الذرية

يا بنات ادعولي بكل صلواتكم

دلوني على اي شي اسويه على شان احمل

لوليتا زوجها · 16-06-2009, 17:18

حبيبتي انت توك صغيرة وما كملتي سنة زواج ليش تفكرين بهالطريقة

وتبكين ومتضايقة من كلام الناس؟؟؟

أنا صارلي قرب العامين متزوجة وما حملت للحين والناس ما رحمتني بس ردي عليهم

هو انت تريد وأنا أريد والله يفعل ما يريد أهم شي نفسيتك تكون تمام وما تفكري بالموضوع

أدري شنو اللي حاسة بيه لأني والله مثلك وممكن أسوأ بس انت حاولي وي ما أنا أحاول

انسي الموضوع وتمتعي بزواجك وخليك مبسوطة وانسييييييييييي الموضوع

وما تدرين بنفسك الا حامل وربي يعطيك ويعطيني وكل محرومة دزينة عيال

بنت ابوها الحلوة · 16-06-2009, 17:34

شكرا اختي

بس تعرفي نفسية الواحد

ولما اشوف زوجي يلعب الاولاد هو ما يجرحني بلكلام بس اعرف انه خاطره وساكت واشوفه على طول يقول شنو حابة تسمين ويسولف كاني حامل

بنت ابوها الحلوة · 16-06-2009, 17:37

والله عارفه بس تعبت خاطري في نونو

مع ان كنت ابي ااخر الحمل شوي لما اكمل جامعة بس الحين صار خاطري من كلام الناس ولما اشوف زوجي يطالع الاطفال وينبسط لما يشوف مولود ولما يحمله
الله يرزقني يارب ويرقكم جميعا

ريم المرح · 16-06-2009, 17:38

"قلت استغفرو ربكم انه كان غفارا : يرسل السماء عليكم مدرارا : ويمددكم بأموال وبنين ويجعل لكم جنات ويجعل لكم انها"
استغفري واستغفري واستغفري
لاتحطين عدد معين للاستغفار
لاتقولين انا اليوم راح استغفر الف مره او الفين او ثلاث
طول ما انتي صاحيه استغفري
قيااااااااام الليل وسورة البقره لاتقولين قريت البقره وقمت الليل4 او 5 شهور ومافي فايده
انا لي 9 شهور ماحملت وظليت في علاجات لمدة 7 شهور وقمة التحطيم والقهر
بس والله والله والله اني الحين مطمئنننننننننه ومرتااااااااااحه بسبب تقربي لله مايهمني كلام الناس ولا سؤالهم
وكأن تاخر حملي امر طبيعي وعادي
سبحان الله من بعد ماكنت على طوووووول اصيح من اسمع سيرت الحمل
عندي يقييييييييييييين ان الله بيرزقني اليوم او بكره او حتى بعد عشر سنين الله ماراح يتركني
واذا جاتني الدوره يزيد تمسكي بالله وازيد من الدعوات والاستغفار
وانتي للحين صغيره ومافي خوف من تاخر حملك وتوك عروس
والله حرام تقضين احلى ايام عمرك بالمحتاة خل تروح سنه سنتين ثلاث
اساليني
والله اني متحسفه اني بديت علاجات في وقت مبكر وجبت الهم لعندي
حبيبتي
ادعي وتيقني ولاتيأسي لو جاتك الدوره الشهر الجاي او اللي بعده او اللي بعد بعده
وهذي احسن طريقه للحمل والله والله والله لو اتبعتي هالطريه والله انك بتحملين

آآآآآآآسفه اني طولت عليك
بس دائما اذكرك واحاتيك حتى لو ماكنت داخله النت انتي بالذات مانسيتك
وان شاءالله الله يقدرني اني مانساك في دعواتي وصلواتي

بنت ابوها الحلوة · 16-06-2009, 17:46

مشكورة اختي ريم المرح

وكلامك كله صح وعلى عيني وراسي
بنسبة للاستغفار على طول على الساني والحمد لله
وقيام الليل مارح اقول كل يوم بس كل ماحسيت نفسي مرتاحة صليت الليل واحيان انام من وقت وما اوتعي الى على اذان الفجر
اما سورة البقرة ما اداوم على قرائتها بس ان شاء الله من اليوم ورايح وباحرى من اكمل من الدورى سورة بقرة ما رح اتركها وقيام الليل على طول والاستغفار رح استمر عليه

وشكرا والف شكر لكي اختي على انك على طول تذكرني والله يعطينا كل الي في بالنا وان شاء الله هذا الشهر نكون ثتينا حمل يا رب

ريم المرح · 16-06-2009, 17:58

الله يسمع منك حبيبتي ويرزقنا جميع

يلا يابنت انبسطي وفرفشي ولايهمك شي

وانتي اليوم او بكره بتحملييييين وبتقولين ريم قالت

بنت ابوها الحلوة · 16-06-2009, 18:08

ان شاء الله يا رب
شكرا لكي اختي بصراحة خففتي عني بدرجة كبيرة
احس نفسي مرتاحة وان هشي مو نهاية المطاف
بس ان شاء الله يارب نحمل
بس اذا سؤالي مافيه اي احراج وعلى راحتك بلجواب

انتي من وين

اسفة للتدخل

ميويه الاموره · 16-06-2009, 22:37

والله ذكرتيني بنفسي وانا سنه ثانيه زواج اول سنه زواج كنت لسه عروس رايقه وثاني سنه ما فكرت بالعيال بس اذاشفت اطفال احن مره لهم واللي اثار جنوني ان زوجي يموت بالاطفال يتركني ويروح يلاعبهم عيال اخوانه فثارت عاطفتي لدرجه اني بكيت ماقدرت امسك نفسي قدام زوجي المهم بعدها بفتره فكرت مع نفسي ووكلتها لرب العالمين قلت لنفسي اللي عنده عيال مو مرتاح كل شي بوقته حلو اللي يفكر بشي مايجيه واللي ينسا الشي يجيه ونسيت الموضوع بعد فتره قلت خلني اروح اسوي فحص يمكن هالمره تضبط بس ماكنت متامله فجاه الممرضه تقولي مبروك انتي حامل قلت يالله سبحان الله يوم نسيت السالفه تحققت ومن يومها معاد افرح كثير ولا ازعل كثير الرضا بقضاء الله والتوكل علا الله هو كفيل بتدبير امور العبد توكلي علا الله وابد مايجي وقت الا وانتي تبشرينا انك حامل في طرفه عين يفعل الله مايشاء

تراتيل الصباح · 16-06-2009, 23:03

بنت أبوها الله يرزقني وياك الذريه الصالحه قريباً لكن أختي مايجوز نقول الدوره الملعونه هذا أمر الله وفطرته وهو سبحانه أرحم بنا من أنفسنا وأعلم بما ينفعنا في الدنيا والأخره أدري إنك متضايقه وطلعت منك هالكلمات بدون قصد لكن اللهم لاإعتراض وإذا على كلام الناس الله يعين الأهل وهم أهلك ما رحموك كيف أهل زوجك أنا عندك صرت أعذر أهل زوجي لما أشوف تعامل أهلي وربي كريم رحيم عند حسن الظن ويارب ما يجي الشهر الجاي الإوأنت تبشرينا بحملك...

تراتيل الصباح · 16-06-2009, 23:03

صبراً أخياتي

بنت ابوها الحلوة · 16-06-2009, 23:57

مشكورين خواتي

اختي تراتيل الصباح اني مو مضايقة لا من اهلي ولا من اهل زوجي محد ضايقني هم عادتا يجبون الكلام مزح ونسولف
بس الناس الي كلامهم ونظراتهم تقهر
بس خواتي عندي سؤال مهم
يصير الوحدة تكون حامل وتزل دورتها ممكن ما تكون دورة يكون نزيف
خبروني ان ممكن يكون صاير نزيف او سقط

لان ينزل مني دم اكثر من اي دورة والام عمرها ما جتني بدورة وعادتا اتعب ازيد شي بس تنزل الدورة هل المرة تعبت ودار راسي قبل نزول الدورة بفترة

يعني ممكن اكون حامل وسقط

او ممكن يكون نزيف
ويمكن الاختبار المنزلي خطئ ما بين

بصراحة اني من الزود التعب خليته شفت خط واحد وزتيته في الزبالة بعدين انتبهت لازم انتظر ثلاث دقايق وما ادري بعدين

راجائا ردو علي

والله المستشفى الي عندنا ما فيها فايدة تحليل دم ما يون يتاخرون اسبوع والبول انتي تشتري الجهاز معليج اني بشتريه بس خبروني وطمنوني رجائا

ريم المرح · 16-06-2009, 23:59

حبيبتي انا من الحسا
انتي من وين؟؟

بنت ابوها الحلوة · 17-06-2009, 00:26

ريم اني من البحرين

المهم بنات لاتنسو تجابوني

احد عنده خبرة اني بكرة الصبح عند الدكتورة ورح اشوف بس الله يخليكم اني رح انطر اشوف خبر منكم الله لا يحرمكم من شي

بس خبرون يعني مقوله تصير هذي الحالات نزل على اول يوم شي بسيط من الدم وثاني اليوم دم غزير غزير اول مرة اشوفه بدورتي من الصبح وجت وابعدين خف شوي والحين كانه اخر يوم دورة كل هذا بس يومين واني دورتي عادتها 5 ايام

بنت ابوها الحلوة · 17-06-2009, 01:29

؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اليأس والحزن غمغم علي