عالم الحياة الزوجية - منتدى

مطيريه حدي ومحد قدي · 17-06-2009, 03:53

صباح الخير
بنات انا عندي مشكله
زمشكلتي هي بأمي
بنات دايما احس ان امي تفرق بمعاملتها بيني وبين خواتي
وهالشي هذا وايد يضايقني ويبجيني
تصدقون بعض مرات احس اني اكره اقعد معاها ودايما اسال نفسي ليش تفرق ماادري
الله يخليكم انصحوني شسوي والله نفسيتي تعبانه من هالسالفه
ساعدوني

مطيريه حدي ومحد قدي · 17-06-2009, 04:14

وينكم يابنات وانتو فلتو انكم صديقاتي
ليش ماتردون على اول مشكله عندي

مطيريه حدي ومحد قدي · 17-06-2009, 04:41

امبيه
ولاوحده اجبرت بخاطري وردت
عالعموم مشكورات والله يعيني
الظاهر هالمشكله مالها حل

طيبه وعلى نياتي · 17-06-2009, 04:55

هلا حبيبتي
شوفي يالغاليه الام عمرها ماتفرق بس انتي الظاهر صغيره وبسن المراهقه
فامج تلاقينها تبعدج عن امور ماتصلحلج وانتي تحسين انها تفرق
حبيبتي الام ماتفرق بين بناتها ابد
وانشالله تكبرين وتعرفين هالشي

مطيريه حدي ومحد قدي · 17-06-2009, 05:19

اقتباس:

المشاركة الأصلية كتبت بواسطة طيبه وعلى نياتي

هلا حبيبتي
شوفي يالغاليه الام عمرها ماتفرق بس انتي الظاهر صغيره وبسن المراهقه
فامج تلاقينها تبعدج عن امور ماتصلحلج وانتي تحسين انها تفرق
حبيبتي الام ماتفرق بين بناتها ابد
وانشالله تكبرين وتعرفين هالشي

انا ادري انها تحبني وانا بعد اموت فيها
بس المشكله ان احساس التفرقه مو راضي يروح عن بالي
انا ودي يروح بس ماني عارفه اشلون
عالعموم مشكوره على مساعدتج

ام برهووومي · 17-06-2009, 05:25

الله يساعدك انا ماعندي خوات بس ماحيت اطلع من غير ما ارد
الام عمرها ماتكره عيالها لا ولد ولا بنت ولا تفرق بينهم الي يفرق فقط اسلوب الولد نفسه واحد يقرب عمره وواحد يبعد نفسه انتي شوفي نفسك يمكن تصرفاتك مبعدتك عن امك يعني ماتتلبقين لها تتقربين ممكن خواتك يكونون اشطر منك بهالشي
وبشكل عام بعدي عن تفكيرك مسألة تكرهين تجلسين معها او تشيلين بخاطرك رحتي ولا جيتي امك ثم امك ثم امك

مطيريه حدي ومحد قدي · 17-06-2009, 05:38

تسلمين يالغاليه ماتقصرين

عليك عيوني*** · 17-06-2009, 08:01

آمري وتتدللي

،،،
اقول حبيبتي يمكن في شي في تصرفاتك مو عاجبها ما يمنع ناقشيها بكل حب وراح تبين لك
ويمكن وساوس داخلك وهذا اكيد لأن الأم مستحيل تفرق بين اولادها عن قصد
بس انتي تتدلعين وتبينها تلبي كل طلباتك هههههههههه
وهي هم مسيكينه ترضي مين ولا مين

وسعي صدرك ولا تكوني حساسه وايد الله يخليها لك وبعد حسني تعاملك معاها اكثر وخلي طلباتها اوامر وراح تشوفين الفرق
تحيااااتي يالغلاااا،،،،

قلبي كله حنان · 17-06-2009, 09:38

اقتباس:

المشاركة الأصلية كتبت بواسطة طيبه وعلى نياتي

هلا حبيبتي
شوفي يالغاليه الام عمرها ماتفرق بس انتي الظاهر صغيره وبسن المراهقه
فامج تلاقينها تبعدج عن امور ماتصلحلج وانتي تحسين انها تفرق
حبيبتي الام ماتفرق بين بناتها ابد
وانشالله تكبرين وتعرفين هالشي

لا والله في هذي ماصدقتي اسمحيلي الام صحيح تحب جميع عيالها وبناتها بس التفرقه موجوده في المعزه والتعامل
بس تبقى في الاخير ام ليس لنا حول ولاقوة الا اننا نبرها وناخذ بخاطرها
عليكي باصبر لان الصبر مفتاح الفرج ولاتقولي صبرت وتعبت لانها في الاخير امك
مالك خيار ولا حل سوى انك تدوري الشي اللي يرضيها وتسويه عشان كما ورد في الاثر
بروا ابائكم تبركم ابنائكم
اخوكي في الله قلبي كله حنان

@ سلطان @ · 17-06-2009, 13:32

سووري دخلت بلغلط اسف .........؟

قصة شمس وقمر · 17-06-2009, 16:23

حبيبتي انصحك امك ولو انك تتضيقي بمعملتها معك بس تتزوجي تبكي على كل لحظه ما قعدتي معاها انا زيك كنت كدا معى امي بس تزوجت وبعدت عنها والله ابكي كل شوي ونصيحه لاتسوي اللي وسويته اقعدي معها واقربي منها والله مافي زي حنان الأم والله اداقربتي منها وتفاهمتها تفهمك امي كانت تحب وحده من خواتي وكانت تتفاخر فيها قدام الجماعه وانا اللي كنت اخدمها وكنت اطبخ واحط سفر ادا جاها ضيوف يقولون مين سوا الحلى تقول اختي وانا اللي مسويته ناس تقدموا لي وقالت لهم انا ماقدر على الزواج وبعدها تقدموا لي اختي ووافقت مع اني انا متأهله لزواج لكن رغم كدا قلت عادي ومشيت وتزوجت اختي وبعد كدا دخلت التحفيظ القران على طول انخطبت واختي حملت وولدت رغم هي اصغر مني وامي تحبها اكثر مني بس يااختي العزيزه انصحك اقعدي مع امك حتى لو هي تفرق بينك وبين اخواتك حاولي انك تتقربين منها والله ادا تتزوجين راح تبكي على كل لحظه وثانيه ماقعدتي مع امك الرسول عليه افضل الصلاة يقول امك ثم امك ثم امك وتقبلي تحياتي ياروحي

بو فهد · 17-06-2009, 16:36

متابع للموضوع

مطيريه حدي ومحد قدي · 17-06-2009, 20:31

شكرا ماقصرتو على الردود الروعه
يعطيكم العافيه جميعا

wife no.2 · 17-06-2009, 21:33

سبحان الله.
نعم بعض الأمهات تفرق بالمعامله حسب ما تعتقد عن بنتها.
انا كنت اعاني مثلك، امي دائما ماخذه عني فكره اني ما أعرف أدبر شيئ أو أقدر أعتمد على نفسي لأن طبعي هاديئ على عكس أختي اللي أصغر مني دائما تعتمد عليها و تستشيرها، بس لأنها حاره و ملسونه. إي شيئ حلو أسويه سواء طبخه او اي شيئ تستغرب و ماتهتتم كثير مع اني كنت أشتغل أكثر منها ، اما إذا هي سوت شيئ لو كان عادي تمدحها و تقول ما ارتاح بالعزايم إلا إذا إشتغلت فلانه . يعني المسأله مسألة قناعه و إعتقاد. طبعا هالشيئ كرهني بإختي ايام المراهقه و صارت بيننا مشاكل كثيره،
حتى الآن،تستشيرها حتى في مشاكلي مع زوجي و هي لسى ماتزوجت.
آسفه لأني طولت عليك بس انا حاسه فيك.

ريم الكويت · 17-06-2009, 21:50

حبيبتي ،، امج مستحيل تفرق بينكم لا تظنين هالظن ،، انا بصراحه كنت احس بشوية غيره من اختي لان امي تعاملها بمعامله خاصه شوي ،،
لاني انا عموما شخصيتي يعتمد علي وما ابجي بسهوله عكسها تماما فيها دلع وتزعل بسرعه حساسه علشان جذي امي تداريها اكثر مني ،،
بس ما ظنيت انه امي تفرق وتحبها اكثر مني ،، والحين امي مسافره للعلاج اختارتني اقعد عند اخواني واتحمل مسؤوليتهم لاني انا يعتمد علي وهالشي كبير بحقي نعم بتعب بفراقها بس برضيها باهتمامي باخواني ،،
حبيبتي مهما كان لازم تطلعين الاعذار لامج يمكن قصدها جذي ولا جذي ،، هذي امج لا تسبيقين ظن السوء فيها ،،امج ما تفرق ابدا لانها باختصار ام ،، وانتي انشالله مستقبلا راح تكونين ام وبتحسين احساس الام ،، ترا اصعب شي انج تبين لامج انج معتقده انها تفرق بينكم !!
انتي الحين كبرتي ولازم تكونين بلسم لامج وتريحينها نفسيا ،، صدقيني اذا خليني الشيطان يتغلب عليج بهالتفكير راح تسوين اشياء تغضب امج وتضايقها ،،
واولها انج قلتي " احيانا تكرهين تقعدين معاها " !!!!!!!
وربي لو تقطعني قطعه قطعه انا راضيه بس اقعد معاها امي صار لها 5شهور ما شفتها وشميت ريحتها ،، كلمه كبيره قلتيها تعوذي من ابليس وادعي انه ربي يخليها لكم وعلى راسكم ،،
الله يخليها لكم يارب ،، ارضيها ولا تظنين هالظن ،، امج ما تفرق بينكم اخلقي الاعذار لامج ،،

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ودي تساعدوني يابنات