عالم الحياة الزوجية - منتدى

اسمع صدى صوتك · 19-06-2009, 04:03

السلام عليكم ورحمة الله وبركاته

صباح الخير او مساء الخير

الموضوع ياحبايبي ان خطيبتي قاعده تكذب علي وانا ممشيها ماكأني اعرف !!!
لو واجهتها اخاف تصير تخاف مني عرفتو وانا معطيها الراحه الكامله
وش شرايكم

انا ابغى احسسها بذنبها

ملاحظه
احد اصدقائي قبل فتره طويله قال لي ان علاقة البنات مع بعضهم البعض مبنيه على الكذب
مودتي واحترامي

نورالتقى · 19-06-2009, 04:17

بصراحة اخوي
كان الله في عونك
الكذب طبع ابدا مو حلو ولاحظ انا قلت طبع يعني صحيح هو صفة سئية ولكن عند البعض يكون للاسف طبع
طيب ممكن سؤال
في ايش تكذب عليك ؟
المشكلة انه ممكن يسبب كذبها مشاكل معك في المستقبل
صارحها وحسسها انك متضايق من تصرفها هذا وان هالشيء مو زين لا لك ولا لها
يعني مافي الا الصراحة يمكن تتغير مع الايام
الله يهديها
نورالتقى

colada · 19-06-2009, 04:20

اول شي بعلق على الملاحظه .. صحيح فيه بنات علاقاتهم مبنيه على الكذب بس مهو الكل ولا حتى النص يمكن الربع ...
بالنسبه لخطيبتك انت تقدر تبين لها انك كاشفها باسلوب مزح مثلا .. اذا قعدت تكذب بشي قولها لا يا شيخه عاد انا قالوا لي كذا وكذا وكذا ... و اضحك و ضحكها عادي لا تجيبها باسلوب مباشر او جارح وهي صدقني مره و مرتين ماراح تكذب عليك
والله يوفقكم

أ م ي ر ة · 19-06-2009, 04:30

الكذب أنواع :

- تكذب عشانها خايفة منك ؟؟ أنت ضاغط عليها بأشياء ؟؟؟ تتحكم فيها ؟؟؟

- تكذب تتفيخر بنفسها ؟؟؟ قالوا عني حلوة ؟؟؟ شارية فستاني بهالقيمة ؟؟؟ ....الخ .

- تكذب بالسواليف العادية يعني تخترع أحداث ومواقف وتبين أن هي إلي انتصرت وتكلمت ودافعت .

- تكذب في مشاعرها تقول أحبك .؟ اموت فيك ؟ وات حاس بغير كذا ...

ترى كل نوع له حل ...

بس الكذب مؤلم الله يعينك .

بيـ مسافات ـننا · 19-06-2009, 04:32

اهلاً اخوي ..
أولاً : معلومة صديقك خاطئه .. أكيد لايخلو المجتمع من هذه النماذج لكن بنسبة لاتوصل للنص حتى ..
ثانياً : نصيحه نصيحه .. لاتسكت على كذبها .. انت الحين خطيبها ولسه مبسوط وعندك قدره على
التحمل .. لكن بتوصل لمرحلة في المستقبل تكرهها .. أنا أعرف شخص قريب مني تزوج على زوجته
بعد 5 أطفال لانه عجز يتحملها وبنفس الوقت ماقدر يغيّر فيها هالصفة السيئه .. والأسوأ بالموضوع
انه هالانسانه ماتحسّ بنفسها وهي تكذب .. بمعنى وصلت لدرجة المرض ..!!
سبق وقرأت مقال لدكتور نفسي .. الحل انك توقف على كل كذبة وتدقق .. شوي شوي راح تعرف انك
شخص مايمشي عليك اي شي وتحاول تتفادى الكذب بالكلام .. ومن الخطأ تمشي معها بكذبتها ..
والله يسهل عليك مهمتك يارب ..
تقبل مروري ورأيي المتواضع ..

اسمع صدى صوتك · 19-06-2009, 04:50

اقتباس:

المشاركة الأصلية كتبت بواسطة نورالتقى

بصراحة اخوي
كان الله في عونك
الكذب طبع ابدا مو حلو ولاحظ انا قلت طبع يعني صحيح هو صفة سئية ولكن عند البعض يكون للاسف طبع
طيب ممكن سؤال
في ايش تكذب عليك ؟
المشكلة انه ممكن يسبب كذبها مشاكل معك في المستقبل
صارحها وحسسها انك متضايق من تصرفها هذا وان هالشيء مو زين لا لك ولا لها
يعني مافي الا الصراحة يمكن تتغير مع الايام
الله يهديها
نورالتقى

هذا اللي خايف منه تصير مشاكل في المستقبل
لذلك طرحت الموضوع اشاوركم فيه وماخاب من استشار
لاهنتي والله يانور على اسمك نور
شرفتي موضوعي

ملثونه بث كلي احثااث · 19-06-2009, 05:19

لمح لها اول>ممكن يفيد من غير ماتجرحها
اذا مافاد قولها صرااااحه
وان شاء الله انه مو طبع فيهاا
موفق اخوي

مدري احبه ؟؟ · 19-06-2009, 18:45

اخوي معلومة صديقك غلط ...ممكن يكون فيه مجامله لكن ماتصل الى الكذب الا بنسبه قليله ..

اما خطيبتك ,,,ماوضحت كيف عرفت انها تكذب ؟؟اذا كان كذبها في امور مهمه تخص علاقتكم وماتحتمل الكذب

الصراحه افضل وانت تعرفها وتعرف كيف الاسلوب اللي بينفع معها بدون تجريح ..

اما اذا كان كذب في امور عاديه يعني تبي تتدلع عليك شوي شوي حاول تنسيها ....

و قول لها (ان الزوجين اهم شي بينهم الصدق وما ينفع

حياتهم تنبني على الكذب ,,,يعني لو دريت انك تكذبي عليه مدري وش بيكون موقفي )
او جيب سالفه عن واحد من زملاك لما درا ان خطيبته كذبت عليه كيف تأثرت علاقتهم ...يعني اسلوب تخويف

غير مباشر ..بعدها هي بتحسب الف حساب لكلامها ""

الله يهديها ويسخرها لك اسفه على الاطاله ^_^

يكفيني صوتي · 19-06-2009, 18:59

طيب قول لها يمكن تخاف منك ؟؟؟

إح ـسـاس طفـله · 19-06-2009, 19:58

أولا هالصفة مو زينة أبد لا ببنت ولا ولد

وثانيا الكذب داخل بأغلب علاقات هاليومين يعني ماجات ع البنات

أما خطيبتك فحسسها بشكل غير مباشر إنك عارف إنها تكذب وساكت بمزاجك

وشوف هل راح تحس أو تتغير أو لا؟!

لو تطور الوضع كان بها استمر على ماأنت عليه

لو مافيه تطور ، صارحها وقولها ان هالصفة مو زينه

واسالها اش موقفها لو انت تتخذ الكذب منهج تعامل معها وصدقني راح تبطل

بدوية ماركة · 20-06-2009, 01:50

خطا هذة المقولة علاقة البنات بينهم وبين بعظهم مبنية على الكذب
للاسف اللي يكذب يعاني من نقص وعدم اعتزاز بنفس وعدم رضا بما قسمة الله
لذلك يلجى الى الكذب
الكذب يفقد الاخرين الشعور بالثقة والامان بالكاذب
الحل توجية لها نصائح بشكل غير مباشر عن عقوبة الكذب ومضارة
وان العلاقة الزوجية مبنية على الثقة والاحترام والصراحة والشعور بالامان
وان الكذب راح يفقد كل هالشي
الله يهديها

& دلع جوري & · 20-06-2009, 04:23

الله يعينك اذا بدايتها كذب

≈دمعـة مـلاگεïз · 20-06-2009, 13:23

ممكـن توضح لنــا خطيبتك بآيش تكذب عليك عشان نقدر نساعدكـ
وكيف كشششفت كذبتهــا ... يمكن تكون ظلمتهــــا ياخوي

التايف · 20-06-2009, 13:48

حاول تغير فيها الصفه ذي
اذا جابت سالفه قول لها الكلام هذا صدق ترى انا اكره الكذب و ما اطيقه
الله ييسر لكم الخير

مدري وش اسمي نفسي · 20-06-2009, 14:35

احسن حل انك تطبق قصة كذبها بواحد من اصدقائك

يعني تقول واحد من اخوياي خطيبته تكذب عليه دايم وهو صارحها وابد اضبط لك قصه

وكذا اياك عني وافهمي ياجاره احسن من انك تواجهها وتجرحها بدون قصد

وبالتوفيق والله يسخركم لبعض قول امين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

وش الحل مع اللي تكذب