عالم الحياة الزوجية - منتدى

طاب جرحي بلقياك · 19-06-2009, 17:02

السلام عليكم ورحمة الله وبركاته ..

كيف الحال يا الغاليين ؟

بطرح عليكم موضوع عندي ، واتمنى منكم التوجيه حبايبنا ..

السالفة وما فيها ..

اني بيني وبين محبوبتي تواصل بالمسج والاتصال ..

في البداية كآن الاتصال بشكل يومي والمسج ما ينقطع أبد ..

وبطبيعتي ما أحب المكالمات كثير بالجوال
+
ما تعودت على الجنس الناعم أبدا ً لدرجة ان ما عندي اخت قريبه من عمري .

المهم .. قللت الاتصال شوي بعد ما خبرتها بأن ما يكون هنآك موعد محدد للاتصال كما كان سابقا ً لأني أحيانا يكون الموعد ما يناسبني ..

إلى الآن الأمور ماشية تمام ..

أنا كنت معود حياتي ان المسج متواصلين على الدوام لكن البارحه كان عندي جلسه مع شباب فارسلت لها أنو أنا بطلع مع شباب وصعبه كل شوي اطلع جوالي عندهم أرد عالرسايل لكن إذا جيت برسل لك .

ومن بعد هالرساله أرسل اتصل ( عفوا ً إن الهاتف المطلوب لا يمكن الاتصال به الآن )
ارسل ما يرد على رسايلي .

- هل أنا اخطأت في شي ؟
- هل تصرفها سليم ؟
- لو اتصلت على أبوها وقلت وين فلانه .. مناسب ؟
- اتركها الحين لين يخف راسها .. أو أواصل معها رغم تقفيل الجوال ؟

توجيهاتكم لا عدمناكم ..

فرجوا كربة أخيكم المسلم ، فرج الله كربكم يوم القيامة .

أميرة بإحساسي · 19-06-2009, 17:12

يمكن تكون مقفله الجوال عشان سبب ثاني ولو كان عشانك حاول لما يفتح وافهم منها الموضوع وفهمها انك كنت مره مشغول وماتقدر تكلمها وطيب خاطرها بكلمتين والحق مو معاك ولا معاها وسالفة ابوها أجلها شوي لانو اعتقد خلاف بسيط وبينحل ان شاءالله

موفق

ورد ـالج ـوري · 19-06-2009, 17:26

يمكن تبغى تشوف قد إْيش يهمك زعلها ولو ان السبب الي زعلت عشانه ما يستاهل تقفيلة الجوال هذي
بس اتصل وارسل لها مسج يوضح لها بـ إْلي صآير وتفآهم معاها وطيب خاطرها بكم كلمه ..
واذا طووووووووول جوالها وهو مقفل .. اتصل على ابوهآ وسأل عنها ،،
تراها تدلع عليك بس انت طول بالك شوي ,,
الله يوفقك ويسعدك يارب .. موفق ~

طاب جرحي بلقياك · 19-06-2009, 17:27

اقتباس:

يمكن تكون مقفله الجوال عشان سبب ثاني ولو كان عشانك حاول لما يفتح وافهم منها الموضوع وفهمها انك كنت مره مشغول وماتقدر تكلمها وطيب خاطرها بكلمتين والحق مو معاك ولا معاها وسالفة ابوها أجلها شوي لانو اعتقد خلاف بسيط وبينحل ان شاءالله

موفق

ممكن يكون بسبب ثآني .. ولكن قبل كذا ما كنت تقفله أبد .. وإذا فيه سبب ثاني المفترض تخبرني لجل ما انقلق عليها ..

بإذن الله بس هي تفتح الجوال أهم شي اطمن عليها ..

سالفة أبوهااا ما راح أقول له شي أبد ، لا فقط أقول له وين فلانه إن جوالها مقفل ، وعموما ً بتريث

يعطيك العافية ( أميرة باحساسي ) على توجيهك ومرورك وتشريفك ..

طاب جرحي بلقياك · 19-06-2009, 17:32

اقتباس:

يمكن تبغى تشوف قد إْيش يهمك زعلها ولو ان السبب الي زعلت عشانه ما يستاهل تقفيلة الجوال هذي
بس اتصل وارسل لها مسج يوضح لها بـ إْلي صآير وتفآهم معاها وطيب خاطرها بكم كلمه ..
واذا طووووووووول جوالها وهو مقفل .. اتصل على ابوهآ وسأل عنها ،،
تراها تدلع عليك بس انت طول بالك شوي ,,
الله يوفقك ويسعدك يارب .. موفق ~

وش يهمني زعلها !!

الله يسامحها إذا كان هذا مقصدها .. عايش في قلق وتوتر وخايف عليها .. لجل تشوف وش يهمني زعلها

ارسلت لها ووضحت كل شي .. ولكن الجوال مقفل ورسايلي واتصالاتي ما تاصل لها .

يالبى الدلع كله << بس هيك يدلع مش حلوووو لأني قلقآآن للغايه وما اظن ترضاها علي .

آمين واياك .. وأشكرك على توجيهاتك والله يوفقك ويسعدك ..

saad@ · 19-06-2009, 17:41

الله يهديها ان شاء الله

مااشوف انك غلطت....

يكفيني صوتي · 19-06-2009, 17:48

- هل أنا اخطأت في شي ؟
- هل تصرفها سليم ؟
- لو اتصلت على أبوها وقلت وين فلانه .. مناسب ؟
- اتركها الحين لين يخف راسها .. أو أواصل معها رغم تقفيل الجوال

__________________________________________________ ______
____________________________________________

لاياأخوي انت مو غلطان أهم شيء قلت لها لوماقلت لها معها حق تزعل واتركها لين يخف راسها
(((انااا اذا ابو الشباب قال بطلع مع الربع ماأزعجه>>>>وبعدين اناااا لواموت ولااقفل جوالي والله هويزعل موانااا
++++++وعلى فكره تصرفها موسليم علشان سبب بسيط تقفل جوالها ؟؟

شادن مون · 19-06-2009, 17:54

اخوي طاب جرحك اولا انت وغلطان وثانيا المفروض تقدر انك طالع واحراج عليك انك بترد على رسايله
والله يا خي اتوقع لو انك تركتها شوي تستوعب انك ماغلطت عليها راح تتعلم الدرس هذا وتاخذ بالاعتبار اي طلعه لك ماتزعجك ابدا
بس خلك متمسك بوجهة نظرك علشان تتعود من البدايه تمنياتي لك بالزواج السعيد

إح ـسـاس طفـله · 19-06-2009, 17:58

- هل أنا اخطأت في شي ؟

أنت ماأخطأت بس يمكن هي مو متقبله حكاية التخفيف بشكل كلي ، وهالحركات لان البنت بطبعها تحب تعيش هالاجواء

فيمكن هذه فرصه جتها تعبر عن رفضها أو غضبها من قلة التواصل

- هل تصرفها سليم ؟

مو سليم 100% لكن أكيد لها أسبابها ، اسالها وعلى أساسها احكم

- لو اتصلت على أبوها وقلت وين فلانه .. مناسب ؟

طبعا لا من وجهة نظري خل كل شي بينك وبينها أفضل

- اتركها الحين لين يخف راسها .. أو أواصل معها رغم تقفيل الجوال ؟

واصل معها حسسها إنك خفت عليها مع حركة تقفيل الجوال بدون ماتعطيك خبر وصدقني بعدها راح تحسب الف حساب

قبل لاتقفله حبا فيك مو خوفا منك استغل الموقف لصالحك ولاتنسى لاتصدر حكمك قبل ماتسالها وتشوف مابخاطرها

طاب جرحي بلقياك · 19-06-2009, 18:29

أخواني جميعا يعلم الله إنكم خففتوا عني .. الله يسعدكم ويوفقكم وين ما رحتوا ..

اقتباس:

saad@

يعطيك العافية على مرورك وتوجيهك ..

والله حتى انا ما اشوف اني غلطان ، ومع ذلك ارسلت لها اعتذار .

اقتباس:

يكفيني صوتي

والله أنا قايل لها ودائما ً احب إني أبين لها وتكون في الصورة لجل ما اشغلها ، ولكن للاسف هي ما سوت نفس الطريقة .

والله ما ودي يكون تعاملي بالشكل هذا ..

لكن لو مصختها راح اضطر إني اهملها واعمل بالبيت ..

من راح من كيفه وكيفه يوديه ..
خله على كيفه وكيفه يجيبه ..

لأن هذا تعدا مرحلة الدلع .. والدلع له حد وله طرق غير إنها تعيشني في قلق مستمر ..
مشكورة على المرور ..

اقتباس:

شادن مون

الله يعطيك العافية على مرورك .. وحقيقة ما ودي ألجئ لمثل هذه التصرفات .. وتعلموا يا بنات ترا والله أحيانا تسووون أشياء تهدفون لشي وفي الحقيقة إنو غلط مثل هالتصرفات وفيه طرق أخرى ..

اقتباس:

إح ـسـاس طفـله

يعطيك العافية على مرورك ..

إذا هي مو متقبله التخفيف فتخبرني ليش ما تقول لي !!

رغم اني رافع شعار المصارحه والوضوح ومعطيها الجو فرري جدا ً ، أبيها ما تخبي عن شي .

لكن راح تريث واشوف وش الأسباب ..

мόόη Ļίģħт · 19-06-2009, 21:53

هي خذت المسأله بحساسية شوي

طول بالك بـ تعيش وتشوف ^.^

تصرفات البنات وردة فعلهم ببعض المواضيع تختلف عن الشباب

طوووووووول بالك .. ولاتستعجل الامور

اذا فتحت جوالها كلمها وصارحها واسمع ردها .... وبتكون المكالمه عتب حبايب

الله يوفقكم

غريبه يالدنيا555 · 19-06-2009, 22:37

انا اعرف شعور زوجتك هي لما خفت مكالماتك تلقاها متضايقه بس تكابر وماتبين لك
ولما ارسلت انك مع اخوياك قفلت جوالها عشان لاتطلع هي تنتظرك وانها تركض وراك وتلقاه ميته تكلمك بس تكابر
لانها تشوفك عادي مايهمك تواصلك معها فهذا رد فعل لااكثر
تبي تلفت انتباهك لها وهذا دليل انها تحبك
بس المفروض ماطول
انا قد سويتها بصراااحه<<
وماطولت قفلت بالوقت الي بيتصل فيه وبعدين اعترفت له

بس ابي الفت نظره شوي لي ويحس بتقصيره
كلمها كون قريب منها وليه تقلل مكالماتك
استمتع ويها بكل لحظه لانها ايام ماتتعوض
ولاتحرموا بعض من شيء نصييييحه
اسال الله التوفيق لكم

اسمع صدى صوتك · 19-06-2009, 23:00

الله يعينك ياخوي

و انتم يالبنات مشاكل مايدري الواحد وش يسوي

al-yasman · 19-06-2009, 23:26

اقتباس:

المشاركة الأصلية كتبت بواسطة اسمع صدى صوتك

الله يعينك ياخوي

و انتم يالبنات مشاكل مايدري الواحد وش يسوي

مو كل البنات لا تعمم خصص المره الثانيه
فاهم........
من وجهة نظري و هذا الوجهة الصحيحه انت ما غلطت بشئ
من الواجب أنها تحترم رائك لانك مشغول
أما انها تزعل من أول الطريق من غير اي سبب
فهذا ماله داعي
أنا اتوقع انت معطيها وجه زياده عن الزوم أذا زعلت راضيتها
أنتظر لين تفتح الجوال ولا ترسل أي رساله لها سواء اعتذار او عتاب لين ما تعرف شنو سبب تقفيلت ذا الجوال يمكن عندها سبب غير
ورجاء لادخل احد بالسالفه سواء قريب او بعيد
فاهم
الله يوفقك قول آآآآآآآآآآمين

فيصل عبدالهادي · 20-06-2009, 00:12

انت مو غلطان عيني
لازم تعوّد خطيبتك على هذا الشي ..
لاتقوم بدو الملاك والشخص الكامل دائما ..
كون على طبيعتك ..
واذا زعلت خليها تزعل عادي .. لازم تفهمك
ولازم انت الي تمشي كلشي على كيفك .. مو على كيفها .. انت الرجال مو هي
حتى لو كانت هناك محبة واحترام وتقدير الخ الخ الخ
انت الرجال .. ولك شخصيتك ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

هل أنا غلطااااان ؟!