عالم الحياة الزوجية - منتدى

بنوته هكر · 20-06-2009, 01:46

السلام عليكم والله في مشكله احس اني اعيش بمسلسل اللي هي انا عندي خاله عمرها 22 تزوجت يوم كان عمرها 18 وتطلقت يوم كان عمرها 20 المهم هي ماجابت عيال الحمدلله المهم هي اصغر وحده بخالاتي وهم حالتهم الماديه شوي ضعيفه وعايشه مع ابوها ومره ابوها وامها ميته المهم خالتي الكبيرة زوجها تاجر جدا وعندها ولد و3 بنات وخالتي ضايعه وداجه وراعيه حركات الله يستر عليها مع انها كبيره وكم مرة تمسكها الهيئه وكم مره تخش السجن لانه تطلع مع رجال ولاتروح بيت ابوها ودايم تطاق مع زوجه ابوها مع العلم ان زوجه ابوها طيبه المهم هي كم مرة تقول لزوجها طلقني ودايم تقعد تكسر البيت اذا تطاقت معه ومهما وزجها طيب وكريم ومافيه عيب ولايقصر بشي معها والكل عارف المهم هي زودتها بالاخير وطلبت الطلاق والين الحين ماصار شي المهم ان خالتي الصغيرة كانت تكلم زوج خالتي الكبيرة بالمسن عشان اذا احتاجوا شي يساعدهم ومرة قال زوج خالتي الكبيرة لخالتي الصغيره انا ابي اتزوجك لان اختك كذا وكذا وذكر عيوبها وانه خلاص مايتحمل ويبي يطلقها لانها طلبت الطلاق وهو يبي يتزوج ثانيه اللي هي خالتي الصغيرة في البدايه رفضت قالت مااقدر هاذي اختي وبعدين عيالها بيكرهوني قال لها انا ابيك وشاريك انا ابي وحده حنونه وصغيرة وفاهمه مثلك قالت له وكلام الناس قال ماهمني في الناس اهم شي انا وانتي قالت له يمكن عيالك يرفضون قالها انا ابيك والعيال انا ابوهم وانا ماراح اتركهم وانتي اولى من الغريبه والحين هي خايفه تعلم احد ومتردده وتقول ودي اضبط الوضع وماتزوجه اخليه مع اختي وقالت لي وانا مدري وش اقولها وش رايكم

moon_14 · 20-06-2009, 01:58

ياخفي الالطاف نجنا مما نخاف

حياويهـ · 20-06-2009, 02:01

قولي لها ترفضها عيب عليها هذا زوج أختها ماتعرف وش معنى الأخت
الرجل ممكن يتخلى عنها بس الأخت مستحيل تتخلى عن أختها .
صدقيني لما تتزوجه الكل بينظر لها نظره شينه ونظره استحقار بعد أستغفر الله بس .
خليها تررررررفض والرجال مالين الدنيا كلها ، وهي شلون تقبل بواحد يقول عيوب أختها قدامها ، مع أحترامي أذا هي قبلته فهي بنظري أنسانه متخلفه ماتحترم لا أهلها ولا عائلتها .
عصبت منها

بالتوفيق ووافيني بأخر شيء بتسويه تكفين .

ارجوانه الدلوعه · 20-06-2009, 02:01

ما يجوز ياخد اختها الا لمن يطلق الكبيره

بس نيحه لا توافق بتسبب مشاكل مالها اول من تاني

الله يعينها

[ آلنور ] · 20-06-2009, 02:12

والله دام الخاله الكبيره مو شي والريال مايبيها وهي اصلا مب مهتمه فـ ريلها وتطلع ويا رياييل
انا اشوف ان عادي لو طلقها وخذ اختها لأن هي ماعندها احساس اصلا .! ولا حيا .!
اسمحيلي يعني
خلها توافق دامه شاريها

ورد تشرين · 20-06-2009, 02:29

والله شي عجيب
بس بقولك شي
ابوي زمان كان متزوج وحده وجاب منها اختي الكبيره ثم طلقها
وتزوج اختها ^_^
بس مااجابت منه وبعدين طلقها
وبس
بس زوج خالتك اللي طلع عيوب زوجته بكره بييطلع عيوبها
الله يعينكم

بنوته هكر · 20-06-2009, 02:30

طيب وش تتوقعون نظره العيالتكون سيئه ولا بيقولون الخاله اهون من الغريبه وهم عارفيين ان خالتي حيل طيبه

احساس ألم · 20-06-2009, 02:44

لا حول ولا قوه الا بالله

شلون تتزوج زوج أختها

هذي اختها من لحمها ودمها .. الزوج بداله زوج .. بس أخوان ما بدالهم أخوان

لازم خالتك الصغير تكلم خالتك الكبيره بكل شيء وتعدل سلوكها
وخالتك الصغيره تمادت كثير مع زوج اختها لازم تقطع العلاقه بينهم
وكونها تتزوج زوج اختها بعد ما يطلقها له مضار كثيير ما تنعد
والله يهديهم خالتك وطمنينا وش صار معاك

احساس ألم · 20-06-2009, 02:48

شيء طبيعي بتكوون نظره العائله سلبيه جدا ...
وبتجيها اتهامات من كل صوب .. يكفي انها خسرت أختها

فديت نور دنياي · 20-06-2009, 02:56

انا بقولك رايي قولي لخالتك الصغيره تنتبه من هذا الرجال لان زوجته ما سوت هالاشياء والاغلاط الي يقول عنها وهو ساكت الا الان الا ان فيه عيب وعيب قوي بعد لان ما فيه رجال يرضى ان زوجته تسوي كذا وبعد هي الي طالبه الطلاق مو منه ومهما كان ومهما صار ما تطعن اختها الي من لحمها ودمها في ظهرها حتى لو هي تكرهه يظل زوجهاالي عاشت معه عمر

حبيبة طلو · 20-06-2009, 02:56

اول شي الله يهدي خالتك الكبيره
ثانيا خالتك الصغيره لازم تقطع علاقتها فزوج اختها
لانه مايجوز انها تكلمه باي شكل من الاشكال
لان واضح ان المواضيع بينهم تعدت حدود طلبات واغراض
ولا كيف عرف انها حنونه وطيبه؟؟
واكيد بتكون نظرة الاخت وعيالها لها سلبيه جدا
حتى لو كانت اختها ماتبي زوجها00
الله يهدي الجميع0

نورالتقى · 20-06-2009, 03:17

لاتعليق!
الله المستعان على ماتصفون
الله يهديها
نورالتقى

كيان انسانة · 20-06-2009, 03:27

وربي ماهيب حلوة بوجه خالتك الصغيرة و اهلها قدام الناس
الناس وش تقول غير يقولون اشيااء عنها وهي ما صارت
الناس مالها الا الظاهر و الظاهر ان الزوج طلق زوجته و تزوج اختها الا لسبب معين خليها تبتعد عن اللي يسبب الشوشرة حولها ولا تخلي الحقد ينزرع بقلب اختها

وترى هي صغيرة و العمر باقي قدامها بإذن الله وتلقى ازين من هالزوج

saad@ · 20-06-2009, 11:11

الله يصلح الحال

كحلها سايل · 20-06-2009, 11:21

يعني خالتك ما دورت الا زوج اختها من بين رجال هالدنيا ؟؟؟؟؟؟؟؟؟؟؟؟؟؟؟
وين المستحى و وين الخجل ؟ ولو هذا زوج اختها ..
ابي اعرف كيف ترضاها لـ نفسهااااااااا ؟.
انا اقول .. تشيله من بالها احسن ..
لان اذا كبروا اولاد اختها و فهموا ان زوجة ابوهم هي اخت امهم ؟
راح يحقدون عليها .. و يمكن ينتقمون ..
و الا اهي وش ناقصها صحيح مطلقه لكن عمرها 20 سنه .. يمكن تجيها فررص احسن ..
ربي يعافينا .. ولا يبتلينا ...!!!

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مشكله تتوقعون له حل