عالم الحياة الزوجية - منتدى

miss bahrain · 20-06-2009, 07:42

بسم الله الرحمن الرحيم

اخبارك يا اعضاء المنتدى الغالي

اليوم راح اكتب لكم شي يمكن يكون مكرر او من قبل طاريحنه بس انا طبقته وحسيت بالفرق الكبير

مدري وين قريت هذي الطريقه و لله الحمد طبقتها

كل يعرف بعد اول الاشهر من زواج او اول سنه يصير فتور في العلاقه بين الازواج او مافي موضوع يتكلمون فيه خصوص إذا ماكان فيه اعيال يلهون الام و الاب

كان لين يرجع زوجي من الشغل معصب ومضايق اساله خير فيك شي قولي يرد علي احين لو قلت لج راح تفهمين مشاكل الشغل . كنت احاول مني ومناك اغير مزاجه بس لا حياة لمن تنادي .
حاولت اعرف مسى وظيفته بالضبط وشنو اهو بسوي من اشغال . وفتحت النت وقمت اقرى عن الشغل و عن الاجهزه الي يتشغلون فيها ومسماهم . لين صار عندي خلفيه قويه عن طبيعه عمله وقمت اتناقش معا في عمله للعلم انا مجال تخصصي وعملي 360 درجه فرق عن دراسته و مجال عمله انا إداره اعمال واهو مهندس طيران.
يوم كان ياي ونفس شي مشاكل الشغل الي ماتخلص قلت شنو فيه قالي ولا شي قلت مشكله في طياره ؟ قالي اي حاولت اجرره في الكلام وابين اني فاهمه المشكله واني ممكن اسعاده فرح واااايد انه حصل وحده في البيت يقدر يناقشها في الشغل وتفهم اهو عن شنو يتكلم
وصرت اقرى الجرايد وبليل قبل النوم اقوله قريت هاي الخبر ونتناقش وانطلع له حلول صرت اقرى كلشي رياضه سياسه اقتصاد عشان اول وحده يفكر فيها انا ويناقشني استانس مني وايد وصار يحب يقعد ويتناقش معاي لدرجه واهو في شغل يكلمني يقولي احين في حلين للمشكله او العطل ايش رايج اي احسن حل وانا اناقشه وانطلع اجابيات و السلبيات

عزيتي الزوجه اهتمي بهويات زوجك سوى كانت رياضيه او اقتصاديه او سياسيه وإذا عندك واحد نفس زوجي يحب كلشي حاولي تكونين مله فيهم او حتى كانت عندج اطفال هم شاركيهم في هوياتهم واهتمامتهم كوني قريبه لهم حتى لا يلجوء إلى الشخص الخطا والله يخلي النت اليوم وفر علينا مشقى وتعب واااايد
إذا كان زوجك من هوات الرياضه شوفي معا مباريات لبسي اثياب الفريق الي يشجع خصوص إذا فاز الفريق . والزوج كثر ماتعطينه راح يعطيج ويهتم فيج بالمثل اما إذا بخلتي عليه راح يبخل
وبالتوفيق للجميع والله يسعدكم دنيا و اخره

تحياتي لكم
MISS BAHRAIN

الــحــوت · 20-06-2009, 08:07

الله يعطيك العافيه ..

فعلاً مشاركة الزوج و الزوجة أيضاً بإهتمامتم يكون له أثر إيجابي ..

الله يبارك فيك على طرحك ..

الشهــري · 20-06-2009, 13:20

متابع

miss bahrain · 20-06-2009, 18:34

شاكره لكم مروركم

realylive · 22-06-2009, 13:43

كل زوجة تفكر بكل مايحبه الزوج سواً هواية أو غيرها .. تقرب التجاذب والإنسجام وتقويه بينهم
ألف شكر أختي على مجهودك

سارة طارق · 23-06-2009, 11:45

اهم شي يكون بين الزوجين مواضيع واهتمامات مشتركة يتكلمون بها ... والا ساد الخرس الزوجي في البيت ..فيعيش الاثنان بجسدهما في البيت بينما روحهما في احسن الاوضاع مع الشلة والاصدقاء ... الصداقة بين الزوجين مهمة وتعادل اهمية الحب ..

23-06-2009, 12:13

حبيب اراوي · 23-06-2009, 20:44

موضوع جميل

الله يجمل حالك

miss bahrain · 28-06-2009, 07:26

الله يسلمكم وشاكره لكم مروركم

احمد73 · 28-06-2009, 15:58

سبحان الله وبحمده

حبيب اراوي · 28-06-2009, 18:22

اقتباس:

المشاركة الأصلية كتبت بواسطة miss bahrain

بسم الله الرحمن الرحيم

اخبارك يا اعضاء المنتدى الغالي

اليوم راح اكتب لكم شي يمكن يكون مكرر او من قبل طاريحنه بس انا طبقته وحسيت بالفرق الكبير

مدري وين قريت هذي الطريقه و لله الحمد طبقتها

كل يعرف بعد اول الاشهر من زواج او اول سنه يصير فتور في العلاقه بين الازواج او مافي موضوع يتكلمون فيه خصوص إذا ماكان فيه اعيال يلهون الام و الاب

كان لين يرجع زوجي من الشغل معصب ومضايق اساله خير فيك شي قولي يرد علي احين لو قلت لج راح تفهمين مشاكل الشغل . كنت احاول مني ومناك اغير مزاجه بس لا حياة لمن تنادي .
حاولت اعرف مسى وظيفته بالضبط وشنو اهو بسوي من اشغال . وفتحت النت وقمت اقرى عن الشغل و عن الاجهزه الي يتشغلون فيها ومسماهم . لين صار عندي خلفيه قويه عن طبيعه عمله وقمت اتناقش معا في عمله للعلم انا مجال تخصصي وعملي 360 درجه فرق عن دراسته و مجال عمله انا إداره اعمال واهو مهندس طيران.
يوم كان ياي ونفس شي مشاكل الشغل الي ماتخلص قلت شنو فيه قالي ولا شي قلت مشكله في طياره ؟ قالي اي حاولت اجرره في الكلام وابين اني فاهمه المشكله واني ممكن اسعاده فرح واااايد انه حصل وحده في البيت يقدر يناقشها في الشغل وتفهم اهو عن شنو يتكلم
وصرت اقرى الجرايد وبليل قبل النوم اقوله قريت هاي الخبر ونتناقش وانطلع له حلول صرت اقرى كلشي رياضه سياسه اقتصاد عشان اول وحده يفكر فيها انا ويناقشني استانس مني وايد وصار يحب يقعد ويتناقش معاي لدرجه واهو في شغل يكلمني يقولي احين في حلين للمشكله او العطل ايش رايج اي احسن حل وانا اناقشه وانطلع اجابيات و السلبيات

عزيتي الزوجه اهتمي بهويات زوجك سوى كانت رياضيه او اقتصاديه او سياسيه وإذا عندك واحد نفس زوجي يحب كلشي حاولي تكونين مله فيهم او حتى كانت عندج اطفال هم شاركيهم في هوياتهم واهتمامتهم كوني قريبه لهم حتى لا يلجوء إلى الشخص الخطا والله يخلي النت اليوم وفر علينا مشقى وتعب واااايد
إذا كان زوجك من هوات الرياضه شوفي معا مباريات لبسي اثياب الفريق الي يشجع خصوص إذا فاز الفريق . والزوج كثر ماتعطينه راح يعطيج ويهتم فيج بالمثل اما إذا بخلتي عليه راح يبخل
وبالتوفيق للجميع والله يسعدكم دنيا و اخره

تحياتي لكم
MISS BAHRAIN

تسلمي والله يسعدك

على الكلام الجميل الحلو اللي ياليت كل زوجة تقراه

وتفهمه عشان طبقه مع زوجها

honest · 28-06-2009, 19:36

إذا كان زوجك من هوات الرياضه شوفي معا مباريات لبسي اثياب الفريق الي يشجع خصوص إذا فاز الفريق .

هذى مستحيله هههههههههههههههههه

****ملاك**** · 29-06-2009, 00:47

موضوع جدا رائع

miss bahrain · 03-07-2009, 10:38

شاكره لكم مروركم
نورتو صحتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)