عالم الحياة الزوجية - منتدى

دانـــــــــــــــة · 20-06-2009, 08:06

السلام عليكم ورحمة الله...........
أحبتي في الله مالجأت لكم بعد الله إلا لحيرتي بالموضوع لان أحسه صار يتعقد أكثر وأكثر وأنا مو عارفه وش أسوي............
بس الله يرضى عليكم أبي رد مقنع وما ابي اي احد يظن فيني ظن السوء أو يجرح بمشاعري
الموضوع باختصار ........مره اخوي اشترى جوال جديد وعطاني جواله القديم المهم طبعا جميع الرسائل بجهاز أخوي وجميع أرقامه .......أنا كنت ناويه أمسحها بس سهيت عنها والله لأنها مو ببالي وأخر اهتمامي الجوال.........بالغلط رسلت اختي رساله لرقم موجود بالجهاز وهو طبعا صديق أخوي
رساله عاديه جداااا من الرسائل المحفوظه بالجهاز وهي علمتني انها أرسلت بس ماتدري أرسلت لمين لأن رقم الشاب مو مخزن بالجهاز وجلسنا فترة ومسحت الأرقام كلها ونسينا الموضوع ويرجع يتصل وانا على بالي معاكس والسلام ولا رديت وجلس كل يوم يتصل ورديت عليه مرة ووضح لي أنه جاته رساله بس على رقمه الثاني أنا اعتذرت له ووضحت إني ما أرسلت له رساله عشان ماتسوء الأمور اكثربعدين قال لي ابيك تكوني صديقتي ومن ذا الكلام وقلت له ماعاد يتصل وهو قال اوك بس بمسح الرقم .............. وصار كل يوم يتصل وانا ما ارد وربي مو ناقصني بلاء أخوي شكااااااااااااااااااااااااااااااااااااااااااك موت وربي لو يدري يذبحني ويحسبني أعرفه ومن ذا الكلام . أنا مو عارفه كيف اتصرف وربي ابتلشت أنا ساكته على الموضوع ورحت شفت جهاز أخوي لقيت مسجل رقم صاحبه واسمه أخاف أخوي يشوف رقمي بجهاز صديقه وتصير مشاكل....
أخواني في الله أرشدوني للصواب ماني عارف وش التصرف الصح ومن وين طلعت لي ذي المشكله
الله يستر على الجميع

solitary · 20-06-2009, 08:10

صباحووو

قولي لصديق اخوك اني ارسلت المسج بالغلط لانه كان جوال اخوي وانت صديقه واسمك فلان بن فلان <<<عشان يتادب ولا يبثرك ويستحي ع وجهه

نورالتقى · 20-06-2009, 08:12

اختي دانة
اول شيء صباحك سعيد معطر بذكر الله
ثاني شيء مشكلتك ليست مشكلة في نظري ابدا ولكن ممكن تصبح مشكلة كبيرة لو تماديتي يعني من الان افصلي الرقم واشتري شريحة اخرى يعني ابعدي عن الشر وغني له زي مايقولوا في الامثال المهم انك ماتردي ولا ترسلي ولاشيء
اشتري لك رقم جديد بحيث مايعرفك احد
الله يوفقك
نورالتقى

كلي ملح ودمي سكر · 20-06-2009, 08:12

لو انا منك اكلم اخوي مع اختي وتكون موجودة وشاهدة واقوله تصدق اختي ارسلت رسالة بالغلط والارقام المخزنة نسيت امسحها اللي عندك
واورية الرقم والرسالة وكل شي وقتها يعرف منك احسن من يعرف من غيرك واختك شاهدة وخلاص لا تكبرين السالفة الحل الصراحة وبشكل طبيعي جدا
تدرين ليش لان لو عندك شي غلط كان خبيتة
وصراحتك بتكون معاك افضل
قبل مايقول لا اخوك ويقلبها عليك

وقبل ماهو صاحبة يوزع الرقم ويستمر بالازعاج

وحركات بعض الشباب للاسف
ولو انا منك مارد علية بعد ماعتذرت منة
وقلت انا غلطانة
اطنشة لين ييأس

قحطاااني ماااركه · 20-06-2009, 08:14

وعليكم السلام ورحمة الله وبركاته
بما أنه صديق أخوك فأكيد هو عارف أن الرقم كان مع اخوك ؟!!
بالعربي هذا عدو ما هو بصديق لا بارك الله فيها من صداقة ،
كل اللي عليك تغيري الرقم أو تقولين له بقول لأخوي عنك

أشوفك متساهلة معه ولا ما كان كل يوم يدق ويتصل ؟!!
الله يكفيك شرة ويشغله في نفسة
كل التقدير والإحترااام

كلي ملح ودمي سكر · 20-06-2009, 08:17

دانة انتي تقصدي الشريحة ولا الجهاز
اذا الشريحة يكون صاحب اخوكي عارف الرقم ويستهبل المفروض مايتصل وبكلى الحالتين تبلغي اخوكي
واذا الجهاز يكون اخوك فقط عندة علم برقمك وتحلينها مع اخوك مثل ماقلت لك
واخوك يعرف اشلون يتصرف

امركشي · 20-06-2009, 08:18

مثل ما قالت نانسي
جيبي اختك الكبيرة او اي احد من أهلك وواجهي أخوك بالساالفة كلهاا
بالتووفيق

حياويهـ · 20-06-2009, 08:57

لا تسكتين عن هالشيء ، أما تقولين لأخوك وأذا أنتي خايفه سوي تحويل مكالمات أذا دق صاحب أخوك أرفضيه ويتحول لجوال أخوك .
يعني تسوين تحويل مكالمات عند مشغول ويكون الرقم المختار بالخانه رقم جوال أخوك ، وأذا دق صاحبه عليك ارفضيه وعلى طول المكالمه بتتحول لأخوك وأستمري بهالحركه لما يطفش أوكي .
أو حوليه على أي رقم بقاله ورشه اللي تبين هههه ومني لك بيطفش لأني أنا أسوي هالحركات ومرتاحه .
بالتوفيق .

دانـــــــــــــــة · 20-06-2009, 09:11

اقتباس:

المشاركة الأصلية كتبت بواسطة solitary

صباحووو

قولي لصديق اخوك اني ارسلت المسج بالغلط لانه كان جوال اخوي وانت صديقه واسمك فلان بن فلان <<<عشان يتادب ولا يبثرك ويستحي ع وجهه

صباحكـ خير ........بصراحه ما اقدر هذي الخطوة جريئة بالمرة وبعدين اخاف يطلع علي كلام
اشكركـ على مروركـ ............ جزاءكـ كل خير

دانـــــــــــــــة · 20-06-2009, 09:16

اقتباس:

المشاركة الأصلية كتبت بواسطة نورالتقى

اختي دانة
اول شيء صباحك سعيد معطر بذكر الله
ثاني شيء مشكلتك ليست مشكلة في نظري ابدا ولكن ممكن تصبح مشكلة كبيرة لو تماديتي يعني من الان افصلي الرقم واشتري شريحة اخرى يعني ابعدي عن الشر وغني له زي مايقولوا في الامثال المهم انك ماتردي ولا ترسلي ولاشيء
اشتري لك رقم جديد بحيث مايعرفك احد
الله يوفقك
نورالتقى

أسعد الله صباحكـ غاليتي .............
بالفعل هي بتكبر لو سكت عليها أنا ما همني الرقم ولا شي بس اتخيل لو اخوي شاف الرقم بجوال صاحبه وش يصير ........
جزاءكـ الله كل خير.....

قلبي كله حنان · 20-06-2009, 09:20

لاتعليق اكتفي بالمتابعه فقط
ولكن الله يكتب اللي فيه الخير لكي
الاعضاء من قبل وفو وكفو

دانـــــــــــــــة · 20-06-2009, 09:25

اقتباس:

المشاركة الأصلية كتبت بواسطة نانسي بنت مطلق

لو انا منك اكلم اخوي مع اختي وتكون موجودة وشاهدة واقوله تصدق اختي ارسلت رسالة بالغلط والارقام المخزنة نسيت امسحها اللي عندك

واورية الرقم والرسالة وكل شي وقتها يعرف منك احسن من يعرف من غيرك واختك شاهدة وخلاص لا تكبرين السالفة الحل الصراحة وبشكل طبيعي جدا
تدرين ليش لان لو عندك شي غلط كان خبيتة
وصراحتك بتكون معاك افضل
قبل مايقول لا اخوك ويقلبها عليك

وقبل ماهو صاحبة يوزع الرقم ويستمر بالازعاج

وحركات بعض الشباب للاسف
ولو انا منك مارد علية بعد ماعتذرت منة
وقلت انا غلطانة

اطنشة لين ييأس

هلا غاليتي ........... المشكله فكرت بالصراحه معاه بس لمن اببدي بذي الخطوة اتراجع أخوي حتى لو صدقني وبيقعد الموضوع بباله ماراح ينساه وبيراقب كل حركاتي أخوي وأعرفه وربي بتصير مشاكل انا في غنى عنها الحمد لله أنا واثقه من نفسي وانا مارديت عليه الا مرة وحد بس ومن خلاله اتصاله عرفت بسالفة الرساله واكتشفت انه صديق اخوي ................
جزاءكـ الله كل خير

العمده · 20-06-2009, 09:28

اقتباس:

المشاركة الأصلية كتبت بواسطة نانسي بنت مطلق

لو انا منك اكلم اخوي مع اختي وتكون موجودة وشاهدة واقوله تصدق اختي ارسلت رسالة بالغلط والارقام المخزنة نسيت امسحها اللي عندك

واورية الرقم والرسالة وكل شي وقتها يعرف منك احسن من يعرف من غيرك واختك شاهدة وخلاص لا تكبرين السالفة الحل الصراحة وبشكل طبيعي جدا
تدرين ليش لان لو عندك شي غلط كان خبيتة
وصراحتك بتكون معاك افضل
قبل مايقول لا اخوك ويقلبها عليك

وقبل ماهو صاحبة يوزع الرقم ويستمر بالازعاج

وحركات بعض الشباب للاسف
ولو انا منك مارد علية بعد ماعتذرت منة
وقلت انا غلطانة

اطنشة لين ييأس

انا مع هذا الراي هو ان تبلغين اخوك قبل لايعلم من غيرك
وبهذه الطريقه تفكتكين من صديق اخوك واخوك يفتك من هذا الصديق الخائن

دانـــــــــــــــة · 20-06-2009, 09:42

اقتباس:

المشاركة الأصلية كتبت بواسطة قحطاااني ماااركه

وعليكم السلام ورحمة الله وبركاته

بما أنه صديق أخوك فأكيد هو عارف أن الرقم كان مع اخوك ؟!!
بالعربي هذا عدو ما هو بصديق لا بارك الله فيها من صداقة ،
كل اللي عليك تغيري الرقم أو تقولين له بقول لأخوي عنك

أشوفك متساهلة معه ولا ما كان كل يوم يدق ويتصل ؟!!
الله يكفيك شرة ويشغله في نفسة

كل التقدير والإحترااام

هلا أخوي .............. أنا مو متساهله ولا شي بس أنا رديت عليه مرة وحده وبس
والشريحه مو لأخوي أنا اقصد بس الجهاز لأخوي والأرقام مخزنه فيه يعني الشاب مايعرف اي شي......
ارجو تكون وضحت الفكرة
كل الشكر لمروكـ ........جزاءك الله كل خير

دانـــــــــــــــة · 20-06-2009, 09:51

اقتباس:

المشاركة الأصلية كتبت بواسطة امركشي

مثل ما قالت نانسي
جيبي اختك الكبيرة او اي احد من أهلك وواجهي أخوك بالساالفة كلهاا
بالتووفيق

يسلمكـ ربي يالغلا..........الله يستر على الجميع

عالم الحياة الزوجية - منتدى

حل المشاكل الاجتماعية