عالم الحياة الزوجية - منتدى

دالندر · 21-06-2009, 00:10

بأختصر الموضوع من البدايه
قررت أن اتزوج كان طموحي اني اتزوج وحده في قمه الجمال

أي واحد منا يتمنى يتزوج وحده جميله
المهم بدا مشوار العناء راحوا اهلي يدورولي
كل وحده يشوفونها هذي فيها كذا !!! وانواع العيوب البسيطه
الي ماتذكر ويمكن ماتكون عيب....
أنا طفشت عدت سنه وشوي مالقيت الي في بالي
وفي يوم من الايام قابلت واحد من أصدقاء الطفوله
يعني بالعربي جارنا في الحاره
كنت اعرفه وأعرف اهله كلهم
وأنا في الليل قلت ياولد ناس معروفين واصلهم معروف
طبعااا أرسلت أمي لهم تشوف البنت كلعاده
جات امي مستانسه وقررت أخطب البنت رسمي
رحت وشفت البنت ........................!!!!!!
هنا ممكن أسئلكم سؤال ....؟؟؟؟
ممكن تتزوج وحده جمالها طبيعي ؟؟؟؟؟

حسين!! · 21-06-2009, 00:21

شف ياعزيزي ..
انا بالنسبة لي ماهتم بالشكل يعني يكون شكلها عادي مادور اللي تكون فاتنه ...!!
اذا تزوجتها لجمالها .. كرهت افعالها ..
واذا تزوجتها لمالها .. كرهت ذلها ..
واذا تزوجتها لنسبها .. كرهت كبرها ..
واذا تزوجتها لدينها .. أحببت قلبها ..
وانت اختار اي الاربعه تفضل ؟
تحياتي

احبك يا اجمل الاحساس · 21-06-2009, 00:24

هلا فيك يا اخوي ...
ترى زينة البنت تكون جميلة و انا معاك بالجزئية هذي و لا يختلف عليها اثنين .
لكن هي كمبدأ الجمال تكون مقبولة و حلوه و مو شرط تكون ملك جمال . او فائقة الجمال .
و للعلم تاكد . يمكن تشوف وحده متوسطة او عادية بالاصح بنظرك . لكن يشوفها غيرك ملكة جمال و بقوة بعد .
الامر كله اقتناع ذاتي من نفسك ... و انا اخوك لا تحاول انك ترسم البنت رسم من قبل لا تشوفها .
لاننا حتى حنا انفسنا مو كاملين و الكامل وجه الله سبحانه .
دور على الي ترتاح لها من جميع النواحي . وتكون جميلة قلبا و قالبا .
مع خالص دعائي لك بالتوفيق ...

خيركم لأهله · 21-06-2009, 00:33

اهم شي الجمال يرضيك والبنت ارتحت لها

Tera. · 21-06-2009, 00:51

صباح الخير ..

مافيه احد بالدنيا ما يتمنى وحدة تسر عينه لما يشوفها ..!

لكن الإختلاف ..

هو ان الجمال نسبي ..

واذواق الناس تختلف اختلاف جذري .. لدرجة ما تتخليها ..

يعني ممكن وحدة بعينك حلوة .. وبعين احد ثاني عادية جداً ..

شوف اخي الكريم ..

انت لا تنظر لمقاييس الجمال اللي بعيون الناس ..

شف وش نوع الجمال اللي انت ترتاح له وتحس انه مناسب لك ..

يعني مثلاً ..

كثير سمعنا قصص ان اهل الولد اعجبوا في بنت وبجمالها وبكل شئ فيها ..

لكن لما يشوفها الولد .. يقول لأهله .. ( الحين هذا ذوقكم ..؟؟) ..!

وكمان العكس صحيح ..

تحصل احياناً شاب طاير في خطيبته وفرحان فيها فرح يوليوس بكليوباترا ..

وهي بنظر الناس عاااادية جداً .. واقل كمان ..!

لابد تعرف يا اخي الكريم ان نظرتك للمرأة من اجل الزواج ..

تختلف تماما عن نظرتك لأي امرأة تمر امامك سواء بالأماكن العامة .. او بالتلفزيون ..!

لذلك لا تقارن ابداً الجمال اللي تشوفه في نظرة او في لحظة عابرة ..

بالجمال اللي تشوفه شوفة شرعية ومن أجل غاية سامية وراح يبقى معاك طول العمر ..!

مو قصدي ان الجمال اللي بالشارع احلى ..!! لالالا ابداً ..

بس اللي اقصده انه في الزواج تكون نظرتك نظرة شراكة عمر .. مو متعة يوم او يومين ..!!

واذا تبي نصيحتي ..

الجمال اللي انه ترسمه ببالك ما راح تحصله ..

مو لأنه مو موجود .. لالا ابداً ..

بالعكس موجود واحلى كمان من اللي في خيالك ..

بس سبحان الله احيانا بعض الناس ..

مهما يشوف من جمال ..

يظل يطمح للأكثر .. وما يملأ عينه شئ ابداً ..

مثله مثل اللي يطلع جبل فيه قمم متتالية ..

كل ما وصل لقمّة .. واستراح فيها ولقط انفاسه بعد طول عناء ..

جلس يطالع القمة اللي اعلى منها ..

ولا كأنه كان في يوم يتمنى يوصل للقمة اللي ادنى منها ..

وراح يظل يصعد ويصعد ..

لكن لكل انسان طاقة ..

ممكن يستقر عند قمة اعلى منها ..

وممكن تخور قواه في أي لحظة ..

ويرجع لأسفل الوادي من جديد ...!!

والحقيقة المُرة ..

ان اغلب الشباب يظل يحلم .. ويحلم .. ويحلم

وبالنهاية يضطر انه يستفيق على كابوس ...
( عفواً قصدي انه راح يفتح عيونه ويلقى نفسه تزوج بنت اقل من اللي في أحلامه بكثييييييييييير ) ...

الله يوفقنا واياك لكل خير ..

التايف · 21-06-2009, 01:10

لا شك ان الجمال مطلوب لكن لا يكون هو الهدف الوحيد
وش تبي بوحده فاتنة ما تصلي او اخلاقها شينة او ما تبي اهلك او متكبرة
اهم شي الدين و بعده كل شي يهون
طبق حديث النبي صلى الله عليه وسلم و اظفر بذات الدين
الله يوفقك اخوي

عسل دافي · 21-06-2009, 01:44

الاعضاء اللي قبلي ماقصروا موفق

≈دمعـة مـلاگεïз · 21-06-2009, 03:08

الجمممال + القبـول شي مهـم في الزواج
لكن الأهـم الديــن و الاخـــلآق
الله يوفقك ويوفق الجميـــع يارب

أوراق بيضاء · 21-06-2009, 07:26

يااااااااااااخي انت تقول جمالها طبيعي يعني حليوه احيانا تكون فاتنه الجمال وتكون ثقيله دم دفشه مو رومنسيه واحيانا تكون نويعمه حليوه واسلوبها وااااااااو وطبعها رايقه صدقني اهم شي الاسلوب والطبع والتعامل بمعنى الاخلااااااااااااااااااااااااااااااااااااااااااااا ق اهم شي ثقل الدم مو حلو على البنت ااااااااوف

حياويهـ · 21-06-2009, 08:09

توكل على الله أخوي وحلو البنت يكون جمالها طبيعي وعادي وصدقني لا صارت أخلاقها وتعاملها معاك حلو راح تنسى أبو الجمال كله .
والحوريه أن شاء الله تلقاها بالجنه بعد ماتعمل عمل صالح .
بالتوفيق .

мϊŝŞ ŗĴąĦ · 21-06-2009, 08:17

اخووووي الجمااااااااال مو كل شي اهم شي جمااااااال الرووووح
اذا البنت قمه في الاخلاااااااق لييش اضيعهااا بيديني
وبعدييين حلوو الجمااااااال اذاا كاااان طبييعي
وتوكل ع اللله والله يوفقك ويسهل امرك يارب

قحطاااني ماااركه · 21-06-2009, 09:12

الجمال شيء مطلوب من اللي ما يبغى زوجته تكون جميلة ؟!!لكن ليس على حساب الدين والأخلاق

Someone Unknown · 21-06-2009, 10:01

عزيزي لا تحـرص ع الجمـال .. لأنه والله مع الوقـت يـروح ..
الجمـال يروح ..
تمله ..
كل يوم تشوفهـا .. كل يوم .. كل يوم ..
بعـد سنتين ثلاثة .. تملهـا خلاص ..

لكـن لو أخذت وحده جمالها عادي ..
صدقنـي مع الوقـت راح تكـون في عينك أجمـل مخلوقة على وجه الأرض ..

والله يوفقك ,,

عالمي هي اسرتي · 21-06-2009, 11:42

قال صلى الله عليه وسلم (تنكح المرأة لأربع مالها وجمالها وحسبها ودينها فاظفر بذات الدين .....

فلسفة مشاعر · 21-06-2009, 12:15

توكل على الله
والله يوفقك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

انا بسأل الشباب هل الجمال مهم جدااا.... !!!