عالم الحياة الزوجية - منتدى

ام زهور22 · 21-06-2009, 02:03

ابي اعرف شلي في بطني بس مابي الناس الي من حوالي تعرف المشكله مااعرف اكذب يام اني حامل ببنتي البكر عرفت شنوافيني منالشهر السادس وكلمن سالني شنوفيج اقوله بنت كل الناس درت انو الي في بطني بنوته ومااخفي عليكم انه هالناس الي في مجتمعنا فضولين مره هم ليش يبون يعرفون لئه زوجي خلفته بنات اكثر ماعنده الا ولد وحد طبعاانا اثانيه قلو اشسوي ابي اعرف بس ماعرف اكذب ولا بعد الي مخلني مابي اعرف اخاف بعض الناس يزعلون لوا فيني بنت ابيها مفاجئه احسن علشان ماياكلون قلبي معى اني عادي اقول الي من الله حياه الله اهم شي كامل الخلقه الحمدلله على ماعطاني ربي انشاالله يكونون صالحين بحق محمدوالي محمد

أميرة بدنيتي · 21-06-2009, 06:01

الله يعيينا على الناس وغثاهم كانهم هما اللي بيصرفوا ولا بيتكفلوا بتربية النونو المهم يا عمري عادي ممكن تعرفي واذا احد سالك قولي لهم مو باين او ما سالت واصلا مو شغلهم والله انا بنت خالة زوجي ما شالله عندها ولد وحملت الثاني وكانت عارفة انه ولد بس خايفة تقول للناس عشان العين وكل مين سالها تقول ما سالت
اللي فهمته من كلامك ان عندك ولد خلاص الله يبارك لك فيه يارب ويرزقك اولاد بس اهم شي عندك والله واحد احسن من لا شي
اقولك انا حماتي اول خلفتها ولد اللي هو زوجي يعني من زمان هالكلام و هي تحكيني وكل حملها بعده بناااااااات وربي ما سلمت من كلام الناس وهذا وهي عندها ولد وبعد خمس بنات ركبت لولب وقالت خلاص يكفي خمس محاولات وكلهم بنات وعاد احاول كمان لين يوصلوا كم وعلى اساس يوقفوا خلفة وسبحان الله يريد الله تحمل على اللولب وتقولي بغيت انجن وخلاص قررت انزل البيبي وتقول عمك ما رضي لان الدورة على اساس متاخرة وانا على بالي من اللولب وما عرفت الا وهي في نهاية الثالث المهم فقال لها حرام نقتل نفس ويشرف احمد شوفي كيف رحمت ربك
انا الحين حامل ويارب تقولي الدكتورة بعد اسبوعين ولد لاني عندي بنت عمرها 4 سنوات الله يحفظها
اميرة بدنيتي

ميمي الامورة · 21-06-2009, 11:05

الله يكون في العون ولد ولا بنت كلهم نعمه من ربي

! حبك جنوني ! · 21-06-2009, 16:15

الله يرزقك الذريه الصالحه يا ام زهور

وكلامك صحيح ياغاليه

الناس فضوليه وماتسكت ودايم يسالون وش في بطنك او وش قالت لك الدكتوره

ويطفشونك بكثرة اسالتهم ولو سالتيهم كذبوا عليك وقالوا مابان او مفاجئه وصرفوك بمليون حجه

وانا يوم كنت حامل ببنتي بس قلت لابوها انها بنوته

وحسيت انه تضايق لان وده بولد

بس ووالله ياغاليه من اول يوم جبتها فيه وهو طاير عقله فيها

وماشا الله عليه مايطلع من البيت الا ماخذها بحضنه

ومن يرجع طيراااااان لها

والاولاد والبنات نعمه من رب العالمين

واهم شي يكونوا ذريه صالحه وبارين بوالديهم

ادري طولت عليك

بس نصيحتي لك طنشي اللي يسالك وحتى ماتضطرين للكذب

قولي لهم راح تعرفون البيبي اذا ولدت وانا ابيها تكون مفاجئه للجميع

وعيشي حياتك

& دلع جوري & · 21-06-2009, 18:15

اول شـي ربي يسهلها عليـك

وبعـدين الحمد لله ع النعمه وربي يخلي لك اولادك وزوجـك

ياعمري مالك في النـآس النـآس تتعــب يعنـــي طنـشي لا تهتمـي لكلامهم

اللي مايقدم ولا يـأخر ...

واذا احـد سألك قوولي اللي يجي من الله حيـآة الله ولا تعكري مزاجك ومزاج زوجك
بكلام الناس

رضــى النـــــــآس غــآيـة لاتدرك

بنت ابوها الحلوة · 21-06-2009, 19:14

اعملي مثل ما قالت احد الاخوات

لا تضطري للكذب

قولي انك حابه تكون مفاجئة للكل
وبس يجي البيبي رح تعرفو

قلو لو قلت لكم اني بين شي وبعدين طلع شي ثاني

ما عليكي من الناس

اني افكر اذا حملت ويارب الله يعطيني واذا اخد سالني رح اقول لهم انها خلها مفاجئة بعدين تعرفو
لو اذا سالوني شو رح تسمي كمان خلها مفاجئة كل واحد بعدين يقعد يعطيك اسم هذي الي تبي اسم امها وهذيك اسم زوجها الي توفه والثانية سمي على اسم ابوي وبعدين تقول لك رح ازعل طيب انتو حملتو وخلفتو وكل وحدة سمت الي يريحها الحين دورنا اني اتعب في الحمل والولادة وزوجي يشقى للقمت العيش وهم يبون يسمون

مسامحة دخلت في موضوع ثاني بس حسيتهم متقاربين لبعض السموحة

em tala · 21-06-2009, 21:41

الله يرزقك الذريه الصالحه يا ام زهور

حلاوه قطن · 21-06-2009, 22:52

ولد ولا بنت
كلهم نعمه من الله اهم شي صحه الجنين

ام زهور22 · 22-06-2009, 02:21

يعطيكم العافيه حبايبي ومشكورين بس اناابي اعرف شفني وخايفه اني ماعرف اخبي على احد انا من النوع الي مب غزيره اغبي اشوي وبعدين افظح نفسي لاكن محتاجه اعرف عشان تجهيز البيبي يترى وردي اوازرق هذالي هامني بعد والحمدلله على كل شي

رقة أنثى · 22-06-2009, 05:27

شوفي حبيبتي انا زيك مااحب اكذب
وفي حملي الاول لما عرفت وقاموا الناس يسالوني
قلت لهم ايه عرفت بس ماابي اقول ابي اخليها لوقتها احسن
يعني صرت صريحه معهم مره منها اني مااكذب عليهم
ومنها اني ابين لهم السبب ليش انا ماابي اقول وعارفه
انهم بيغثونك يبون يعرفون شنو اللي ببطنك كونك عرفتي
بس انا اصر ومااقول لو ايش

ღ.¸¸. أم فرح .¸¸.ღ · 22-06-2009, 08:10

حبيبتي
والله انهم فضولين
قول لي لهم
اذا جاء بالسلامه بتعرفون بنت وإلا ولد

الله يقومك بالسلامه

ام حنوفة · 29-07-2009, 04:11

يا جماعة كلة فضل والنعمة غيرنا مش طايل البنت انا معي بنت وحامل في بنت تاني ادعولي تيجي بالسلامة لاني بجد زعلت لما عرفت ا نها بنت وخايفة ربنا يعاقبني ادعولي تطلع حلوة خميلة الخلق والخولق والحمد للة عليهم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ابي اعرف شلي في بطني ذكر ولا انثى