عالم الحياة الزوجية - منتدى

احلى نيرس · 21-06-2009, 02:30

السلام عليكم
عندي مشكلة ومو اول مرة اطرح مشاكلي وبعدها ما اشوفها منزلة بالمنتدى بس املي فيكم
عندي مشكلة مع زوجي حبيب قلبي ان دوم بيي يلغي شخصيتي
اقول كيف

يسأل عن كل شي اسوية وانا مو من حقي اسأل عن اي شي اهو يسوية
يعني مثلا يتصل واهو يدري اني في بيت اهلي واني بعدين بطلع معاهم بيت خالتي ويتصل يسأل من وداكم ومن دا ولما انا اسال في وين انت يقول لي مو شغلك يالله ابي اعرف كيف العدل وكيف اتعامل مع واحد بهادا الشكل مع العلم اني مو مقصرة معاة ولا بشي وصار لنا سنتين على ها الحال ولا احد يقول لي اصبري انا ابي حل

مع العلم ان صار لنا سنتين متزوجين ومتفاهمين على اغلب الاشياء بس على هدا الشي مو راضي يفهم اني زوجتة ومن حقي اسأل اكيد ما احقق بس اطمن وبس
يالرجال المنتدى ردوا علي وابيكم يالنساء بعد

ضيم السنين · 21-06-2009, 02:41

انتي بعد قوليله مو شغلك
عسى يتأدب

نورالتقى · 21-06-2009, 02:44

يمكن زوجك من كثر ما يحبك يغار عليكي وبجنووووووون فيسألك في الطالعة والنازلة
يعني لاتدققي ياختي وعيشي حياتك ولاتسوي من الحبة قبة!
المهم انك تكوني انتي وهو في سعادة وهذا المهم
موفقة اختي
نورالتقى

وجـــدان غـــاليتك · 21-06-2009, 03:47

أذا كان الأمر مثل ماقرأت
الله يسعدكم ويهنيكم
ماشوف في مشكله
مدام تقولين حبيبي قلبي
ترا حريص عليك فقط
لا تهوجسين
غيرك من النساء تشكي وتبكي
تتمنى من زوجها الأهتمام والحرص
مالقته
الله يعينها
الله يبعد عنكم المشاكل بس
أتمنى الأعضاء يفيدونك أكثر
تقبلي مروري

قلبي كله حنان · 21-06-2009, 04:21

اقتباس:

المشاركة الأصلية كتبت بواسطة ضيم السنين

انتي بعد قوليله مو شغلك
عسى يتأدب

والله العظيم انتي عندك مشكله
صدقيني في مشكله انتي حقيقي مو طبيعه
بالله لو تقدري تقولي وش مشكلتك لو على الخاص برساله عشان اقتنع بردودك الله يرضى على اهلك

كيان انسانة · 21-06-2009, 04:30

دام ما عندك مشاكل و لله الحمد متفاهمين مع بعضكم
فلا تطالعين في هذي المشكلة وهي بالاساس موب مشكلة وعديها على خير

الله يوفقكم

قلبي كله حنان · 21-06-2009, 04:37

اختي صاحبة المشكله
ترى نحن معشر الرجال وليس الاغلب فيهم هذا الطبع للاسف
نحب نسأل الزوجه على كل صغيره وكبيره وياويلها لو بس تسأل متى راجع ولا فين كنت ولا مع مين هههههههه
بس في نظري ليست من صفات الرجوله الكامله
لان الزوجه لما تسأل زوجها من باب الحرص والخوف عليه لا اقل ولا اكثر
بس زي ماقولت ليكي ليس كل الرجال يتقبلوا هذا السوال
بس العلاج له في طرق كثيره راح اعطيكي بعضه ولعل الله عزوجل يكتب اللي فيه الخير
اول شي // لو تأخر عن البيت ارسلي له رساله قولي فيها - حبيبي وينك لان قلبي انشغل عليك
مو انا ترى لاني انا تعودت على صدك لي بس قلبي ماتعود
اكيد ماراح يرد لانه وقتها راح يحس انك كسرتي كبريائه
بس لاتخافي العلاج مو من اول مره يفيد ماتشوفي اللي يكون مريض ياخذ الدواء اكثر من مره في اليوم عشان مفعول الدواء يبان
الشي الثاني // لو انتي عند اهلك او عند بيت خالتك او اقاربك واتصل لاتردي في البدايه خليه يتجنن شوي وبعدين ردي وقتها راح يسألك اشبك ماتردي قولي له حبيبي الله يكرمك كنت في الحمام ههههههههه خليه يطرطع
انتبهي تقولي له الجوال صامت ولا كنت مشغوله اكيد راح يمكن يطلقك هههههه زي ماقولت لكي قولي له كنت في الحمام الله يكرمك ويكرم المشاهدين
ثالث شي // لما يسألك بعد ماتجاوبي بكل برود على كل الاسأله
قولي له بمزحه ها يمحقق كونن اي استفسار ثاني
راح يقولك اشبك تتريقي قولي له لا والله قاعده امزح خلي ضغطه يطلع وينزل واذا قلك خير ان شاء الله لما اشوفك قولي له اكيد لما اشوفك بشوف الخير يابعلي
رابع شي // اول مايقابلك لاتعطيه فرصه قولي له وحشتني ونفسي كان اتصل عليك بس خفت تهزأني وتقولي ليه اتصلتي او ايش تبغي لاني صرت امسك الجوال واشوف رقمك وابغى اضغظ على الزر بس قلبي رافض رافض التوبيخ والتجريح منك
وقتها في احتمالين يا يقولك انتي اللحين تتريقي لما اكلمك وينزل حرته فيكي وكتها لاتردي عليه ولا كلمه وسوي نفسك زعلانه لانك ماغلطي عليه بشي هو اللي غلط ولا تدوري رضاه انتبهي
الاحتمال الثاني من كلامك يمكن يستحي لما تقولي له وحشتيني ............. وافتقدك ............. تمسكي يده في السياره نوع من الرومنسيه .................

لي عوده على موضوعك مره ثانيه
تقبلي مروري اخوكي في الله قلبي كله حنان

ضيم السنين · 21-06-2009, 04:49

اقتباس:

المشاركة الأصلية كتبت بواسطة قلبي كله حنان

والله العظيم انتي عندك مشكله

لازم تكون في مشكله انتي حقيقي مو طبيعه

بالله لو تقدري تقولي وش مشكلتك لو على الخاص برساله عشان اقتنع بردودك الله يرضى على اهلك

لزوم تقتنع بردودي .. ترا المسئله مسئلة حياة او موت
على طاري الحلف انت ذمتك وسيعه؟ تحلف عن شي ماتدري عنو
ام ماشي ع المثل اللي يقول = يكذب الكذبه ويصدقها؟
ولا سالفة الخاص برساله؟ ها ها

قلبي كله حنان · 21-06-2009, 04:52

اقتباس:

المشاركة الأصلية كتبت بواسطة ضيم السنين

لزوم تقتنع بردودي .. ترا المسئله مسئلة حياة او موت

اقولك انابقوم اصلى الفجر وارد ابركلي عشان
لا ازعل منك

*هيمو* · 21-06-2009, 04:56

يمكن من دافع حبه لك وخوفه عليـك

قلبي كله حنان · 21-06-2009, 04:56

اقتباس:

المشاركة الأصلية كتبت بواسطة ضيم السنين

لزوم تقتنع بردودي .. ترا المسئله مسئلة حياة او موت
على طاري الحلف انت ذمتك وسيعه؟ تحلف عن شي ماتدري عنو
ام ماشي ع المثل اللي يقول = يكذب الكذبه ويصدقها؟
ولا سالفة الخاص برساله؟ ها ها

في الرد الاول كان اقتباسي ليكي على السطر الاول وتفاجأت منزله سطرين بعده
بس اللحين تأكدة انك انسانه مو طبيعه وانا مااحب اخش مع بنات في مهاترات وجدل لانها وصيه من واحد عزيز على قلبي وبعدين حكاية ماشي على المثل اللي يكذب الكذبه ويصدقها--ذكرتيني بالمثل اللي يقول وش دخل كلمة طز في مرحبا
يعني انتي في وادي وكلامك في وادي -
ياضيم اركدي وبطلي عشان عيب يابنت الاصول

ضيم السنين · 21-06-2009, 05:07

اقتباس:

المشاركة الأصلية كتبت بواسطة قلبي كله حنان

في الرد الاول كان اقتباسي ليكي على السطر الاول وتفاجأت منزله سطرين بعده

بس اللحين تأكدة انك انسانه مو طبيعه وانا مااحب اخش مع بنات في مهاترات وجدل لانها وصيه من واحد عزيز على قلبي وبعدين حكاية ماشي على المثل اللي يكذب الكذبه ويصدقها--ذكرتيني بالمثل اللي يقول وش دخل كلمة طز في مرحبا
يعني انتي في وادي وكلامك في وادي -

ياضيم اركدي وبطلي عشان عيب يابنت الاصول

لا تطمن انا وهرجي وادينا واحد مير مشكلتك ماتستوعب عقليتي
بس لاول مره اشوف واحد يبدا بالغلط ثمين يقول اركدي
والعيب نعرفه مايحتاج احد يدلنا عليه
انتهى

أتعبتني · 21-06-2009, 05:19

أبنتي الغالية أحلى

الحمدلله أن هناك أستقرار في حياتك وما أنتي وتحسبينه معاناه فهو شىء طبيعي في عالم الرجال فلا يحزنك تصرف زوجك ولا يخفى عليك وبما أني رجل لا أحب من زوجتي أن تسألني إذا خرجت أين أنت أو متى ستأتي أو مع من خرجت،

ممكن بعد روجوعي للبيت أخبرها بكل ما تريد ولكن إذا كنت خارج مع الأصدقاء أو ما شابه ذلك فأني بيت لها من أيام الخطوبة إذا كنت خارج مع الأصدقاء لا تسألني أين أنت ومتى سترجع ومع أنت، بصراحة هذه الأسئلة لا أحبها وأجد أن زوجك فيه هذه الصفة لا يحب هذه الأسئلة وعليه هوني عليك ولا تصعبي الأمور، واسال الله أن يحفظك ويحفظ زوجك يوفقكم لكل خير،

حسين!! · 21-06-2009, 05:23

ضيم السنين لا تحطي الحطب على النار ..
لا تقوليله مو شغلك ..
هذا زوجك غيوور ويحبك كثيير ..
احمدي ربك انه يحبك غيرك مايسألها زوجها من وين جيتي ..!!
واذا على مو شغلك .. عطيه الكلام الحلو وشوفي كيف بيتولع ..
قوليله حراام لاتخليني اخاف عليك لازم تطمني وتدلعي معه في الكلام هههههه وبتشوفين العجب العجاب ههه

THE SKY COLORS · 21-06-2009, 05:28

من رايي لاتخلقين مشكله من دون سبب
هذا زوجك ومن حقه يتطمن عليك
احمدي ربك انه يسال عنك
وينك عن الحريم اللي تطلع وتدخل ولا يسال عنها مهملها
وكل الرجال مايحبون الحرمه اللي تسالهم
كل خواتي متفقين على هالشيء
اذا سالوهم وينك فيه يقول عندي شغل يعني لاتضيقين صدرك
براحته اهم شيء انه مايقصر معك بشيء

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ياريت تقروها ابي حل