فتومي

بسم الله الرحمن الرحيم
حبيت اكتب لكم بعض الاشيا اللي اعرفها واللي تعتبر اشيا صغيره لكن مهمه حق نجاح الحياة الزوجيه...
بدون اي مقدمه
اول شي حق اللي توهم متزوجين...
1. عدم المبالغه في بعض امور الحياة , ويعتبر شي مهم
مثلا في بدايه الحياة الزوجيه كل واحد يبي يبن نفسه حق الثاني ومقدار حبه له, مثلا يوم عيد ميلاد الزوجه (اول عيد ميلاد)
الرجل يجمع فلوسه من قبل سنه ويتحمل كل الصعوبات الماديه علشان يشتري طقم الماس حق زوجته, صح, والزوجه اكيد بتستانس
لكن تعتبر مبالغه, لان احتمال الزوج بعد اربع سنوات او خمس مع وجود الاطفال مايكون عنده هالامكانيات او الاستعدادات ان يشتري هديه مثل هديه اول سنه في الزواج..!! فالزوجه بتقعد وبتفكر وبتقول هااااااااااااااااااااا, اكيد الحين صار مايحبنييييييييييييي, اكيد تملل مني وصرت عنده شي عاديييييييييييييي
عقب ماكان اييب لي طقم الماااااس الحين صار اييب لي روز منتف
هههههه
يعني هم على الزوج ان يفهم ومايبالغ في هداياه وهم على الزوجه انها تكون فاهمه الوضع
ان ظروف البدايه غييييييييييييير وبعدين غييييييييير عقب الاطفال.
مثلا الزوج في بدايه الزواج يقعد كل يوم يتصل من الشغل حق زوجته ويكلمها في التليفون ساعتين ثلاث ساعات, والزوجه تستانس حدها
لكن الزوج مايقدر يتم جذي على طول, يعني مايقدر للابد كل يوم يتصل ويكلمها جذي في التليفون, او يطرش مسجات قد ماكان يطرش في بدايه زواجهم, على الزوجه انها تفهم الوضع بدل ماتقعد كل يوم في البيت من كثرة الفراق تفكر وتسوي قصص افلام هنديه,,,, هاااااااااا زوجي صار مايحبني الحين
قبل ماكان يقدر يتحمل فراقيييييي وكل ثانيه يتصل, لكن الحين نسااااااااني وفراقي صار عادي عنده...
لا لا
ابد ماصار شي عادي عنده
وبالعكس مع مرور الايام معزتج تزيد في قلبه, لكن الظروف تتغير
يعني هم على الزوجه انها تفهم هالامور وهم على الزوج انه مايبالغ في بعض الاشيا في بداية حياته مع زوجته وبعدين يتوهق..
مايحتاج الهدايا تكون ذهب او الماس
تكفي ان الرجل تذكر زوجته حتى اذا بروز واحد.

تخيلو الحين, الزوج ويا زوجته قاعدين في السياره
الزوجه: حبيبي احبك وايد
الزوج: انتي عمري, انه بعد احبج وايد
الزوجه: تتذكر ايام البدايه, تاريخ 12\5 لما رحنا البحر وصارت.....
الزوج وهو مو متذكر وخايف عشان المرة ماتفهم: اي اي حبيبتي اتذكر, كان احلى يوم في حياااااااااااتي
الزوجه: حبيبي تتذكر تاريخ 5\3 لما رحنا بيت اهلك وصارت....
الزوج وقلبه يدق من الخوف: اي اي حبيبتي, بووووووووووووو لاتذكريني, ابد ما انسى هاليوم.
الزوجه تبي تجيك الزوج: حبيبي انت, انزين حبيبي تتذكر عيد ميلادي متى؟
الزوج خلاص بيموت الحين: اي حبيبي اكيد اشلون اقدر انسى هاليوم
الزوجه: انزين متى؟
الزوج: 10\3
الزوجه:
الزوج: لا حبيبتي اتغشمر معاج. كنت بس ابي اقص عليج, عيد ميلادج (وهو مو متذكر) 4\9
الزوجه(تعض شفايفها من الحره)
الزوج: انزين 7\4؟؟
الزوجه بتموت الحين
الزوج: حبيبتي لاتضيقين خلقج اهم شي اني احبج
الزوجه: لو كنت تحبني صج جان حفظت تاريخ عيدميلاد اهم شخص في حياتك, انت حتى مو عارف متى, لو كنت تعزني جان اهتميت وهاليوم كان مهم بالنسبه لك, مثل ما انه حافظه كل تواريخ مناسباتنا....
والزوجه تتكلم وتتكلم وماتسكت واهمه في السياره وتعور راس الحبيب...
انزين يانسوان افهمو, االعلم اثبت ان الريال مايقدر يحفظ التواريخ مثل ما المرأة تقدر تحفظ
احنا ماشالله علينا بس ناطرين تصير مناسبه علشان نحفظ تاريخها ونحتفل سنه اللي عقبها بذكراها, بس الرجال مو نفس المرأة, مايقدر يحفظ
واحنا كل يوم نقعد نحن عليهم ان اييي انتو مو مهتمين فينا....
وتعرفون شنو صار مع قصتهم في النهايه؟؟
عقب ما الزوجه قعدت تحن وتحن وتحن وتتكلم الزوج عصب عليها قال اففففف اشكثر تتكلمييييييين!
عاد المرأه عقبها سيده راحت بيت اهلها لانها مااستحملت.
بس بنات, العلم اثبت ان الرجال مايقدر يركز في اكثر من شي في آن واحد.
يعني ماشالله على النسوان هم يطالعون التليفزيون هم يطبخون هم يكلمون اختهم في التليفون ويعطون الريبوووووووورت كاااااااامل, كله في آن واحد
لكن الرجل مايقدر يركز في جم شي
فلاتتعبونه واهو يسوق السياره, وتقعدون تتكلمون ولاتسكتون عشان يضطر يقول اففففف
هههههه
لازم نعرف ان في بعض الفروق بيننا
الرجل مو مثل المرأه في كل شي

انشالله الباقي بكمل لكم ياه يوم ثانيه
وانشالله استفدتو

احصل على الاف المقالات , المواضيع و الصور باستخدام البحث في المنتدى انقر هنا