عالم الحياة الزوجية - منتدى

الاحلام الضائعه · 22-06-2009, 20:16

السلام عليكم ورحمة الله وبركاته انا مشكلتي ما لقيتلها حل حبيت شاب واول مره احب بحباتي وعلاقتنا طولت المهم انه جاى يتقدم لي واهلي رفضو بكل بساطه عشان هو اجنبي وحاول اكثر من مره وتقبل الاهانت بكل انواعها عشاني وبعدين اهلي زوجوني با الغصب واحد انا مابيه لكن القسمه والنصيب اقوى وتزوجته بس والله اني رضيت با الواقع وبعد زواجي اكتشفت ان زوجي مريض عاجز جنسيا ولا بيني وبينه ولا اي حيا ه زوجيه مثل اي اثنين واصبرت ولا تكلمت لاقلت لاي احد وسافرت انا وياه خارج السعوديه عشان هو يبي يكمل دراسته فجاءه تعامله معي تغير كل ما فتح الموضوع يهزء ويعلي صوته علي ولا راضي يتعالج ولما ابي اخرج انا وياه نتمشى يتصل على اصحابه يروح معنا واذا مرضت يتصل على اصحابه تعالو خذو مرتي المستشفى والمهم والحاله كل يوم تزيد وانا ما قدرت اتحمل رجعت السعوديه ولما رجعت حكيت اهلي السالفه وامي تقول ارجعي واصبري وكل ما فتح الموضوع اصبري وانا مليت خلاص وانا افكر با الطلاق وكذا واجده نصحتني اني انفصل ما دام زوجي على ها الحاله وهو داري وما يبي يتعالج ولا شي لكن وش اسوي با الاهل الي عندي انا من جد تعبااااااااااااااااانه الله يخليكم سا عدوني انا كرهته وما ابيه ولا اطيق اشوفه

نورالتقى · 22-06-2009, 20:24

الله المستعان
الله يفرج همك وينفس كربتك ويشفي لك زوجك ويسعد قلبك يارب
اتمنى من الاخوة والاخوات يساعدوكي
الله يكون في عونك
نورالتقى

وفي · 22-06-2009, 20:34

وعليكم السلام ورحمة الله وبركاته
اذا كان وضعه بيستمر كذا
فالانفصال اسلم
عندي لك حل
اذهبي لاهلك
واشرطي عليه انك ماراح ترجعين
الا اذا تعالج
والله يوفقك ويسعدك

يا أغلى من روحي علي · 23-06-2009, 00:03

اذا عاجز جنسياً ورافض العلاج ويقول لااخوياه يودونك
ويجيبونك فالطلاق وبالثلاث والله معاك.

قحطاااني ماااركه · 23-06-2009, 01:16

والله يا اختي حاس بالقهر والعذاب اللي جواتك
إذا تشوفين ما فيه أمل انه يتعدل ويصير للأحسن
صلي استخارة وربي يقدر لك الخير
اتمنى اسنع عنك اخبار سارة

الله يوفقك ويعطيك لحد ما يرضيك

تحياااااااااتي

مــــــــلآكــ · 23-06-2009, 01:26

روحي بيت اهلك واطلبي الطلاااااااق
وعيشي حياتك لاتضيعي عمرك معاه ..

دموع كيوبيد ! · 23-06-2009, 01:27

من حقك تعيشي حياه طبيعيه ومستقره وترزقي بـ أولاد..
دامك مجبوره عليه وبعد فيه عجز مالك إلا الطلاق ولاتسمعي كلام شخص غيرك ..
انتي اللي عايشه معه مو أهلك ..
بس قبلها حاولي تقنعيه يتعالج ولو مارضي معك حق في أي خيار تختارينه ..
وربي يوفقك ..

وجـــدان غـــاليتك · 23-06-2009, 01:39

أذا كان الامر مثل ماقرأت
أسأل الله أن يشرح صدرك ويفرج كربك ويقدر لك الخير حيث كان ويرضيك به
اللهم آمين
اذا يبيك يسعى في العلاج
حاولي معه
وأذا تم رافض
تسريح بأحسان
أتمنى الاعضاء يفيدونك اكثر
تقبلي مروري

عاشق(الN) · 23-06-2009, 02:09

اقتباس:

وبعد زواجي اكتشفت ان زوجي مريض عاجز جنسيا ولا بيني وبينه ولا اي حيا ه زوجيه مثل اي اثنين

اقتباس:

ولا راضي يتعالج ولما ابي اخرج انا وياه نتمشى يتصل على اصحابه يروح معنا

اقتباس:

واذا مرضت يتصل على اصحابه تعالو خذو مرتي المستشفى

الله يصلحك ويهديك ماتحسين انه
كلام كبير!!!!!!!!!!!
نسيت اقول انا عرفنا انك ساكنه
السعودية بس ماقلتي لنا من اي بلد
لان الكلام اللي كتبتيه مبين مهو كلام سعودية

نت الهيلا · 23-06-2009, 02:37

اعتقد ان المهم المشكله مو مهم من وين انشاء الله من المريخ فالمشكله حاصله في كل مكان وفكل زمان

محبه بعنف · 23-06-2009, 02:45

الله يكون في عونك يا عسل
الله يقدم لك ما فيه الخير
و الانفصال ممكن يكون حل
بس لا تقدمي عا شيئ الا بعد الاستخاره
طيب سؤاال....ليه ما استفدتي من وجودك بالخارج و كملتي دراسه؟؟كان مممكن الهتك شويه عن الموضوع
تقبلي مروري

فيفي الحلوة · 23-06-2009, 03:34

الله يوفقك بس اتوقع ان الانفصال احسن لك..........

* فجر الجنوب * · 23-06-2009, 03:58

بصراحه الانفصال احسن
تقبلي مروري

كلي ملح ودمي سكر · 23-06-2009, 04:14

انصحك تاخذي فترة نقاهة وتروحي لبيت اهلك بدون زعل
يعني نقاهة وتفكري بسلبيات زوجك وايجابياتة يمكن اسلوبك بالحوار معاة خلاة يرفض بذات الرجال يرهون هالمواضيع لانها تهز برجولتة شوي فالموضوع يحتاج اسلوب ولباقة بالحوار وطرق اقناع
شوفي مميزاتة وسلبياتة واستخيري وحاولي
واللي يختار الله فية الخير لكم

جومانه1111 · 23-06-2009, 04:22

جربتى الرقيه لشرعية....اعرف وحدة زوجها سنتين ماقربلها وبعدها الله شافاه وعندهم ماشاالله 4

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تكفووووووووووووون سا عدوني