عالم الحياة الزوجية - منتدى

عبووود الشرقيه · 23-06-2009, 22:10

السلام عليكم ورحمة الله وبركاته
انا شاب ابلغ من العمر 23 سنه مريت بتجربة عاطفية حيث اني كنت على علاقة حب شريفة بفتاه واتفقنا على الزواح واوفيت بوعدي وتقدمت لها بشكل رسمي بعد
ان اقنعت اهلي بها مع تحفظهم على ذلك و طلبت يدها بشكل رسمي من عائلتها
فوجئت بالرفض للسبب غير منطقي لأنها من غير قبيلتي وبعد محاولات مضنيه بإقناع اهلها ولكن بدون جدوى
فأصابنا الحزن والإكتئاب وقام والدها بإجبارها على احد اقربائها !!
لاجل ان يقطع الطريق بيننا مع العلم انها رفضت ودايم تتصل فيني وتبكي
وانا لا حول لي ولاقوة ما اقدر انساها ولا ابتعد عنها بحكم الحب والوفاء اللي
بينا منذ ما يقارب 6سنوات ولا اقدر اتخيل نفسي مع غيرها خلاص والله تعبت
ما اقدر انام ولا اكل ودائما سرحان ومهمل حتى في عملي حاولت انساها او اتصنع
النسيان لكن اضعف واعود وكل شيء يذكرني فيها هداياها ورسائلها وكل شيء يخص علاقتنا غيرت رقمي اكثر من مره بس اعود وانتكس واكلمها وهي تترجاني ما اتركها .
ومع الايام قالت احد قريباتي فيه بنت تحبك ؟
وهذا البنت من نفس الحارة وماتدري بعلاقتي مع حبيبتي الاوليه
وانا ماحبيتها ولافكرت فيها ولاطرت على بالي
مع العلم انها ارسلت قريبتي يمكن 4 مرات وانا مطنشها
ولارديت وهي الحين تنطر مني خبر وانا محتار اخاف مااتقبلها
ونفسي طابت من الحريم ولاصرت اهتم فيهن.....
تكفون ولي يرحم والديكم ساعدوني وشوف لي حل
والله ماادري ايش اسوي ما عاد اعرف افكر من كثر الهواجيس ....

كيان انسانة · 23-06-2009, 22:24

يابن الحلال السالفة كلها سالفة نصيب
نصيبها تعيش وتتزوج غيرك
ونصيبك انها ماراح تتزوجها وتعيش حياتك معها
اقطع كل وسائل الاتصال فيها اكيد الاتصال فيها يجدد الشوق بينكم
لو كلمتك حط الله قدام عينك حرااام تكلمها وهي متزوجة حتى لو حزنتك وجلسة تبكي
وبإذن الله اذا قطعت عنها تكون فترة وقت وتنسى

موفق

soso23 · 23-06-2009, 22:28

اخي مادام انك عملت الي عليك ورحت وخطبتها
فماكو داعي تنقهر او ينأبك ضميرك لان سويت الي يملي عليه ضميرك
وتذكر عسى ان تحبو شيئا وهو شر لكم
والزواج قسمه ونصيب
البارحه واليوم كنت اتحبها بكرى تنساها والله يعوضك من غير لا تحتسب
وتذكر انه الله اعطانا نعمه اسمها النسيان لولاها لكنا جميعا بهلاك

اما عن الجارة الجديده فلا انصحك بان تدخل وفي هذا الوقت خصوصا بتجربه اخرى
لان التجربه الاول لسه مسيطرة عليك
الان حاول فقط تهتم بشغلك وعملك
وتنسى الحب الاول وبعدين فكر باي شي ثاني

وجـــدان غـــاليتك · 23-06-2009, 22:43

اذا كان الأمر مثل ماقرأت
أسأل الله أن يهديك ويصلح شأنك
اللهم آمين
أخوي خطوه تشكر عليها أنك تقدم للبنت
الحمد الله ربي ماكتبها من نصيبك هذا حال الدنيا موكل شي يتمناه الأنسان يناله..(أَمْ لِلْإِنسَانِ مَا تَمَنَّى فَلِلَّهِ الْآخِرَةُ وَالْأُولَى) الله حكمه
فيما قضى ماتدري لعل الله كاتبلك أنسانه
أفضل منها لا تجزع وأحمد الله على كل حال
أستعين بالصبر والصلاه
ودعيلها بتوفيق
وبنسبه للبنت الي تبي منك رد ..
أخوي مادام نفسك طابت من الحريم
خليها طايبه.. الا من الحلال..(الزواج)
وش لك بوجع راس ثاني
ودوامه ومكن تصيب ومكن تخيب
أذا تبيك وانت تبيها روح أخطبها
أماعلاقه؟؟؟؟
أتقى الله ولا ترد عليها
الله يهديها بس
أتمنى الاعضاء يفيدونك أكثر
تقبل مروري

عبووود الشرقيه · 23-06-2009, 23:00

كيان انسانه
كلامك صحيح بس تطبيقه صعب الله يصبرني
شكرا لك
سوسو23
للأسف سويت كل شيء بس ربك ما أراد
شكرا لمرورك

وجدان غاليتك
جزاك الله خير على كلامك الطيب
وكل واحد ما ياخذ من الدنيا غير نصيبه
ألف شكر لمروك المميز

ضــي شاعـرهــا · 23-06-2009, 23:03

عبوود ربي يووفقك ويرزقك الي تسر خااطرك يااارب
طيب ليش مااتحاااول وياا اهلك مره وثنتين وثلاااث كثر الدق يفك اللحاام

ورد تشرين · 23-06-2009, 23:39

يا خووي
اذا تزوجت خلاص اقطع جميع وسائل الاتصال فيها
ولا تقطع الاتصال مع الله
قوم الليل وادع الله ان ينزع حبها من قلبك ويبدلك باحسن منها ويوفقها مع زوجها
حاول انك تلهى بشغلك واذا عندك وقت فراغ حاول انك تشغله عشان ماتتذكرها
وكل ماتذكرتها اكثر من الاستغفار والصلاه على النبي

الله يكون بعوونك

دموع كيوبيد ! · 23-06-2009, 23:42

هذا اللي صار صـار وهذا نصيبك ولازم ترضى فيهـ
وتأكد ان اللي صار هو الخير لك ..
وربي يرزقك ويعوضك الأحسن منها يـآرب

أختك ..

محب الحرية · 23-06-2009, 23:45

المشكلة اذا سوينا فيها رومنسيين وحبينا بنت نصدم برفض اهلها
انت ما انت من قبيلتها .

انصحك تتركها وتنسى الموضوع كم سنة وتروح تخطب بدون حب وخرابيط ترا افضل

سندريلا حارتنا · 24-06-2009, 02:39

الماضي اعتبره ماااااااضي خلاص مافي شي يرجع الي راااااااااااااااح والافضل انك ماتحتفظ بالهديا لانها بتهد حيلك وتكسر قلبك انا عانيت من حب استمر 9سنين ومالي 4 شهور تقريبا نفس الي صاااااااار لك ابوه رفض وهو رااااااح ولا حاول يضحي عشان الحب هذا والى يومك اتذكر بس اسمه ماضي اهم شي انك ماترتبط بوحده ثانيه بس عشان تنسى الاولي تكون مقتنع فيها وناوي تفتح صفحه جديده بحياتك
وصدقني انا مجربه وضقت مرارة الحب كلما تذكرت استغفر بنية النسيان وربي يعوضنا وياكم

حــــــــيرانه · 24-06-2009, 03:14

حاول للمره الاخيره .. وأذا فشلت خلاص استسلم لأنه مافي حل الا كذا .. الله يعينك

ادعي ان الله يستر عليها ويوفقها ويرزقك بنت الحلال اللي تهنيك يارب

عبووود الشرقيه · 24-06-2009, 04:59

صباح الخيرات ...
اشكركم على المرور المميز والبركه فيكم
والله يعطيكم الف عافيه وان شاء احاول بقدر مااستطيع
اسوي اللي علي والباقي على الله ....

sa1234 · 24-06-2009, 05:51

انسى الماضي وابدا صفحه جديده واعتبره ماضي وانتهى حاول قدر المستطاع الابتعاد عنها وللهي نفسك في عملك وربعك اتمنى من الله ان يرزقك بنت الحلال الي تقدرك وتحبك وتحبها بالحلال ولاتنسى صلاتك ترا الصلاه مفتاح الفرج عل ربي ينسيك اياها ترى الصلاه مافي اعضم منها

امركشي · 24-06-2009, 06:00

ماقصروا الاعضاء
الله يحقق لك اللي بالك اخوي

كلي ملح ودمي سكر · 24-06-2009, 12:09

خلي عندك ايمان بالقضاء والقدر
والخيرة فيما اختارة الله
عيش حياتك وصدقني مسالة وقت وتنساها
بس لا تتصل ولا ترسل اشغل نفسك ولا تفكر
ومع الوقت راح تنسى

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تعبت من التفكير والماضي يؤرقنــــــــــــــي