عالم الحياة الزوجية - منتدى

jafar730 · 23-06-2009, 22:18

السلام عليكم ورحمة الله وبركاتة
طبعاً البعض يعرفني من مواضيعي السابقة !!

انا بدخل على الموضوع على طول اسمعوني تمام تكفون !!
انا خاطب من 4 شهور, الثلاثة الشهور الأول الحمدلله كانت من احلى الشهور, الشهر الرابع بدأت المشاكل تظهر شوي شوي من والد البنت, المهم هذا كلة عادي ..
موضوعي هو اليوم تقول خطيبتي إنت من يوم ما خطبتني وكل مره تقول رصيدي بينتهي وما عندي رصيد !! أحس أنا وإنت أستعجلنا على الخطوبة أحسك إنت ما تبغاني , ما كني بنت مخطوبة الوقت إللي ابغاك ما اسمعك, إنت باقي ما كونت نفسك والله أنا تعبت ........الخ

وبعض الكلام إللي جرحني والله العظيم

يا أخوان أحكموا إذا أنا غلطان ولا لا ..
انا في أوروبا وجالس أتعلم لغة وباقي ما أشتغلت وهي في بلد عربي
من يوم ما إنخطبنى وأنا أكلمها يوم بعد يوم لكن في الفتره الأخير صارت من 3 إلى 5 ايام علشان الظروف والاختبارات ..
المهم إنتم تعرفوا الاتصال كيف يكلف انا والله كل ما يعطوني المصروف اشتري فيه رصيد والله واكلمها على المكالمة الوحده أقل شيء 60 دقيقه يعني انا في بلد وهي في بلد وانا ما اشتغل واكلمها كل هالمدة والله احيانا الفلوس اللي ابغى اشتري فيها ملابس اشتري فيها رصيد علشان لا تفهم البنت ولا تشك بأي شيء وكم مره اطلب من الشباب رصيد علشان اكلمها .........الخ
والله الفلوس إللي راحت مني على الرصيد والله كثيره جداُ وكمان باليور EURO

يعني هذا كله وتقول اليوم هذالكلام والله جرحتني مره مدري وش اسوي ابي منكم نصيحة يا أخواني وأخواتي تكفووووووووون ...

arsenal · 23-06-2009, 22:39

الله يعيينك لازم تفهمها او تخلي حد من اهلها يقنعها بالموضوع

حــــــــيرانه · 23-06-2009, 22:43

شوف اخوي .. اول شي الله يارب يسهل عليك وينجحك ويرزقك من حيث لاتحتسب ويهدي خطيبتك

ويحنن قلبها عليك وتتفهمك ان شالله .. بأختصارموضوعك ماله الا الصراحه يعني يوم تتصل عليها

المره الجايه قولها كل شي عن ظروفك ولاتستحي وهي صدقني تقول كذا لانها تحبك وما تشبع

من الكلام معاك . صارحها وافتح قلبك لها واكيد بتفهمك وتعرف
موقفك .. ونصيحه لاتترك

لأي احد مجال يخرب بينكم .. الله يسعدك ويهينك ويبعد عنك كل مكروه ان شالله

دمت بخير

meagte · 23-06-2009, 22:50

حبيبي لا تزعل منها....

هم كذا البنات !!

و هذا عادي...

انت المطلوب منك ,بشكل عام, تبذل جهد كبير تحسسها فيه انك تموت فيها, و طبعا هذا بطريقتك, و بنفس الوقت أبذل جهد لتفهمها الوضع وتوضح الصورة,,, و هو انك تبذل كل امكانياتك عشان تكون قريب منها

و طالما كلامك منطقي,,,اكيد بتفهم,,

بس المهم لا تترك فرجة لابليس ,لعنه الله, يفتح ابواب الهاه و الكيف و ليش.....

بس المهم ان تعرف ان هذا الشئ طبيعي و لا تزعل من البنت بسبب هذي الكلمتين,,لان البنات كثيييير يقولوا كلام غير منطقي و مثل ما عارف,

ممكن بلحظة تنسى معروف عمر..

ورد تشرين · 23-06-2009, 22:58

اولا الله يوفقك بكل امورك
ثانيا اذا كلمتها حاول تفهمها ظروفك ومن بين الكلام لاتنسى عبارات الحب من ياروحي ياحياتي الحس مخها بهالكلام واقنعها وقول لها انك جرحتيني بكلامك اذا من البدايه ماوقفتي معي اجل بعدين شلوون اذا فكرنا نبني بيتنا ووووو الخ
الله يعينك ويوفقك

حياويهـ · 24-06-2009, 04:13

أنا تضايقت وهو مو لي ..
شوف يمكن أنت تقول ما أقدر أكلمك لأن ماعندي رصيد . طيب ليه ماقلت لها أنا عندي ظروف وأختبارت !! ولا تجيب طاري الرصيد أبداً .
خلك صريح معها باللي أنت تمر فيه أحسن من أنك تقول من الرصيد .
كلمها وقول لها كلامك جرحني وتضايقت منه والمفروض تكونين واقفه معي بدل ماتلوميني وتجرحيني وانا بوقت
أختبارات وضغوط ومتضايق وتجين تزودينها علي بدل ماتوقفين وتعذريني وتثنين علي .
وتلقاها تسمع من زميلاتها خطيبها يكلمها دايم وبالساعات وأنت غير فحست بفرق وأنك بعيد عنها ومو يمها .
فلا تلومها وان شاء الله ربي يوفقك وترجع ويصخر قلوبكم على بعض وماتشوفون مشاكل أن شاء الله .
بالتوفيق .

عيون كحلها الحزن777 · 24-06-2009, 04:19

يا سلام عليك انسان ذوق و رومنسي ما شاء الله عليك؟؟
عموما اضيف رأيي لرأي اخواني وأخواتي فهمها انك مشغول وتدرس يعني لازم تخفف هالمكالمات اوكي .. وعلى فكره هذا طبع البنات يحبون يتدلعون سايرها وبس ...

التايف · 24-06-2009, 09:31

الاخت حياويه اعطتك الحل
الله يوفقها
التفاهم و المصارحه هي الحل
الله يتمم لكم على خير
تحياتي

إحســــــاس · 24-06-2009, 09:37

حطها في الصوره
وضحها لها الموقف

انك تصرف دم قلبك عشان تكلمها

لازم تفهمها باسلوبك الهادي اكيد

وفي حلول تانية

كلمو بعض على النت لو امداااكم

كلي ملح ودمي سكر · 24-06-2009, 09:58

البنت كم مرة اكيد صغيرة المفروض تقدر وضعك وظروفك
واذا تحبك ماتضغط عليك ولا تحرجك
كلمها بالنت افضل
واشرح لها الوضع وانك عارفة كل شي من قبل الملكة
ولازم تكونين عون لي بالحياة مو انتي والدنيا علي
فهمها بلكلمة الحلوة يمكن هي مومستوعبة الوضع والظروف اشرح لها مع شوية عتاب
الله يوفقك

مكتف النملة · 24-06-2009, 10:06

افادوووك الاعضاااء وما قصروو
الله ييسر امرك

jafar730 · 24-06-2009, 15:12

اقتباس:

المشاركة الأصلية كتبت بواسطة arsenal

الله يعيينك لازم تفهمها او تخلي حد من اهلها يقنعها بالموضوع

انا فهمتها بس هي عمرها 17 يمكن علشان كذا !!
وجزاك الله خير على الرد

jafar730 · 24-06-2009, 15:14

اقتباس:

المشاركة الأصلية كتبت بواسطة نانسي بنت مطلق

البنت كم مرة اكيد صغيرة المفروض تقدر وضعك وظروفك
واذا تحبك ماتضغط عليك ولا تحرجك
كلمها بالنت افضل
واشرح لها الوضع وانك عارفة كل شي من قبل الملكة
ولازم تكونين عون لي بالحياة مو انتي والدنيا علي
فهمها بلكلمة الحلوة يمكن هي مومستوعبة الوضع والظروف اشرح لها مع شوية عتاب
الله يوفقك

المشكلة ابوها مطوع رافض الكمبيوتر بالبيت ياريت لو كان عندها نت والله
والله شرحت لها كل شيء بس البنت ما تستوعب أبــــــــــــــدمشكوره على المرور يالغاليه

jafar730 · 24-06-2009, 15:16

اقتباس:

المشاركة الأصلية كتبت بواسطة إحســــــاس

حطها في الصوره
وضحها لها الموقف

انك تصرف دم قلبك عشان تكلمها

لازم تفهمها باسلوبك الهادي اكيد

وفي حلول تانية

كلمو بعض على النت لو امداااكم

والله صدقت اصرف دمي عليها وياريت لو عندها نت بالبيت وعافاك ربي على المرور .

jafar730 · 24-06-2009, 15:18

اقتباس:

المشاركة الأصلية كتبت بواسطة عيون كحلها الحزن777

يا سلام عليك انسان ذوق و رومنسي ما شاء الله عليك؟؟
عموما اضيف رأيي لرأي اخواني وأخواتي فهمها انك مشغول وتدرس يعني لازم تخفف هالمكالمات اوكي .. وعلى فكره هذا طبع البنات يحبون يتدلعون سايرها وبس ...

يعطيكـ العافيه على الرد وانا بحاول أكثر وأكثر إني افهمها

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أدخل ..لو سمحت !