عالم الحياة الزوجية - منتدى

حياتي أليمه · 23-06-2009, 23:21

السلام عليكم
مساء الورد ..
كيفكم ؟ انشاءالله طيبين

انا مخطوبه وكلامي قليل مع خطيبي ماحب اتكلم كثير وغير كذا هاديه بالمره ... طبعي الهدوء والصمت والغموض ... يعني ماحب الهذره الزايده ولا الكلام .. وهو مشاءالله عليه من سالفه لسالفه ومن سين لجيم ... وانا ساكته او اعلق تعليق جدا بسيط او اكتفي بالابتسامه ... هو يمكن يفسر هذا حيا وللأسف هذا طبع فيني مو حيا ... حتى مع الناس غامضه معهم وماحب اسولف ... لاتفسرون اني صنم وماأتكلم ... لا أتكلم لكن شي بسيط وباختصار .... ماأدري هل هدوء المرآه وغموضها يضايق الرجل ؟؟؟ او يحب اللي لسانها منفلت وتحب تتكلم ؟؟؟ أو ايش بالظبط ... ياريت تعطوني ارائكم ... واللي عنده نصيحه يقدمها لي يمكن تفيدني .. وشكرا لكم ....

العمده · 23-06-2009, 23:28

لا ابدا مايضايقه والهدوء للمرأه احسن من كثر الهذره
تطمني كل شي على مايرام

*نسيم الليل* · 23-06-2009, 23:32

والله يا قلبي انا نفس حالتك ودائما اسال نفسي هذا السؤال >>>>على قولة القايل >>الحال عند بعضها
انا طبعي هاديه وما اتكلم كثير وخطيبي ما شاء الله عليه على قولتك سالفه وراء سالفه وانا مستمعه إلا في بعض النقاشات ما اخفي عليك لا والله اناقشه وبقوه بعد.
فا ان شاء الله الاعضاء ماراح يقصرون معاك وانا استفيد منهم
موفقه حبيبتي

أين عمري · 23-06-2009, 23:39

مشكلتك تشبه مشكله صديقتي وهي في هذا الرابط
http://arb3.maktoob.com/vb/arb259350/
ان شاء الله تستفيدين من بعض الحلول فيها 000موفقة

مشاعر حبيبي · 24-06-2009, 02:50

يؤؤؤؤؤؤؤؤؤ انا مثلك

والمشكله حسب اني ماابي اكلمه قلي ماتبي تتكلمي اقفلي << زعل من سكوتي

ماني عارفه ايش اسوي عشان اطلق لساني

حياتي أليمه · 24-06-2009, 02:51

كويس في بنات مثلي

التايف · 24-06-2009, 09:43

اذا كان زيادة عن اللزوم يكون يطفش مررررررره لخطيبك اللي يبي يكلمك و يسمع صوتك و يعرف تفكيرك و اهتماماتك و انتي تعرفين وش يفكر فيه و اهتماماته يعني تعارف حقيقي
اشوف ان هذا الطبع حلو في حدود فالرجل يحب المرأة المتحدثة و اللبقة و اللي تحاور و تسأل و تجيب
تحياتي

شاعر s · 24-06-2009, 09:52

almahssi80 · 24-06-2009, 09:53

يا أختي هذه هي سنة الحياة وهذا شيء عادي وفالوا في المثل في فترة قبل الزواج (الخطوبة) الذي يتكلم ويثرثر أكثر هو الرجل والمرأة هي تسمع دون كل أو مل 00 اما بعد الزواج فالمرأة هي التي تثرثر أكثر ولا تسكت عن الثرثة والمطالبات 00 يعني انك حتى ولو كنت قليل الكلام والنقاش مع الاخرين فانك طبيعية وانك لا تشتكي من عقدة فسوف تنطلقي عندما تتزوجين وسوف تكوني كالترانسستور 00

مكتف النملة · 24-06-2009, 10:57

انا رائي على حسب الشخص الذي امامك
فمنهم من يحب الهدوء مثلك ومنهم من يحب السوالف
وانا من النوع الذي احب فيه الاستماع اكثر من الكلام
ما اعتقد انه عيب او غلط
موفقه

arsenal · 24-06-2009, 10:57

والله الهدوء حلو عند المرأة ويعجب الرجل بس لما يزيد عن حده ينقلب ضده
حاولي لما يسالك تردين عليه بجواب طويل على الأقل يعرف بشو تفكرين

امركشي · 24-06-2009, 13:57

الحياء ميزة في المراءة بشرط انه مايكون بشكل مباالغ فيه
الله يوفقك

مجروح بلا جرح · 24-06-2009, 14:02

خليكي على ما انتي عليه .... وخليه هو يقول اللي يبغى .......
البنت بطبعها خجوله..... وحلو لما تكون المخطوبه هادئه ...... بس لا مانع من المشاركة في النقاش ...
وصدقيني هالشي ما يضايق الرجال ولا شي (( اتكلم عن نفسي ))

يا أغلى من روحي علي · 24-06-2009, 14:10

منه المال ومنك العيال ياعروسه وطبيعي الخجل عند البنت بأول الأيام
لكن سرعان مايتلاشى مع العشره والراحة النفسية بين الطرفين..
الله يوفقكم ويجمع مابينكم بكل خير.

حياتي أليمه · 25-06-2009, 00:08

شكرا لكم اخواني

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ســؤال للرجــال