عالم الحياة الزوجية - منتدى

الذهب ما يصدا · 24-06-2009, 07:38

السلام عليكم ورحمه الله وبركاته
كيفكم حبيباتي اخواني
انا عضوة جديده في المنتدى اتمني اني اكون خفيفه ظل عليكم وهاذا اول موضوع لي اتمنى تتفاعلون معي لاني ما كتبت مشكلتي الا وتهمني ارائكم
انا عمري 23 سنه
متزوجه لي سنه ونص
وعندي بنوته حلوة عمرها سنه
مشكلتي اني عطيت ضحيت لابعد حدود وفي النهايه اطلع خالية الكفين
انا ساكنه مع اهل زوجي من اول شهر بدو خواته يشتغلوني دق بالكلام ووووووالخ واخرتها ماعجبتهم فاطلعولي مشكله اني متكلمه فيهم وسابتهم وسابه امه ومن الكلام هاذا طبعا درء للمفاسد طلبت بيت عشان اقطع الخيط من اوله امه عيت وتقدرو تقولون انه ولد امه شخصيته جدا ضعيفه امام امه وخواته سمع كلامها وصارت بينا مشكله المشكله مو هنا
المشكله انه طعني بشرفي وامه كذالك وطلعوني حراميه وخلاني ما اطبخ ولا اغسل مدري سنه ونص وش كنت قاعده اسوي عنده وووو اعترف انا غلطت وطولت لساني بس مو لدرجه الكلام الي قالوه وطلقني بس طلاقه ما وقع لانه كان على جنابه اعزكم الله
من بدايه زواجي وانا اشوف افلام سكس وصورته حاط رقمه عليها واسمه علاقته بربه الله بلخير مصروف ما اخذ منه طلاعات ما اطلع كثير والله حتى سيارته انظفها له وساكته ما تكلمت طبعا جزات المعروف النكران يمكن بنتي هي الشي الوحيد الحلو الي صار لي مع العلم ان زوجي يصير ولد خالي
انا محتاره بين امرين طلاق ما طلق وش تنصحوني في بعتبار اني اختكم الصغيره اروح للمحكمه واطلب من الشيخ يطلقني منه ولا اصبر فرج ربي والي كاتبه لي
اسفه اني طولت عليكم

* الـنـجـلاء * · 24-06-2009, 08:19

اصبري وحاولي تكسبيه وتكسبي اهله
اعتذري لهم حتى لو من ورا قلبك
يظلون اهلك وبينكم رحم
وادعي الله يفرج لك

الذهب ما يصدا · 24-06-2009, 08:35

حبيبتي هم الي ظالميني انا ماتعرضت لهم ولا حتى جبت طاريه بشين حتى لاغلطو في حقي
شكرا على الرد

كلي ملح ودمي سكر · 24-06-2009, 08:53

خلي ولي امرك يتفاهم معاة
انتي كان شرطي من الاول منزل مستقل
الان ولي امرك يجيب حكم من اهلك وحكم من اهلة
ويحلون الخلاف ويحطون حدود وشروط للوضع اللي قاعد يحصلك
عشان تعيشين باامان
وبعدها تقررون ونصيحىة استخيري قبل لا تتخذين اي قرار

الذهب ما يصدا · 24-06-2009, 09:07

تسلمين حبيبتي

الــحــوت · 24-06-2009, 10:16

هذه عاقبة التضحيه للزوج إللي ما يقدر ولا يستحي ..
تكفين كافي تضحيات ؛ بما إن أبوه خالك كلميه شوفي لك حل معاه ؛ إطلبي بيت مستقل و لو شقه صغيرة و إرتاااااحي ..
أهل أي زوج ترينهم بدون إحساس غالباً ويحبون يسببون مشاكل لا أول لها ولا تااااالي ..
أختي الله يوفقك و ييسر لك زوجك :
إدعي عليهم الله سبحانه وتعالى والله ما تدعينه سبحانه و أنتي مظلومه إلا و ينصرك نصراً مؤزراً..
أيضاً حاولي قدر الإستطاعه ما تروحين عندهم بالبيت لا تروحين لمهم وتجلسين معهم وخاصةً خواته
؛
خليك وحدااانيه ..
الحمد لله يــــآرب عندك بنت إشغلي وقتك فيها بتربيتها تربيه صالحه بعيداً عن عماتها وجدتها و إحرصي كل الحرص إنك ما تخلينها تكرهم ؛
لكن إبعديها عنهم بإشغالها معك و تربيتها ...
بالموضوع الآخر رأيت لك رد تقولين فيه أنطرح بين رجول إمه و ما تتركينها لحالها
نصيييييييييحه إبتعدي عنها و تعيشين أحلى حيااااااة ...
هذا ما لدي و إن شاء الله أتابع معك و أفيدك أكثر ..
أسأل الله العلي القدير أن يرد كيد أهله في نحورهم ويكفيك شرهم وتسلطهم ..
و
أسأل الله عز وجل في عُلاه أن يصبرك على أذاهم ...]

قحطاااني ماااركه · 24-06-2009, 10:20

ما أشوف السالفه تستاهل ؟؟ترى الطلاق شيء مو سهل مثل ما تتصوري ؟!!حاولي تصلحين المشكلة اللي بينك وبين أمه وخواته وبعدها يصير تعاملك رسمي .. وبنفس الوقت لا تتنازلي عن حقوقك انتي لسى باول حياتك والدنيا يبي لها صبر وطولة بال عشان لا زم نمشي ونتغاضى عن بعض الأمور الله يوفقك ويقدر لك الخير ... تحياااااتي

دلــ دبي ــوعة · 24-06-2009, 10:32

اممممممممممم انا اصراحة في حالتج راح اكلم خواتة و امة بصراحة بقولهم عيب عليكم الي تقولونة عني و ها و انا قريبتكم اشحلة لو غريبة شو كنتو سويتو فيني و انا من رأي تصبرين ومهما سوو معاج الشين خلج انتي احسن عنهم بس ها يطلعب صبر قوي يعني زي ما يقول المثل يا جبل ما يهزك ريح خلج صابرة و عليج بدعاء و الاستغفار هوم يوم بيشوفونج مصنشة و ما عليج منهم خبر خير و الله بيملون و بعدين لو تموعلى هل حالة كلمي خالج او ممكن تكلمينة من الحين قوليلة عن هل مهزلة الي يالسة تصير .

و علي بصبر عشان بنوتج و الله يهديهم

يا أغلى من روحي علي · 24-06-2009, 12:03

اذا بعيد عن ربه وصلواته فالله المستعان والله يرأف بحالك.
هذا سلبيات زواج الأقارب ولاتنسين بنتك جعلك تفرحين فيها يارب حرام تضيع مابينكم.

د/منتهي الصلاحية · 24-06-2009, 12:10

عليك الله وكبر يا زماني

تعذبني ولا لي فيك حيييييييييييييييله

تصصصصصصصصصصصصدقين يا وخيتي انتس تقدرين تحاجينه عند الشيخ بآنه مايصلي قليل الخاتمه

مير ان كان خالتس رجالآ اجودي ويقدر اشرحي له الوضع وان مافاد عندس ابوتس وان مافاد عندس ربك

عليتس بالدعاء وانا اخوتسس على امه واخواته بس دعاء ان ربي يصخر قلوبهم لك موب تقولين اللهم زلزل الارض من تحت اقدامهم خخخخخخخخخخخخخخخخخ

<==< ابو الشطحات

وجـــدان غـــاليتك · 24-06-2009, 17:24

اذا كان الأمرمثل ماقرأت
فاللهم أصلح ِشأنهاوألف بينها وبين زوجها وألهمها الصبر الجميل
اللهم آمين
بعد الصبرعليك بلي نصحوك فيه الاعضاء
ماقصرو
تقبلي مروري

الذهب ما يصدا · 24-06-2009, 21:57

تسلمون ماقصرتم بس بلنسبه للي يقولي احاجه عند الشيخ في صلاته هاذا ولد خالي وانا ستر وغطى عليه وعيبه في وجهي قبل ما تكون في وجهه ولا تنسى ان عندي بنت كيف اسوي كذا في ابوها الله يسامحه وشكرا جميعا على الرد الله يهديه ويسخره لبنته

العمده · 24-06-2009, 22:06

عن طريق ولي امرك حلي مشكلتك واذا امك عايشه قولي لها
وان شاء الله مايكون الا الخير
بس حلو مشاكلكم بكل هدوء ورويه وخليك حازمه على حقك الشرعي بالاستقلاليه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

محتاره ومحتاجه من ينورني