عالم الحياة الزوجية - منتدى

حــــــــيرانه · 24-06-2009, 08:25

مرحبا ياغالين .. كيفكم ان شالله بــــــخير

مادري من وين أبدأ ؟! اصلا الحيره ماتفارقني دايما ولله الحمد ، بس اللي قلب علي مواجعي
وحسيت بعدها اني حزنت وضاق صدري .. أمس العصر جاني اخوي الكبير ضايق صدره
ويكابر ويحاول مايبين اللي بخاطره بس انا عارفته .. المـــــــــهم
جاني وقالي ابغاكي بكلمة راس ، رحت معاه وانا قلبي مقبوض انتم عارفين انا عيالي مو عندي ودايما
اشيل هم الأخبارالشينه ..

قالـــــي :
_ تدرين من جاني اليوم البيت .؟؟

قلت :
_ لا مين يعني ؟؟ بيني وبينكم انا كنت حاطه يدي على قلبي لايكون عريس .

قالـــــي :
_طليقك .. ابو فلان
يالله يالصدمه اللي جاتني قويه .. خفت وصرت اصرخ عليه اقوله ايش عنده هذا وايش جايبه ؟؟
قالــي :
اصبــــري وأعلمك .. شوي شوي هو ..
تعبان مره وحالته النفسيه مره الله يخلف عليه ، حزني صراحه بس اني يوم شفته اول مره كنت
طالع مع الباب مسرع ومطفي النور ابتوطى في كرشه ، بس يوم شفت وجهه ويييين تحسين
انه له سنه مانام ..
قلت :
_ طيب والمطلوب ؟؟
قالي :
هو قالي بسلم عليك بس وافضفضلك <<كذاب اصلا هو مايطيق اخوي الكبير لكن اختاره هو
عشــــــان هو الوحيد اللي يحزن وقلبه حنيين رغم انه ماعنده الا المطاقق بس قلبه رهيف .(فاهمته)
انا تعبان ومن هالهرج .. دخلته البيت وقهويته وقعد يصيح ويقول ابرجعها تكفى ساعدني .
انا استغربت الحقيقه ..
وقلت لاخوي :
_ وانت جاي تساعده هالحين ؟؟
قالي :
لا ..انا اصلا حزنت عليه شكله يحزن مره . (طليقي كان جدا جميل وجهه زي البدر سبحان الله
ودايما رزه وكشخه ) وين شكله اول وربي انا حزنت عليه وانت تعرفيني انا ماتحمل احد يقعد يترجاني
سخفتني حالته مرررره .ويقول من يوم رحت المحكمه وطلقت
وانا مثل مانت شايف ..
قلت له طيب الحين انت تقولي عشان ايش ؟؟
قالي انا بوصلك اللي شفته وقلت يمكن انك دعيتي عليه ؟؟ استغفري يابنت الحلال وخليه يكد على
عياله .. تخيلوا طليقي مررره له مركز وظيفته كبيره رغم انه عمره بس 30 سنه .
لكن الشهادات واللغات لها دور .. سبحان موزع الأرزاق ..
معليش استحملوني انا مره ضايقه وحبيت افضفضلكم واشيكلكم حيرتي ..
اصلا انا جاني خبر من وحده تقرب له قبل كم يوم تقول انه مثل
المجنون بالشوارع بس بهالسياره يحــــوم ..
ومتصله تقولي خافي الله ولاتدعين عليه ،قلت لها اللي جاه ذنبه
فيه وسنين عمري اللي راحت معاه ماشفت يوم حلو .الحمدلله بس
بس والله يوم راح اخوي وضاق صدري بزياده ، حزنت عليه رغم انه ذوقني
المر بس والله انا مادعيت عليه الا يوم اخذ عيالي وماقلت الا حسبي الله ونعم الوكيل .
الحين احترت ايش اسوي ؟؟ بس كمان هو على هالحال ورافض يعطيني عيالي . يبغاني ارجع ؟؟
يقول انا ابغه العيال عندي عشان انهم عيالها ومن ريحتها ..
ايش اسوي ؟؟ انا مارجعت له لو تنطبق السما عالارض ؟؟
اصلا اخواني تهاوشوا بسببي ؟؟ الصغار قالوا لأخويه الكبير ليش تعلمها ..؟؟
وانا اصلا ماهمني بس ابغاه يراعي عياله ؟ ولا ابغاهم ينحرمون منه مهما كان هو ابوهم ؟؟
وانا وش اخذت منه الا الغرابيل..للان اعاني واتعب وكل يوم
وانا رايحه للمستشفى من ورى عيشتي معاه ..
لكن زعلت وحزنت عليه وخفت على عيالي لاشافوا ابوهم كذا تتعب نفسيتهم يعني من وين يلقونها ..
وأحترت اكثر ماني حيرانه ؟؟ ايش اسوي ؟؟ اخلي له عياله ؟؟
طيب انا ابغه عيالي كمان ...ورجعه ماني راجعه .. واحسه يمثل علي اصلا ..انتم ايش رايكم ؟؟

كلي ملح ودمي سكر · 24-06-2009, 08:37

خذي عيالك بالمحكمة اذا ماجابهم بطيب وقوليهم المسلم يلدغ من جحرة مرتين
ولا يخلط الامور بين عيالك ورجعتك لة
اعيالك تشوفينهم مو بكيفة يمنعك منهم

مزيونة حيل · 24-06-2009, 08:45

انا اشوف انه نادم فكري ترجعي مو علشانه علشان الاطفال ياقلبي

Rains · 24-06-2009, 09:13

والله عيالك بالدنيا
هذه فرصه لك ان ترجعى له من اجل اولادك وتتحملى الحياه واضح انه نادم والا ماكان ينوى يرجعك له مره اخرى
لا تسوى الحياه اى شىء بدون اولادك ولن ترتاحى ابدا بدونهم حتى لو تزوجتى
لن تخسرى شىء ان رجعتى له يا اختى الكريمه و ادعو لك ان يوفقك الله للخير .

حـــــــــلا · 24-06-2009, 09:19

هــــــــــلا حيرانة...

اصحي ترجعين له هذا انسان مريض نفسي...

يعني مافي فائدة من رجعتك ..

الله يرد اولادك ان شاءالله...

ويعوضك بالــصـــــــــــــــــــالح..

ابوالجوهره · 24-06-2009, 09:59

من كان يؤمن بالله واليوم الاخر فليقل خيرا اويصمت ,,,
اختي حيرانه
انصحك ترجعيله علشان اولادك بشرط انه يتعهد امام اخوانك بعدم العوده ,, واكيد انه نادم ,,, وبعدين يااختي مانتي خسرانه شي يعني ان صلح خير وبركه وان لاسمح رجع لطبعه عندك اخوانك ,, والله يكتب لك الخير ,,

إحســــــاس · 24-06-2009, 10:04

قصتك انا ماقرأتها
لكن اختي تأملي في نقطه مهمة
الطلاق مرتان فامساك بمعروف او تسريح باحسان

والثالثه لسا ماصارت
يعني لو في امل في الاصلاح تأملي فيه
ربنا وضع كل شي لحكمه يريدها
استخيري واستخيري ومن ثم استخيري
لعل الله يريد امرا

حـــــــــلا · 24-06-2009, 10:08

اقتباس:

المشاركة الأصلية كتبت بواسطة new2009

من كان يؤمن بالله واليوم الاخر فليقل خيرا اويصمت ,,,
اختي حيرانه
انصحك ترجعيله علشان اولادك بشرط انه يتعهد امام اخوانك بعدم العوده ,, واكيد انه نادم ,,, وبعدين يااختي مانتي خسرانه شي يعني ان صلح خير وبركه وان لاسمح رجع لطبعه عندك اخوانك ,, والله يكتب لك الخير ,,

اذا انهلكت بالامراض وزادت المصائب ...وزيادة ولد اوبنت.....وهو مثل ما هو ..

وقتها ماراح ينفع النـــــــــــــــــــــــــــــــدم...

THE SKY COLORS · 24-06-2009, 10:17

والله لو انا مكانك لارجع له
الرجال متعذب مهما كانت حقارته معك اهم شي تحسف وندم
ارجعي لو على الاقل عشان عيالك
الله يهدي سركم يارب ..

Bink-Rose · 24-06-2009, 10:29

حبيبتي حيرانه ترى في حقوق إنسان تشكيلهم اللي صار وبإذن الله يرجعولك أولادك
أما حبيبتي توجعي وتدفني نفسك وياعالم بدال ماتخرجي بولدين لاسمح الله تخرجي بثلاثه؟؟؟؟؟؟؟؟؟

حبيبتي إستخيري وطمنيني ياعسل
(أم روز)

إحســــــاس · 24-06-2009, 10:32

اعووذ بالله

توني اقرا قصتك

موضوعك مخيف وشذوذ وشي مرعب

لا حول ولا قوة الا بالله

قحطاااني ماااركه · 24-06-2009, 11:06

قولي خلاص ما حدعي عليه بس يجيب عيالي

نايف الحسن · 24-06-2009, 11:58

اختي الغالية
كيف ترجعين لشخص مريض وشاذ
حرام عليك
هذا مريض مكانه الصحيح العياده النفسية لمعالجة الشذوذ مو بيت الزوجيه
ربي يعوضك احسن منه
للمعلومية الشذوذ نادر ما يتعالج الشخص منه

كلي ملح ودمي سكر · 24-06-2009, 12:39

ياجماعة الي ماقرا القصة لايحكم على ردودنا الان
انما الاعمال بالنيات

وفي · 24-06-2009, 13:07

الله يكتب لك مافيه الخير
اسنخيري الله
والله يوفقك
ويسعدك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

زادت حــــــيرتي ...دلــــــــــــــوني