عالم الحياة الزوجية - منتدى

ابيك لي وحدي · 25-06-2009, 19:29

مرحبا اخواني وخواتي
ماابي اطول عليكم بدخل بالموضوع على طول
انا مخطوبه لي 6 شهور من واحد ماعليه كنت متردده قبل اوافق بس استخرت والحمدلله وقلت اكيد بعد مااكلمه ان شاء الله برتاح اكثر
المشكله من شفته وخلاص تمت الموافقه وانا انتظره يطلب رقمي ولا فيه فايده قسم بالله تعبت اهلي كلهم موافقين اكلمه بس هو ماطلب قسم بالله احس بضيقه مو طبيعيه ماابيييييييييييه وانا ماكلمته فيه اشياء ودي اعرفها عنه يمكن مايناسبني ودي اعرف قناعاته وافكاره هذي من ابسط حقوقي مو اتزوج عالعميان حتى يم الشوفه كنت مستحيه وماشفته المهم قرب زواجي والعم لما الحين ماطلب يكلمني و اليوووم قفلت معي وفكرت بفكره ابي استشيركم فيها
اللي هي ارسله مسج اقوله اني متضايقه بنتزوج وانا مااعرف عنك شئ و انت نفس الشئ ذا عمر وانا يهمني تعرف افكاري واعرف افكارك بس الي مخوفني انه يفهمني غلط ابتلــــــــــــشت واحترت
قبل فتره سمعت من الناس انه وده يكلمني بس مو متجرء يطلب بس لين متى حتى الملكه ماجاب طاريها ولا قال بملك ولا شئ وانا مستحييييييييييل اتزوجه وانا ماكلمته واذا قلت لاهلي شئ قالوا عيب انتي بنت المفروض هو اللي يطلب يكلم ويطلب يملك مو انتي

تعبببببببببببببت بين اهلي وبينه وبين اني ماابي اتزوجه الا بعد مااعرفه قالوا لي اصبري اصبري الين ماطفشت من الصبر انا ماانكر ان جدتي الله يطول عمرها كانت تعبانه مره وبالمستشفى وماله داعي لو طلب يكلم واحنا لاهين فيها بس طلعت من شهر وزياده والحين اقنع نفسي اقول مايبي يلهيني واحنا داخلين على اختبارات
والله اكتئب ماشاء الله بنت خالي خطيبها دااايم عالتليفون وهي مخطوبه بعدي تكفون ابي حل تعبت منه والله كل يوووم انام وانا ابكي من القهر لدرجة احيان افكر افسخ الخطبه وش الله حادني اتزوج كذا
تكفووون ابي رايكم وش اسوي

عسوله2 · 25-06-2009, 19:44

والله حبيبتي انتي من نفسك قلتي الجواب
اولا احنا بحسب عاداتنا وتقاليدنا مايكلم الرجل زوجته الا بعد الملكه لأن قبل يعتبر حرام
بس اذا انتي تبغين تكلمينه وطبيعي في عائلتكم اسمعي انتي عارفه مسبقا انو وده يكلمك بس منحرج يعني انا اكلمك من واقع تجربه انا قبل زواجي كان زوجي مستحي يكلمني لما كلمت اهله ووصيتهم بعدها اتصل علي ووضحلي انو فعلا كان منحرج وبعدين انتي قلتي انك داخله على امتحانات يعني اكيد انه مفكر انه مايبغى يكلمك في هالفتره ويشغل تفكيرك او فكر انو انتي يمكن بتقولين ماصبر لين اخلص امتحانات يعني اكيد هو الحين مو عارفه من وين يبدا وكيف
فأنصحك انو تلمحين لأهله تقولين ابغى اعرف ذوقه او تفكيره كيف مثلا قولي علشان لما ابغى اعطيه هديه اعرف ايش يحب او اذا بغيته يزورني ابغى اعرف ايش الالوان او اللبس الي يحبه جيبيها من هالطريقه
واخيرا لا تسوئين الظن او تستعجلين في الحكم فكري برويه والله يوفقك ويتمم لك على خير
اتمنى اني افدتك

فوق الزين · 25-06-2009, 19:55

ذا عنده خوات قولي لهم شكل اخوك مره يستحي والدليل ماطلب يكلمني

وبعدين خيتو عادي يمكن خيرتك احنا كلمنا ومسجات وهدايا ومقابلا وانبسطنا على الاخر بس وماستفدنا شي بعد الزواج

ابيك لي وحدي · 25-06-2009, 20:15

عسوله 2 انا لو اظمن انه يبي يملك قبل الزواج ماهمني بس ماتكلم ابد وامي واهلي مو راضين يساعدوني ابد قلت لامي تسأل امه عن الاكل اللي يحبه عشان اتعلمه عيت قالت مستحيه من امه

فوق الزين عنده اخت اصغر مني بشوي بس ماامون عليهم ابد ماقد شفت اخته الا يوم جو يباركون لي بعد ماوافقت ومره بزواج اللي خطبوني بعده

مدري احبه ؟؟ · 25-06-2009, 20:37

يمكن مايبي يكلم الا بعد ما يملك عليك ..

ابي اسألك تحدد زواجك ؟؟ وهو في نيته يملك والا على طول ملكه وزواج بنفس اليوم ؟؟

لي عوده اذا جاوبتي

ابيك لي وحدي · 25-06-2009, 21:07

مدري احبه
طيب يقول بملك ماعندنا مانع زواجي تحدد وسأل ابوي عن جوازي عشان شهر العسل بس ماجاب سيرة للملكه ابد ماادري متى ناوي يملك؟؟؟وانا خايفه انه يبي قبل الزواج بكم يوم
انا الحين راضيه اكلمه بعد الملكه بس ماطلب بنجن وربي

مدري احبه ؟؟ · 25-06-2009, 21:25

الله يعينك يالغلا والله صعبه ,,,,طيب ابوك ماسأله متى يبي يملك ؟؟

يمكن ينتظر ابوك يبادر .......فيه ناس اهل العروس اللي يحددوا الملكه مو المعرس ,,,,

يعني صعبه على ابوك يقول ابي املك لبنتي ؟؟

لأن احنا في عايلتنا البنت اللي تحدد الملكه مو العريس ..

اذا الموضوع سهل ان ابوك يحدد ملكه خليه يبادر مو عيب ,,,حسب طبع عايلتكم

الله ييسر لك امورك ويكتب لك اللي فيه خير ""

ابيك لي وحدي · 25-06-2009, 21:39

مدري احبه
مشكوووره ياعسل على كلامك هو ماعنده مانع يقول للولد بس مو الحين بننتظره واذا ماطلب بقوله بس كل مره يقول اصبر اصبري احس اني بتزوج وهو يقول اصبري
تكفووووووون ادعووووووووولي حاااامت كبدي حتى كرهت خطيبي

حياويهـ · 26-06-2009, 00:20

يا اختي ماتدرين يمكنها خيره لك ( عسى ان تكرهوا شيء وهو خيرا لكم وعسى ان تحبوا شيء وهو شرا لكم ) .
ويمكن هو مستحي ويقول بنفسه يمكن انتي ماتبين مكالمه .
اللي عليك انك توصلين هالشيء لأخواته ولكن بطريقه غير مباشره وأنتي وذكائك

لا تشغلين قلبك وعاطفتك بس لا خلي مخك شغال وخططي وأدهري ههههه .
بالتوفيق .

мϊŝŞ ŗĴąĦ · 26-06-2009, 00:41

وكلي امرك لرب العالميييييين
وادعي ربك اذا فييه الخييييير يقربه لك له واذا فيييه الشر يبعده عنك
وماااالووومك اذاا انتي خاااايفه كل هالخووووف وربي يحقلك تبين تعرفين عنه كل شي لانهاااا عشرة عمر
وكثري من الاستخاااااره اذا انتي مااانتي مرتاااااااااحه له وتحسيين بضيقه افسخي خطبتك لان هذااا قرااار يحكم حياااتك وفيهاا حيااة ومووت
وبالتوفيييق حبيبتي

كيان انسانة · 26-06-2009, 00:59

انتبهي لا تطلبين الرقم منه ترى موب حلوة تجي منك او من اهللك خليه هو اللي يطلبه
واذا ما اطلبه عاادي توكلي على الله ويا كثر البنات اللي تم زواجهم من دون ما يكلمون ازواجهم فترة الملكة

موفقه

نسائم ليل · 26-06-2009, 01:01

اسمعي مني نصيحه ::::::::
أولا أنتي في فترة خطوبه وهي سته شهور وليست فترة طويله جدا ,,,,,,,
وليس من حقك في فترة الخطوبه أن تتسرعي وتريدي أن تكلميه ........
وبما أن الزواج تحدد ليش مستعجله إن شاء الله بيملك .......
ويمكن هو يستنى تحددوا الملكه ......
والله العظيم مافي وراء الملكه إلا الهم .........
( مرت من هنا نسائم ليل )

بلاستكـــ · 26-06-2009, 01:11

حبيبتي أهم نقطة إنه معزم على الزواج وهذا أهم شي ..

ثاني شي يمكن عاداتهم ما تسمح لهم إن يكون بين الملجة والعرس فترة طويلة ..

ثالث شي أنا مو معاج بسالفة الكلام معاه وقت الخطبة ..

بصراحه خطيبي كان ناوي يرمسني بس صكيت مليون يمين ما يرمسني ..

تدرين ليش ؟

أول شي ما يجوز

ثاني شي .. كل مرحلة ولها حلاتها .. يعني في الخطبة مرحلتها حلوة إستمتعي فيها

وحتى الملجة والعرس .. والله يوفقج وييسر أمرج يا رب

ابيك لي وحدي · 26-06-2009, 02:18

تسلمووون عالمرور

حياويه يختي خططي لي طيب تعبت ادور خطه المشكله مااشوف خواته ابد

مس رجه من جد كلامك تسلمين يالغلا

كيان انسانه مااقدر اتزوجه وانا ماكلمته

نسائم ليل انا راضيه بعد الملكه اكلمه , تتوقع انه ينتظر نحدد الملكه؟؟ ولييييييه ماورا الملكه الا الهم ؟؟مو لهاالدرجه

بلاستكـ تسلمين يالغلا الله يجزاك خير

حبى اسطورة · 26-06-2009, 02:31

قلبى معاكى وربنا يوفقك
الاخوان لم يقصروا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تكفوووون ساعدوووني نفسيتي عددددددم