عالم الحياة الزوجية - منتدى

حياتي أليمه · 27-06-2009, 02:40

مساء الورد ...

كيفكم صبايا ؟؟ حبيت ادخل بالموضوع على طول .. ايش لبستو بالملكه ؟؟ فستان طويل ولا قصير ... مفصل الجسم ولا مو مفصل الجسم ؟؟؟ .... بصراحه انا شاريه لملكتي فستان قصير ومفصل لجسمي وبصراحه صاير علي اكثر من رائع بعدين فكرت قلت اخاف ادخل عليه فيه وياخذ عني فكره مش كويسه .. تعرفون انتم حركات الشباب ..ماعرفنا لهم بصراحه ... بس خطيبي من النوع اللي متفتح واهله كلهم يلبسون مثل ماأنا البس ... شرايكم يابنات ؟؟؟ والله انا ودي البسه عاجبني مرررره وبنفس الوقت خايفه من ردة فعله .... يعني انا ماقررت البس قصير الا لما املك يعني بصير زوجته اتوقع مافيها شي لو البس على كيفي وخاصة احنا مو بعصر ابو جهل <=== هذي وجهة نظري ... وانتم يابنات عطوني وجهة نظركم ؟؟؟ ... بالنسبه للشباب اللي دخلو الموضوع اقصد ( الشباب المتفتحين ) شرايك لما تدخل عليك العروس بالملكه وهي لابسه قصير ومفصل جسمها ؟؟؟ والشباب المنغلق مابيهم يردون ع الموضوع

colada · 27-06-2009, 02:55

حياتي اليمه .. حبيبتي انتي جاوبتي على سؤالك بنفسك .. اهله نفس طريقه لبسك اذا هو متعود على لبس القصير .. وبالنسبه لي انا اشوف انه عاااااااااااااااااااااااااااااااااااااااااادي .. بعدين احسن لك لانك بلبسك هذا بتعطينه فكره عن طريقه لبسك وخليك على طبيعتك افضل.. و صدقيني صدقيني لو اللبس ما عجبه والله انه بيقولك لك ( يا اما بيقولها كاش انه ما يحب لبس القصير او انه بيلمح ..) مع اني ما اتوقع يقول شي لانه متعود من اهله.. بعض البنات يفكرون انها لو سوت شي ما جاز له له على طول بيهون لا يا عيوني هاذي الفتره هي اللي كل واحد فيكم يفهم الثاني فيها ولو كل واحد او حده طلع من زوجته او زوجها تصرف و فركشت الموضوع ما بقى متزوجين .. انا اقول مافيه احسن من انك تكونين على طبيعتك ... والله يتمم عليك

saad@ · 27-06-2009, 03:02

اشووووووووف عااااااااادي

وخصووووصا لو اهله يلبسوووووووون

بس لاتصيرررررين توووووو متش!!

الف مبروووووووك

ياصغرالفرح في قلبي · 27-06-2009, 03:06

اهلين فيك يا اختي الصراحه انا ما ايد انك تلبسين قصير من البدايه لان وش خليتي لبعدين بتقولين بعدين اصلا بيشوف كل شي بس اقولك ترى بيمل بعدين والرجال يحبون الاشياء تجي بصعوووبه يعني لازم يطلب وتتغلين وتفاجئينه ما يحبون يشوفون كل شي بسهوله انصحك تلبسين ضيق على جسمك عشان الاغراااء والحركاات وفتحت صدر شوي مو مره وبعدين اغريه بتدريج وبدلع اما اذا لبستي على طول له قصير يمكن يفكر انك ماصدقتي وتبين تغرينه بسرعه اما بنسبه لي وش لبست باحلى يوم بحياتي كنت فستان ضيق على جسمي يعني مبين رسمت الجسم بشكل واضح وفتحت صدر والظهر والكل الحمدلله انجن عليه وخصوصا حبيبي وبعدين لما يسجي صدرت اتدرج بلبسي ولحين لنا سنه وتوي البس له قصير بس مو مره يعني شانيل
انشالله اني افدتك وماطولت عليك تقبلي مروري

THE SKY COLORS · 27-06-2009, 03:09

مدري عنك بس مره زوج اختي جاها البيت وهي لابسه قصير وشوي عاري مو مره
تقول مافكني الا يوم قلت له ترى اذا مافكيت بصرخ !!!
فليها بس مو مره !!
يعني هو اول مره يدخل عليك حلو الحياء بس انتبهي تغلطين
الله يوفقك يارب

حياتي كلها لها · 27-06-2009, 03:21

لا تتهورين لان اذا هو راضي ومبسوط ترى نظرة البنات او اهله لك بتكون عكسية عليك ,,

المفروض تعرفين وش مويت زوجك ولا تستعجلي ,,, وهذا الشي راجع لك انتي

f117 · 27-06-2009, 03:28

اقتباس:

والشباب المنغلق مابيهم يردون ع الموضوع

ما ادري وش تعريف الانغلاق عنك بس اتوقع اني واحد منهم (الله لا يغير علينا) و ابرد عناد
مايهم وش تلبس البنت عند اهله ان بغت تلبس ميوه (تعبير مجازي) المهم وش تلبس برا
-
-

اقتباس:

احنا مو بعصر ابو جهل

قصدك مو بعصر الصحابه عصر ابو جهل سكار ونكار (انواع التفتح بعصر ابو جهل)
-
واضح من المضوع انك تبين ردود اتايد انك تلبسين قصير
فاقول البسي الي تبين

إح ـسـاس طفـله · 27-06-2009, 08:50

والله ياحلوة

لبست فستان سهره

عريان بس عراه عادي *_^ كيف تجي ذي

ومفصل جسمي بس مو قصير

أنا زوجي متفتح ومع ذا أول ماددخل علي قال وش هالفستان

تضايق وغار لأن دخل عمامي وخوالي

يعني حتى لو هو متفتح ممكن يكون مايحب أحد يشوفك غيره في رجال كذا

أما سالفة إن خواته يلبسون كذا وانه متعود

وش دراك يمكن هو رافض انهم يلبسون كذا بس طبعا مايقدر يفرض سلطته عليهم دام ابوه وامه موجودين وموافقين

أتوقع لو تخلين القصير لبعدين أفضل

عشان يكون في أشياء حلوة مخبيتها له بعدين *_^

وموفقه يارب

نايف الحسن · 27-06-2009, 13:14

بالنسبه لي
دخلت علي العروسه بالملكة لابسه
فستان ناعم طويل وعاري الصدر والظهر
ومفصل على جسمها
عجبني مررررررررررررررررررررررة
فديتها

فرهود10 · 27-06-2009, 21:23

استفتي قلبك يفتيك
انت خايفه من الحين طيب ليش التساؤلات وانا اشارك الراي انه لايشك فيك او يسال نفسه
ليش تلبس كذا

تشكرات يادنيا · 27-06-2009, 22:34

حتى لو اهله يلبسون وهو متفتح جددددددددددددا
اول نظره لك راح تكون استكشااااف فلالالالازم لالالالالازم تكوني عند حسن الظن بكل نقطه والقصير لاحقه عليه بعد الزواج او لما يزورك بفترة الملكه
اما الفستان ما اييد انه يكون قصييير ابدا بحفلة الملكه >>>>>>>>>>>مع اني امووووووووت بالفساتين والتيورات القصير بس لازم يكون لبسي راقي وطويل علشان اول نظرهـ
الرجل مهما كان متفتح ومتعود يبيه من زوجته ببيته قدام عينه مو قدام احد
وخصوصا النظرهت الاولى
هذا رايي ولك القرار
والله يوفقكـ يااااااااااارب ويجعلك اجمل الناس بعيونه

عطر الحبايب · 27-06-2009, 23:39

نصيحتي طوويييييييييييييييييييييييييييييييييييل

دالندر · 27-06-2009, 23:54

انا صراحه لبست بشت اسود
وغتره بيضاء
عادي بس اهم شي
شخصيت الانسان حياتووووووو

حياويهـ · 28-06-2009, 00:22

لا أنا أعارض بالعكس لا صار طويل أحسن وأحلى .
على فكره الكل معارضك .
بالتوفيق .

arsenal · 28-06-2009, 01:31

كل شي أحلى لما يكون خطوة خطوة عشان يتحمس ومايمل بسرعة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

بنات وش لبستو بالملكه ...