عالم الحياة الزوجية - منتدى

فارسة بدون فارس · 27-06-2009, 16:29

صديقتي عندها ولدين صغار
وولدها الثاني توه ماكمل سنه بعد
امس اتصلت علي وتقولي انها حامل وجلست يوم كامل تبكي لانها ماتبي
مع انها تقولي تستخدم الحبوب بس مادري كيف حملت
نفسيتها تعبانه تقول بجلس انطط فوق السرير مابي

ايش لحل معها

THE SKY COLORS · 27-06-2009, 16:45

استغفر الله العظيم بعذرها تعب والله
بس وش تسوي تطيح الولد احس مدري حرام !!

الوعد باكر · 27-06-2009, 17:03

لاحول ولا قوة الا بالله
قوليلها تخاف الله غيرها الملايين يتمنون هذا الحمل وهي ماتبيه وتحاول تنزله ؟؟؟ الله يهديها

وجـــدان غـــاليتك · 27-06-2009, 17:36

اذا كان الأمر مثل ماقرأت
أسأل الله أن يهديها ويتم حملها على خير
اللهم آمين
(وَرَبُّكَ يَخْلُقُ مَا يَشَاءُ وَيَخْتَارُ مَا كَانَ لَهُمْ الْخِيَرَةُ)
سبحان الله وش ذنبه الطفل الي فبطنها أذا الله قال له كن فكان
تستغفر ربها وترضى بخيرة الله لها أمكن هالطفل يحمل معها خير
شوفي المحرومين كيف يتحسروني يبون طفل واحد وهي ربي رزقها وتبي تقتله
ترا هدم الكعبه أهون عند الله من قتل نفس
لا تشقي نفسها والله أذا الله ماأرد انه ينزل
لوتنط من فوق جبل مانزل
غير تمرض نفسها وهو مافيه غير العافيه
الله يصلحها بس
أتمنى الاعضاء يفيدونك أكثر
تقبلي مروري

عازف نغم · 27-06-2009, 18:32

شوفي اذا كان مرتبة سرير نومها من النوع الزين مثل سليب هاي عادي خليها تنطنط براحتها
واذا كان لا والله مب نوع زين فخليها تربض مكانها لاتنطنط ولاشي
وتصير المصيبه مصيبتين

اولها انها فقدت حملها
ثانيها انها فقدت سريرها وكسرت ابو جده

فنصيحتي لصديقتك
تحمد الله على حملها

وهي اللي سوت هالشي بنفسها

تبي جماع ومتعه وماتبي ضريبه عليها ابد وين تجي هاذي بس ؟؟

الاولاد الصغار والحمل فيه رب يتكفل فيهم ويحميهم
ومن ترك شيئا لله فالله يتولاه برحمته ويوسع له في دنيته واخرته

اخ بس لو اعرف صديقتك هاذي اسمحي لي ماراح اقولك وش راح اسوي فيها

اقل شي برسل عليها مايك تايسون بطل الملاكمه يتفاهم معها شوي ويرجعها صاغ سليم لاتخافي رضوض بسيطه وغائره لااقل ولااكثر

عموما
قولي لصديقتك
تركد والا ترى بالعقال وماله داعي التنطنط لانه اثبتت الدراسات النفسيه ان التنطنط يسبب امراض في الجبهه والمصران الاعور

وعساكم سالمين

تحياتي لك وللسستر

راكان

رقة مشاعر · 27-06-2009, 18:50

قولي لها
ان الولد عمره الان سنة وهي ما راح تولد اليوم او بكراا
بعد تسعة شهور..يعني ولدها بيكون عمره سنة وتسعة شهور..كبر اشوية
وهي ما تدري وش راح يصير بها التسعة شهور .. خليها توكلها للرحمن بس

عموما عن تجربة وملاحظة للي حولي
الزعل بيكون يوم يومين بالكثير شهر شهر ونص

وبعدها سبحان من يقذف المحبة والحنان في قلب الام على هالجنين
تلقيها تخاف عليه .. وتطمن عليه عند كل زيارة وسونار
وتنتظر رفساته ببطنها... ولا ولدته وشااافته
مستعدة تبيع كنوز الارض عشانه... وبتضحك على التنطط على السرير والهبل اللي كانت بتسويه هههههه
ربي يكتب لها الخير ويقومها بالسلامة ويقر عينها بشوفته سليم معافى يارب

ابقي طمنينا عليها

قلبي كله حنان · 27-06-2009, 19:49

اقتباس:

المشاركة الأصلية كتبت بواسطة عازف نغم

شوفي اذا كان مرتبة سرير نومها من النوع الزين مثل سليب هاي عادي خليها تنطنط براحتها
واذا كان لا والله مب نوع زين فخليها تربض مكانها لاتنطنط ولاشي
وتصير المصيبه مصيبتين

اولها انها فقدت حملها
ثانيها انها فقدت سريرها وكسرت ابو جده

فنصيحتي لصديقتك
تحمد الله على حملها

وهي اللي سوت هالشي بنفسها

تبي جماع ومتعه وماتبي ضريبه عليها ابد وين تجي هاذي بس ؟؟

الاولاد الصغار والحمل فيه رب يتكفل فيهم ويحميهم
ومن ترك شيئا لله فالله يتولاه برحمته ويوسع له في دنيته واخرته

اخ بس لو اعرف صديقتك هاذي اسمحي لي ماراح اقولك وش راح اسوي فيها

اقل شي برسل عليها مايك تايسون بطل الملاكمه يتفاهم معها شوي ويرجعها صاغ سليم لاتخافي رضوض بسيطه وغائره لااقل ولااكثر

عموما
قولي لصديقتك
تركد والا ترى بالعقال وماله داعي التنطنط لانه اثبتت الدراسات النفسيه ان التنطنط يسبب امراض في الجبهه والمصران الاعور

وعساكم سالمين

تحياتي لك وللسستر

راكان

وربي انت وناسه ربي لايحرمنا منك
اقول ياصاحبت الموضوع اعتقد اذا مابث فيه الروح ممكن تسقطه على كلام بعض العلاماء وليس الكثيره ولكن افضل شي انها تتصل على مفتي عام المملكه في السنترال رقمه ورقم السنترال العام 905 وتساله
بس وش فيها لو جاب الثالث واربع اهم شي ان الله عزوجل يطرح فيهم البركه
بس زي ماقال راكان السرير لاينكسر من النطنطه
تقبلي مروري اخوكي في الله قلبي كله حنان

امركشي · 27-06-2009, 20:00

انا اقول خليها ترضى باللي قسمه ربها لها
وعسى ان تكرهوا شيئا وهو خير لكم
الله يوفقها ويفرج همها

محب الحرية · 27-06-2009, 20:55

شوفي نفس اللي صار مع زوجتي حملها بابني الثاني جاء فجاة يوم واحد نسيت تاخذ الحبوب وحملت
بكت وقالت : ابغى اسقطة ولكن باصرار مني ومساعدة الاقارب قدرنا نثنيها عن ذلك .

الان والله انها تدعي ربي انه رزقها بة

أم نور القمر · 27-06-2009, 21:02

ماقول غير الله يهديها

ملاكي الصغير · 27-06-2009, 21:20

لا حول ولا قوة إلا بالله
سبحان الله في ناس محرومين من الخلفه ويتمنى ظفر واحد ولد ولا بنت ....
تلف العالم وتجلس سنين عشان تخلف .... وناس لما يكتب لهم الخلفه يزعلوا ويبغى ينزلوه حتىلو اتكتب لهم الحمل... سبحان الله ممكن يجي الولد هذا أبر أبانئها وكل ما تشوفه وتفكر انه كانت راح تنزله أو كانت تحاول تنزله يتحرق قلبها ... وممكن اذا ربنا ماكتب له عمر ما تقدر تخلف تاني لو تلف الدنيا كلها... تتوكل على الله ربنا أردلها الحمل وهو عالم انها راح تقدر على تربيتهم و عسى أن تكرهوا شيئاً وهو خير لكم...ربنا ما خلق دابه على الأرض ولا الجنين في رحم أمه إلا ورزقها على الله في كل شي.... وياريت تستغفر ربها وتشوف ناس محرومين من هذه النعمه عشان تقول الحمد لله على الحال قل لن يصيبنا إلا ما كتبه الله لنا.... الله يهديها ويصلح حالها ...
اللهم أرزق المحروم بالذرية الصالح وكل من يريد يا أرحم الراحمين

كحلها سايل · 27-06-2009, 21:56

ئوبال ما تبشرينا بولادتها بالسلامه ..
فترة و راح تعدي ..
موفقه ..

crâzy яoмâитic · 27-06-2009, 22:05

الله يكون في عونها وهي على اجر ان شاء الله خليها تصبرما في ازين من الصبر ...

ضــي شاعـرهــا · 27-06-2009, 23:06

نفس الي صاار مع اختي نسيت الحبووب يوووم بس وع طوووووووول صاار حمل لا والمشكله ماالها اسبووع طااالعه النفااس
زعلت لها كم يووووم وسكتت وجاابت بنت تجنن فديتهااااا

ضــي شاعـرهــا · 27-06-2009, 23:39

الذين يشاهدون محتوى الموضوع الآن : 5 ( الأعضاء 5 والزوار 0) ‏محتاجه دفاااك, ‏الــحــوت, ‏تشكرات يادنيا, ‏خالد اليوم, ‏عازف نغم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

صديقتي حملت وزعلانه