عالم الحياة الزوجية - منتدى

[ ولد مغرور] · 29-06-2009, 09:44

السلام عليكم ورحمة الله

بمناسبة اقتراب الاجازة الصيفية وموسم الزواجات وموسم طم طم طخ طم طخ >> الطق وصوت المرجاف يردح
اهههههههههحححح

الموهيم جاء في بالي هذه النقاط واحب نناقشها مع بعض
وطبعا ماتخفى على كل واحد ,,
لكن خلونا نشوف

*من ضعف العقل انك تلقى واحد ماخذ قرض عشان يتزوج وراتبه بيروح منه 45% لمدة خمس سنوات وتلقاه يروح شهر عسل لاوروبا ومتكلف 30 الف
>>وطول هالخمس سنوات هاذي ماد البرطم 7سم وإذا كان خال 24سم >>> لايزعلون اخوال على عيني وراسي

*من ضعف العقل اذا دخل العريس يشترح والعروسه ترقص تجد اهله واحبته يرمون للشيطان طرح بالميات والخماسين وهو بعازة العشره ماأحد يضعها بجيبه
>>وياخذونها الطقاقات من غير حقهم ذاك اليوم

*من ضعف العقل ان البنت تشتري فستان زواج ينلبس مره وحدة يكلف تقريبا 10 آلاف واكثر >>وتجي بعد العرس تعرضه هنا بلمنتدى بقسم (..........) وتدور احد يشتري لو بـ125ريال عرض خاص ومخفض

*من ضعف العقل ان ياتي الخطيب الي بيت خطيبته ويختلي بها في غرفه او ياوخذها معه خارج البيت بحجة انهم بيشتروا اشياء لعشهم الزوجي ويبغاها تختار واهلها موافقين وماعندهم مانع في ذلك >>وتلقاه بوس ودوس

وبعدين والله ياهلي مدري احس اني استعجلعت على بنت فلان ولا يعطيها مخرج ويقول جاني نفس وحسد على هالبنت ..

*من ضعف العقل ونواقص المرجلة ان يدخل الرجال عند الحريم يوم العرس ويجلس قدام الحريم>>ويطالع البنيت ويشوف شعرذي وش طوله ويشوف التسريحات والشغل الحامي ويتحسر ويقول انا وش خلاني اخذ الشيفه اللي جنبي

*من ضعف العقل ان الرجال يدور على سيارة كشخة يستاجرها او ياخذها من احد معارفه علشان يوصل البنت من القصر للفندق>> يركب 460sl واليوم الثاني تلاقيه راكب كابرس بكس عنابي وبدون مكيف ومكتوب على القزاز الخلفي ياتاعبني

*من ضعف العقل ان تعمل صجه وظجه بزواجك قاعه فخمه وعزومه كبيره وطرب وهيصه وبيصه وكل المعازيم عارفين بظروفك وحالتك>> عاد هالقطة هاذي مايبيلها نقاش اتوقع

*من ضعف العقل ان يختار الرجل زوجته بنفسه ولايقبل اختيار امه واخواته فما يعرف للحديد غير الحدا>> لاتعليق

*من ضعف العقل ان زواجات الحريم ما تبدا الا 10 وماتخلص الا الفجر وياليت تمنع الحكومة هذي الحركات السخيفة>>من جد ياليت تمنعها الحكومة

*من ضعف العقل ان يشترط والد البنت في عقد الزواج ان بنته ما تترك وظيفتها علما بان هذا الشرط لا يقدم ولا يؤخر في الزواج اي انه غير ملزم ولا يقع الطلاق ان تم ترك الوظيفة>>طبعا هذا البند للي بياخذ وحدة موظفة يتحمل اول عقبة ويحط الشي ذا في باله

*من ضعف العقل ان تصرف البنت كااامل المهر على ملابس وزينة>>طبعا اتوقع ماحد يوافقني هنا لان المهر كلو موللبنت المهر لابو البنت وماللبنت الا5الاف ريال وبتروح كلها للبرنامج بالمشغل صح والا غلطان جاوبوا يالبنات ..

*من ضعف العقل ان يتم وضع مؤخر الزواج بمبالغ خيالية علما بان مؤخر الزواج لا يقدم ولا يؤخر اذا اراد الشخصان الانفصال>>اترك لكم هذا تعلقون عليه لانه لسى مامر علي

طبعا فيه اشياء كمالية غير اللي ذكر فأتنمى مشاركاتكم فيها وزيادة على الطرح

ودمتم بتوفيق الله

حياويهـ · 29-06-2009, 10:07

اقتباس:

المشاركة الأصلية كتبت بواسطة ولد مغرور

*من ضعف العقل انك تلقى واحد ماخذ قرض عشان يتزوج وراتبه بيروح منه 45% لمدة خمس سنوات وتلقاه يروح شهر عسل لاوروبا ومتكلف 30 الف
>>وطول هالخمس سنوات هاذي ماد البرطم 7سم وإذا كان خال 24سم >>> لايزعلون اخوال على عيني وراسي

لا أنا ضد هالنقطه أبيه يوسع صدر زوجته وشهر عسل مره وحده بهالحياة خله يتكلف

.

اقتباس:

المشاركة الأصلية كتبت بواسطة ولد مغرور

*من ضعف العقل ان البنت تشتري فستان زواج ينلبس مره وحدة يكلف تقريبا 10 آلاف واكثر >>وتجي بعد العرس تعرضه هنا بلمنتدى بقسم (..........) وتدور احد يشتري لو بـ125ريال عرض خاص ومخفض

ميه بالميه صادق .

اقتباس:

المشاركة الأصلية كتبت بواسطة ولد مغرور

*من ضعف العقل ان ياتي الخطيب الي بيت خطيبته ويختلي بها في غرفه او ياوخذها معه خارج البيت بحجة انهم بيشتروا اشياء لعشهم الزوجي ويبغاها تختار واهلها موافقين وماعندهم مانع في ذلك >>وتلقاه بوس ودوس

وبعدين والله ياهلي مدري احس اني استعجلعت على بنت فلان ولا يعطيها مخرج ويقول جاني نفس وحسد على هالبنت ..

قليل أدب اي والله من ضعف العقل من جد .

اقتباس:

المشاركة الأصلية كتبت بواسطة ولد مغرور

*من ضعف العقل ونواقص المرجلة ان يدخل الرجال عند الحريم يوم العرس ويجلس قدام الحريم>>ويطالع البنيت ويشوف شعرذي وش طوله ويشوف التسريحات والشغل الحامي ويتحسر ويقول انا وش خلاني اخذ الشيفه اللي جنبي

ههههههههههه حلوه الشيفه

اقتباس:

المشاركة الأصلية كتبت بواسطة ولد مغرور

*من ضعف العقل ان الرجال يدور على سيارة كشخة يستاجرها او ياخذها من احد معارفه علشان يوصل البنت من القصر للفندق>> يركب 460sl واليوم الثاني تلاقيه راكب كابرس بكس عنابي وبدون مكيف ومكتوب على القزاز الخلفي ياتاعبني

ههههه نفس ردي على شهر العسل

اقتباس:

المشاركة الأصلية كتبت بواسطة ولد مغرور

*من ضعف العقل ان تعمل صجه وظجه بزواجك قاعه فخمه وعزومه كبيره وطرب وهيصه وبيصه وكل المعازيم عارفين بظروفك وحالتك>> عاد هالقطة هاذي مايبيلها نقاش اتوقع

قوووووويه هذي ههههههه

اقتباس:

المشاركة الأصلية كتبت بواسطة ولد مغرور

*من ضعف العقل ان زواجات الحريم ما تبدا الا 10 وماتخلص الا الفجر وياليت تمنع الحكومة هذي الحركات السخيفة>>من جد ياليت تمنعها الحكومة

بالعكس وش عرفك بوناسة الليل أجل مثلكم مايميدكم تدخلون الا وانتم مخلصين ، حنا راعين طويله ساعه نسلم وساعه نسأل عن الاخبار وساعه نتقهوى وساعه نشرب شاهي وساعه نرقص وعشاء الى اخره

اقتباس:

المشاركة الأصلية كتبت بواسطة ولد مغرور

*من ضعف العقل ان تصرف البنت كااامل المهر على ملابس وزينة>>طبعا اتوقع ماحد يوافقني هنا لان المهر كلو موللبنت المهر لابو البنت وماللبنت الا5الاف ريال وبتروح كلها للبرنامج بالمشغل صح والا غلطان جاوبوا يالبنات ..

اي والله صح انه ضعف لما تصرفه كلها على ملابس بس خطأ وخطأ المهر لها مو لأبوها

صح تعطي ابوها من مهرها كتقدير له ، أجل كيف تتجهز لك البنت اذا بس معها 5 الالف صدقني ماتكفي ولا ملابس البيت

ونسني موضوعك اخوي ولد مغرور .
بالتوفيق .

امركشي · 29-06-2009, 10:10

انا معك بكل شي الا في نقطتين
*من ضعف العقل ان يشترط والد البنت في عقد الزواج ان بنته ما تترك وظيفتها علما بان هذا الشرط لا يقدم ولا يؤخر في الزواج اي انه غير ملزم ولا يقع الطلاق ان تم ترك الوظيفة>>طبعا هذا البند للي بياخذ وحدة موظفة يتحمل اول عقبة ويحط الشي ذا في باله
غلطان من يقولك لا يقدم ولا يوخر بالعكس لعمل الزوجة فوائد كثير تعود بالنفع على الاسرة منها
المساعدة في تحمل المسؤولية وتخفيف عب النفقة عن الزوج .. والمرأة الذكية هي الي تقدر تحكم
بين شغلها وبين بيتها بدون ادنى مشااكل وشاهدنا أمثله ناجحة كثيرة في مجتمعنا

*من ضعف العقل ان يختار الرجل زوجته بنفسه ولايقبل اختيار امه واخواته فما يعرف للحديد غير الحدا>> لاتعليق

مع اني ما ارغب بالزواج الا عن طريق الوالده الله يحفظها لكني اشوف اختيار الرجل زوجته ليس من ضعف العقل
بالعكس من الطبيعي جدا ان يختار الرجل شريكة حيااته ولا يعلقها على نظرة الاخرين حتى لو كانوا اهله
لان الرجل تختلف نظرته للبنت عن نظره امه واخواته ....!!

وبالاخير الدعوة كلها راجعه على توفيق الله سبحاانه لازم الواحد يعمل الاسباب ويسأل الله التوفيق
الف شكر اخوي ولد مغرور عالموضوع لا هنت يابطل
<< ادري ان التنسيق رايح فيها بس طلعت روحي كل ماكتب رد ينمسح

عبد العزيز الفهـــري · 29-06-2009, 10:15

صحيح حنا ضعاف عقول ..... !!

عبد العزيز الفهـــري · 29-06-2009, 10:15

يعطيك العافيه

عبد العزيز الفهـــري · 29-06-2009, 10:16

شكرا لك

very love · 29-06-2009, 10:21

يا سلام عليك والله كلام يجمد على الشارب .

[ ولد مغرور] · 29-06-2009, 11:19

ونسني موضوعك اخوي ولد مغرور .
بالتوفيق .

[/quote]

ياهلا فيك يالحياوية
واهم شي وناستك فديتك
والله يوفقك ويسمع منك

[ ولد مغرور] · 29-06-2009, 11:22

والشكر موصول لك يا أمركشي واتحفني وجودك الفعال بصفحتي ولا هنتك
ولك مني اغلى تحية

[ ولد مغرور] · 29-06-2009, 11:23

اقتباس:

المشاركة الأصلية كتبت بواسطة عبد العزيز الفهـــري

صحيح حنا ضعاف عقول ..... !!

هلابك يالزميل
بالفعل حن اذا فكرنا بذالطريقة وسويناها اكيد حن ضعاف عقول ولا عندنا سالفة بعد

امتعني مروووورك المميز ولك مني كل الود والتقدير

ابو قحفية · 29-06-2009, 11:25

اي والله انك صادق >>>>>>>>>مجرب : )

THE SKY COLORS · 29-06-2009, 11:38

اقتباس:

المشاركة الأصلية كتبت بواسطة ولد مغرور

*من ضعف العقل انك تلقى واحد ماخذ قرض عشان يتزوج وراتبه بيروح منه 45% لمدة خمس سنوات وتلقاه يروح شهر عسل لاوروبا ومتكلف 30 الف
>>وطول هالخمس سنوات هاذي ماد البرطم 7سم وإذا كان خال 24سم >>> لايزعلون اخوال على عيني وراسي

*من ضعف العقل اذا دخل العريس يشترح والعروسه ترقص تجد اهله واحبته يرمون للشيطان طرح بالميات والخماسين وهو بعازة العشره ماأحد يضعها بجيبه
>>وياخذونها الطقاقات من غير حقهم ذاك اليوم

*من ضعف العقل ان ياتي الخطيب الي بيت خطيبته ويختلي بها في غرفه او ياوخذها معه خارج البيت بحجة انهم بيشتروا اشياء لعشهم الزوجي ويبغاها تختار واهلها موافقين وماعندهم مانع في ذلك >>وتلقاه بوس ودوس

وبعدين والله ياهلي مدري احس اني استعجلعت على بنت فلان ولا يعطيها مخرج ويقول جاني نفس وحسد على هالبنت ..

*من ضعف العقل ونواقص المرجلة ان يدخل الرجال عند الحريم يوم العرس ويجلس قدام الحريم>>ويطالع البنيت ويشوف شعرذي وش طوله ويشوف التسريحات والشغل الحامي ويتحسر ويقول انا وش خلاني اخذ الشيفه اللي جنبي

*من ضعف العقل ان زواجات الحريم ما تبدا الا 10 وماتخلص الا الفجر وياليت تمنع الحكومة هذي الحركات السخيفة>>من جد ياليت تمنعها الحكومة

اولا وعليكم السلام ورحمه الله وبركاته
اول شيء ياكثر هالامور اللي تصير عندنا واهمها اللي يرمون الفلوس مع انها هالعاده بدو الناس يتركونها في ظل الازمه الماليه هع هع والله اعرف احكي ههههه
بس من جد قهر تلقلا الخمس ميه بالارض وتجي الطقاقه تلقطها قهرررررررررررر
وبسب هالعاده قررت الون وجهي بفحم واصير طقاقه على الاقل القى لي فلوس قريشات من هالناس المخاريش هع
اما سالفه هاللي يقعد مع خطيبته ماراح اقول شيء زياده على كلامك بس صدقني اللي بيسويه في بنات الناس بيلقاه في خواته او بناته
اما سالفه اللي يدخلون عند الحريم فهم بصراحه يسون جو بالزواج هههههههههههههههه
خصوصا اذا رقصو والله يموتني ضحك بس احنا من عادتنا مايدخل المتزوجين بس العزاب

اما زواجات الحريم تراهم خفو اول كانو يحطون فطور بالزواج اذكر امي اول اذا عزموها يكتبون بالكرت مع العلم ان الفطار سوف يبدا الساعه 6لا ونصف صباحا قسم بالله
بس اللحين الهيئه منعت الطقاقات يطقون بعد صلاه الفجر هع
موضوعك مهم تسلم على هيك موضوع

عزابي2009 · 29-06-2009, 15:51

وعليكم السلام يأحلى غرور
ههههههه والله ان الناس والبشريه ان فيها المساكين
تصدق يحطون فلوسهم ولو يجيهم الضعيف المسكين يمد يده لهم قالوا له انقلع
وش العالم
لو تبي تتسلف من اخوك والا ابوك صدقني مايسلفك يقووول خلها على ربك مطفرين وياليت راتبي يوكل عيالي ويسكت زوجتي

ولو تقول خلها فلوسك بالصدقات الجاريه قال لا انا علي صدقه انا استحقها ........... وهو يضيع فلوس بطقطقه وخرابيط مالها داعي

اخيراً امتعني واعجبني وصفك لضعفاء العقووول ويارب تسهل الامور وترخص المهور وتتم لنا وعلى اخونا

لك مني باقة ورد لكن ورد مو ورد ورد بالود من القلب للقلب شاكر لك يامغرورو وانت احد المبدعين والكاتبين المتميزين

نسأل الله العلي العظيم ان يتمم علينا عقولنا ولا يسفهنا واللهم لاشماته بضعفاء العقوول ويارب تكبرهم بعقولهم وتجعل من المهتدين الطائعين المتصدقين المنفقين للخير والداعين له

تقبلي مني مروري وردي لموضوعك الرائع يامغرور........................ اخوك عزابي موديل 2009 وتسعه بشطرطون مثل ماقلت خخخخخ

لوله العسوله · 29-06-2009, 16:28

[quote=ولد مغرور;5128386[COLOR=gray]*من ضعف العقل ان البنت تشتري فستان زواج ينلبس مره وحدة يكلف تقريبا 10 آلاف واكثر >>وتجي بعد العرس تعرضه هنا بلمنتدى بقسم (..........) وتدور احد يشتري لو بـ125ريال عرض خاص ومخفض

هذي بالزات يبغاها وقفه والله حرام حرام يتكلف الفستان بمبلغ وبعدين الاخت تحمل او تتخن ويترمي ولو قلت تلبسه وحده في اخواتها يوم عرسها نطو فيكي والله ما البس فستان ملبوس
الله يهدي بس

[/COLOR]

إح ـسـاس طفـله · 29-06-2009, 20:14

ههههههههههههههههه

كلام سليم بكل شي قلته

ماعدا حكاية السفر فعلا هو شهر عسل واحد

وممكن مايكلفه شي كثير يعني ممكن اقل من 30

هو لو ياخذها اسبوع

اسمهم سافروا لان هالشي مفيد لهم ببداية حياتهم انهم ينعزلون عن الكل

يعني مو عشان المنظره

بس باقي الامور انا معاك فيها 100%

الله يكملنا بعقولنا هع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

قرب الموسم ,,( ^_^ )والطقطقة