عالم الحياة الزوجية - منتدى

THE SKY COLORS · 29-06-2009, 14:33

بسم الله الرحمن الرحيم
السلام عليكم ورحمه الله وبركاته

بالاجازه اللي كانت منتصف الترم الثاني
اللي حطها لنا الملك عبدالله الله لايحرمنا منه ويطول لنا بعمره

قررنا نسافر جده (انا - 2 من خواتي اصغر مني - امي )
و خالتي وبناتها كان عددنا 8 حريم مع الشغاله
المهم ركبنا الطياره وجلسنا جمب بعض طبعااااا

شوي وتجي وحده طاقه البرقع مع 3 بنات جت عند راس حجازيه جالسه مع زوجها

قالت لها : انتي هيــــــــــه قومي هذا مكاني
قامت الحجازيه رفعت عيونها قالت اوكي بس المضيف قالي اجلسي هنا
انا ماكنت ادري انه مكانك اسفه بس لاتقعدين تصارخين
قامت الحجازيه

قالت ام برقع : وجع ان شاء الله مابقى الا انتو يالمصرين
تبين تعلميني شلون اتكلم ان شاء الله
قالت الحجازيه : احترمي نفسك يابدويه
قالت ام برقع : البدو يربونك ياوصخه
الحجازيه : للاسف ماربوك انتي عشان يتفرغون يربون الناس
وكان تربيتهم تطلع امثالك مانبيهم

ام برقع : فتحت البرقع وتفلت بوجه الحجازيه تفووووووو
وقام الهواش على قدم وساق بين الحجازيه والبدويه>> عاشو عاشو وانا اصفق واشجع هههههه

وصلو للشعور طبعا الطرحه انفكت وكل شيء طلع
هههههههههههههههههههههههههههههههههههه اللهم لا شماته

طبعا هذا بالطياره قدام كل الركاب
ولا احد قام يفكهم ولا رجال >>بعذرهم والله حجازيه وبدويه كملت

جاء مضيف وفكهم وقعد يصارخ ايش هالتصرف انا بطلب الشرطه
وجت الشرطه واخذوهم وتحقيق وشيل وحط
وتوقفت الطياره عن الاقلاع لمده ساااااااااااعه ونص كاااااااملات
طفشنا

قام شاب قال : اللحين انا متوقف هنا عشان هالناقصات العقل والدين

ياناس نمشي وهم يجون على رحله ثانيه ولا ابي تعويض عن التوقف المفاجيء
(ناقصنا هالشاب المراهق )

قال : ابي الشرطه تجي تشوف انا عندي ميتنق بجده بعد ساعه ونص بالضبط بالله عليكم
كيف ارتب اموري اروح للميتنق ولا استنى شنطتي ولا ادور لي فندق
بسرعه ابي تعويض
ههههههههههههههههههههههههههههه

صارت الدعوه مصخره
راح للشرطه وقعد يتكلم معهم وتحقيق ثاني لمده نص ساعه
يعني وقفنا ساعتين

اخرتها
جات الحجازيه والبدويه والشاب كلن ركب
وصلنا بجده بسلام من دون ضرب وتصفيق وجزم

طبعا الولد والبدويه والحجازيه استقبلتهم سياره من الخطوط اللي كنا عليها ونقلتهم للمكان اللي يبونه وجلسو بمقاعد الدرجه الاولى

اللحين فيه كذا شيء يدور في بالي
اللحين من اللي تعطل بالسفر؟؟
احنا ولا هم ؟؟

مين اللي يستاهل التعويض احنا ولا هم ؟؟

يعني لازم نتهاوش ونمد السنتنا مثل الشاب عشان نحصل تعويض ؟؟

ايش المنطق هذا

طبعا الدعوه فيها شي من الحقيقه وفيها شيء من الخيال :

بس اللي ابي اوصل له للنساء ماله داعي ترفعين صوتك قدام اللي يسوى واللي مايسوى
لان وانا بالطياره وصل لي حكي من الرجال سب للحرمتين واكثره موجهه للبدويه

حقك بتاخذينه بالهدوء والطيب مو بالهواش والصراخ والتفل وفك البرقع

ونصيحتي العامه لاتسكت عن حقك نهاااااااائي مهما كلفك من ضياع الوقت

الشاب اللي معنا طبعا خلاص بيروح عليه نص وقت الاجتماع بس مارضى يروح كذا ببلاش
طالب تعويض وهذا اللي يعجبني الصراحه

نصيحه للرجال لاتصير سلبي الحجازيه زوجها كان موجود بس بسلبيته ترك لها الحبل على الغارب
وخلاها تتكلم وتتهاوش وتتعرض للمسائله القانونيه وهو جالس ساكت

ماتوقع ان فيه رجال يرضاها على نفسه بهالسلبيه ..

..تحياتي لكم ..

ابو قحفية · 29-06-2009, 14:39

زوج الحجازية حكيم
كان من الأول يبي مقعد فيرست كلاس : )
وعلى ما قالوا ما يضيع حق وراه مطالب
يعطيك العافيه

THE SKY COLORS · 29-06-2009, 14:43

اقتباس:

المشاركة الأصلية كتبت بواسطة ابو قحفية

زوج الحجازية حكيم
كان من الأول يبي مقعد فيرست كلاس : )
وعلى ما قالوا ما يضيع حق وراه مطالب
يعطيك العافيه

هههههههههههههههههه حكيم هاه حكيم لو تشوف وجهه تموت ضحك كان مستغرب احسه ماستوعب الا بعد يومين !!
الله يعافيك يارب ..

ابو قحفية · 29-06-2009, 14:49

اقتباس:

المشاركة الأصلية كتبت بواسطة THE SKY COLORS

هههههههههههههههههه حكيم هاه حكيم لو تشوف وجهه تموت ضحك كان مستغرب احسه ماستوعب الا بعد يومين !!
الله يعافيك يارب ..

يا خوفي فوق الفشله اللي تفشلها
يكونو ما شالوه على الدرجة الأولى كمان

امركشي · 29-06-2009, 15:12

صبآح القايلة
كيف حالك سكااي .. مبروك الصورة الجديدة تصدقين ماعرفتك هع
مثل ما قلتي انتم اللي تعطلتم وانتم اللي لازم يعوضونكم
بس حسنة هالثلاثي المرح (الشاب , البدوية , الحجازية)
انهم ماسكتوا وسووا زيطة وزمبليطة عشان اللي يبونه
ومعروف ان راعي اللسان الطويل يخوّف
بس بصرااحة احسن خطوطنا ودك وااحد يقطع بهم ليل نهاار كود يتسنعون
وفعلا زي ماتفضلتي لازم الواحد يعطي المكان حقه
سواء في طيارة او في غيره .. ويراعي النااس اللي حوله

ولا تلومين الزوج يمكن العصمة بيد حرمته وانتي ماتدرين خخخخ

THE SKY COLORS
احسنتي اختيارك للموضوع
ما شالله عليك من كل بستاان زهرة
دام قلمك لنا يا مبدعة < ودي اخترع كلمة جديدة احس الابداع مايوفّي
لا عدمنا طلتك الحلوة
تحيااتي لك
المتابع الدائم لمواضيعك / امرركشي

THE SKY COLORS · 29-06-2009, 15:42

اقتباس:

المشاركة الأصلية كتبت بواسطة امركشي

صبآح القايلة

كيف حالك سكااي .. مبروك الصورة الجديدة تصدقين ماعرفتك هع
مثل ما قلتي انتم اللي تعطلتم وانتم اللي لازم يعوضونكم
بس حسنة هالثلاثي المرح (الشاب , البدوية , الحجازية)
انهم ماسكتوا وسووا زيطة وزمبليطة عشان اللي يبونه
ومعروف ان راعي اللسان الطويل يخوّف
بس بصرااحة احسن خطوطنا ودك وااحد يقطع بهم ليل نهاار كود يتسنعون
وفعلا زي ماتفضلتي لازم الواحد يعطي المكان حقه
سواء في طيارة او في غيره .. ويراعي النااس اللي حوله

ولا تلومين الزوج يمكن العصمة بيد حرمته وانتي ماتدرين خخخخ

THE SKY COLORS
احسنتي اختيارك للموضوع
ما شالله عليك من كل بستاان زهرة
دام قلمك لنا يا مبدعة < ودي اخترع كلمة جديدة احس الابداع مايوفّي
لا عدمنا طلتك الحلوة
تحيااتي لك

المتابع الدائم لمواضيعك / امرركشي

والله انها قايلتن توسع الصدر حررررررررن يالله من فضلك بس
انا الحمد لله بخير وبصحه وعافيه وش رايك عاد بالصوره الجديده كشخه صح ؟؟
احس ان اللي بالصوره وحده فرحانه بالاجازه >>>كلن يفكر على قده هع
كنت اقول لامي بالطياره خلينا نتكلم ونصرخ مثلهم كودهم يجلسونا بالدرجه الاولى ويعطونا قهوه وتمر مثلهم وامي تخزني بعيونها من تحت الغطاء وتقول احتسي بس والله لانزلتس مع الدريشه موب الباب الدريشه الصغيره ذي هع هع هع
يمكن العصمه بيدها تصدق غابت عن بالي !!!
وه بس وه الله مير يسلمك شاطره وتخب علي شلون مبدعه !!!
هلا والله فيك اخوي دايم بنتظار طلتك ..

strawberry23 · 29-06-2009, 16:37

الصراااحه انا استغرب من هالنوع من الحريم يعني مثلا لما اكون في سوق واشوف حرمه تهاوش وتكاسر وتعلي صوتها اقول معقوله الوضع عندها عااادي ,,,وين خجل المراءه وين نعومه المراءه وين رقتها. انا لما اسمع رجال يتكلم بصوت عالي انزعج فما بالك لو حرمه جالسه تصرخ وتهاوش .
يعني تخيلت الموقف الي في الطياره بين الحرمتين وحسيت بالاستياء خاطري اعرف اش يحسون فيه .

taghy · 29-06-2009, 16:41

مساء الخير اختي الكريمه
مبدعه دائما ومتألقه فيما تقديمنه لنا وهذا مانعهده منك بارك الله بك عذرا اختي ارجو ان تتقبلي مروري المتواضع اختك شهد...

THE SKY COLORS · 29-06-2009, 16:46

اقتباس:

المشاركة الأصلية كتبت بواسطة strawberry23

الصراااحه انا استغرب من هالنوع من الحريم يعني مثلا لما اكون في سوق واشوف حرمه تهاوش وتكاسر وتعلي صوتها اقول معقوله الوضع عندها عااادي ,,,وين خجل المراءه وين نعومه المراءه وين رقتها. انا لما اسمع رجال يتكلم بصوت عالي انزعج فما بالك لو حرمه جالسه تصرخ وتهاوش .
يعني تخيلت الموقف الي في الطياره بين الحرمتين وحسيت بالاستياء خاطري اعرف اش يحسون فيه .

احساسهم ؟؟؟؟
مدري بس اكيد انه مو مثل الفيلينق اللي عندنا هع
من جد صااااااااااااادقه يعني انا اذا احد تعدى علي بمكان اهج احط رجلي وامشي من الخوف وذي تطاق تخيلي هواااااااااااااااش

بس الله يهدي الجميع ..يارب ..

THE SKY COLORS · 29-06-2009, 16:49

اقتباس:

المشاركة الأصلية كتبت بواسطة taghy

مساء الخير اختي الكريمه
مبدعه دائما ومتألقه فيما تقديمنه لنا وهذا مانعهده منك بارك الله بك عذرا اختي ارجو ان تتقبلي مروري المتواضع اختك شهد...

هلا والله مساء النور
حيا الله شهوده !!

مرورك وتعليقك ودعوتك اسعدتني

άℓαм ώα εṩниαн © · 29-06-2009, 18:45

أهليييييييييين سكااااااااااي
تصدقين تخيلتهم وتخيلت اشكااالهم
الله يعينهم على بعض تكلفووووا كثير
تقطيع ملابس وجوالات طاحت وشنااط طاحت
وين فيه في الطياااره
بعد
مشكوووره حبيبتييييييييييي انتييييييي
وتنتظر جديدك مواضيعك شيقه والله يخليييييييك لنااااااااااا ياالغاااليه

Hector Ferrer · 29-06-2009, 18:47

هههههههههههههههههههههههههه كنا نتمنى تنتهي السالفة في جمس الهيئة..حتى يتعلموا يتهاوشوا مرة ثانية....

THE SKY COLORS · 29-06-2009, 23:07

اقتباس:

المشاركة الأصلية كتبت بواسطة ألم وعشناه

أهليييييييييين سكااااااااااي
تصدقين تخيلتهم وتخيلت اشكااالهم
الله يعينهم على بعض تكلفووووا كثير
تقطيع ملابس وجوالات طاحت وشنااط طاحت
وين فيه في الطياااره
بعد
مشكوووره حبيبتييييييييييي انتييييييي
وتنتظر جديدك مواضيعك شيقه والله يخليييييييك لنااااااااااا ياالغاااليه

هلاااااااااااااا هلاااااااااااا والله
يقولون من بغى الدح ماقال اح يعني هم بغو الهواش ومالقوه الا بالطياره >>>يقطع اوووم التشبيه اللي زي كذا
ولو العفو ياقلللللللللللللللللللللبي انتي
ويخليك لنا ياعسل ..

THE SKY COLORS · 29-06-2009, 23:10

اقتباس:

المشاركة الأصلية كتبت بواسطة Hector Ferrer

هههههههههههههههههههههههههه كنا نتمنى تنتهي السالفة في جمس الهيئة..حتى يتعلموا يتهاوشوا مرة ثانية....

وين جمس هيئه بالمطار ولا بالطياره بعد ؟؟؟
عد كذا الدعوه بتصير مو خيال بس بتصير تفحيط بحي السلي بالرياض من كثر ماهي هياط هع هع

كيان انسانة · 30-06-2009, 00:11

هذول يمشوون على مقولة اغلبوهم بالصوووووت
وتلقين الصوووت يجعجع وكل وحدة تطلع مواهبها بالصوت وكلهم يشدووون

يعطيك العافية ع الموضوووع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الـلـحيـن مـيـن الـلـي ضـاع وقـتـه ؟؟