عالم الحياة الزوجية - منتدى

PبثIبثV · 01-07-2009, 00:28

تبدا مشكلة ربيعتي يوم انفصلت امها عن ابوها من عشر سنوات ..

وهم عايشين في بيت خالهم .. ومثل ماذكرت بعنوان الموضوع انها تبلغ من العمر 16 سنه ..

وامها فارسيه الاصل .. ويعانون من مشكله الفقر .. يعنى تخيلو ياناس ان ام ربيعتي تطلع مع شباب ..

وتدخل شباب في البيت .. وتصرف على عيالها من فلوس الشباب .. تأكلهم مال حرام ..

وفوق هذا كله تعرف بنتها (الي هي صديقتي ) لشباب وتقول لها لما تدش الشات .. اذا هذا هامور تعرفي عليه !!!

وصديقتي اصلا ماعندها موبايل .. خالها كم مره ضربها وشل عنها التلفون تعرفون كم مره شل التلفون عنها .؟ 13 مره .. جمع 13 تلفونات .. شكله بالمستقبل بيجمع مليون موبايل وبيفتح محل تلفونات بسبة هاذي البنيه الي ماتتوب ..

وعند عمتها 3 تلفونات ..

صديقتي ماعندها مصروف .. ضعيفه في الدراسه وتييب دواوير وتسقط وتعيد السنه ..
وكل يوم يوم تبي تنام تصيح ..

وكل يوم او يومين تطلع مع واحد بمساعده امها .. ويوم تخلص تجيب الفلوس .. استغفر الله ..
وكل مره تقول لي خذيلي تلفون خذيلي رقم ..

وانا مرات اقلها بشوف .. ومرات اطنشها لان لو جبت لها التلفون راح اتمشكل .. وحتى لو مابتمشكل هي الي راح تأذي عمرها بسبتي انا .. وانا مابغي هالشي يحصل والحمدالله ما عطيتها تلفون ..
معنى عندي 3 موبايلات وانا اصلا ماستخدم الموبايل الا لاسباب ضروريه .. وماحب شي اسمه تلفون ..

المهم وهي كل مره تقول قصه حياتها للبنات وتفضح عمرها علشان تحصل واحد ساحر ..
حتى مره قالتلي انها سوت عمل حق اهلها ..
قلت لها كيف ..؟
قالت : سرت عند الساحر وقالي استخدمي هذا وبعدين سيري بعيد عن المدينه ..
يعنى هي في دبي .. قالها سيري بوظبي .. وهي ماسارت وطاحت بالبيت وودوها المستشفى وسارت مركز الشرطه سولها تحقيق وقالت انا اضطريت اسوي هالشي علشان اهلي وخالي مايعاملني باحترام..

وكل يوم تقول قصه حياتها للبنات علشان يدورون لها ساحر ..
مره قلت لها اتعوذي من الشيطان وذكري ربج انتي تعرفين شو يعنى ساحر ..؟ السحره نجسين ووصخين ويتعاملون مع الجن ومايدخلون الجنه ابد .. حتى الي يتعامل معاهم يعتبر شرك ..

قالت شو اسوي بعد ..
قلتها ذكري ربج ولاتفكرين هالشي طلعيه من بالج
قالت انا ابي شي جاهز وانا وانا الخ ..

واكثر عن هذا الاداره بدو يشكون فيني معنى في بدايه السنه كانو يحترموني ويسلمون علي ..
لكن الحينه يوم اتمشى وياها يقولون لي من وين جايين .؟ وين سايرين ؟
حتى في ابله قالت لي كيف تعرفتي عليها .. وسوت لي محاظره .. وبالاخير قالتلي انتبهي لنفسج ..

الواحد كيف يقدر يحترم هالاشكال ..

كانت تواعد شباب وواحد شلها من المدرسه ووصلها بيتنااا .. قلت لها كيف يتي قالتلي من سياره واحد!!

ومره جفتها فمكان عام حاطه الشيله ع الجتف ..!!

وتسير المولات والشيله ع الجتف ولابسه قصير وتتحرش في الشباب وتقول رقمونا ..؟ (( اكيد تقول رقمونا اصلا هاي ماعندها رقم ))

وعندها نقاط سوده في ملفها .. والاداره تعرف .. ومره انفصلت 3 شهور !!

وتطلع مع الشباب وتدخل الفنادق وتسبح معاهم وهي مالابسه شي ..!!

كل يوم تتعرف ع واحد وتنصب عليه وامها تشجعها وخواتها !! وماعندها اخ اكبر عنها عشان يزخها ويادبها غير خالها!!

وكانت تستخدم تلفوني وتكلم اكثر عن 5 شباب والله شاهد وفوق هذا تقول انا استمريت مع واحد بس !!

حتى كم مره قالت لي انا خاطري فيج ..!!

وصديقتي مب بنت .. يعنى مب عذرا مب شريفه .. استغفر الله .. انا مقهوره ومتضايجه ..
والحينه ماكلمها حتى بالتلفون .. ومارد عليها ابد ..

هل انا غلطانه لاني ترابعت مع هالاشكال واحترمتهم وماتركتهم ..؟؟

لو انتي كنتي فمكاني شو بتسوين ..؟ بتنصحينها وماشي فايده بتفضحينها ..؟؟

هالاشكال ماراح تقتنع باي شي ولو تحاولين معاهم باي شكل من اشكال ..
كيف تستوي من وحده ضايعه لوحده ملتزمه ؟؟

وسمحولي ع الاطاله حبيت افضفض لاني من جد متضايجه ..

اميره بلا فارس · 01-07-2009, 00:35

الله تمم عليك عقلك وبعدي عن هذي لانها حرام وبتغضب ربك
بعدك صغيره والمستقبل امامك حبيبتي رح تلاقي صحبه صالحه انتبهي على روحك

ورد تشرين · 01-07-2009, 00:40

شوفي لك شيخ او امام مسجد خلوه يطلع ربيعتك من هذا الوحل هي واهلها

الله يتمم عليك دينك وعقلك

TOP WOMAN · 01-07-2009, 00:43

استغفر الله ........... استغفر الله ........ استغفر الله

اخيتي لازم لازم تبتعدين عن هالبنيه ....... انا ما شوف شي واحد زين فيها عسب ترابعينها ...

احسن لج تبتعدين عنها ..... ومع تحياتي

لوست_87 · 01-07-2009, 00:43

الله يهيدها........

هذي اذا امها جذي العيال وشولون بطلعوون......

ابتعدي عنها لا ياثر عنج هالشي في المستقبل ماتدرين بعدين الناس ماترحم.........

لان حتى لو ماتاثري انت ماتضمنين روحج............

الشر يعم والخير يخص..........

والحين لو حطو طماطة خايسه في صندوق نظيف بتخيسه كله.........
تركيها لا تاثر على سمعتج في المستقبل

حسين!! · 01-07-2009, 00:47

هذه يبالها حكم إعدام شنقاً حتى الموت !!

الله يهديها ولا يشلها ..

ابعدي عنها ولا ترى سمعتج بتكون نفس سمعتها ..!!

وبتضيعين مستقبلج بس لأنج تبين لها الخير ..

ادعيلها بالهداية واتركيها لاتخليها تدري وين انتي ..

لكبريآئـے رgآيـہ · 01-07-2009, 00:48

استغفر الله ربي العظيم

الله يهديهاااا

انتي نصحتيها ونصحتيها ونصحتيها

وماسمعت الكلام؟؟

وبعدين ؟؟!!

وش لك بها خلها تولي زين

لانك راح تشوهين سمعتك معهاا وانتي قلتين الاستاذه قالت الك كيف تعرفتي عليها؟؟

( قلــي من تصاحب اقل لـك من انت )

اقطعي علاقتك فيها نهائيااا وادعي لها بالهدايه والصلاح

άℓαм ώα εṩниαн © · 01-07-2009, 00:57

الله لا يبلااانا بس
وش ذا ألقصه الغريبه
وش ذا الأم الغريبه معقوله ام كذاااا تدز بنتهاااا للحرااااااااااااام
اعوذ بالله من الشيطان الرجيم
سراااحه احتر جسميييييييييييي من ذا الكلااام

PبثIبثV · 01-07-2009, 00:59

اقتباس:

المشاركة الأصلية كتبت بواسطة اميره بلا فارس

الله تمم عليك عقلك وبعدي عن هذي لانها حرام وبتغضب ربك
بعدك صغيره والمستقبل امامك حبيبتي رح تلاقي صحبه صالحه انتبهي على روحك

هي والله المدرسه كلها تتكلم عنها ..
شكرا ع الرد

PبثIبثV · 01-07-2009, 01:00

اقتباس:

المشاركة الأصلية كتبت بواسطة ورد تشرين

شوفي لك شيخ او امام مسجد خلوه يطلع ربيعتك من هذا الوحل هي واهلها

الله يتمم عليك دينك وعقلك

والله وجان زين ..
شكرا ع الرد

PبثIبثV · 01-07-2009, 01:01

اقتباس:

المشاركة الأصلية كتبت بواسطة TOP WOMAN

استغفر الله ........... استغفر الله ........ استغفر الله

اخيتي لازم لازم تبتعدين عن هالبنيه ....... انا ما شوف شي واحد زين فيها عسب ترابعينها ...

احسن لج تبتعدين عنها ..... ومع تحياتي

صح كلامج .. مافيها شي زين .. شكرا ع الرد

PبثIبثV · 01-07-2009, 01:03

اقتباس:

المشاركة الأصلية كتبت بواسطة لوست_87

الله يهيدها........
هذي اذا امها جذي العيال وشولون بطلعوون......
ابتعدي عنها لا ياثر عنج هالشي في المستقبل ماتدرين بعدين الناس ماترحم.........
لان حتى لو ماتاثري انت ماتضمنين روحج............
الشر يعم والخير يخص..........
والحين لو حطو طماطة خايسه في صندوق نظيف بتخيسه كله.........
تركيها لا تاثر على سمعتج في المستقبل

هاللي افكر فيه من جيه ابتعدت عنها ..

PبثIبثV · 01-07-2009, 01:05

اقتباس:

المشاركة الأصلية كتبت بواسطة حسين!!

هذه يبالها حكم إعدام شنقاً حتى الموت !!
الله يهديها ولا يشلها ..
ابعدي عنها ولا ترى سمعتج بتكون نفس سمعتها ..!!
وبتضيعين مستقبلج بس لأنج تبين لها الخير ..
ادعيلها بالهداية واتركيها لاتخليها تدري وين انتي ..

خلاص دامنها عرفت عنوان بيتنا شو تبقى يعنى ..؟؟

ادعيلها بالهدايه ..؟ ان شاء الله ينفع حق هالاشكال ..

ابتعدت عنها من بعد ماخلصت من المدارس .. للاسف

PبثIبثV · 01-07-2009, 01:07

اقتباس:

المشاركة الأصلية كتبت بواسطة انوار الزكيه

استغفر الله ربي العظيم

الله يهديهاااا

انتي نصحتيها ونصحتيها ونصحتيها

وماسمعت الكلام؟؟

وبعدين ؟؟!!

وش لك بها خلها تولي زين

لانك راح تشوهين سمعتك معهاا وانتي قلتين الاستاذه قالت الك كيف تعرفتي عليها؟؟

( قلــي من تصاحب اقل لـك من انت )

اقطعي علاقتك فيها نهائيااا وادعي لها بالهدايه والصلاح

قطعت علاقتي فيها والصراحه اذا شفت شي خلاص مالي الا مركز الشرطه .. شسوي بعد ..

PبثIبثV · 01-07-2009, 01:09

اقتباس:

المشاركة الأصلية كتبت بواسطة ألم وعشناه

الله لا يبلااانا بس
وش ذا ألقصه الغريبه
وش ذا الأم الغريبه معقوله ام كذاااا تدز بنتهاااا للحرااااااااااااام
اعوذ بالله من الشيطان الرجيم
سراااحه احتر جسميييييييييييي من ذا الكلااام

في ناس من هالاشكال وايدين منتشرين فكل مكان ..
الي مايفكر في سمعته ولابشرفه وكرامته ممكن يسوي اي شي عشان الفلوس ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الحقونـــي صديقتــــــــــــي ضايعه وتتعامـــل مع السحره والمشعوذين وهي فالسن16 سنه!!