عالم الحياة الزوجية - منتدى

احساس ثاني · 01-07-2009, 04:28

حيالله كلن بسمه وش الاخبار وش العلوم عساكم بخير .
هذا الموضوع فكرت فيه كثير واعتقد راح ينال اعجابكم وابيه موضوع نرجع له في يوم من الايام
الموضوع ان كل انسان يكتب مشاعره تجاه زوج المستقبل سواً كان خاطب او مخطوبه حتى للي توهم ماخطبو نبي نشوف امانيهم ..
بتكون البدايه مني
انا خطبت بس توني ماتملكت وانشاء الله ها الايام راح تكون ملكتي
وشعوري اني جداً فرحان اني باتزوج قريب خاصه ان الي خطبتها تناسبني افكارها وشخصيتها ( انا ماقد كلمتها ) على حسب ماسمعت عنها .
الفكره هي :
ان بعد يوم الملكه بيومين اخوها( طبعاً بعد التنسيق معه ) يقول لها انه عازمها في مكان مميز بمناسبة ملكتها طبعا هي راح تتكشخ وبتفرح اخوها عازمها وبعد مايوصلون للمكان يقولها ترا الي عازمك زوج المستقبل مو انا بعدها يبداء دوري في الموضوع
الفكره انه بعد مانجلس مع بعض وتهدى شوي لانها بتكون مرتاعه وغير متوقعه بعد مانسولف سوالف وترتاح شوي يجي مقدم الطلبات ويجيب الهديه الاولى راح يكون اولها القران الكريم ومجموعة كتب للمقبلين ع الزواج وبعدها جوال بعدها لاب توب وبعدها ساعه وشوكليت وفي النهايه بوكيت ورد على ان تكون مفرقه وتقدم حبه حبه لها وبتغليف مميز جداً .
طبعاً شهر العسل راح اخليه مفاجاه لها ولا راح اقولها مهما اغرتني او سوت ذكيه علي

الفكره هذي راح تكون معلقه في الذاكره على مر السنين لي ولها
انشاء الله تنجح
اتمنا ان تطرحو افكاركم الخاصه فيكم سوء كانت مشابهه او غير مشابهه لكي يكون الموضوع مرجع لنا جميعاً في يوم من الايام
ودعواتي لكم جميعاً بالتوفيق

انتضر مشاركاتكم

كيان انسانة · 01-07-2009, 04:39

الف الف مبروووك والله يتمم لكم على خير
ترى فكرتك حلوووووووة

ويمكن الاعضاء يفيدونك

موفق

احساس ثاني · 01-07-2009, 04:55

اقتباس:

المشاركة الأصلية كتبت بواسطة كيان انسانة

الف الف مبروووك والله يتمم لكم على خير
ترى فكرتك حلوووووووة

ويمكن الاعضاء يفيدونك

موفق

الله يبارك في عمرك
واشكرك على مرورك ,,,,,

ربي يحفظ لي حبيبي · 01-07-2009, 05:34

ماشاء الله تبارك الله ،،، الله يهنيكم يارب
بس خفف شوي عليها في الهدايا راح تمر عليكم مناسبات كثيرة وتحتار إيش تهديها
اكتفي بالجوال مع القرآن وعطر مثلا
موفق اخوي

إح ـسـاس طفـله · 01-07-2009, 05:47

فكرة رائعه

أنا مع اللي قبلي

لو كانت الهدايا أبسط وواحد ه فقط هي المميزه من كذا لكانت أجمل

حتى يكون للهدايا فيما بعد تأثير

والله أنا بعد ملكتي بشهرين كان العيد

وماجاني خطيبي فسويت له مفاجأة هو نهائيا ماكان متوقع

اشتريت له هدية وغلفتها وبحكم إنه احنا بمدينتين مختلفة

أرسلتها له مع أخويه

طبها تفاجأ جدا وانبسط جدا

أحلى شي لما الهدية توصلك وأنت مو متوقعها

مفعولها وسحرها يكون خيالي جدا

أشكرك موضوع رائع

ناعسه الهدب · 01-07-2009, 06:10

ربي يوفق جميع المخطوبين والمتزوجين ويوفقك اخوي احساس ثاني
بالنسبه لي مااقدر اعبر مشاعري لشخص مجهول
ولا املك لكم الا الدعاء

احساس ثاني · 01-07-2009, 06:23

ربي يحفظ لي حبيبي ( اللهم امين) اشكرك ع مرورك كلامك صحيح بس القصد من كثرة الهدايا اني ابيها ليله لاتنسا مهما تقدم بنا العمر .

اح ـساس طفله صحيح كلامك عنصر المفاجاه يعطي انطباع جيد للمتفاجى . تحياتي لك ودعواتي لك بالتوفيق والسعاده الدائمه .

ناعسة الهدب دعواتي لك بالزوج الصالح الي يسعدك ويحقق لك امنياتك . تمنيت انك تتكلمين عن امنياتك
اشكر لك مشاعرك الطيبه .

avril 86 · 01-07-2009, 09:04

حلوة فكرتك

THE SKY COLORS · 01-07-2009, 13:18

اقتباس:

المشاركة الأصلية كتبت بواسطة احساس ثاني

طبعاً شهر العسل راح اخليه مفاجاه لها ولا راح اقولها مهما اغرتني او سوت ذكيه علي

اولا لله يوفقك ويسعدك ويزيدك من نعيمه !!
بس بقولك شيء عن السفر لازم تقول لها وين وجهتك على اساس تعرف المنطقه اللي تبي تروح لها ايش جوها
لانو وحده من خواتي كذا سافرت وهي ماتدري وين تروح
ومااااااااااااااااااااااااااتت من البرد
كان الجو بارد للمنطقه اللي راحت لها ..
لازم تعطيها على الاقل ايش راح يكون الجو عشان تجهز نفسها
يعني منطقه بحريه شواطيء وكذا لازم جينز تي شيرت شباشب .. مثل ماليزيا جزر المالديف اندونيسيا
او منطقه راقيه مثل لندن فرنسا يبي لها بالطو وحجبات وكذا
يعني لازم تعطيها خبر باختصار ..
او منطقه اغلبها مشي مثل فينا يبي لها تنس شوز واشياء زي كذا
رتب وضعك معها

حبك بهدلني · 01-07-2009, 13:21

فكرتك مرررره حلوه الله يهنيك ويهنيها يارب

بس أنا لو جاني زوجي اعطاني كتب عن الزواج في أول هديه " راح اخاف وانفجع"

بس ما أدري

والله يوفقك

بالنسبة لي ان شاء لما اتزوج ان شاء الله اتمنى زوجي يآخدني ونسافر بره بعد الزواج على طول

يعني أغير فستاني ونسافر على طووووووووووووووووول

هذه امنتيتي

آآآآآآآآآآآآه بس

يارب يحققلي كل احلامي ياااااااااااااااااااااااااااااارب

وتقبل مروري

ابيك لي وحدي · 01-07-2009, 14:19

موضوعك حلوو لأن احلا شئ فترة الخطوبه الاماني والاحلام اللي نرسمها بدون حدود
بالنسبه للمشاعر انا مو مستوعبه الموضوع لسا اني بتزوج والاماني اكثر امنيه اتمناها من جد انه يكون طيب ومتفهم بعدين شهر العسل احس هذا اهم شئ بالزواج واحلا ذكرى والمكان يكون مميز
وبالنسبه لهديتك صراحه حلوه مررره بس افضل انك تعلمها انه انت اللي بتطلع معها لانها بتنصدم واذا كانت خجوله يمكن ماترضى تجلس لحالها وغير كذا استعدادها لأن كشختها مع اخوها مو مثل كشختها اذا طلعت معك الله يهنيكم ويسعدكم

امركشي · 01-07-2009, 14:36

الله يوفق الجميع
ومثل ماقالوا ماقدر اعبر لشخص مجهول
بالتوفيق اخوي احسااس

لننصر نبينا · 01-07-2009, 14:50

السلام عليكم

الله يوفقك ياخوي ويهنيك
انا اتفق معاهم انو لازم تعطيها خبر انك راح تقابلها .. لان هالشيء يمكن يضايقها ويحز بخاطرها .. ويكفي انك راح تفاجأها بالهدايا ..
وبخصوص الهدايا .. الكتب اللي راح تقدمها لها للمقبلين ع الزواج الافضل انك ماتعطيه إياه لأن هذي الكتب البنت راح تشتريها من نفسها وبوقتنا هذا البنت والولد عندهم وسائل كثيره لتنميت معلوماتهم .. وبالعكس راح تكون فرحتها كبيره لما تقدم لها الهدايا بس تكون عارفه انك بتقابلها ... هذا اهم شيء...
والله يوفقكم يارب ويتمم لكم ع خير

غنوجه ابوهااا · 15-07-2009, 02:28

الف الف الف مبروووك وبالتوفيق

حياتي أليمه · 15-07-2009, 07:58

احاسيسي ومشاعري تجاه خطيبي ... مجرد اعجاب !!! ... صحيح هو رجال بمعنى الكلمه وأخلاق وبنفس الوقت جميل جدا .. لكن لسه ع الحب .. الحب يجي مع العشره ومع مرور الأيام ... انا معجبه فيه بالمره ... وانشاءالله راح احبه واسعده ويحبني ويسعدني ..... أحلامي ماتركز على الهدايا وأعياد الميلاد ... حلمي الوحيد هو الــــــــــــــــــحـــــــــــــــــــــــــــــ ــــــــــــــب ... انا يحبني واحبه بجنون فقط ... أكتفي بذلك الحب !!

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

امانينا ومشاعرنا .. ( مـــوضــوع شيــــق )