عالم الحياة الزوجية - منتدى

يستهبلون مافي اسم!! · 01-07-2009, 22:17

مرحبا ياحلوين
واخيراا بعد عناء لقيت اسم
انجلطت وانا ادور الين ماارتفع ضغطي وطلع اسمي المليح
المهم
بصراحه سجلت عشان موضوع متعبني بالتفكير وشاغلني وافكر اني افك الخطبه بسببه لاني مالقيت له اي تفسير منطقي
باقولكم وضع خطيبي وانتو علموني وش رايكم لاني تعبت من التفكير ماادري ليه مايبي يملك علي
دفع لي مهر يسوى ارسل لي شبكه تجنن اوضاعه الماديه شكلها كويسه ولله الحمد اللي مجنني انه مايبي يملك قلنا له متى ودك الملكه قال قبل الزواج بيوم او يومين
ليييييييه؟؟؟؟؟؟؟؟؟؟
تتوقعون ماعجبته وماحبني؟؟ بس وش يجبره علي
وانا مستبعده هالتفكير لاني احس اني عجبته
ماادري وش التحليل اللي يخلي الشاب مايبي يملك ولا يكلم زوجته عشان يتفاهمون
انا بصراحه ابي اتملك ولا عندي اخوان ماادري كيف افهمه
لاتقولون كلميه انتي ولا ارسلي مسج لأن هذا مستحيييييييييل
ابي حل
اخلي ابوي يقوله غصب؟؟ ولا امي تقول لامه غصب؟؟ والله ابتلشت
واله تعبني التفكير قلت يمكن فيه شئ ولا يبيني اكتشفه بس مااحس والله انشل مخي تكفون لاتبخلون علي بنصايحكم الله يسعدكم يارب

بنت أبويه · 01-07-2009, 22:43

امممممم
انزيين اختي متى بيكووون العرس ..!؟
يعني سنـه سنيتن ..!؟
بعدين مآآفيهآآ شي ..
آلريـآآل آلمفرووض يستعيل مب انتي خخخ
آممم يمكن آلريآآل عندهـ ظرووف ولا شي ..
بعدييين لا تخلي الشيـطآآن يوسوس لج ..
ولا تفكرين تفسخيين آلخطووبـه .. يمكن تندمين بعديين
أوو مآآبتلقيين حد يخطبج مررهـ ثآآنيـه

اصبري يـآآ مآآمآآ
آلصبرر زييين ^^

[ ولد مغرور] · 01-07-2009, 22:50

يمكن مسافر وهج برا الديرة >>راح يسوي الختامية قبل الزواج

يستهبلون مافي اسم!! · 01-07-2009, 22:54

بنت ابويه الزواج بعد 3 شهور تقريبا وايش الظروف اللي ممكن تكون عنده؟؟ مااشوف عنده شئ ابد
ولد مغرور بسم الله عليه لو اشك انه كذا هالدقيقه افك الخطبه ابي رد جدي لاتخليني احط حرتي فيك

TERYKOAZ · 01-07-2009, 23:06

امممممم يمكن عادات اهله او احد اصدقاءه قايلين له
أن حلووو ما يصير فترة خطوبة ، يكون على طول الزواااج ..

واقتنع بهالفكررررة ..

يستهبلون مافي اسم!! · 01-07-2009, 23:09

تيرياكوزا
انا وش ذنبي طيب هذي انانيه لانه فكر بنفسه بس الله يعين

unnamed · 01-07-2009, 23:25

عادي اختي مرره

كثير من اخوياي كذا

وماتوصل السالفه تلغين كلشي

يستهبلون مافي اسم!! · 01-07-2009, 23:46

unnamed
يسلموو عالمرور بس ايش وجهه نظر اخوياك ليه مايبون يملكون؟؟

فلته وفله · 02-07-2009, 02:03

ياختي بصراحه عاااااااااااادي

ليش تبين ملكه دام الزواج مره قريب

والله احسلك كذا لان بعد الملكه ومع المكالمات تصير مشاكل كثيره

وربي يوفقك

ججف73 · 02-07-2009, 02:15

أختي الكريمة إذا حاولي استخدام بسيط يطر على أثره الملكة إذا قدم ليشوفك لاتخلين أنت وهو فقط بل حاولي أن يكون والدك و والدتك موجودين عندها سوف ينزعج وتقليله احنا مخطوبين مو ملكين لذلك لا يفضل أن تجتمعان لوحدكما يجب أن يكون محرم موجود عند وجوده لأن الزواج إشهار لما تملكوا يمكن يصير إشهار وهذا طبيعي حافضي على نفسك معه لا تسمحين له بالتمادي بالحركات مهما كانت بسيطة
اتمنى لك زواجاً سعيداً

||كلي وفاء|| · 02-07-2009, 02:28

،،
شوفي لا تستغربي
>> والله نص اخوياي نفس الطريقه وفي اسباب شبه مقنعه >> بس للرجال فقط ههههههههه
ولا تستغربي >> تلاقي نصايح أصحابه >> اول نصيحه له بعد الخطبه او اول ما يفكر يخطب كذا بالعربي >> إذا تبغى نصيحتي خلي الملكه والزواج بيوم واحد او قبل الفرح بأسبوع بيوم بيومين شي زي كذا وانا والله مريت بنفس الموقف وكل أصحابي نصحوني بكذا بس ما سمعت كلامهم.
فأنا نصيحتي لك لا تفكري بالموضوع ولو فيه اي تفكير بالتراجع ما راح يتردد من البدايه بس اتأكدي أنه أتبع نصايح أصحابه وأتخذ القرار وترى على فكره كثير من أصحابي ملكتهم قبل الزواج بيوم وبيومين.
فلا تشغلي بالكـ والله يوفقكـ ويتمملكـ على خير
اخوك
/
/

كلي وفاء
،

كيان انسانة · 02-07-2009, 04:08

عااادي ما فيها شي
لا تشيلين الهم
يمكن خيرة لك وانتي ما تدرين

كيان انسانة · 02-07-2009, 04:10

على فكرة لا تخلين امك وابوك يجيبون لهم الطاري
ترى ماهي حلوووة بحقهم وبحقك
اذا الولد يبغى فأحسن شي هو اللي يبدأ بالطلب

موفقه

f117 · 02-07-2009, 05:03

الموضوع عادي جدا
اما ليش

اذكر مره كنت اسولف مع شباب بها الموضوع فكرتهم منطقيه جداا يقولون ان المكالمات
تؤدي الي رسم احلام ورديه عن الطرف الاخر وبعد الزواج ينصدم كلن منهما بواقع الاخر
-

بعكس لو كانت الملكه مع الزواج صحيح انه تسبب ربكه وخوف اول مره يلتقي كل شخص بلاخر بدون سابق معرفه بس علي المدى البعيد افضل راح يدخل كل طرف وهو حاط اسوء الاحتمالات للطرف الاخر فراح يتقبل عيوبه ويفرح بحسناته
و فيه مقوله لماتدلا يقول : لكي تكون مستعدا لحل مشكله . عليك ان تتوقع حدوثها
-
-

بلنسبه لي اذا كتب الله اتمني الملكه تكون من اول يوم يعني الموضوع اتباع هوا و لاني من انصار مقوله "اليوم خمر وغدا امر"
بس لو حكمت عقلي ما راح املك الا مع العرس

ناعسه الهدب · 02-07-2009, 05:13

ربي يوفقك ياقلبي
بالنسبه لي احسه عادي بس اهم شي تكوننون سالتم عنه زين من قبل عشان لايكون راعي خرابيط
امابالنسبه للملكه افضل تكون قبل الزواج قبل كم يوم ولاتخربين كل شي بمجرد شكوك
تقبلي مروري ياحلوه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تتوقعون ليه مايبي يملك؟؟؟ تعبت من التفكير