عالم الحياة الزوجية - منتدى

بندوره حمرا · 02-07-2009, 08:53

السلام عليكم
المشكله
جاب زوجي خمر في البيت وقال انا باصارحك بكل شي بحياتي
في بداية الشرب جلس يبكي ويقول خلاص انا تبت صقيني من المعاكسات الاولى وانا احبك واعشقك لا تتركيني بعد ما علقتيني فيك ومن هالحكي الي ونسني حييييييييييييييييييييييييل
وبعدين يوم خلاص شرب لين طاح قال لي انا ما احبك انا احب الاولى الي كشفتيني اكلمها ((وهذي حرمه متزوجه))واكلم بنات للحين من الكباين وانا حق بنات وانتي بريئه حرام العب فيكي
سالته ليش تزوجتني
قال اهلي غصبوني ولا انا ازني بحريم وسكرنجي وصااااااااايع والى الان ما تركت حركاتي ولا باتركها فلا تظلمين نفسك معي
قلت له طيب انا احبك
قال يلعن ابوه حب انا ما احبك اكرهك قلت عشان العجوزه قام رفع صوته علي وقال العجوزه هذي حبيتي وما اسمحلك تغلطي ودفني قلت وربي لاقتلك انت وياها
قال والله ما توصلين لها دامني عايش وقام يصارخ نادي ابوي ابي اطلقك ما ابيك تركتهخ ورحت جيت وهو نايم حاولت اصحيه رفض
وبعد ساعتين صحييته ووديته فراشه وضمييييييييته وانا ابكي ولا هو حاس فيني
ياناس انا اعشقه والله ايش اسوي تكفون وربي تعبانه الحين هو نايم كيف اتصرف اذا صحي اروح لهلي ولا شلون
انا لي سنه متزوجه وعمري 19 وزوجي 39 وما عندي اطفال
تنكفون وربي خايفه باموووت مقدر استغني عنه احس بيقوم ويطلقني انا ما علمت احد بس وش اسوي سااعدوني باموووت
وعلةى فكره خلاني اشرب معه فنجال غصب والله مو برضاي

بندوره حمرا · 02-07-2009, 08:56

ويوم رفعت صوتي عليه قال حبيبتي ما رفعت صوتها ترفعينه انتي قلت انا حبيبتك قال لا لا انتي زوجتي
وهو تصرفاته معي تدل على انه يموووووووت فيني خاصه الفتره الي فاتت من 5 شهور من يوم بطل معاكسات زي ما قال بس الي قاله صدمني معقول يكون صحيح

منال الشوق · 02-07-2009, 09:11

هذا ولا دقيقه تجلسين معه قال حب قال ..
الله المستعان ..

م-سيف · 02-07-2009, 09:14

الموضوع يرجع لك
مادامه وصل لها العمر وهو لايزال على وضعه .... صعبه انه يتغير
الله يعينك عليه ....

[ ولد مغرور] · 02-07-2009, 09:18

تطلقي وروحي عند اهلك ارحم لك واستر لك

الصعب % · 02-07-2009, 09:33

انتظري حتى يصحى ولاتروحين مكان لأن اللي صار بسبب الشراب بس ولو تقدري شوفي جواله والاسماء اللي فيه

الصعب % · 02-07-2009, 09:49

هااااااااااااااه صحى ولاباقي شفتي جوال

مهجول · 02-07-2009, 09:53

اليوم فنجال وبكره كيف الحاال بطل ومايلحق كل شي بدايته دلع ومدري ايش ..
الغلط من البدايه انك ترضين انه يشرب عندك صح بتقولين يشرب عندي ولا يروح بعدي بس انتي كذا ساعدتيه وسهلتي عليه المعصيه وبالعكس بدل ماتخلينه يتوب ويترك الغزل والشراب تساعدينه وفوق هذا تشربين معه ...
ادعي الله ان الرجال يتعدل وخليك اكثر حزم من هالوضع وتدرين ان شارب الخمر يحرم عليه خمر الاخره ....

اليوم غصبك وشربك فنجال بكره كاس وبعده بطل ولا زم الفكك مع الحشيش ودخلتي عالم المخدرات بسبب الحب

وانحك على محياك ومماتك ونسكك لله رب العالمين ..

لا ترضين احد على حساب معصية الله ....
من كلامك انتي عادي عندك الوضع واللى مضايقك ان زوجك يحب وبس مافكرتي انه يشرب انه جاب المعصيه للبيت واصر انك تشربين معه والسكران وفت الجمااع مايفرق من اي طريق .....
اذا على قولتك خايفه منه اذا صحا لا عادي تلقينه ناسي كل الموضوع واذا ماذكرتيه ماراح يتكلم واذا كلمتيه راح يتعذر ولا كنه صار شي .. لانه وبكل بساطه فاقد للعقل ....
انا سمعة سالفه من الدكتور ابراهيم الخليفي وان شاء الله تفيدك ...
كلمة الدكتور وحده تقول ان زوجها كان يجيب الخمر بحجة ان الخمر يحتاج لنديم ومزه ومايبي غيرها وماكان تشرب معه بس تصب له الخمر والثلج وبس وواستمروا على هالحال وبعد ماصار عمرها فى الاربعينياات بدا الزوج يطلع يشرب برى وبمكان ثاني زهي تبي حل وتبي تطلق وترفض وتشجب الوضع اللى هي فيه ....
قال لها الدكتور ( تشب ) يعني صه باللهجه الكوتيه .. انتي مو زعلاانه انه يشرب انتي زعلاانه انه بيروح يغير النديب ليش لانها بدة التجاعيد تطلع على بشرتها وبدة تظهر الشيخوخه عليها وهو يبي نديبه بنت صغنونه فرفوشه

تعلمين والحديث عن الرسول صلى الله عليه وسلم فيما معنااه ا ن الخمر ملعوون فيه عشره عاصره وحامله وشاربه .......الخ

اتقي الله ولا تخلين الحب يلقيك للتهلكه وقفي هالمهزله اللى تصير بيتك لانك اذا ماصححتي الوضع صدقيني فى اخر المطااف بيرووح وبيخليك لمكان ثاني

ومعليش على طول الرد بس من جد ابيك تكونين اكثر جديه فى الموضوع وتفكرين بعقلك اكثر من عاطفتك

وصححي الوضع

وتقبلي مروري

ضيم السنين · 02-07-2009, 10:09

الظاهر انتي تستانسين لشرب عسى يقعد يمدح فيتس
مايهمتس سكران مو سكران حرام ولا مو حرام اهم شي يقولتس احبتس ..
ولا بعد شربتي فنجال تحسبين الدعوه قهوه الظاهر
وش هذا يابنتي الله يصلحتس
انتي الحين تكتبين هالحتسي ونتي توتس شاربه الفنجال ولا يوم ثاني؟
لانه حسيت انتس عادي ومتقبله الوضع وماعندتس اي مشكله فأكيد منتي بعقلتس
ولا بعد تموتين فيه وخايفه يطلقتس
الله واكبر يالصالح اللي عندتس الحين وتخافينه يتركتس
الخمر يجر وراه بلاوي ومصايب واجده
وانتي مستانسه وفنجال وحب وخرابيط
الله المستعان

ذكــــــرى · 02-07-2009, 10:26

صراحه شي يوجع القلب وصح السكران ماينوخذ على حكيه بس ماقا ل الا اللي ف قلبه ولا جاب العيد بخذريف الكلام
لاتسوي شي اذا صحى لاتتكلمي لحد مايجي ويقول وش فيك وقولي وش اللي صار البارح والكلام وبعدين قولي كل اللي صار ونت تحب وعندك خراب وتسبني وقولي كلام اللي يبرد قلبك فيه وقولي خلاس انا بروح بيت اهلي وهذا كلامك معي وطلبك لي ، وغلطتي غلطه كبيره شربتي الله يهديك ليه حبيبتي كاس يجر كاس ترا وبعدين يخليك فاقده وعيك حرررام ممكن يجرك لاشياء شينه بعدين اوعك تكرريها نزوه لاتعيديها

**فـــهـــد** · 02-07-2009, 10:48

سبحان الله يشرب ام الكبائر قدامك ولا يهمك في شي يعني تقرين بالمنكر والعربدة في البيت ولاناوين تفلونها شراب وبنات

وجـــدان غـــاليتك · 02-07-2009, 10:51

||السلام عليكم

اذا كان الأمر مثل ماقرأت
أسأل الله أن يهديه ويصلحه ويكتب لك الخير
حيث كان ويرضيك به
اللهم آمين

(يا أيها الذين آمنوا إنما الخمر والميسر والأنصاب والأزلام رجس من عمل الشيطان فاجتنبوه لعلكم تفلحون)
أختي مسألتك أكبر من انه طلع مايحبني
أولآ: زوجك في حالة سكر يعني عقله غايب
وجالس يهذي عليك
ثانيآ:أنتبهي ترا الحين سكار وبعدين الله العالم
وش بيكون ؟؟
عن الرسول-صلى الله عليه وسلم أنه قال: (لا يزني الزاني حين يزني وهو مؤمن، ولا يشرب الخمر حين يشربها وهو مؤمن)
أطلب منك أنك تفكرين بعقل خلي
عاطفتك على جنب اذا أستمر
الحال على ماهو عليه
بعد نصيحته ومحاوله معه
أنفصلي عنه
لعل الله يخلف عليك بخيرآ منه
أتمنى الاعضاء يفيدونك أكثر
تقبلي مروري

في أمان الله||

فـــارس الشرقية · 02-07-2009, 10:55

ماراح اتكلم في موضوع الخمر لان مامنه فايدة طالما خذتي لك فنجال .. مشكلتك انه بيطلقك ؟؟ خلاص خليك معاه وارضي به بعيوبه وحاولي فيه ممكن تقدرين تصلحينه او هو بيجرك ورا

بندوره حمرا · 02-07-2009, 11:14

ما تحملت صحيته من النوم وانا ابكي قال حبيبتي وش فيك قام زي المصروع قلت له قال انا ما زنيت في احد انا مكالمات وبس وحلف بالله وانه ما عاد يكلمها قلت انت تقول السكران يقول كل الي براسه قال لا انا كنت اختبرك بس اذا تبين تتطلقين تطلقي تخيلووو
قلت له انا احبك واعشقك قال على ايش تحبيني لاجمال ولا طول ولا فلوس وانا تافه معك ليش تحبيني
لا وقام يمدح لي بالي كان يكلمها ويقول انه كان يسبها وتظل ساكته وانه كان يغار عليها
اقول له انت تحبها يقول لا زمان الحين انتي بس
وقمت ابكي واقول لا تجيب طاريها الصايعه قال لا هذي تحبني مو صايعه
وعن الشرب وربي اول مره يشرب عندي ولا كنت ادري انه يشرب
المهم قلت له شرب مافي وحكي عن هالحرمه بعد ما في قال طيب بس ما ابي مشاكل انا اصلا ما اشرب الا من الهم الي منك ومن اهلي انا ابي احد يونسني
ياناس احسسسسه مرييييييييييييييض
والله اعشقه
وعن الشرب قسما بالله اني طول الصبح وانا اشرب مويه واستفرغ واقرا بالنت عن عقوبة الي يشرب وربي بكى من الصبح ندمانه جالسه اقرا واختم قران عشان في الدعاء ادعي ان الله يغفر لي
وانا قلت له يوم قال لي اشربي اخاف من الله قال كلنا نخاف الله بس بياله ما تفرق وحط لي شوي في بياله وزاد عليه سفن يعني كم قطره بس
لكني خايفه يقولون ما تقبل الصلاه اربعين يوم وربي خااااايفه
وش رايكم وربي اني تعبانه

لـــمـــى · 02-07-2009, 11:15

اقتباس:

جاب زوجي خمر في البيت وقال انا باصارحك بكل شي بحياتي

في بداية الشرب جلس يبكي ويقول خلاص انا تبت صقيني من المعاكسات الاولى وانا احبك واعشقك لا تتركيني بعد ما علقتيني فيك ومن هالحكي الي ونسني حييييييييييييييييييييييييل

مدري ليش حسيت ان الشرب و السمر على الكاس و تتكلمين عن الوضع عموماً كأنه طبيعي عندكم ...
بس أهم شي الوناسه !!!
زوجك 39 سنه و حق شرب و مغازل و علاقات حرام و يقول أكرهك و مغصوب عليك و ظالمك و دفك و غصبك على فنجال خمر ...................؟؟؟؟؟؟؟؟
وش هذا ؟؟؟؟؟؟؟؟؟؟؟؟؟؟؟؟؟؟؟؟؟؟؟
و بتقتلينه هو و عشيقته ؟؟؟؟
وش هالذل و وش هالتأثر الغير طبيعي بالأفلام !!!
بس الأعجب من هذا كله انك ساتره عليه و مجاريته و عايشه الوضع طبيعي لأنك تعشقينه و خايفه يطلقك !!!
و ماأشوفك قلتي لجأت لربي او ذكرته بغضب الله او دعيت له او نصحته او سويت أي شي لمصلحته ( الا اذا كانت هالمحاولات فيما مضى و هالحين غسلتي يدك من الموضوع و استسلمتي للأمر الواقع و مجاريته و مستانسه بالحيل على خربطته أثناء سكره .. لأن الحب هو الأهم في الأول و الأخير صح ؟؟ )
كل اللي همك انه شرب و طلع مايحبك !!!
يعني لو شرب و ظل يحبك عادي !!!
على فكره 19 مو صغيره على انك ماتعرفين الحلال من الحرام و الصح من الغلط و ماتعرفين توزنين الأمور ....
أعوذ بلله
بلا حب بلا خرابيط
بكره يوم توقفين قدام ربك و انتي ساكته على هالمنكرات بتقولين لربك سترت عليه عشان أحبه و هو غصبني على الشرب ( اذا ماتطور الوضع لأكبر من كذا ) ولا بتقولين كنت أعشقه و كنت بصلح الوضع بقتل عشيقته !!!
أهلك عيوني ....
انتي ابليس لاعب بحسبتك الله يهديك
أجل غصبك على الشرب و عاجبك كلام الحب و هو سكران و ساكته على ذنوبه و منكراته في بيتك !!!
حبيبتي انتبهي لنفسك و حكمي عقلك ترا ألزم ماعليك الحفاظ على دينك و كرامتك قبل كل شي( قبل زوجك و قلبك )
أستغفر الله العظيم
الله يهديك و يكفيك شر نفسك
سلآآآم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

زوجي شرب وطلع يكرهني ساعدوني