عالم الحياة الزوجية - منتدى

فتومي · 04-07-2009, 01:37

ماعرف من وين اقول مشكلتي
نفسيتي تعبانه
انه ماعندي خصوصيه مع حبيبي, كل ماسويت شي او ثلت شي ينقله لأمه وبيتهم
مو بقصد. بس طبعه جذي, طبعا مو كل شي كل شي, لكن بعد في اشيا احبها تكون بيني وبينه لكن مايصير
كل ماقلت له شي او قررنا نسوي شي راح قال حق امه, امه عمتي
وعمتي الله يخليها ماتقصر, كل ماعرفت شي تروح تقول لباقي عماتي كلهم
طبعهم جذي, اخو حبيبي يصير له موقف يقول حق امه بس يحلفها انها ماتقول حق احد لان سر, وعمتي تروح تقول حق حبيبي وتقول له لاتقول حق احد, وحبيبي ايي يقول لي ويقول لاتقولين لأحد..!!!
انزين كل العالم درو!!!! ماصار سر!!!
كل ماسوينا شي الكل درى بالموضوع
والغلط من حبيبي اللي يروح يقول
وكل مره ابين له زعلي وافهمه ان لازم مايقول يقول لي انه اسف وماكان قصده وحس ان هالشي من ضمن الاشيا العاديه اللي يقدر يقولها
كنا مقررين بينه وبيني ان نسافر في العطله 3 او 4ايام, رحله بسيطه, مجرد فكره في بالنا
يعني حتى ماحددنا اليوم والتاريخ, وانه ماقلت حق اهلي وخواتي, بس اكتشفت اليوم انه كان قايل لأمه, وسبب معرفه امه بهذا الموضوع مشاكل عدة
وبداية الغلط كان منه اهو اللي راح وقال لها عن موضوع السفر

يعني حتى اذا افكار بس بيني وبينه يروح ينقله حق امه
ولما اكلمه وازعل منه يقول انه اسف وكان على باله انه شي عاااااااااااااادي...
عاد انه عمتي ماتقصر مثل ماقلتلكم تنقل الخبر للعائله الكريمه كلها.
ماعرف شسوي
اذا تعود على هالحاله حياتنا بتتحول للجحيم, كل ماافهمه يرد يقول وعد مابقول بعد شي
الا عقبه بجم يوم ارد اسمع انه قايل شي, ويرد يقول اسف حسبته شي عادي
ماعرف
صرت مااشتهي عمتي اللي كنت احبها اكثر من عماتي كلها
تصرفاتها تضايقني وايد, وخاصة لما تنقل اخباري لبره, بس مسكينه بعد بدون قصد, طبعهم جذي
احيانا اقعد افكر انه ليش دخلت روحي بين هالعائله وعذبت نفسي
ماعرف اشلون افهم الحبيب وابين له عواقب نقل هالاشيا
وخاصة ان احنا اهل فالمفروض نحافظ اكثر على اسرارنا وماننقلها لبره حتى الاشيا العاديه لان اذا صارت مشكله بتخرب العائله كلها.
ساعدوني ارجوووووووووكم
قولو لي اشلون اغير طبعه
اشلون اخليه يقدر يميز بين الاشيا العاديه والاشيا اللي مفروض مايقولها؟؟؟؟
شسوي فيه؟
متضايقه منه وايد
من عقب ماصارت السالفه اللي عن الصفر ماكلمته
مابي اكلمه
قولو لي شسوي علشان يحس بغلطته ويحط باله مرة ثانيه؟؟

نجلاء22 · 04-07-2009, 01:45

اولا وش الصله اللي تربطك بهذا الشخص
هل حبيبك هذا زوجك والا خطيبك علشان تقدرين تشرهين عليه
مافهمت شئ
ثانيا اذاكان هذا الشخص مجرد انك تحبيه فقط ولاتبينه يعلم امه
فاامه احب اليه منك علشان كذا يقولها كل شئ

صدق الوفى · 04-07-2009, 01:47

لو اني انوقل حجي ما كان قلت لكم ان عمي بو دعي بيتزوج بنت الخباز اهي اهي

ههههههههه

والله حاله

آسف لو ضحكت بس بجد اللي ينقل كلام عيب

واسلوبك يضحك

ما ودي احطمك ولكن فيه مثل يقول

يزول جبل ولا يزول طبع

طبعا الأسباب تعود ان الشخص وهذه توجد عند الكثير من الناس

هو شعوره قد يكون طيب فوق اللزوم وايضا اذا شعر انه ما عنده شيء

فا وده يكون شيء بسوالفه ويشد الإنتباه او الكل يتحدث عنه

وهذه عادة سيئه ومنذ الصغر

فا الله يعينك لكن كا حل مناسب

انك تشعريه بالخوف يعني من اسلوب الكيد كيد النساء

هو اذا قال لأهله اعملي حالك ان يصيبك شيء وتعب ونفسيتك تتغير ويقول وش فيك

قولي ما ادري بس يمكن اعوذوا بالله الناس تحط علينا

حاولي تشعريه ان كل ما نقل كلام يصير فيك شيء

والله يوفقك

فتومي · 04-07-2009, 01:55

اقتباس:

المشاركة الأصلية كتبت بواسطة نجلاء22

اولا وش الصله اللي تربطك بهذا الشخص
هل حبيبك هذا زوجك والا خطيبك علشان تقدرين تشرهين عليه
مافهمت شئ
ثانيا اذاكان هذا الشخص مجرد انك تحبيه فقط ولاتبينه يعلم امه
فاامه احب اليه منك علشان كذا يقولها كل شئ

يعني شنو اذا كاتبه بسافر معاه؟؟؟!!!!
الدنيا مسخره علشان اذا حبيت احد على طول افكر اسافر معاه؟!
اكيد اللي بيننا اكثر من مجرد حب

على العموم شكرا على ردج, ولاتاخذين علي في هاللحظه,| قلت تعبانه نفسيا, احس اني فقدت الامل في الدنيا وفي السعاده معاه

فتومي · 04-07-2009, 02:07

اقتباس:

المشاركة الأصلية كتبت بواسطة صدق الوفى

لو اني انوقل حجي ما كان قلت لكم ان عمي بو دعي بيتزوج بنت الخباز اهي اهي

ههههههههه

والله حاله

آسف لو ضحكت بس بجد اللي ينقل كلام عيب

واسلوبك يضحك

ما ودي احطمك ولكن فيه مثل يقول

يزول جبل ولا يزول طبع

طبعا الأسباب تعود ان الشخص وهذه توجد عند الكثير من الناس

هو شعوره قد يكون طيب فوق اللزوم وايضا اذا شعر انه ما عنده شيء

فا وده يكون شيء بسوالفه ويشد الإنتباه او الكل يتحدث عنه

وهذه عادة سيئه ومنذ الصغر

فا الله يعينك لكن كا حل مناسب

انك تشعريه بالخوف يعني من اسلوب الكيد كيد النساء

هو اذا قال لأهله اعملي حالك ان يصيبك شيء وتعب ونفسيتك تتغير ويقول وش فيك

قولي ما ادري بس يمكن اعوذوا بالله الناس تحط علينا

حاولي تشعريه ان كل ما نقل كلام يصير فيك شيء

والله يوفقك

والله ماعرف ليش يقعد يقول كلشي, ويحس كلشي عادي
بس مو من طبعه ان لما يقعد معاي يكلمني عن الغير, يمكن لاني على طول اقول له شي مايخصني ومايخصك لاتقوله لي.
انه ابين له اني ازعل واتعب واهو كل مرة يوعدني انه مابيقول شي, لكن يرد يقول ويقول اسف
عاد عمتي لأن وايد تسأل", مو لانها فضوليه, بس مسكينه من حبها لولدها, وانه ماكان عندي مانع وايد اذا بس اهي تعرف, المشكله انها تروح تقول الكلام اللي تسمعه حق باقي عماتي والخبر ينتشر في العائله
اهي من النوع اللي وايد تهتم بالأخبار وكلام الناس, ورافعه ضغظيييييييييييييييييييييييييييييي
ماعرف شسويييييييييييييييييييييييييييي

صدق الوفى · 04-07-2009, 02:15

اقتباس:

المشاركة الأصلية كتبت بواسطة فتومي

والله ماعرف ليش يقعد يقول كلشي, ويحس كلشي عادي
بس مو من طبعه ان لما يقعد معاي يكلمني عن الغير, يمكن لاني على طول اقول له شي مايخصني ومايخصك لاتقوله لي.
انه ابين له اني ازعل واتعب واهو كل مرة يوعدني انه مابيقول شي, لكن يرد يقول ويقول اسف
عاد عمتي لأن وايد تسأل", مو لانها فضوليه, بس مسكينه من حبها لولدها, وانه ماكان عندي مانع وايد اذا بس اهي تعرف, المشكله انها تروح تقول الكلام اللي تسمعه حق باقي عماتي والخبر ينتشر في العائله
اهي من النوع اللي وايد تهتم بالأخبار وكلام الناس, ورافعه ضغظيييييييييييييييييييييييييييييي
ماعرف شسويييييييييييييييييييييييييييي

اسمحي لي هذا زوجك يسمى ( بخور سوق )

يعني كل من جا عنده تبخر

هذا طبع وانا اخوك الله يعينك عليه

وفيه مثل يقول

اذا دودك من بطنك وشلون تجيك العافيه

واعرف قصص كثيره عن هؤلاء او الصنف من هؤلاء الرجال

ولكن دائما يتصف بضعف الشخصيه

يعني مثل العلم والرياح توجه اما يمين او شمال

لكن ابسط حلول

امورك الخاصه لا تظهريها

والله يعينك

كيان انسانة · 04-07-2009, 05:14

الظاهر زوجك على حسن نيه يقول لأمه
طيب لا تقولين له كل شي دامه يوصل الخبر لأمه
ودامه انتي متأكده إنه يسوي كذا قولي له الامور العادية اللي ما تهتمين لها
ادري انها بعد المفروض ما يقولها بس وش تسويييين

الله يعينك

امركشي · 04-07-2009, 06:06

فيه مثل يقول هد جبل ولا تغير طبع
مالك الا التاقلم معاه دام اسلوب المناقشة مانفع معااه
بالتوفيق

أليــــن · 04-07-2009, 06:08

يمكن بنظره انها سواالف شي عاادي عنده .... الله يعينك على هالطبع....
انتي الي مضايقك اكثر ان عمتك تخبر النااس كلهم... طيب كلمي عمتك ....
الله يعينك شكل العايله كلهم بخوور سووق.... يااشين هالطبع يقتل الخصوصيه بكل شي شلوون بالحياة الزوجيه
الله يصبرك ويفرج همك ويصلح زووجك....
تقبلي مرووري ....

وجـــدان غـــاليتك · 04-07-2009, 06:23

||السلامُ عليكمُ

اذا كان الأمر مثل ماقرأت
أسأل الله أن يصلح شأنه ويلهمك الصبرالجميل
اللهم آمين
أتمنى الاعضاء يفيدونك أكثر
تقبلي مروري

في أمان الله||

فتومي · 04-07-2009, 09:42

شكرا لكم كلكم وعلى ردودكم
بس انه حبيبي طيب ولا بخور السوق, ماارضى عليه, وهو مايقول كلشي حق الكل, بس ويا امه لأن امه, وشكله مايحب امه تحس انه خلاص لماتزوج مااهتم فيها, لأنهم يحبون بعضهم

فتومي · 04-07-2009, 09:53

ماعرف والله
ماعرف اشلون اقوله ماحب تقول لان امك تنقل الاخبار وماتيود حلجها, اخاف يعتبرها اهانه حق امه, ولا يفكر اني مااشتهي امه, ولا اخليه يكره امه والذنب انه احصله, لان كل مره كل مااقول له شي عن امه سيده في نفس اليوم لا اراديا يتهاوش مع امه ويزعلها ويقول مو انتي السبب, بس احس ان كلامي اهو السبب, يضيق خلقه ولما يتضايق انه امه تنقل الكلام يروح ويطجلع حرته عليها, ومابي انه يعامل امه بطريقه غلط, ابي يحترمها اكثر من ما كان يحترمها قبل مانتزوج.
ماقدر اصارح عمتي
تزعل
حساسه
بتفكر اني ماحبها, لان اهي ماعندها بنات ومن صغري كانت تحبني وايد, وفرحت وايد لما صرت شخص من عائلتهم, كل امنيتها كانت هالشي, مابي اضايقها.
انه من امس زعلانه من حبيبي ومااكلمه عدل|, ولحين مواصله على طريقتي, احس جذي بيتعب وبيظل هالايام في باله, فمره ثانيه كل ماكان يبي يقول شي حق امه اول بيفكر في عواقبه وزعلي عقب....
اذا تحسون ان طريقتي صح قولو لي, واذا تحسون اني غلطانه ولازم اصير عادي مثل قبل ومااعامله بحفاف بعد قولو لي
عطوني رايكم لو سمحتو
رايكم مهم بالنسبه لي
(وعلى فكره ترى انه الحين مااعامله بطريقه قاسيه,| بس بجفاف, يعني اكلمه عادي, بس يحس اني لحين زعلانه|)

الله يوفق جميعا ويحل مشاكلنا, مالنا الا اهو

وفي · 04-07-2009, 10:41

من الواضح ان زوجك طيب بزيادة
وزي مايقولون اللي في قلبه على لسانه
على العموم اختي
عليك الصبر على افهامه
ولاتزعلي من تصرفاته
لانها مبنية على حسن نية منه
واعتبار الامر عادي عنده
ومع مرور الوقت ونضوجه بصورة اكبر
راح يتغير
اهم شي الصير
والتعامل معه بحكمة

وفي · 04-07-2009, 10:51

اقتباس:

المشاركة الأصلية كتبت بواسطة فتومي

ماعرف والله

اقتباس:

المشاركة الأصلية كتبت بواسطة فتومي

ماعرف اشلون اقوله ماحب تقول لان امك تنقل الاخبار وماتيود حلجها, اخاف يعتبرها اهانه حق امه, ولا يفكر اني مااشتهي امه, ولا اخليه يكره امه والذنب انه احصله, لان كل مره كل مااقول له شي عن امه سيده في نفس اليوم لا اراديا يتهاوش مع امه ويزعلها ويقول مو انتي السبب,

اختي ادخلي معه من هذا المدخل وهي
قولي له
هذه نتيجة الكلام اللي تبوح به
خلاك تهاوش امك
وهل هذا يرضيك
ومهاوش امك مايرضي الله ولا رسوله
ومافيه حل الاانك تمسك لسانك
والله يوفقكم ويسعدكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ابي رد سرييييييع, بليز ساعدوني