تسلمين واللهم آمين







اوكي


اتخيل فوق راسي ساعه

تك تك تك تك تك

وانا افكر

بصراحه اصعب موقف ومدري وشلون قدرت او كان تفكيري اني الزم الصمت


هو كنت بين مجموعة من الناس وعندهم اسلحه ويطلقوا النار طبعا ليست موجه علي وانما


استعراض وكنت اتشهد بيني وبين نفسي لكن ظاهري عادي وكن الوضع يروق لي

لكن مشهد خطير يعني ممكن لو واحد بالغلط كان رحت في خبر ليت ههههههه

يمكن هذا الموقف الخطير بالنسبة لي ههه

اقتباس:

مين هو العضو او العضوة الا حسيت انك ظالمته بينك وبين نفسك

ما اذكر اني ندمت او حسيت اني ظلمت عضو او عضوه

لان اي مشكلة كنت دائما يكون الجدال امام الملا وينتهي بالإقناع

لكن احس بالذنب اذا لزم الصمت ورحل حتى لو كان اخطأ بحقي

لكن ما اذكر اني ظلمت احد

اقتباس:

واكتشفت انك غلطان بعد فترة خلليك شجاع واعترف

مدري ليه يراودني شعور ان ولا خلاف او نقاش طلعت فيه غلطان

الله اعلم هل لان السلطة تعمي عيون الشخص عن الحقائق

او حقاً دائما اصيب في فكري او اي خلاف

رغم ان ما اذكر في يوم حصل نقاش وخلاف حاد

وانسحبت منه بل هو من ينسحب ويعرف ان ما عنده شيء يقوله

اقتباس:

ايه الشى الا فى شخصية صدق ونسك وتغيره

ما فهمت السؤال

قصدك الشيء اللي في شخصيتي وودي اغيره

او اللي تسعدني في شخصيتي ؟

اقتباس:

اتمنى اسالتى تكون خفيفة

المشاركة الأصلية كتبت بواسطة ابوسلمى يا ســــــــــــــــــــــــــــــــلام صدق الوفى تحت الاضواء يعني على كرسي الاعتراف هههههههههههههههه مشكور اخي حرف مشتعل والله انك أصدت ابو المقالب غوار الطوشي هههههههههه ياحلووووووووو يا الله تحي ابو الوفى وانا اقول وين راح الرجال ولقيتك هنااااااا ابذبحك بالاسئله ههههههههههههه يلا جهز نفسك ماعندي لاشاهي ولاقهوة عندي بيرة من حقاات فرنساااااااا كان تبغى منها جبتلك وحدة ههههههههههههههه تحياااااااتي

ههههههههههههههههه


لا حول ولا قوة إلا بالله

انا ما قلت لكم لا احد يقول لأبو سلمى اني هنا


لا وجيت وما عندك لا قهوه ولا شاي ولا يحزنون


بصراحه




بصراحه


حضورك هو القهوه والشاي يا عنتر

ههههههه


الله يحييك

على فكرة انت اذا قلت بيرة وبيره انت متأكد اللي شربتها بيره هههههههههه



ان شاء الله اذا ربي قدرني وفيه جزء ثالث

ميت ضحك


راح نعرف اذا بيره او لا ههههههه

وتشرفت بحضورك يالغالي

بس سؤال واحد يكفيني

يؤيؤيؤ وش ذآآآ > تستهبل ههههه .. لا وقصم .. كانت ماره بالصدفه .. الا اشوف عنوان صدق الوفى قدام عنوني .. رعصت الا لقيت مستضيفينك تحت الفزايح مدري الأضواء > اقول لا يكثر بس هههه جآآآآآآآآآآآآآيبه معااي .. شيء خطنطر ..يلا غمضووووووو اعنونكم > تسمع بالتشويق ههههههههههههه 7 7 7 يلااااااااااااا افتحووووووووووووووها بس بشويش > امصدقه حالها البنت هههههههههههههههههه 7 ههههه عاد انا صار لي ساعه ادقق بالصورة ابي اعرف هل هي عسكريم او شيز كيك ما يندرى > تراها ناويه تسممك ههههههههههههههههه .. بصراحه .. اعتبر الأستضافه هذه بذآت لها طابع مميز عن بآقي الأستضافات ( ولا يهونون الباقي) .. و راح يكون تواجدك فيها له ذائقة خاصه .. وبالتأكيد اللي مر عليه اسمك و قرأ لك رد او تواجد بـ أحدى مواضيعك او حتى انه دخل في سجال او مداخله مع شخصك راح يعلق اسمك في ذاكرته وليس من السهل ان ينسـآه .. مع اني احوب أقرا لك الردود اللي فيها نوع من المزآح و المداعبه اكثر من المواضيع اللي فيها صرامه و حزم وجديه .. لاني بأختصار .. مهما حاولت ان اوصل لتفهم تفكيرك او قناعاتك الخآصه او كما يسمها البعض فلسفاتك .. اعجز عن ذلك يمكن .. لوجود فارق السن او عوآمل اخرى تشكل عائق لـ فهمي .. وهذا بعض الأحيان يصيبني بالأحباط الشديد .. > تكفين عاد يا اوم مشاعر مرهفه ههههه .. اتمنى ان روحك في استضافتك هذه ما يغلب عليها الجديه اكثر من الآآآآزم .. نبي نشووفك بـ روحك المرحه و الفكاااااااااااهية اللي اعتناها عليك ؟ اعتقد الكل ذآآكر استضااااااااااافة مشرفناااا المميز دوما و داااااااااااااائماااااا حرف مشتئل .. كآنت مزيج من الأثنين .. و اكثر المتواجدين فيهـآ سجلو ثنائهم عليه ..وانا معااااااهم برضو > نشبه ههههه طبعا لكل منكما طابعه و اسلوبه الخاص .. و انا مابي اتجاوز حدود اللبآقه في طلبي اعلاه .. الا من بعد راحة و رضـآ شخصك الموقر .. > اهم شيء الاخلاق و حوب الوطن ههههه ..

تسلمين على الكيك او مدري ايش هههههه واذا مسموم
نقول فدوه

تفضلي

اقتباس:

ههههه بالله .. وش رايك بمقدمتي الخطنطر ؟ اللي ما ادري وش تبي ..> توها تلاحظ ع نفسها انها تكتب ماره فصحى وماره عامي هههه عسير كوكتيل صار مو رد هههههه

هو اللقب حصلت عليه في مسابقة القصص الواقعية وراح افرجيك الموضوع
وكان عندي خبر انه مؤقت لكن بيني وبينك وارسلوا لي البعض وخاصه من كان يبارك وكتب كلام طيب

فا مدري احس انهم استرخصوا اللقب يكون متسمر معي
رغم ان ما اهتم لها ولكن هههههه

كتبت ملاحظتي عندهم في قسم الإقتراح وانتظر ردهم واقصد فيه اصحاب الموقع
اما الإداريين اعرف قدري عندهم ويعرفون قدرهم عندي

ذكرت لنا انك من سكان الشرقية ؟ بدون تحديد اي منطقة هي مسقط رأسك ؟ لان نبيك تكلمنا اكثر عن طفولتك اللي عشتهاااااا في هالمدينه بالذات ؟ و نتعرف ع حضارتها و اكثر شيء يميزها عن باقي المناطق > هرتك بالاسعله مالك مفر الا انك تجاوب عليه هههههههههههههههههههههه

اذكر كتبت في رمضان طبعا صليت في احد المساجد بالاحساء قديم جدا
فا كتبت

قلت الزمن على راسي بسكين ، كني سجين ينتظر حكم الاعدام ، والناس قبل موته معزين، راحت ذيك الليالي الماضيه والايام ، الله اكبر على ذيك السنين
اما بخصوص مغامراتي وحياتي

عاد اذا مافيها كلافه صور لناااا الجهاز اللي تسجل منه دخول للمونتدى ؟

احب اللي مثل كذا بعض المواقف او المشاعر الاب يكون عنيد ونظرة عنصريه
والبنت تضحي وحزن ولا يخفى عليك هذا الفلم فيه اسرار الله يعلم وش صار فيني اثناء الكتابه

وهذا فلم ممنوع من العرض بسبب انهم يدعون ويعلمون الاطفال السرقه وفيه اعتقادات دينيه

ههههههه



وهذا انمي جديد ما بعد انزله وكان كا دعايه له



وهذه احد المشاهد للعيطموس انمي مع اللي تزوج ببنت ثانيه


طبعا مناسبة الانمي هي العيطموس وتعتبر هي اول من زرعت فكرة الانمي ببالي والسبب


يعني لو جاء سؤال في الإختبار وقال لك ما سبب او ما مناسبة مواضيع الانمي ؟

فا الاجابه هي السابقه

ومناسبة الانمي وهو ان فيه واحد تقدم لها وكانت محتاره ثم جاء يوم واقرا انها رفضته

فا فورا قلت ابعمل مقلب او من باب التغيير الجو او يعني مزح

ونزلت اول جزء وكان مفاجئة ثم الجزء الثاني والثالث

وكانت الاحداث مضحكه


وهذا ايام المقناص ابو سلمى وفهد نجد والدبلوماسي



وهذه هديه ايام مسابقة الطبخ اول ما دخلت عطوني هذا



وطلعت ورحت المطعم الثاني وعطوني هذا


طبعا كا اغراء لجل الزبون يعطي صوت

المهم في الاخير صار زعل وفوضى وطعن في اللجنة وان الموضوع فزعات

وبعدها ما عاد فيه مسابقات

طبعا فتحت فرع لهم واحداث وذكريات لا تنسى الان اصحابها قد رحلوا الله يذكرهم بالخير


وهذا ايام كنت في البوح وكنت اكتب فصحى ونبطي ومن ضمن الفصحى


طبعا انا اللي رسمت هذا وكتبت


واحتفظ ببعض الصور الصدف مثل هذا










المعروف هو ابو عبدالرحمن



للامانه ما اقول اني محترف رغم ان افلامي انا من يصممها ويدخل ويغير ولكن لعل ينطبق علي حديث

إن الله يحب إذا عمل أحدكم عملا أن يتقنه
فا مجرد اتقان

والبرنامج لو اعطيك اسمه تضحكي عليه قديم وما عندي غيره وهو Photo-Brush

اقتباس:

هل تعليمك لنفسك ذاتي والا مكتسب .؟

بفضل الله استطيع ان اقول ذاتي أولا وثانيا مكتسب

مثلا بعض الامور اتعامل معها بالفطره رغم اني ما درست او احد علمني ولكن من باب المنطق

اما المكتسب ايضا له دور من خلال التعامل مع الآخرين

اقتباس:

تحب التطعيس / البر والا الصيد / البحر ؟

هههههههه

التطعيس ما احبه واستغرب من يحبه يعني تدخل وفوق رمال لو نفكر مدري كيف نجد المتعه فيه

اما الصيد اكيد سوا بر او بحر ولي صولة وجوله ولكن حاليا انقطعت عنها

اقتباس:

متى اخر ماره سافرت والى وين ؟

مدري كيف اجاوب يمكن انا من النوع اللي ما يحب السفر
او مثلا اذا سافرت اقول متى ارجع

واخر سفر لدولة خليجيه وهي الامارات

اقتباس:

اجازتك السنوية هالسنه و ين ناوي تقضيها ؟

ما اعتقد ههههههه

بعد ظاهرة الخنازير اجلس في مكانك وعساك تسلم





ان شاء الله وهذا اللي اخطط له بإذن الله والفكرة تراودني

اما نسبة النجاح بإذن الله واثق من نجاح الكتاب ولكن لابد اولا اعرف بنفسي لجل يعرف كيف يتعامل مع الكتاب

اقتباس:

ترتيبك بين اخوانك و شقيقاتك الكريمات كام ؟ .. قد صرت عم / خال ؟؟ وكيف علاقتك مع بزارين اخوانك / خواتك ؟؟

ههههه

الثاني وللاسف ما يقال لي لا عم ولا خال هههههه
سياستنا غير ههههههه

اقتباس:

تدخن ؟؟

لا ولله الحمد

اقتباس:

تفكر يوم من الايام انك تمتلك .. مونتدى خاص فيك ؟

كان عندي منتدى لكن مليت منه

اقتباس:

اغرب رسالة وصلتك ع الخاص ؟ و وقتها كيف تصرفت ؟

ههههههههههههه

رساله من عضو جديد يطلب مني اخفف من المواضيع ويقول انت تعذب ناس وانت ما تدري
فا انصدمت وافكر كيف وشلون

يعني اتوقف


فا رد قال لا بس خف علينا اشوي

فا مدري وش ارد واحترت جدا وكانت بالنسبه لي شيء غريب و اول مره

هل صحيح او او كذب

فا رديت وقلت

مشكله يعني اتوقف وهل فقط انت من يشعر بهذا

اذا انت هذه مشكلتك

لكن اذا انتشر واصبح من الكل اكيد ابتوقف

طبعا هذا مضنون كلامي وليس بالحرف

اقتباس:

تصيبك احيان حالة فتور وخمول من المونتدى ؟ والاا >

اكيد ولكن اتغلب عليها ببعض مواضيعي



امممم

بعض الاحيان انام بدري والبعض اسهر على حسب الوضع

ثم الصباح الدوام وزمنه ساعتين او ثلاث على حسب

وبعض الاحيان اكمل نومي

ثم الظهر اصلي وبعده اتغدى واتصفح اشوي النت واطلع
اذا فيه شيء بالتلفزيون او لا

والعصر بعض الاحيان اطلع والبعض اتابع لي شيء موفز او بالنت والمغرب على حسب الوضع اما اجلس او اطلع

وبعد العشاء نفس الشيء على حسب الوضع

طبعا جدولي ممكن يكون ملل او يومي مثل امسي وامسي مثل بكره

لكن الحمد لله يعني كل شيء متوفر

إلا مشاركة الإنس واذا قلت إنس اقصد به شيء آخر

اقتباس:

هههههه لحد هنآآآآآآآآآآآ اكتفي بهالقدر .. لي عودة بالتأكيد ..انتظروني ..> حاسه انها بتصطر ههههههههههههه/quote]

اااااااااااااااااااف


ههههههههههههه

ما اتوقع باقي اسئله

الله يحييك في اي وقت


عزيزة وغاليه


واشكرك على بعثرة اوراقي


بالله من يجمعها ههههه

المشاركة الأصلية كتبت بواسطة كحلها سايل الذين يشاهدون محتوى الموضوع الآن : 5 ( الأعضاء 2 والزوار 3) ‏كحلها سايل, ‏صدق الوفى يسعد مساك بذكره هههههه > و قصم صار لها ساعه فاطسه ضحك مدري ع ايش الظاهر اني استخفيت و قعدت > سكنهم في مساكنهم هههههه .. عاد البارح وانا اكتب الأسعله جاني احساس انك تعيش في الأحساااء ؟> ياحبني للحثااا و اهلها .. ههههههه وجاني هالاحساس من صورة المطرب اللي منزله بردك ع الأخت ورد طآئفي > حاسه من شكله انه ياخذ منك في الشبه ههههههههههههههههههه .. امزح و قصم ..> خافت البنت هههههههههههههههه

ههههههههههههههههههههه

انتي ذكيه واسلوبك ذكي لكن ما تمشي علي هههههههه


بخصوص صورة الفنان


اااف انا اسوء منه


واخووووف


والاطفال بمجرد ما ابتسم لهم خلاااص الكل يبكي عند امه وما ينام بالليل

صورة عزاز بس لجل القافيه


ولو الابيات كانت الان كان دخلت اللاعب عزاز اللي بالاتحاد

بس يعني


.

.
كتبت ابيات ومسحتها

اخذني الحماس اشوي

المشاركة الأصلية كتبت بواسطة يـقـيـن صدق الوفى كل التحيه لك ولآبداعاتك ماعندي اسئله < مسويه مؤدبه اتمنى لك كل سعادهـ

يا هلا فيك اخاي الكريمة يقين

وتسلمين

وما قصرتي وجزاك الله خير ياليت الكل مثلك


هههه


ربي يسعدك

وتشرفت بحضورك الطيب

** متابع باستمتاع **

شد حيلك صدق لسى باقي 3 أيام هههههههه

وادلّع ياكايدهم

يسعد صبآآحك ابو الوفى

ايه الحمد لله مرتاح

اقتباس:

منووور الحته والمطرح كلللللللله

بوجودك ووجود الاخوه الكرام

اقتباس:

ماعندي اساله مع اني جاايه ركض بس لقيت البنات اقصروا سالوا كل اللي بنفسي

تفضل واضبط مزااااجك والله يعينك على الربع ههههههههههههههههههههه

اقتباس:

نعم فكرت وتشجعت اكتب انزل اول كتاب ولكن مليت وانا اكتب واحضر ثم توقفت ولكن حاليا اخطط لشيء وان شاء الله انجح فيه

لأنك ما تحضر شيء خاص وملك لك , التأليف رغم أنه متعب خصوصاً

إذا كان فيه صور , وأحياناً تواجه عقبات وإعادة ترتيب الأوراق من جديد

إلا أنه ممتع , جرب وحاول , أبدأ بشيء بسيط , مثل قصة قصيرة

ويساعدك فيها سعة أفقك وخيالك الخصب

بالنسبة لي أقرب وصف أعطيك إياهـ كاتب ومؤلف ومواضيعك تشهد

جرب وإذا نزلت أنا أول القراء , وإذا محتاج خدمة أو مساعدة في التأليف

وتوابعه أنا في الخدمة , عندي خبرة والدي مؤلف وأنا في طور التأليف

هذا تعليقي على ردك

لكن بالنسبة لسؤالي هو كالتالي ويهمني كثيراً :

الأنثى المثالية في نظرك كرجل من هي ؟؟ لا أقصد خَلْقها

ومتى تضيع أنوثتها بالنسبة لك ؟؟


أتمنى أن يكون سؤالي خفيف وشكراً جزيلاً مقدماً

المشاركة الأصلية كتبت بواسطة حرف مشتعل ** متابع باستمتاع ** شد حيلك صدق لسى باقي 3 أيام هههههههه

هههههههه

لا وانت الصادق باقي خمس ايام


ما شاء الله هذا يومين والعدد بهذا الكم كيف بالخمس الايام

تسلم والله يحييك


وانا جالس لو شهر ههههههههه

وش كثر اثرت فيني هذه الكلمة

((لأنك ما تحضر شيء خاص وملك لك ))

لا يخفى عليك لي وقت وانا افكر فيها

نعم اختي الفاضلة ديما معك حق وكلامك صحيح

للامانه ما سعيت لنفسي ولكن من حرص البعض اصبحت ادقق واحرص

وفعلا الأيام هذه وانا افكر بتفكير يختلف عن تفكيري السابق

شاركت في موقع شاعر المليون وقلت ممكن هناك من يقيم بعض مواضيعي واتمنى ان يكون لي اثر في المجتمع

فا قال اذا عندك اشعار ممكن نقيم وعلى اثرها تكون معنا

لكن كتب وما كتب وإخراج له ناسه

والشعر مو ذاك الميول او تفكيري فيه

فا التأليف اتمنى يكون لي كتاب وواثق بإذن الله وعندي القدرة والإستعداد

وان شاء الله وهذا شيء يسعدني ولا يخفى عليك كم اسعدتني هذه الكلمة انت نزل وانا اول من يقرا لك

وعسى الله يكثر من امثالك وما شاء الله الوالد له في هذا المجال

ودي اصارحك بشيء ولعل اول مره اكتبه امام الملا


جميع ما قدمته محد يعرف عنه شيء من واقعي او اني صاحب إخراج كذا او تأليف

فقط اللي يعرفوا عني اني كنت اكتب قصائد واشارك في المناسبات فقط


لكن الامور الآخرى ما احب اطلع احد عليها والسبب


اخشى يدفنوني وانا في المهاد


واكيد بكل سرور وبكل فخر ما استغني عن اهل الخبرة

وعسى الله يحفظكم

وبتوكل على الله

اقتباس:

لكن بالنسبة لسؤالي هو كالتالي ويهمني كثيراً : الأنثى المثالية في نظرك كرجل من هي ؟؟ لا أقصد خَلْقها ومتى تضيع أنوثتها بالنسبة لك ؟؟

سؤال جميل

الأنثى المثالية من وجهة نظري المتواضعه

هي التي تتصف بالحكمة والهدوء مستمعة اكثر من انها متحدثه
تشعرك بحضور عقلها والمشاركة معك في المصائب ولا تقول كما يقول الكثير
( انت رجل ودبر نفسك او تنقلب عليك )

وانما تشعرك ان اللي انت فيها هي ايضا فيها
تعشقك بجنون وكن انت همها وشغلها الشاغل بمجرد ما ان تغيب وتتأخر تطمئن عليك وتسأل

واعيه وحاضرة لجيل اليوم والمصائب وتعرف كيف تهتم بالعيال

تعطيك دافع

واذا شعرت بالتعب او معاملة سيئه في العمل
بالذكاء والحكمه تقدر تغير مزاجك
تلزم الصمت في حالة الغضب
ما تحط عينها بعينك من الإحترام او الخجل
وان حطت عينها انت تخجل

كن السنين اللي تمضي كن اول مره تعرفها او اي تصرف منك يزعلها تشعرك بالذنب العظيم بدون خلاف وصراخ

حساسه حيل

بمجرد ما ان تغيب او ترتاح عند اهلها

تشعرك بالجنون والضياع ولا قيمة لك وانت في البيت

تجامل لو على حساب صحتها وانت اكيد ما تقبل

لكن مو مثل اللي يتصنع وانت ما ترحم

تحب اللي تحبه وتكره اللي تكره

تاكل اللي تاكل وتشرب اللي تشرب

ترضى بقليلك لحيث ان كثيرك كيف اوفيه وارده


تحسسك بالهديه انها غاليه مو تصنع ولكن من غلاك تحس بغلاها

تحتفظ بالذكرى وتتفاجىء انها تذكرك ما تنسى

ودائما اللي ما ينسى هو من صفة الاوفياء

صعبه مو بالسهوله تحصل اللي تبي كن تلعب فيك ما بين ضحكه وهروب

وكيد عظيم لكنه بشرف وبحب

تحس انها بركه ما تضيع اموالك

واهم شيء

ما يهمها رضى الناس وانما رضاك انت

كن بس في الحياه انت


لا حطت الحمرة ولا حبة الخال

ولا طاوعت من قال لبسي فشيله


اما اللي يضيع انوثتها

هو عكس ما ذكر سابقا


لكن هناك لغز او ملاحظه اكتشفته

اللي تخالط الناس كثير وتتكلم

تفقد انوثتها

اقتباس:

أتمنى أن يكون سؤالي خفيف وشكراً جزيلاً مقدماً

اكيد خفيف وتشرفت بحضورك


والله يحييك في اي وقت


عزيزة وغاليه