عالم الحياة الزوجية - منتدى

يابخت الحلا فيني · 05-07-2009, 15:47

مرحبا اعضاء

انا سبق وكتبت قصتي ان اخو صديقتي يبيني على سنه الله ورسوله بس موضوع الوظيفه هو اللي موقف الموضوع ومو قادر يتقدم لي .

طبعا احنا تركنا بعض لمده شهرين مانكلم بعض علشان لايغضب ربي علينا وتصير مشكله بين العايلتين

امس انا كلمته كنت ابي اعرف اخباره وش صار معاه

طبعا قالي انه لسه ماطلعت له وظيفه ولا شركه ردت عليه مع ان عنده شهاده مضمونه بس النصيب

اللي قاله لي وزعلني منه

قالي انا اخاف عليك واخاف اضيع نصيبك بسبب موضوع وظيفتي ومابيك توقفين نصيبك علشان واحد لسهى ماتوظف وكون نفسه اذا جاك الرجال اللي يستاهلك روحي في نصيبك
واذا توظفت وانتي لسه موجوده تاكدي باني راح اجيك واطلبك من اهلك بدون تردد .

انا هذا االشي للي زعلني لان بينا حب واحترام وانسجام وغير كذا اتفقنا على كل شي احس صعب اني اوافق على غيره

انتوا اكيد بتقولون ليش طيب مايحجزك بالاسم لين تتعدل ظروفه ؟

لان اهلي واهله مايحبون فكرة الحجز ابد ومايرضون يصير هالشي
وقالي شي ماعجبني اقوله كلم اهلك علي قالي انا استحي اكلمهم ابيهم هم اللي يفتحون معاي الموضوع وهم يدرون اني احبك وابيك بس هم مايبوني اخطبك الحين قبل لا اتوظف

ولما كلمت اخته الي هي صاحبتي علشان تكلم اخوها قالت لي انها تستحي من اخوها مرة وماتقدر تفتح معاه الموضوع الا اذا هو فتح الموضوع (علاقتهم جداااا ضعيفه مع بعض)
علشان كذا موضوعنا متوقف .

طبعا احنا اتفقنا ان احنا نوقف مكالمات لين الله يفرج الحال ويصير نصيب احسن لنا .

وهو قالي لو سمعت انك رفضتي اي احد علشاني ماراح اجيك وبتزعليني منك .

انا الحين بترك الموضوع على الله وبتوكل عليه .

انتوا شرايكم بكلامه

هو يقولي انا شاريك ومستحيل ابيعك وبنفس الوقت يقولي لاتوقفين نصيبك وانا اخاف اظلمك معاي ومن هالكلام

هل كلامه صحيح او لا

انا في حيرة شديده ياليت تفهموني

بس للعلم الولد مو لعاب وهو يعتبر من اهلي والاهل يدرون بانه يبيني وانا ابيه بس مايدرون بمكالماتنا غير ابوه واخته بس الحمد لله ماصار شي .

انتظر ارائكم

PبثIبثV · 05-07-2009, 16:04

انتيـ اتحبينهـ اكثر مما يحبج ..

قلتيـ انهـ قالج ((لو سمعت انك رفضتي اي احد علشاني ماراح اجيك وبتزعليني منك ))

معناتهـ حاليااا مايقدر يتقدملج ..

وقالج(( انا شاريك ومستحيل ابيعك وبنفس الوقت يقولي لاتوقفين نصيبك وانا اخاف اظلمك معاي ومن هالكلام))

هو يحبج .. وصح انهـ مايبغيـ يظلمج لكن المفروض يفاتح اهلهـ بالسالفهـ مايصير يقول انهـ يستحيـ .. يعنى لو يبي يتزوج بيقول انا استحـيـ اخبر اهلي ..؟ واختهـ والي هي ربيعتج خلهـا تشجع اخوهـا تجلس معاهـ لو ربع ساعهـ .. مايصير بعد هاي تقول ان علاقتنا ضعيفهـ ومن هالكلامـ .. يعنى هي تتهرب من السالفهـ ..؟

يعنى شوفيـ ... انتـيـ سويتي الي عليج .. واخو صديقتج مايقدر يتحركـ .. حتى انهـ قال يبيج ويستحي يخبر اهلهـ .. واكثر عن هذا مايقدر يتقدملج حاليا ..
وفوق هذا كلهـ اختهـ تستحي من اخوهـا ..

خلهم يتحركون يسوون شي .. وبعدين انتي وراج مستقبل طويل .. وغيرهـ عشرهـ .. ليش تتريينهـ ..؟ وتفكرين فيهـ ..؟
وتقولين مابيـ غيرهـ ..؟ يعنى بتمين ع هاي الحالهـ اللين مايستقوى ويخبر اهلهـ ..؟ ليش هو داخل معركهـ ..؟

انا من رايي لاتفكرين فيهـ .. واذا تقدملج واحد ولد ناس مابه عيب وافقي عليهـ .. لان هذا الي تبينه ضعيف الشخصيهـ ..
وانتي بعدج صغيره بسن المراهقهـ يوم بتكبرين بتفهمين الدنـيا ..

والسموحه ع القصور

يابخت الحلا فيني · 05-07-2009, 16:20

المشكله انه هو اللي اختارن وقال انه يحبني وجاني بنفسه مو انا اللي رحت له لاني اصلا من قبل ماكنت افكر فيه اصلا ولاتوقعته انه بيجي يوم واحب هالانسان لاني ماكنت افكر باحد من قبل

وهو اللي قالي انا شاريك ومستعد اضحي علشانك لاخر نفس واحنا لبعض

بس لما مرت اشهر طويله وماتغير الحال ولاطلعت له الوظيفه هو خاف علي وخاف انه ظلمني معاي وتغير كلامه كله اللي قاله لي من قبل

وماتوقعته يقولي انا استحي عن جد صدمني .

هم اهلهم كذا كل يستحون يعني مو بس هو اللي يستحي حتى خواته يستحون يفاتحون معاه الموضوع
لما قالهم من قبل انه يبي يخطب صديقه من صديقات اخته ماصرح باسمي لهم بس قالهم مواصفاتي كلها وهم فهمو انه يبيني انا شخصيا بس ماسوا شي ولا فاتحوه بالخطوبه لانه ماتوظف ولاكون نفسه

ادعوله يتوظف قريب ويخطبني ونفتك من هالموضوع

كيان انسانة · 05-07-2009, 16:42

غريبة يستحي يفاتح اهله بالموضوع المفروض يحدد كل شي معهم وتبان النتيجة
خليه يسعى ويدور وظيفة على الاقل يلقى وظيفة بيده ويخطبك مو يجلس في البيت ويقوووول ما جاتني الوظيفة
الله يكتب لك اللي فيه الخير

يابخت الحلا فيني · 05-07-2009, 16:51

هو الحين يشتغل شغله مؤقته ويعطونه 3000 وشوي بس مو في شركه

والمسكين ماخلى شركه الا وقدم فيها بس مافي نصيب

انا خلاص اللي علي سويته وقلته له وهو حر

نجلاء22 · 05-07-2009, 16:52

اللبيب من الاشارة يفهم

مادام قال شوفي نصيبك
هذا مايبيك اصلا
والله حبيبتي الرجال اذا بغى البنت يسوي المستحيل علشانها
لوحتى يشتغل بأي شئ موقت لين يملك عليها اهم شئ ماتطير منه
ادعي ربك ووافقي على اول خاطب يجيك
ترى الرجال يفكرون غير تفكيرنا يالحريم وماهو كل اللي يقولونه صحيح
لكن حنا الله يرحم الحال كلمه تودينا وكلمه تجيبنا وحياتنا بس نركض وراء
هالحب والعواطف وماحولنا احد

نجلاء22 · 05-07-2009, 16:57

[quote=يابخت الحلا فيني;5164196]هو الحين يشتغل شغله مؤقته ويعطونه 3000 وشوي بس مو في شركه
ثلاث الاف نعمه حبيبتي
والله اعرف ناس تزوجوا وهم علىراتب الف وخمسمائه
بس هو صدقيني انحرج منك يوم كلمتيه

وبعدين الله يهديك ليش تكلمينه
اثقلي وخليه هو اللي يطرد وراك ان كان فعلا يبيك

يابخت الحلا فيني · 05-07-2009, 17:03

صح كلامك يانجلاء بس انا مارميت حالي عليه اصلا بس حبيت اضع النقاط على الحروف واعرف وش صاير
وهو بجد حالته ماتسمح له انه يخطب اصلا وحتى لو جا وخطبني وهو بهالوظيفه ماتوقع ابوي يوافق اصلا

يعني لازم ننتظر لين يتوظف في شركه ويكون راتبه يفتح بيت

فتى العرب · 05-07-2009, 17:28

ممكن تاخذى الموضوع بأسوء الظروف افضل شىء
طبعا عمرك ما نعرفه صغيرة كبيرة ما ندرى حتى نقول
انتظرى سنه او سنتين
لكن هو شخص مهذب ممكن نقول انه بدو يهرب منك لكن بطريقة لطيفة
وممكن نقول انه صادق ومحتاجك
لكن اعتقد 3000 فيه كتير ناس ب 2500 واقل متزوجين
هو عارف انك تحبيه والرجل فى فترة الحب بدون زواج يعلق البنت
ولما يحب يتركها بيحب يجيب منها السبب او الظروف
شوفى اذا هو فعلا شريكى ويحبك يتقدم ويحجزك واذا قريبك
اكيد بيتفهمو الموضوع
يعنى الحين لو اشتغل هيشتغل ب1000 الاف
اذا هو عند 3000 اكيد ما يقدر يوصل لاكثر من هيك فى طموحة
وهو شو بدو يشتغل وشو شهاداتة خلينا لو نقدر نساعد
لكن ما تتركى حالك له الا ان يتقدم
مثل ما انتى تضحى يجب هو الاخر يضحى
مافيش مشكلة تبدأو من الصفر ياخذ قرض اى شىء
ويملك وتنتظرى 3 سنوات لحين يجهز حالو
لكن بهذا الكلام اعتقد انه رمى الكرة فى ملعبك وتركك للحيرة وحدك
ولو انا مكانه باخذ اهلى واروح لاهلك وين مابدو يكون
حتى لو يرفضونى لكنى بتقدم خطوة شهامة لمن احبتنى
واثبت للجميع انى داخل رسمى لطلبها
واسال الله يوفقك ويجعل نصيبكم الخير

يابخت الحلا فيني · 05-07-2009, 17:46

انا عمري 21 سنه وهو عمره 24 سنه

وهو يبي شغله براتب عالي ولسه ماجهز الشقه ولا المهر ولا شي

وربي مو عارفه وش نيته تجاهي ؟؟؟؟؟؟؟

وقالي اذا مابيش باقولش يابنت الناس انا هونت بس انا خايف على مستقبلش يضيع علشاني

وهو الحين يشتغل وفي نفس الوقتى يكمل تخصصه (انجلش وحاسب)

معقوله انه يلعب علي وفهمني انه يحبني وهو لا ؟؟؟؟؟؟؟؟؟؟؟؟

بس لو يلعب ما راح وقال لاهله انه يبي يخطبني صح لو لا

فتى العرب · 05-07-2009, 18:01

اقتباس:

المشاركة الأصلية كتبت بواسطة يابخت الحلا فيني

انا عمري 21 سنه وهو عمره 24 سنه

عمرك صغير لكن ما يتحمل المجازفة وانتظار المجهول

وهو يبي شغله براتب عالي ولسه ماجهز الشقه ولا المهر ولا شي
اهم شى القناعة وعصفور فى اليد ويرضى بما قسم الله ويكمل طموحة
وانتى معاه

وربي مو عارفه وش نيته تجاهي ؟؟؟؟؟؟؟
الله اعلم بها

وقالي اذا مابيش باقولش يابنت الناس انا هونت بس انا خايف على مستقبلش يضيع علشاني

صحيح كلامو لكن ليش ما يتقدم خطوة ويمسك مستقبلك وثمرة حبه
مو افضل من التضحية بهذا الحب

وهو الحين يشتغل وفي نفس الوقتى يكمل تخصصه (انجلش وحاسب)

طيب الله يوفقه ويكمل على خير والشغل مالو حدود اذا فيه لغة وحاسوب
اكيد امر سهل لكن ما يبدأ راتبه برقم خيالى يعنى

معقوله انه يلعب علي وفهمني انه يحبني وهو لا ؟؟؟؟؟؟؟؟؟؟؟؟

ما فيها لعب لكن فيها صغار المففروض يتقدم لحجزك اذا عندة 3000 شهريا
ماصارت مشكلة يتقدم ويتوكل على الله والفرج قريب شجعية يتقدم
وقولى اذا اهلى رفضوك سوف اصرف نظر عشان ترتاح

بس لو يلعب ما راح وقال لاهله انه يبي يخطبني صح لو لا

صح كلامك لكن اهله لو جاديين لماذا لم يتقدموا ويشجعوة هى الحكاية اقول لاهلى
اى شاب ممكن يقول لامه او اخته لكن شو النتيجة المفروض وصل الموضوع عند اهلة
يكون اخذ نصف المشوار وتسهل عليه الطريق
واهله ستقدموا لحجزك على الاقل وهذا دورك لاقناعه بهذا الشىء
وغدا باذن الله اشوف شو اخر تطورات لخروجى الان

يابخت الحلا فيني · 05-07-2009, 18:11

ان شاء الله يااااااااااااااارب ينفرج الحال ونكون مع بعض يارب

وانا ماراح احاول في احد خلاص...

الموضوع طلع من ايدي وخله هو يتصرف ويدافع عن حبه

يابخت الحلا فيني · 05-07-2009, 21:54

انتظر اراء بقيه الاضاء

تعبني احساسي،، · 05-07-2009, 22:18

حبيبتي انا ماادري طبعه كيف عشان احكم عليه
بس ماعليم الا الدعاء والاستخاره
ياااااااارب ان كان خيرا لك يتم زواجكم في القريب العاجل ويسعدكم ربي
ريحي اعصابك وماللك الا سهام الليل انشاء الله يكون من نصيبك ونصيحه لاتكلمينه مايجوز

يابخت الحلا فيني · 05-07-2009, 22:41

اكيد ماراح ارجع اكلمه مابي اغضب ربي مرة ثانيه علشانه

والله يسمع منك يارب ويتم موضوعنا على خير يارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ابي عرف ارائكم تفضلوا .