عالم الحياة الزوجية - منتدى

نجدالتميميه · 06-07-2009, 21:39

اليكم القصه ..>> شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :>> الزوج : الووووو> المتصل : السلام عليك، كيف حالك يا (فلان) و ألف ألف مبروك> الزوج : وعليكم السلام وينكم يا انذال ماحضرتوا الحفل يا تعبانين المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره> ((طبعاً الديرة تبعد حوالي 300 كم))>> الزوج : المهم تعشيتوا>> المتصل : لا والله>> الزوج : كم عددكم ؟>> المتصل : عشرة>> الزوج : اقولك (حرام وطلاق عشاكم الليلة عندي) قل تم>> المتصل : يا ابن الحلال مايصير انت عريس جد و.. و..>> المهم مافيه فايده الزوج مصر الا يتعشون عنده>> الزوج : يالله انا انتظركم مع السلامه> وقفل الخط>> الزوجه المسكينه ما هي مصدقه اللي سواه زوجها ليلة الدخلة ثم قال يافلانه انا رايح السوق وراجع> ((على بالها يبي يجيب عشاء جاهز))> بعد ربع ساعه رجع الزوج ومعه اغراض العشاء> قالت الزوجه وش ذا> قال الله يسلمك قومي سوي العشاء لزملاي في العمل جايين من بعيد ولا تعشوا> ،،،وفي أثناء الحوار،،، والا الباب يدق> قال هم ذولا وصلوا يالله همه يا مره وراح عند ربعه يقهويهم> المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء وتعشوا وراحوا لديرتهم المسكينه متضايقه>>> والمفاجأة>> 7>> 7>> يدخل زوجها عليها ويرمي لها (50000) خمسين ألف ريال قال هذا حقك قالت وشوا حقه قال الرهان اللي بيني وبين زملاي العشرة على كل واحد> (5000) بأنك تطبخين ليلة الدخلة وش يكون ردة فعلك موافقه والا .. لا وانتي من كسب الرهان وتمت ليلتهم على خير>>> هل تفعلينها لوطلبها منك ليلة الدخله؟>>

د.مصرقعة · 06-07-2009, 21:44

أبد عاااااادي ياقلبي انا اتمنى يصير لي هالموقف ...
بالبس قميص وبنفش شوشتي وافرك خشتي ببصل ....
وبتصل على هالحريم الي يسوون جريش مطازيز وقرصان وسليق وبطلب منها ...
الحين هالحريم كثر النمل اتصل نصل ...
وبزحلقة بقول جب ببس وسفن ولبن ... عشان استقبل الطلبية ..
وإذا جاء إلا انا بصحوني وبيزتي وبسوي نفسي هلكانه من الشغل ..
بس سلم واستلم ياخذ الصحون ويعطيني الفلوس ...
محلوله يالطيبة ..
اجل اطبخ له هو وجه علساه هو ربعه للاحوووس ...

نجدالتميميه · 06-07-2009, 21:51

هههههههههههههههههههههه مصرقعه وذكيه ماشاء الله عليك ...تسلمين على المرووووور ياحلوك وحلو صرقعتك.خخخ

بنت هذيل · 06-07-2009, 23:45

اولا يسلموو على الطرح

ثانيآ :
لو طلبني زوجي هالطلب مستحيل ارفض ...عيوني له

دنياغريبه · 06-07-2009, 23:49

شوفي اكيدلوطلب مني بدعي عليه في قلبي لين اقول بس ويمكن اقطع البصل وابكي واتعذر انه البصل....بس مستحيل اقول لا بستحي.بس الحين لو يجيني توالي الليل بقوله يالحبيب.اقرب مطعم.........

حمودي العصيمي · 07-07-2009, 01:16

اقتباس:

المشاركة الأصلية كتبت بواسطة بنت هذيل

اولا يسلموو على الطرح

ثانيآ :
لو طلبني زوجي هالطلب مستحيل ارفض ...عيوني له

يــآلبى عيونكـ > وآلله انكـ كفووو

**الملـــــكـــــة** · 07-07-2009, 01:19

أطبخ له ليش لأ أصلا كم زوج عندي ...

بالعكس فرصة علشان يحبني أكثر ويحطني في عيونه ...

مشكورة ياقلبي ..

لوله العسوله · 07-07-2009, 01:45

عشان عرفتو النهايه موافقين اكيد
لكن لو النهايه مافيها اللي فيها كان..................
تسلمي عزيزتي

غاية الأنوثة · 08-07-2009, 00:33

يعطيكي العااافية

تعبت منك · 08-07-2009, 01:40

لاا طبعاا ما اسويها

ساكن قصادي · 08-07-2009, 01:53

والله موقف رهيب وغريب منه ومنها
ولكن يعجبني رد المصرقعه ههههههههههه
مررررررررررره فنانه وذكيه

كيان انسانة · 08-07-2009, 01:56

جد موقف لا تحسد عليه هالعروس
لو انا مكااانها يبشر بالخير و اسوووي العشاء له
وبالصبااااح على طوول عند اهلي

أل رهان أل

دلع الطفوله · 08-07-2009, 04:59

اممممممممممم بسويله بس بدلع عليه يومها واخليه يطق من القهر خخخخخخ
تقبلي مروري الصغنونو

karaza · 08-07-2009, 07:59

هههههههههههه عاادي بسيطه

مابقول لا ولا اي .. لاني اساسا ماعرف اطبخ ههههه >> نعمة اللي ماتعرف تطبخ

مكياجي ع مزاجي · 08-07-2009, 08:16

ضحكتني المصرقعه هههاي عليج مخ ماشالله
بس اتصلي وفكي عمرج
ولاتاخذين البيزات من ريلج احس فششششششششششله تاخذين البيزات عشان طبختي فليله دخلتج واهيههيي
تحياتي لج

د. مكياجي على مزاجي

بيب بيب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

من غير خجل:هل تفعلينهالو طلبها منك ليله الدخله؟