عالم الحياة الزوجية - منتدى

د.مصرقعة · 08-07-2009, 00:51

زوجي لعب علي قالي وش كانت عيارتك يومنك صغيرة ؟ وانا خبله علمته ... قلت له عيارتي (أم قله)
يعني ام جبهه كبيرة ... ومسكها علي وهاوشته قلت قسماً بالله لو رجعت وقلتلي أم قلة لأهج من البيت ...
والحمدلله معاد قالها ...
الحين إذا تهاوشنا يقولي يأم قله ...
مع أني قصيت لي غرة عشان اخفى جبهتي بس كبيرة ماتتغطى ...
حلولي مشكلتي ... بغيناها طرب صارت نشب ...
لاتقولون لي دوري عيارته .... سألت خواته بالمساحل عيوا يعلموني كأنهم دارين ....
الحين جتني عقدة منه حلمت امس أنه متزوج علي وحدة وش زينها كأنها دالي العراقية يوم فتحت الباب عليهم ولقيتهم يشربون عصير ومتماسكين قالتي لي يام قله شو جايبك هنا ...وهو يضحك ... مبسوط انها تعايرني مالت علية ...
بالله فكوني منه وش اسوي به ... لاتقولون هددية هددته بس لو هاوشنا يصرخ علي يام قله ...

المعانق · 08-07-2009, 01:01

والله انا متابعلك كذا موضوع..واسلوبك الطريف ^.^

انا اشوف انك لاتهتمين من هالكلمه ..وطنشيه مهما قال ولاتبينين له انك متضايقه منه.. وحاولي انك تسحبين عيارته من خواته مره ثانيه..عشان تمسكينها عليه.. هذا اذا صار له عياره ..،
اما الحلم.. فلا تقولينه لأحد لأن لو قلتيه ممكن يصير.. وتندمين على يوم قلتيه ..

الله يووفقك ويسعدك مع زووجك ..

د.مصرقعة · 08-07-2009, 01:04

الله يسلمك ياخوي ... ويسعدك اليوم أنا مكتأبة ..... عايرني ..
عد ياشين إلي يعايرك بشي فيك ...
ربي ماعطاني الجمال بس يالله لك الحمد ,,, عطاني والله الرومانسية إلي تنقط وربة بيت لو تجيبلي حاشي ذبحته وصلخته وسويت منه كبة وعرايس ...

حبك زادي · 08-07-2009, 01:07

ضحكتيني إلين دمعت عيوني،،،، لعيه تعتبريها عيرة خليها اسم دلع هههههههههههه صدقيني هو يمزح معاك ويبغى يستفزك بالمزح الثقيل هذا الموضوع وبس.

د.مصرقعة · 08-07-2009, 01:08

وين يمزح معي هذي مزحة الله يهديك ليته يبقسني بقسات ولا يعايرني ....

al-yasman · 08-07-2009, 01:11

هههههههههههههههههه
و الله ضحكتيني يا(ام قلة)
رهيبه....
ليش قلتي له انت ماتفهمين حركات بعض الرجال و الله انك مصرقعه صدق
المهم الحل حاولي انك تعلقي عليه باي شئ يخطئ فيه أو شئ ملفت في شكله
..........
و الله يعينك على ما بلاك من رجال و حلم
..................

وادي تعشر · 08-07-2009, 01:12

الله يهديك طنشيه
ولو قلك مالك قولي هذه عيرة زميلتي في اول ابتدائي

د.مصرقعة · 08-07-2009, 01:12

لا ابشرك جاني حل الحين بقوله لعبت عليك عيارتي مهي ام قله ...
لا عيارتي الشقراء كود يعايرني يالشقراء ...

غاية الأنوثة · 08-07-2009, 01:14

الله يصلحك بس على هالعملة

كل ما عايرك قوليلو كلام عسسسل .

وصدقيني رح يستحي من تصرفه ويبطل مزح تقيل

غاية الأنوثة · 08-07-2009, 01:15

ولا تبحثي عن عثرات زوجك

الحياة أمل ! · 08-07-2009, 01:24

هههههههههههههههه
ايش المشكله العويصه دي ؟
ولايهمك حبيبتي خليه ياخد راحته لأنو كل ماشافك تزعلي حايزيد >> هما كدا الرجال

asabah · 08-07-2009, 01:29

مثل مافال الاخ لا تهتمين وطنننننننننننننننننننننننننشي على قد ماتقدرين لانك اذا عصبتي بيعاند انا من اول كان دايم يقول ابتزوج ابتزوج ابجيب الثانيه كل هرجه الزواج وانا الله لايوريك مره اصيح ومره ازعل ومره اتهاوش وارفع صوتي عليه وهو يزود والحين اذا قال ابعرس قلت اعرس واذا صار عادي وانا منداخلي يحترق بس ماابين وهو ينقهر ويسكت بدال ماكان يقول ابعرس 5مرات باليوم كان يقول 1مره بالاسبوع وعلى شوي شوي لمين بدا مره بالشهر واسفه على الاطاله

د.مصرقعة · 08-07-2009, 01:30

سالفه العرس هذي هين يبيلها موضوع كامل ... الله يهديهم ...

كيان انسانة · 08-07-2009, 02:09

يابنت الحلال اذا قالها لك طنشيه لا تلتفتين للي قاله
والله لو بينتي له انك طفشتي منه راح يزييييد من باب العناد

مشتاقه لضناها · 08-07-2009, 02:27

اقوللللللللل ياحليلك يااااااااااعسل أسفه بغيت اقولها !!!خفت يجيني اطرااق هههه،،بلاه والله منبسط بس انتي ماتدرين،شكلك تحمقين اذا قالها ويطلع شكلك يجنن وعاااااااااد موت الرجل يشوف زوجته معصبه منه،،،طنشي لايهمممممممممممك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

هالازواج مدري وش يبون ؟