عالم الحياة الزوجية - منتدى

د.مصرقعة · 08-07-2009, 15:58

مع أشراقة هذا الصباح الجميل قررت وانا الدكتورة مصرقعه إلي مايشق لي غبار ..أني اسوي الخطة ثلاثية الابعاد على زوجي ..
يمكن تنفع هالخطة ويتحرك شوي , يتلحلح , ينطق كلمتين حلوين ...
إلي تبي تسوي مع هالخطة نبدأ مع بعض ...
والخطة عبارة عن 3 مراحل ... تسوينها جميع :
1/ تزيني مرة (حمرة وبودرة وعطر زين فوق 100 ريال مهب عطورات المغاسل ارجوكم , البسي شرابات الشفافة تطلع الرجول حلوين وناعمين , وبجايم من الهرم والله عندة بجايم وش زينها , وبخري شعرك ,ودهني وجهك وايدينك وراجولك بفازلين خليك ناعمة طيب ..
وكل يوم لجاء العصر وسويت قهوتك وصينية حلى البسي كعب وفلي شعرك وكان عندك تنورة كراميش ترى الرجال يحبون الكراميش , وقلادة طويله ياحلوك بس .
2/ المرحلة الثانية / هالله هالله بالطبخ والطبخ هالله هالله فية .
الفطور سوي فول وحميس وكبدة وحركات والغداء كبسات ومحاشي والعشاء سليق ولاجريش ولامطازيز والحلى سوي حلى القنفذ زوجي يحبة مرة .المهم شبعية أكل .
3/ المرحلة الثالثه / والمهمة طنشية ولاتعطينه جة وطالعية بطرف عين , وتدلعي على الكل بس هو لاعطية الساخن , وسوي نفسك تهتمين باشياء ثانية واتركية خلية في دوامة مايدري انتي مبسوطة زعلانة ؟ ماتبينه ؟ كود ينقهر ويلحقك .
كل ماشفت حرمة زوجها طاير فيها أكتشف انها مطنشة .
واحنا ياحسرة وراه صايرة له أم واخت وزوجة حتى الحين صايرة جدته أقوله قصة قبل لاينام .
ذاك اليوم نسيت يوم طلع قلت انتبة على نفسك ياوليدي من كثر ماصرقع بي ...
ها وشرايكم اجرب هالخطة الثلاثية الابعاد ؟

حبيبي احلاهم · 08-07-2009, 16:03

موتيني ضحك الله يحقق الي في بالك وبالي كمان ويسلمو

د.مصرقعة · 08-07-2009, 16:17

طيب قولي رايك ربي يحفظك .

حبيبي احلاهم · 08-07-2009, 16:20

موتيني ضحك الله يحقق الي في بالك وبالي قولي امين

A7lA MooN · 08-07-2009, 16:23

ههههههههههههههههه
أزين شي إهتمي فيه إسبوع دلع وهدايا وحركات وسوي كل شي يحبه بعدين عطيه طناش كأنه مو موجود ولاتتكلمي وياه واجد وحسسيه إنك متضايقه
وإن شاء الله يجيك جري

لوعة الخاطر · 08-07-2009, 16:23

هههههه ضحكتيني وانا ويني ووين الضحك والوناسه ..
اذا كان سبب المشكلله بسيط لازم تكونين عاديه وتتراضون في اسرع ممكن لكن اذا كانت
المشكله شوي حجمها كبير انا من وجهه نظري انك تسوين الي قلتيلي عنه بخطتك بالاضافه الى نومك بغرفه ثانيه.....

>>>>>>خربتها عاد هههههههه انا البارحه سويت
هالطريقه وكان بيموت لانه راح ينام بدوني عشان يعرف قيمتي وقدري عنده خله يتعود
باجر لو تطلقنه وتزوجت غيره ايش بيسوي هههههه بيطق اصبع او بينتحر لكن انا بطريقتي هذي قاعده أفطمه واعلمه الجلوس بمفرده >>>>حشا ياهل ههههههه
الي يشوفني يقول كللللش ذابح نفسه بجلوسه معي مو كانه 24 ساعه بين دوامه وبين الجلوس مع ربعه والاستراحات أقووووول خلها على الله والله يفرج همنا أجمعين ((رجال ماوراهم الا المغثه والمرض ))كنا وردات وذبلنا

لوعة الخاطر · 08-07-2009, 16:25

ناقصنه في البحث والتحري المحقق كونان عشان تكتمل مراحل وشروط الخطه الجهنميه هههههههههههه

الشايب الخبير · 08-07-2009, 16:40

دام ان الخلاقين مشريه من الهرم ,, ترا الخطه ناجحه ناجحه ناجحه

بس عاد اهم شي تصملين وانتي كارشته مهوب تخورين اذا ذب لك كلمتين حلوين وتفقين كشرتك

لاصز والله مهنا شي يسنعهم مثل الجحده وبس

ღ.¸¸. أم فرح .¸¸.ღ · 08-07-2009, 18:16

فعلاً الطناش يجيب نتيجه معاهم
طنشيه بس صعبه تنامي في غرفه ثانيه
راح يحس ان فيه شئ وأنتي مخططه
شوفي ياحلوه خطتك جداً رائعه
حاولي ما تسولفي معه كثير ماتجلسي معه كثير
أنشغلي بجوالك مكالمات رسائل نت في شغل البيت
اذا بقى ينام قولي له ما فيني نوم

صدقيني بيتغير
وبشوف وش ناقصه وبيقولك عليه
وانتي لا تقصرين قولي له وش ناقصك من عواطف و رومانسيات

قولي لنا على النتيجه

جــآنح · 08-07-2009, 18:33

أقووول خليها خطه ثنائية الأبعاد لأنوا التطنيش مو حلو وممكن يفهمها غلط ..

لأني تخيلت نفسي في نفس الموقف وحرمتي متجهزة ومتزينه بس مطنشه و مالها نفس في الكلام وكذا ..

فـ أول شئ جا على بالي إني أخرج الشارع وألفلف بالسياره لمن يجي الليل وأرجع وأنام ..

تــــ ح ــــــــــــــــــــــياتي ..

البرنسيسه روز · 08-07-2009, 18:34

صدقيني الرجل ما ينعدل الا بالطناش يعني مثل الاطفال بالضبط امنعيه عن شي يحبه وكنك مو داريه انك ما نعته تشوفين وشلون يجري جري وراك وبصراحه اكثر انا مثلك مقهوره فيه زوجات ما يدلون المطبخ وكل يوم على ديلفري ومع هذا تشوفيه ذايب ذوبان فيها لاواللي يقهر يشيل عنها يا ناس ودي اعرف السبب منفقع راسي من هالزوجات من قبل ما اتزوج
لكن ما اقول الا الله يسخر لنا ولبنات المسلمين اجمعين ازواجهم يارب

خواطر الدلع كله · 08-07-2009, 20:08

الله يفك دربكم يارب والله يعننا على رجالنا اللي مو عاجبهم شئ فينا مدري اش نهايتهم والله الله يهديهم

د.مصرقعة · 09-07-2009, 00:26

حلو الاراء تبشر بالخير بس وضعي مو بالحيل ... مادرى عني أني مطنشة ....

وفي · 09-07-2009, 01:38

انتم يالحريم اذا بغيتوا شي
واهتويتوا
سويتوا اللي مايتسوى

**الملـــــكـــــة** · 09-07-2009, 01:41

أقص ايدي اذا ماكنتي انتي نفسك خارج التغطية ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

خطتي ثلاثية الابعاد على زوجي