عالم الحياة الزوجية - منتدى

همس طفله · 08-07-2009, 20:59

مساء الخيرات

كيفكم .. ان شاء الله تماام

امم مدري شنو اقول لكم

انا ملكت من اسبوعين او اقل شوي

مثل ماتعرفون انا بـ ديره وهو بـ ديره ثانيه بعيده حيل المهم

كنا متفقين انا وياه اننا نسكن بـ ديرة اهله بـرغم من رفض اهلي وشرطهم بعقد نكاحي بس قلت راح اتبعه لوو شنو وكان وعدني لو يجي يوم واحد يضايقني (( يقصد لو امه ضايقتني او سوت لي شي ))

راح ننقل من المنطقه ونسكن بالمنطقه اللي ابيها

لم ملكنا جلس اسبوع عندنا بنفس الديره وكنا نشوف بعض بشكل يومي وبعدها هو راح المنطقه اللي هو فيها

بـ اسبوع ملكتنا صارت لنا كذا مشكله والسبه امه وكلامها والسانها اللي متوذي منها
كانت تحوال تخرب بيني وبين اهلي وتوصل لـ امي اشياء ماصارت وتبين لـ الكل انه زوجي مايبيني

طبعـآآ انا كنت لم اسمع منها كلام او يجيني اسكت علشان زوجي وماابي يصير شي بـ هالاسبوع اللي ماراح اشوفه بعدها اللي وقت عرسنا

الحين انا جالسه افكر اقوله ننقل من الحين ماابي مشاكل اهلي واهله

حلو نكون بعيد وربي انا مو حقة مشاكل والاسبوع اللي كنا مع بعض من مشاكل اهلنا كنت دووووم ابكي ومايمر يوم مانزعل فيه والسبه هم

هذا وانا توني مملكه كذا تسوي فيني امه تبي تطير عيشتي وربي اخاف اصير انا وياها بديره وحده

قولوا لي شلون اقنعه ننقل .. او اسكت من الحين ولا اتكلم

تدرون حتى خواتي خايفين على من امه .. هم بعد متزوجين اخوان زوجي بس هم ساكنين معانا بنفس الديره علشان ماتصير لهم مشاكل من امه

ابي حل تعبت من التفكير وانا خايفه ومااعرف ارد على احد اذا هوشني اخاف تستقل سكوتي وتخرب حياتي

شنو اسوي وشنو اقول لـ زوجي

اخاف اقول له انقل يقول انتي بعد الملكه تغيرتي

ابيه يفهمني

حتى هو مره يوم صارت لنا سالفه من امه وكنت ابكي بوقت السالفه قال لي انه راح ينقل بس انا مارديت عليه مااعرف اتكلم وانا ابكي وراح تفاهم مع امه اول ماجاء يكلمهم قامت تبكي وتدخل موضيع ببعضها سكت وماقال لها شي وبعدين قلت له كلمها راضها

انا خبله الناس تستقل طيبتي وسكوني

مااعرف اتصرف

تكفون قولوا لي شنو اسوي

PبثIبثV · 08-07-2009, 21:25

لو تسكنين وياهـ بعيد على طول يكونـ احسنـ ..
عند العيايز كلـ شيـ يايز ..

άℓαм ώα εṩниαн © · 08-07-2009, 21:43

ألله يعينك علييهاااااا

ظلام الليل k.n · 09-07-2009, 01:41

حبيبتي الله يعينك بس ما عليك من امه اهم شي تحترمينها عشان ما يقول عنك انك انتي الي تحبين المشاكل واتشاعدينه على برها لانه هذا واجب عليك
وان كان سكنكم فديرت اهله عشان امه مالها حد وخايف عليها وكذا اصبري وربي بيعوضك وخلي عقلك اكبر منها
ترا كل خوياتي المتزوجات يعانون نفس مشكلتك مافي ام زوج زينه كلهم يحبون المشاكل بس دامه هو معاك طيب ويحبك ويسويلك الي تبغينه
طنشينه و لا تهمك
موفقة

كيان انسانة · 09-07-2009, 03:31

دامك ماراح تسكنين معها بنفس البيت ما عليك
اهم شي زوجك متفهم الوضع وعارفك زين
واذا على امه عادي خلي علاقتك معها عاااادي وزوريها بالمناسبات اريح لك ولزوجك

موفقه

غلاااوي · 09-07-2009, 04:03

شوفي حبيبتي أهم شي زوجك إذا هو متفهم الوضع وعارف أمه خلاص لا تشيلين هم والله يعينك عليها

حبـ(بندر)ـيبت · 09-07-2009, 07:06

انقلي افضل وربي الام لمن تغار تقلبها نكاده
قوي قلبك وقولي له ننقل يعني ننقل اسكنو بمنطقت عمله احسن لكم
نصيحة وانتي حره ولا تنثني تري العود من اول ركزه لاتبيني ضعفك وافرضي شخصيتك افضل ولا بعدين ماينفع والكلام

الجرح ارحم · 09-07-2009, 07:45

ابعدي عنها

والله ياما عانيت من ام زوجي بس الحمد للله ربي مايضيع الللي يدعي ويستغفر

يوسف007 · 09-07-2009, 16:23

اقتباس:

المشاركة الأصلية كتبت بواسطة همس طفله

[CENTER][FONT=Comic Sans MS][SIZE=6][COLOR=black]

مااعرف اتصرف

تكفون قولوا لي شنو اسوي

فعلا نساء ناقصات عقل و دين ( العقل بالشهادة الرجل و المراتين و الدين بسقوط تكليف الصلاة اثناء عادة النساء _ اي ان النقص المترتب في هذه المقولة من الله عز وجل و لي ذنب اذنتبه النساء و
نرجع الى الموضوع
يا اختي اتقي الله في نفسك و زوجك و امه
كيف تقولين هذا عن ام زوجك التي لم تعيشي معها حتى الان فكيف اذا عشت معها تحت سقف واحد
هل تريدين ان يترك امه اللي ربيته
ام تريدين امه ان تترك فلذة كبدها حتى تهنئي انت بحياتك
و انظر الى راي الاخوات الذي يشجعك على هذا الشيء
لماذا لا تحاولين تتقربي الى الله اولا و الى قلب زوج المستقبل ثانيا بان تكسبي قلب امه
الم تسمعي قول الرسول تهادوا تحابو ا
ابدئي معها بالهدية كلما جئت اليها ( لا يجب ان تكون غالية مجرد رمز الهدية كاف ) مرة عطر و مرة شال و مرة فاكهة تحبها اي شيء بسيط
اذا سمعت منها الكلمة القاسية تحمليها و رديها باحسن منها ابتسمي في وجهها لا تحاولي الرد عليها
و انا على ثقة من الله بانه اذا استمريت على هذا المنوال اسابيع معدودة سوف تحبك ام زوجك اكثر من بناتها
لا تقولي انها لن تتغير انها بشر و البشر يتغيرون
لن تتغير في حالة واحدة ان ام زوجك تمثال منحوت في البيت عندئذ لن تسمعي منها كلمة لأن التماثيل لا تتكلم

يوسف007 · 09-07-2009, 16:28

اقتباس:

المشاركة الأصلية كتبت بواسطة ظلام الليل k.n

ترا كل خوياتي المتزوجات يعانون نفس مشكلتك مافي ام زوج زينه كلهم يحبون المشاكل طنشينه و لا تهمك
موفقة

الله اكبر
و ان غدا لناظره قريب و سوف تكونين ام ولد سوف يتزوج و يقال لك هذه الكلمة (مافي ام زوج زينه كلهم يحبون المشاكل )
خافوا الله عز وجل ان ام الزوج نفس ام الزوجة و نفس الاخت و البنت كلهم نساء زرع الله في قلوبهم الرحمة فلا تقتلوا الرحمة كما تفعلون الان

لوله العسوله · 09-07-2009, 16:52

في نفس ديرتها اسكني بس خلي زياراتك خفيفه جدا وعلى فترات متباعده
هههههههههه والله انا وزوجه ولدي دايما نتفق ضد ولدي ويقولي كأنها بنتك وانا ولد الجيران
ما اعرف ليه الحماه تعمل كدا ما عندها بنات تخاف يسير لهم زي ما بتسوي في بنات الناس
طيب ما تخاف من عقاب رب العالمين من جد الله يعينك وييسر امرك

طالب الحور · 09-07-2009, 17:16

أختي الكريمة

و ما أدراكي لعل في صبرك على أمه ( إن كان ما ذكرته صحيحاً )

سببً في سعادتك في الدارين الدنيا و الآخرة

ولا تنسي بأنهُ سيأتيك بإذن الله في المستقبل أبناء و بنات و قد يفعل أبنائك بك كما فعلتي في والدة زوجك

لا أقول بأنها لم تخطئ و لا أقول بأنك مخطئه

ولكن عليك بالصبر و الدعاء

فما بعد الضيق إلا الفرج إن شاء الله

و ها أنتي تقولين بأن أزواج أخواتك هم إخوان زوجك

فلماذا من الأساس لم يتم الرفض بسبب أمه ؟

قد تكون تعاني من مرض كالسكر و الضغط و هذا يسبب لها ضيق في بعض الأحيان

و قد تكون ردة فعل طبيعيه خوفاً من أن يهرب هو الآخر كإخوانه .

حاول أن تتعايشي معها .

قابلي الإساءه بالإحسان

ناديها " بأمي "

و أجعلي ما تفعلينه لوجه الله تعالى

و ما أدراك

لعل الله ينزل في قلبها حباً لكِ

و تكوني في عينيها كبناتها أو أفضل

زيــ أبيهاــــنت · 09-07-2009, 17:22

حبيبتي انا اختي ساكنه مع اهل زوجها وكل بين فتره مسوين لها مشكله بس الحين تحاول انها تبتعد عنهم قدر المسطاع انا اقول انتي حربي انك تسكني معها وخلك ابعيده واذا ما قدرتي تتحملي انتقلي

اقول اخزي يوسف لاتتفلسف كثير(ترا الفلسفه الزايده مو حلوه ها)
انتمنى انك ما تزعل

بااااي

زيــ أبيهاــــنت · 09-07-2009, 17:58

سوري بكتب اخوي كتبت اخزي انتمنى انك ما تزعل

roro.r · 04-08-2009, 08:13

حبيبتي مافيه بيت مافيه مشاكل

في رأيي أختاري المنطقه الأنسب من نواحي كثيره يعني مو بس من ناحية ام زوجك..

موفقه ان شاء الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ام زوجي تبي تخرب حياتي