عالم الحياة الزوجية - منتدى

ندى الورد2008 · 09-07-2009, 05:04

اتمنى منكم تعطوني رايكم اللي سويته صح او خطى
لي ثلاث سنوات مع خطيبي واحنا مملكين وانا من يوم ماملكنا ماهديت له هديه خطيبي اخذ دوره عسكريه ونجح فيها بالتفوق وهو موجود معايه بنفس المكان بس مو حاب اهلي يدرون عنه يبي يزورني في شهر مره وبس المهم انا تمنيته يجي لاني كنت باعطيه هديه بس ظروفه صعبه وباقي له يومين كذا ويسافر انا قلت بشتري له الهديه واقول له يمر بس من دون مايدرون اهلي واعطيه الهديه بناء على رغبته انه مايبغا احد يدري من اهلي دق عليه قلت له تعال مرني ابي اعطيك شي من عند الباب هو سكت واستغرب قالي وشو وهو مستغرب قلت له غرض قالي وين ابوكي قلت نايم وانقلب وسوى زعل وصراحه جرحني وحسسني كاني سويت جريمه قال لي انا زوجك مو خويك ولا حبيبك قلت انا ماعندي مانع لو اعطيك قدام اهلي بس انت ماتبغا احد يحس بوجودك هنا وانا حبيت اشاركك فرحتك قال لي ابعدي الشيطان عني قلت وش تقصد قال انتي بحركتك هذي شككتيني فيكي وانا والله ماقصدي شي
انا انجرحت منه وتمنيت اني ماسويت كذا مع انه كل شوي يقول لي اذا اهلك راحو دقي عليه اجيكي وانا ارفض بس قهرني والله مع ان ماخنته قبل لاعرفه بس من جد كل شي مانعني منه شوفته وحنانه واحساسه فيني وانا احبه وش رايكم اللي سويته غلط ومعاه الحق ولا زعله ماله داعي يعني لو سوت لك خطيبتك كذا بتفهم غلط
اتمنى تجاوبوني

мϊŝŞ ŗĴąĦ · 09-07-2009, 05:15

ماااااااااره حركته مااااااااله دااااعي بصرااحه سخييف يعني يحمد ربه انك كل هذاا تسووينه عشاااان سواااد عيووونه وانتي تقوولين انه ماايبي يجي واهلك يدروون يعني انتي ماااسوييتي غلط ابدن
وهو مشالله ع الرييحه يشك >قسم بالله قهرني وربي ميييير الشبااااب منهبلييين
شووفي حبييبتي انتي خلييك واااثقه من نفسك ولايهمك كلاااامه ولاترووحين ترااكضيين ورااه تراااضيينه هووو بيجي يووم ويعرف انه غلطاان ويعرف قدرك ويعرف انتي بنت ميين ويعرف انك متربيه وبنت شريفه ومااسويتي كل هااذا الا عشااانه ووعشااان تسعديينه وكل شي وصدقييني بيندم وبيجي يتاسف منك
بس اهم شي خلييك وااثقه من نفسك
وبالتوفييق يالغلاااا

العمده · 09-07-2009, 05:22

اصلا غلط اللي سويتيه
وغلط انه يقول اجيك اذا اهلك ماهم موجودين
وكل شغلك غلط بغلط اثقلي يابنت الرجل مايحب البنت الخفيفه

فديت اسمك انا ورسمك · 09-07-2009, 05:34

ياليت عندي ربع جراتك

من جد دام انه قال اذا اهلك راحوا دقي عليه ابغى اجي معناته تفكيره رايح فيها<<<ولا تقابلينه الا اذا اهلك بالبيت هذي نصيحتي

وانتي برضوا تصرفك غلط تقابلينه من ورا اهلك حتى لو هو طلب انك ماتعلمين اهلك مفروض ماتسمعين كلامه لو على الاقل تقولين لامك

بس ودي اقولك شي بس اخاف الاعضاء يقومون يبكسوني

3 سنوات مملكين ولا تزوجك <<<سلامات وش يحس فيه

بصراحه احسه لعاب وماقالك هالكلام يوم اتصلتي عليه الا ويعتقد ان الناس مثله

لاتزعلين من كلامي بس هذا ماتبين لي

solitary · 09-07-2009, 05:34

والله ماعرفنا لهم ذا الرجال اذا مااعطيتيه بيقول ذي ماتهتم ولا تفكر فيني

واذا فكرتي تعطينه وتقدرينه وتبينين له اهتمامك ماعجبه وصرتي قليله ادب وماتسستحين

احسن لك تسفهينه عشان يعرف انه غلطان <<<<معليش موب سهله يقول شككتيني فييك وقولي له ترا امي تدري اني بعطيك هديه ومره مايدتيني وقلت لها انو انت ماتبي اهلي يحسون بشي قالت لي هذي حياتك انتي وزوجك وتصرفوا فيه ع الطريقه اللي تبون

دلع الطفوله · 09-07-2009, 05:43

وربي بعض الرجال غلط تفكيرهم واصلا اي واحد بالعسكريه قلبو قاسي
تقبلي مروري الصغنونو

ندى الورد2008 · 09-07-2009, 06:02

مشكورين على تفاعلكم وانا ماعمري قابلته من ورى اهلي ومستحيل اسويها لاكن انا كنت ابيه ياخذ الغرض ويمشي وانا باقي صغيرونه على الاقل اخلص الثانوي بعدين اتزوج مو انه هم مطول من كيفه مشكورين مره ثانيه

f117 · 09-07-2009, 06:14

الصراحه زوجتس متناقض يعني ما تقبل انتس تهدينه من ورا الباب واهلتس موجودين وييبتس توافقين انه يجي واهلتس برا

بس لا تلومينه ترا حاله نفسيه بعد الدوره الدورات العسكرسه لعنه جدف شكلهم كرفينه كرف وانواع الاهنات
الشباب اللي يدخلون دورات عسكريه يحتاج تاهيل نفسي بعد الدوره

شقاويهـ · 09-07-2009, 06:29

اقول معليك منه وش هالهباله وافرضي ان اهلك مادرو انتي ماطلعتي بشقه ولا دخلتيه البيت لوحدكم وبعدين ليش يتشرط يقابلك واهلك مايدرون وش براسه ياكرهي فيه لاتزعلين بس من جد يسم البدن اكره الشباب الي تفكيرهم متخلف الواحد ياخذ وحده على سنة الله ورسوله وقاعد يتفلسف مسوي فيها (انا الرجل القوي) ياكرهي لكم بس اهم شي انتي اذا قال اطلعي معي واهلك مايدرون قولي له لا وخليه يصك راسه بالجدار عشان مره ثانيه يفتح مخه زين ويبدأ يفكر كويس زي مايفكرون اهل العقول ... وبامانه لاتزعلين من كلامي ادري انك تحبينه بس انا اكره اي ولد مو بس هذا اغلب الشباب الواحد يبي يحس انه رجال تحصلونه يقعد يسوي اشياء سخيفه

كيان انسانة · 09-07-2009, 06:32

خليها درس لك
اي شي تسوينه معه خبري أمك فيه سواء بتعطينه هدية او غيره

موفقه

كحلها سايل · 09-07-2009, 07:09

قطي وراك اللي صار ؟ ولا تتعبين نفسك ع شخص ما يستاهل ؟
وللأسف خطيبك مدري وش اقولك بس تصرفه غبي جدااااااااااا
وانتي غلطانه من الأساس بتصرفك دامه مايبي يقابل اهلك ؟ فـ ليه تهدينه هدية ..
كان خليتها بالوقت اللي يبي يزورك فيهاااااااا ؟؟
وكلامه لازم تخليه يندم عليه و هذا الشي بطريقتك ؟ بصراحه تفكيريه سسسسسسسسسطحي و غير مبرر
الله يغفر له بس

ظلام الليل k.n · 09-07-2009, 08:30

صراحة خطيبك ذا ما ادري كيف دامه دخل من الباب يرد يدخل من الشباك ليه
وش يبغى يقابلك من ورا اهلك صراحة سمحيلي بس وقح
وانتي غلطانه سمعتي كلامه
بس يمكن ذا الشي صار خيره لانه مو قد المسؤولية هذا احسه يبغى يلعب وبس
وانتي دامك بنت وماصار شي للحين خله واتركيه وقولي لاهلك السالفة من الى وقوليلهم انا ما ابغى واحد كذا
وحطي شوية بهارات <<<<<<<<<وحدة تتحرش
خخخخخخخخخخخخخخ

susete · 09-07-2009, 11:55

والله غريبة بما انه زوجك و مالكين لماذا لا يريد مقابلتك امام اهلك ؟
انا اقول ناقشيه وفهميه وجهة نظرك و انو لي سويتيه مشان ترضيه مو اكثر و انو يحمد الله انك ما قلتي لأهلك انو يبي يشوفك من وراهم وهو لي تفكيرو ناقص لانو شك فيك بعد ثلاث سنوات
حسسيه انو كسر بخاطرك و جرحك وانك عملتي كل هشي مشا ترضيه و انشاله ما تشوفين شر
تحياتي لك

لوله العسوله · 09-07-2009, 15:27

طيب 3 سنوات مملكه وما يبغا احد يعرف ان بنفس البلد
بعدين اش المنطق الغريب في تصرفه
احسن شي جمديه (طنشيه )واكيد راح يعرف غلطه

الوعد باكر · 09-07-2009, 15:35

الله يعينك خطيبك شكاك مره صح غلط اللي سويتيه بس مو يبين أنك فيك شي لاسمح الله لاتعطينه وجه هواللي غلط من أول لمن يقولك أذا راحو أهلك ماأدري أيه طنشييييييييييييه ولاتراضينه وأذا قلك شي قولي له أنا واثقه من نفسي
والله قهرني أحس بتجيك حاله نفسيه بسببه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اتمنى تعطوني رايكم في خطيبي