عالم الحياة الزوجية - منتدى

سعودي20 · 09-07-2009, 22:52

السلام عليكم

والله ثم والله اني اكتب الموضوع وانا ابكي ياشباب حصل اليوم معي موقف صدمة قويه بحياتي
انا خاطب بنت عمتي وعلى وشك اني املك لها لاني تخرجت من دراستي الان وكان الاتفاق بيني وبينها اني لما اخلص دراستي ااملك عليها علما باني خاطبها رسميا من اهلها ومحجوزه لي
والان جا وقت الجد قالت انا مابيه بدون ذكر اسباب وانا احبها اموت فيهااا كانت تحبني واهديها وتهديني
ابوي يصير خالها وهم خايفين من ابوي وردة فعله اكثر من خوفهم علي لان الوالد الله يطول بعمره له فضل عليهم كبيرر وهو كبير العائله والله ياناس مدري وش سوي انا جالس ابكي من القهر صبرت علي سنتين ونص ولما جا وقت الجد قالت انا مابيه لانه بحسبت اخوي؟!؟!؟!؟!؟!
كانت ايام حلوه قضيتها معها كلمتها جوال وتقولي احبك واموت فيك وكانت تهتم فيني
مادري وش الي غيرها والله تعرف اني طيب معها بس مدري وشو الي حاصل ارجوكم وش أسوي مدري وشأكتب بس انا الان ابيها وماتخيل اني بتزوج ببنت غيرها؟ تخيلووو حتى امها قالت انا ماقدر اغصبها على الزواج ولاابوها انتو وشرايكم كلمت ربعي واستشترتهم قالو الي مايبيك لاتبيه علما بان سبب الرفض تقول انها تعتبرني زي اخوها ؟ ورافضه رفض تاام انها تتواجه مع ابوي لانها بتستحي وتقول ماراح اشوف خالي طول مانا عايشه
وشأسوي احبها ياناس ارشدوني والله بنجن بنجن بنجن بنجن
سامحوني على الاسلوب هذا لكن عطوني حل على مصيبتي بليز مالي غيركم بعد الله

unnamed · 09-07-2009, 23:06

كنت تكلمها بدون ماتتملك عليها لمده سنتين؟

very love · 09-07-2009, 23:23

اخي الفاضل اتفهم معاناتك ومصيبتك وأسأل الله ان يفرج همك وبما أن الامر لايمكن أن يكون غصبا , وكدلك البنت رافضة فأقول لك أنها ليست من نصيبك , وأنت يا أخي لابد أن تعلم أن من سنن الله في الكون ألا يصير كل شيء على مزاج الانسان بل تجري الرياح بما لا تشتهي السفن ولك أن تعرف أنك لست أول من يتعرض لهدا الموقف وبعدين ياصاحبي أعتبرها خيرة بل هي خيرة لك ماهو الافضل أن تخبرك الان ولا بعد الزواج ؟ وبعدين ياخي ليش ما تتصور تتزوج غيرها والله ما كثر إلا من بنات حواء دين وأخلاق وجمال سأقول لك أمرا حاول أن تتجاوز الازمة بالبحث عن بنت الحلال وأعلن الزواج وأسمع العالم كله انك لست بعاجز وأن ألف بنت تتمناك وإياك ان تطلبها فلك عزتك وأنفتك .

طالب الحور · 09-07-2009, 23:56

كنت تكلمها سنتين و تقولك أحبك قبل ما تتملك عليها ؟

لا حول ولا قوة إلا بالله

تقول الشاعرة

اللي يبينا عيت النفس تبغيه ........ و اللي نبي عجز البخت لا يجيبه

أسمع الكلام اللي يجمد على الشارب على قولتهم

خذ العلم الأكيد من أهلها و لا أرسل أختك إذا كانت تمون عليها

و خلها تسألها ليش ؟ وش السبب ؟

لا أريد أن أظلم أحداً بكلامي ولكن مجرد رأي

سبب الرفض المفاجئ صراحة يحير

أولاً : كيف تقولك أنها تحسبك محل أخوها و هي قبل تقول أحبك ؟

ثانياً : ربما طراء أمرٌ إجباري عليها . فلا تظلمها

ثالثاً : ربما يكون قد تقدم لها أحد أفضل منك في نظر أهلها فلم يجدوا حيله غير أنهم أجبروا البنت على هذا الكلام .

و بالنسبة لرأيي

فأنا من مع من أشار عليك بتركها

فإذا ههمت بأمر فإستخر الله عز وجل

وسيسهل عليك أمور لا تتوقعها بإذنه سبحانه

najiali999 · 10-07-2009, 00:07

انا لله وانا اليه راجعون
اللهم آجرني في مصيبتي واخلفني خيرا منها
ارجو منك يا اخر ان تحاول تفهم هذه العبارة وتقولها وكلك ثقة بالله فان الله لا يخيب احد لأجا اليه ابدا ابدا حتى ولو كان كافرا
اخي انصحك بقيام الليل والدعاء بكل اخلاص وبكل ما اوتيت من قوة بان يكتب لك فيها اجرا وان تلجا الى النقاش الجاد معها او مع وليا فلربما تصل معها الى حل
ولا تنسى بان تقوم الليل تسأله كل سألك
تقبل تحياتي
والى اللقاء

*دهن العود · 10-07-2009, 00:24

الله يعينك اخي مهي بمعقوله انو البنت ترفضك لهذا السبب انا متأكده انو في حاجه ثانيه هل كان تصرف عملته وكدرها حتى لو ماباحت لك به راجع معاملتك معها او مثلا السبب منها هي يمكن فيها خوف زايد او في اي سبب آخر منها

استخير الله وادعي انو اذا للبنت هذي خير لك ربي يسهل امورك واذا لا يعوضك بنت الحلال الي تملى عينك

لكن ابغى اقلك انو المكالمات الي حصلت مابينكم قبل الملكه كانت خطأأأأأأأأأأأأأأأأ كبيييييييييييييييير خاصه وانها طولت سنتين

الله يوفقك

لا تنسى الدعاء

-تحيات كشووخه-

من جنبها · 10-07-2009, 00:48

خلك رجال وانا اخووك ولا تبكي
خيرهاا بغيرهااا يلاا عاد امسح دمعتك والا شفلك صرفه قل اقطع بصل خخ

والله جد اخوى الله يعينك والغلط عليهااا ماراعت الشعور والاحساس
الله يهديهاا ان شالله

وبتوفيق

واقعيه مره!! · 10-07-2009, 00:55

اسأل ولا تسكت وتنسحب ..

انا ماقولك اتركها ..يمكن انها مجبوره ..وانت تقول انكم كنتو تكلمون بعض ..كلمها ..اسألها ..حلفها بالله ..قول الصدق حنى لو كان جارح ..

وبترتاح لو تعرف السبب الحقيقي ..لان كلامها مره مو معقووووول ابدا ..

اسأل عن السبب ..

والله يريحك وويسر لك امرك يااارب ..ويحقق لك امنياتك ياااااااااااااااااااارب ..

وبالنسبه للبكاء..والله انك كبر ت بعيني وهذا معناه حب صادق حقيقي مو قل رجوله ومدري ايش ..

صيح لين ترتاااح ..

الله يكتب لك اللي فيه خير

سبب ضعفي نظرته · 10-07-2009, 00:56

الله يكون بعونك بس لازم تسالها او تطرش عليها أحد وأعرف السبب ..
قاعده تلعب بمشاعرك هذا والا شنو ؟؟؟؟!

no0o0 · 10-07-2009, 01:44

الحمدلله جت منها
غريبه متعلق فيها رغم انها ماتبيك
ليش تبغى احد مايبيك ؟!
واللي خلقها خلق غيرها
لكن شوف يمكن ربي بلاك
يعني سنتين تكلمها بدون ملكه
يعني مكالماتكم حراااااااااااااااااااااام هذا ان كان ماملكتو
الله يعوضك باحسن منها

زيــ أبيهاــــنت · 10-07-2009, 02:07

اخوي اول شي شوف ليش اهي ماتبيك اذا كانت من عقلها ماتبيك فا انت لاتبيها لاانت اول ولااخر واحد تتركه خطيبته انت بس خطبه في ناس يملكون وفجائه تبطل العروس(اذا انت امسوي في عمرك كذا اجل هذول ايش يسوون )اتركها وبعد فتره راح تنسها (وعلى قولت اختي بعد كم شهر راح تتزوج غيرها وتقول لهل انا ماعرفت الدنيا الا يوم تزوجتش)

وعلى قولتهم روحي وهل مره خلص لاتردين<<<متئثره بي الي تسمعه

باااي

мϊŝŞ ŗĴąĦ · 10-07-2009, 02:13

مااقوول الا الله يعييينك ياااربي يمكن خيييييييره لك
وخل عندك عزة نفس ولاتضعف هي الخسرااانه بعدييين ع قووولت القااايل اللي مااايبينااا مااانبيييه
وبالتوفييق

قاهرةعذالها · 10-07-2009, 02:14

غرررررريبه اول تحبك والحين تعتبرك زي اخوها!!!!!!!
انت مو تعرف رقمهااا ارسل لها رساله وقولها ليه ماتبيغيني؟؟؟؟

لانه كلامها انها تقول تعتبرك زي اخوها مو سبب مقنع

لان قبل كانت تحبك
الله يوفقك ويكتبلك الخير
تقبل مروري

غنوجه ابوهااا · 10-07-2009, 02:24

ربي يوفقك

صدقني ..بماانها باعتك ..لاتدوووووور عليها

وربي بتلاقي الي تعشقك ..<<<<ممكن تقول انا ابيها ..بس بتكون لفتره وبس

اما انك تبيها بعد ماقالت لك ماابيك <<<مااتوقع

ممكن تكون مقهور لكن صدقني بتنسى مع الايام

وربي يوفقك

سعودي20 · 10-07-2009, 02:37

الله يبرد قلبكم ياناس زي مابردتو قلبي
انا ماكنت اكلمها كثير خلال السنتين الي فاتت كلمتها تقريبا 5 مرات بما اننا بعائله واحده والسبب الحقيقي بنظرها ان مافي سبب على رفضي
بس والله انا مقهور جدا على الي حصلي
ومستغرب من نفسي كيف ضعفت
وعلى فكره العلاقه بين امها الي هي عمتي وابوي الي هو خالها انقطعت تماما بسبب هذا لموضوع
والعائله مصدومه ولااعتقد ان ترجع الامور بين عائلتنا وعائلتهم ابدا ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اكتب الموضوع وانا ابكي والله ابكي < دموع قهر