عالم الحياة الزوجية - منتدى

لورااا · 10-07-2009, 23:51

مساء الخير

اخواني واخواتي ابي رايكم في موضوع شاغل بالي ببتدي فيه من غير مقدمات
انا مطلقه من سنه ونص تقريبا وعندي ولدين والحمدلله واولادي عايشين معاي ومن صار الطلاق ابوهم ماشافهم ولاطلب يشوفهم الا مره وحده في بداية الايام والوالد رفض يقول : اذا دفع مصروفهم الشهري واستمر في دفع مصروفهم راح يسمحله يشوفهم متى ما بغا - اما اذا ما صرف عليهم ماراح يشوفهم ابد - وانا رايي من راي الوالد فعلا ما يستاهل يشوفهم ولا يفرح فيهم الا اذا التزم بمصاريفهم - لكن المشكله ان الولد كبر شوي وقام يسأل عن ابوه ويتخيله في كل مكان وعلى طول في باله وانا احس ان الولد محتاج لابوه ووده يشوفه - والحين انا محتاره هل اكلم الوالد واطلب منه انه يسمح لابوهم ياخذهم بالاسبوع مره وحده ؟ لأن عندي احساس انه لما يشوفهم يمكن يحس فيهم ويدفع المصاريف - او اسكت واخلي الامور على ماهي عليه ؟ واذا عندكم راي او اقتراح لا تبخلون علي

ولكم مني كل الشكر و فائق الاحترام

راقي الرياض · 11-07-2009, 00:21

ولله ونا اخوك بوجهت نظري حرام يحرمون من حنان الاب لزم يحس انه عنده اب وناقشي ابوك بالموضوع مو معقوله زملائه بالمدرسه يحكون عنده رحت وجيت مع ابوي عالشئ يجرحه ويصيبه بالحزن والمرض النفسي لا ونا اخوك احرصي على الموضوع لازم يشوف ابوه ويعرفه والشئ من صالحك والله يوفقكم ويرجعكم لبعض

حبيب اراوي · 11-07-2009, 02:48

لا أختي كلمي والدك وخلهم يروحون لأبوهم تكفين

لا تحرمين أبوهم من شوفتهم حرام عليك

حتى لو كان غلطان خلك أحسن منه

الله يصبرك

(من جديد ) · 11-07-2009, 02:54

يا اختي يمكن روحة عياله له تخليه يصرف عليهم
واذا هو ما صار بقلبه حنان ونسى عياله فاعتقد دورك ان لا تجعليه ينساهم

يمكن اليوم مايصرف عليهم لكن اذا تباعدوا عنه اكثر مستحيل بيصرف عليهم
والمصاريف مو بس اكل وشرب
جاية جامعة وسيارات وزواج يمكن

خليهم يتقربون لابوهم يمكن ربي يحنن قلبه عليهم ويخليه ينتبه لوجودهم

ولو مانتبه فتكوني برئتي ساحتك امام ابنك انك مامنعتيه عن ابوه

الطفل ما يستوعب الخلافات
الي بيشوفه وابوه بيقوله له بعد زمان انك وابوك الي منعتيهم عنه وانه مسكين يبيهم
وقتها اش بتستفيدين غير غضب ابنك ويمكن حقده عليك لو صدق ابوه

خلهم يروحون لابوهم وهم بالنهاية الي بيحكمون
ان هو جيد بيصير جيد معهم ومابتخسري شي مهما يكون هو ابوهم

ولو ماصار جيد معهم خلهم يعرفونه على حقيقته ويحسون حجم تضحيتك معه

الدلال كله لي · 11-07-2009, 02:58

حبيبتي كيف تبينه يحس فيهم ويصرف دامه مايحتك فيهم قلب الاب مو مثل الام يرق

لازم تواصل بينهم عشان يحس بالمسؤليه وعلمي عيالك يطلبون منه حاجاتهم هو مسؤل عنهم00

كـلـي حـركات! · 11-07-2009, 03:00

لا حول ولا قوه الا بالله

اغلب الرجال اراهم هكذا البخل يجري في دمهم وشراينهم

كلي حركات!

لورااا · 11-07-2009, 14:03

مساء الخير او صباح الخير

اشكر كل من تجاوب معي واتضح لي انكم كلكم اجمعتوا على راي واحد

الف شكر لك اخوي (( راقي الرياض )) (( حبيب اراوي )) واختي (( خطرفة كلمات )) (( الدلال كله لي )) و (( كلي حركات ))

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الى كل من له رأي ؟