عالم الحياة الزوجية - منتدى

عزابي2009 · 12-07-2009, 15:53

اقتباس:

المشاركة الأصلية كتبت بواسطة عزابي2009

مساءكم وصباحكم حب وسعاده وود وورد ورياحين

اسرد لكم قصتي الخدًاعـــــــــــه

حبيت منذ ايام الثانويه وبالصدفة جت بنت جيرانا تقريباً كانت بالاول متوسط طبعاً لم تعجبني اي بنت من قبل وكانت البنت الوحيده الذي تخلدت في قلبي وعيني وروحي وجسدي وكلها على بعضها جنان ويمكن تكون حنان
تصدقون مواصفاتها لسى في راسي آه
وكنت وقتها عندي اختبارات طبعاً واحد مجتهد بعد ماشفتها الله يخلف على المذاكره وع الاختبارات وكانت اختبارات نهائي طبعاً كنت بثاني ثانوي يعني عادي ماتدخل بالنسبه

آآه وبعدها بنيت الاحلام وعشت بأوهام وكل يوم اتمشى اروح للبقاله اللي جنب بيتهم عشان اشوفها للاسف ارجع ومااشوفها وكنت حارس امن لصاحب البقاله كل يوم موقف على باب بيتهم انتظرها بس تتطلع بس بشوفها لأني ماراح اكلمها اخاف انها تبلغ اهلها وهم جيرانا وحق الجار على الجار تحب بنته وتتزوجه هههه المهم

وكنت اوقف على الباص حق المدرسه كل صباح لين اشوفها طبعاً مو مثلها وهي بالبقاله تركب الباص كانت لابسه عبايه وتركب ياحرام ولادرت عني ولافكرت ان فيه واحد بيفكر فيها ومتعذب عليها وارجع للبيت واخذ كتابي واراجع شوي واقلب الصفحه واتذكرها واغير مكاني واشوفها وارجع لنفس الصفحه ومافيه فايده واذهب للامتحان واختبر وارجع وانام وكنت افكر فيها الله الاعجــــــــــاب هذا ماجاء بوقته اووووف وقلت يارب اني انساها وماافكر فيها

المهم بعد كل يوم اروح اناظر وهي بتركب الباص طبعاً معاها خواتها اكبر منها واصغر منها بس مايدروون اش قصتي كل يوم اطلع واناظر وكل يوم اوقف عند البقاله كأني حارس امن اححححححححححح وتصدقون تمشي الايام وتنتهي الاختبارات وتجي الشهاده منتقل للصف الثالث ثانوي اووف يعني لازم اغير حياتي لازم انسى البنت هاذي وبعد مأخذت الشهاده جلست يومين بالبيت تفكير وهم وغم ومره اقول يارب تجيب العواقب سليمه واشوفها بكحل عيني المهم

قالوا خواتي بنروح نستلم الشهاده قلت فرصه انا معكم ايش انت تودينا ياسلام يعني انت من جدك قلت ليش المهم وانا اودي خواتي للمدرسه ياسلام وكان قلبي يخفق والرئتين تتشهق بدون زفير اول مره بأحس بنعمه الرئتين وتجي اختي ناجحه قلت الف مبروك واختي الثانيه تنتظر شهادتها طبعاً اختي الثانيه بنفس صف البنيه المعجب فيها ياحلوها فديتها
المهم وانتظر بالسياره طبعا ابو البنت موجود اللي هو جارنا قال ياولدي انا خلاص البنات كلهم خلصوا مابقي الا بنتي فلانه قلت آآآآآآآآآآآآه واخير طبعاً بقلبي بشهيق وزفير المهم قلت انا بوديهم ياعم قال خلاص هي بتطلع مع اختك وروح وديها معك لأن انا بروح انام قلت ابشر ماطلبت شي وبنتك بعيوني اثنيتين قال تسلم لي عيونك .......................................
.....................................
......................................
آسف على الاطاله بس قصتي مع اعجابي الذي سوف يتحوول الى حب وحب حقيقي تابعوني بجزئي الثاني وسوف تكتشفون ماهي نهاية الاعجاب وكيف يتحول الى حب و...... تحياتي لكم واسف على الاطاله

آسف على التأخير بطرحي للجزء الثاني ويارب يخلص وبحاول اختصر فيه عشان يكون الجزء الاخير بسب ظروف العمل ماقدرت انزل موضوعي اكرر اسفي لكم واقبلوا مني خالص تحياتي وتقديري لك من يقيم موضوعي فهي قصتي حقيقه ومحزنه بس فيها رومنسيه لذلك بعض المواجع بالقلب
الحقيقه وراح ابوها وبناته وبقيت انا واختي بسياره ننتظر وانا على احر من الجمر كأني بستقبل ملكه وليست بنت جيرانا كأني بستقبل ملاك اححححححححححححح والثواني تصير دقايق والدقايق تصير ساعات اخخخخخخخخ متى بتطلع متى بشوفها
وبنات طالعات وبنات داخلات وعيوني بس تبلبص وكأني شغال بالمباحث الحقيقه اني تمنيت نفسي فراش المدرسه وانزل من السياره واروح للفراش وقلت نادي اختي قال باقي نص ساعه قلت اوووووف
المهم وتروح نص ساعه والا هاذي اختي قلت ياهلا قالت ابشرك نجحت قلت وين فلانه قالت ايش قلت
ابوها وصاني عليها قالت طيب قلي مبروك قلت مبروك بس وين بنت جيرانا قالت دقايق بنادي عليها وتجي اختي ويجي الخوف ويجي الرعب ويمغصني بطني وترفع الرئتين فوووووق ونبضات القلب تسرررررررع وعداد السرعه يرتفع يرتفع خخخخخ
والا وهي جايه تمشي سم الله عليها عيوني طبعاً تخز خز قلت فرصه الحين بكلمها وبصارحه
المهم وهي بتركب واسولف مع خواتي قلت ماشالله عليكم كم ترتيبكم ان شالله متفوقات هههههههههه
وانكت ولا احد يضحك حتى خواتي مايعرفن يضحكن مجامله المهم وانا اوقف عند احلى بقاله هههههههه
قلت وش تبن يابنات قالت اختي ابي انزل معك قلت لا انا بشتريلكم نجوحه يابنات قالت اختي اوكي انا ابي حليب السعوديه قلت هلا هلا بالسعوديه
واختي الثانيه جالسه تتذكر قلت خلاص فهمتك اكيد تبين حليب المصريه خخخخخخخخخخخخخخخ
المهم وبنت جيرانا تدووووخ من الضحك خواتي يضحكن بس للاسف مااسمعهن بس اسمع ضحكت حبوبي هههههه يامحلاها من ايام ومن ليالي المهم قلت اخلصي بسرعه وشتبين اكلت راسي الشمس قالت جيب حليب فراوله
وانا افكر بنت جيرانا المستحيه ومتغطيه قلت شوفي بنت جيرانا وش تبي
قالت اختي قفل الباب وبسئلها قلت اوكي وقفلت الباب وانتظرت اخر شي فتحت الباب قالت ماتبي شي قلت خلاص بجيب لها عصير طماطم
وانزل للبقاله واجيب جركل كوكتيل واحد لحجي ههاي واكواب سفري
بس قلت بمشيكم اشرايكم يابنات قالت اختي وجع ان شالله قلت يوجع عدوك وبنت الجيران تضحك الاخ مسوي فيها طيب
ونتمشى شوي ونسكت بدون سالفه المهم قلت خلاص شكلكم مو وجه تمشيه مكانكم تعرفنه قالن وشو مكانا قلت السجن قالت اختي يهب بوجهك قلت ليش سجنك بيتك انا متفضل عليكن ومشيكن ومسكتات الوحده محزنه
المهم واروح لبيتهم واوقف ويقفل الباب اللي عندها قلت ياسلام فرصه اروح افتح لها من براء واروح وافتح لها الباب قلت مبروك النجاح وكل عام تنجحي مسوي فيها طيب آه بس لو قلت كل عام وانتي حبيبتي وساكته وكأنها طرشا لم تسمع صوت قفت من عندي
وقلبي يطق طق وله خرفشه مثل طق الطيران احححححححححححح

وتجي العطله الطويله السعيده المبنيه على الاحلام والاوهام
وكنت بس جالس عند باب بيتهم انتظرها متى تطلع المهم ويجي المغرب وتجي البعاضه تعرفونها اللي تمشي وتبخر كأنها مبوشه اللي تقتل الباعوض
المهم وانا جالس الا والله البنات يركضن وراء البعاضه وانا اطالع الا وهي المحروصه ومعها بنات خالتها
قلت فرصه وانا احذف نعولي وانتم بكرامه وطرد وراهم المهم وانا اقرب وكأن شي ينفتح قدامي وهي توقف المسيره وبنات خالتها مواصلات المسيره وتناظرني بنظرات الحب بنظرات الاعجاب بنظرات الاسئله بنظرات البراءه بنظرات التردد ل
حظه ولا احلى لحظه واسكت وهي تسكت حان الصمت ويرجعن بنات خالتها الله لايعيدهن ويقلعهن
المهم وانا اقول وش فيك انتي تطردي البعاضه اخخخخخخخخ خربت على نفسي وهي تحط راسها بالأرض وهي بترجع على وراء لين وصلت بابهم قبل اسبوع شايفها بعبايه واليوم بنطلون الله مااحلى الحظ

المهم وارجع للبيت وكلي ابتسامات وكلي عتب على نفسي ليش ازعلها ليش اقول لها كذا ليش وليش وليش تصدقون حتى دموعي كانت تذرف من عيوني وتوصل خدودي وتنقط على رجلي وانا جالس اتحسر واقول بالعمر فرصه وحده اذا مااستغليتها ماتنجح معك

المهم وتمشي الايام وتمشي السنين والشهور وكانت امها بتسير عندنا وكل ماشفت امها كأني شايف بنتها احححححح وكانت ايام مليانه بشوق وحنان المهم واخر مره بشوف حبيبي فيها بالبنطلون كانت اخر مره بعدها لبست عبايه ولفه والسنه اللي بعدها كلها عبايه ولم اراء شي اه وراحت الايام ومشيت السنين وقلبي وراءه وكنت اسئل اهلي وش اخبار جيرانا وش اخبار ام فلان بناته تزوجن ايه تزوجت قلت مين قالوا الكبيره قلت اشوا الحمدلله المهم تزوجن خواتها قالن لا طبعاً هي الثالثه ترتيبها من خواتها وتزوجت الكبيره وبقت وحده اكبر منها وقلبي مطمن قلت ادرس واخلص الجامعه واجي واخطبها واتزوجها المهم دائما اسئل عنها وعن دراستها طبعاً مااحد يدري الا واحد من اصحابي كان كاشفني لما كنت اجلس مقابل بيتهم وشافني مراقبني ومراقب تصرفاتي
المهم تخرجت من الجامعه والحمدلله وتوظفت وقلت الحين فرصه بخطب البنت طبعاً علاقتي معهم مثل العسل تصدقون كنت اقول لأبوها ياهلا بأحلى رجل بالعالم طبعاُ هو مايدري وش النواي مايدري ان عنده قمر بيته ان عنده بدر ساطع ماشالله عليها الله يحفضها ويخليها لغاليها ويحميها من كل شر وسو
المهم وكنت اتصل بستمرار على امي وقول لها يمه تقول نعم من تزوج بالحاره قالت ايه تزوجن بنات كثثير قلت هاه قالت فلانه وفلانه وقلبي ينتظر تقول فلانه وكانت تنطق اول حرفين من اسمها واشهق ابموت وتصير وحده ثانيه قلت ماشالله الله يرزقهم بالذريه الصالحه قالت ياوليدي انت متى بتتزوج قلت افا يمه انا توني صغير قالت لا يوليدي انا بخطب لك فلانه وشرايك قلت لا خليها بعدين
المهم واخذ شهر كامل واتصلت على امي قلت يمه فلانه الكبيره تزوجت قالت لا اها قلت طيب وفلانه اللي اصغر منها تزوجت قالت لا وقلبي يرتاح وشراييني تطق طق وروحي تتنفس وشهيقي يتغير وصوتي ينعم قلت يمه وشرايك لو خطبتي الصغيره اللي قالت ايش قلت الصغيره قالت ياوليدي هاذي تدرس بأولى كليه والا انت تبي وحده مخلصه الكليه عشان ماتوجع راسك بالدراسه قلت اها طيب من تبي تخطبي لي قالت انا بدور لك قلت خلاص الا من اسبوع وهي جايبه قايمه تقول فلانه قلت لا قالت فلانه ستين لا قالت فلانه قلت عمري مافكرت اني اخذها بغرفه وحده قالت فلانه قلت اخوانها مو حلوين قالت فلانه قلت لا المهم قالت انت بكيفك

واقفل من امي وافكر واقول ياترى يقولون القلوب عند بعض انا اسهر الليل وبس اقول اسمها وبس انسى وقول اسمها عند اصحابي وبس اتحلم واقول هي معي بسياره هي بجنبي هي عندي مره احطه بيدي اليمنى ومره بيدي اليسرى ومره اتخيلها قبالي ومره اتخيلها بين احضاني وعمري مااتخيلت مخلوقه او نسانه بالدنيا اجلس معها الا هي

آآآآه كنت اسمع اهل الحب مساكين اهل الحب سكارا اهل الحب قلب دب اهل الحب مافيه حب اهل الحب تعب وبس وكنت اقنع نفسي واقول ليش احبها البنت نايمه ولادرت عني بس ارجع واقول لا مستحيل قلبي يحس ويحن ليها من دون البشر واذا شفتها بسوق عرفتها مع ان لي 6 سنوات وقابلتها قبل اربع اشهر وعرفتها من بين خواتها وقفت وقفه لم انساها وهي تمشي ولادرت عني ولاشافتني بعيونها لأني انا كنت ماابيها تشوفني لأني اتزوجت ونسيتها وبحاول انساها

المهم اني لما قلت لأمي بخطبها قالت وربي ان مافيها من الجمال ولا شي قلت حرام يمه انا كنت اذكرها ملاك قالت لا ياوليدي عيون الناس اكلوها تصدق انها كانت حلوه بس تغير الحين لو تشوف خدودها لو تشوف عيونها لو تشوف قلت ايش قالت اللي سمعت معقوله يمه طيب انا ابيها قالت مالك نصيب ياوليدي واذا تبيها انا ماعندي مانع بخطبها لك وانت وحظك انا مالي دخل لاتقول ماقلتلك ترا بتنصدم

المهم وانا انصدم وقلت لأمي عادي يمه خلاص انا ماافكر بالزواج قالت بكيفك اذا فكرت تعال وقلي
وتروح ذيك الليله كوابيس ودموع تصدقون كنت ابكي وكنت اقول الرجال لها دموع ياليتها تدري عن دموعي تصدقون اخذت تلوفون البيت وقلت لازم اسمع صوتها لازم اصارحها لازم تعرف اني احبها واخذت التلفون
وقلت الووووو
نعم مين قلت انا نوره وين فلانه طباً انا اقلد صوت بنت قالت انا فلانه قلت لا بتمزحي قالت وربي اني انا فلانه قلت انا حصلت رقمك ويقولوا انك شاطره بالكليه وانك مودبه وحلوه قالت ايش انتي شكلك مجنونه انتي اش تبي لحظت صمت مني ودمعه على خدي وقفلت وقلت اه ياليتك تدري مين اللي اتصل واحد يحبك ويموت عليك ويبكي الليل بس للاسف ماتدري تحسبني خويتها بالكليه

المهم واليوم الثاني وادق بس بسمع صوتها قلت انا اسف النمره خطاء
المهم واقفل وقلبي يقفل وامي طبعاً ماتدري اني احبها للدرجه هذي تقول لا عايدي مايعرفها ماتدري اني اموت واحياء عليها اني اسهر الليل واحضنها اني احبها لحد الجنون احححححححح بس انا بنساها

اا شكلي طولتها معكم لكن ترقبوني بجزئي الاخير
امزح خلاص نهايت القصه بختصرها لكم اني اتوظفت الحمدلله والحين رحت وخطبت بنت ولا على بالي ابدا خطبتها وافقم وشفتها ولبستها الدبله والشبكه والحقيقه اني اتخيل انها حبيبت القلب مادري ليش
تصدقون اني داخل واتمنى انها هي واتعوذ من الشيطان واقول خلاص انساها وانسى اني فكرت فيها
المهم بعد ماشفت البنيه تصدقون قلبي حن عليها وبداء فيني حب جديد حب من من بذره والان الجذور تبداء تنغرس بقلبي وحبي الاول يأخذ وينسحب وحبيبتي زوجتي الحين بدأت تأخذ مكانها كل ماارسلت لها رساله وكل مااشوفها يزيد حبها
الله يديم حبها ويسعدني معها وتكون لي خير من حبي الاول يارب
يارب انك تسعد حبيتي الاوله تدرون اني شفتها بعد الملكه بالسوق وثلت بقلبي انا اسف اللي مااخذت ولاخطبتك طبعا هي تمشي ولاشافتني انا كنت اراقبها واشوفها والحين احس ان زوجتي اقصد عروسي تأخذ مكانها ويارب عساني انساها وتكون ذكرى مهمله بسله المهملات

المهم حبيتي الاوله اقصد اللي انعجبت فيها باقي لها سنه وتتخرج عسى الله يوفقها ويزوجها الزوج الصالح لأني وربي ان ادعي لها انها تأخذ واحد كفو لها يكون يسعدها وهي بتسعده اححححح
ا

انا اسف طولت عليكم وحبيت اختصر فيها عشان ماتكون ممله ودي بالمفيد

لاتحسب القلوب عند بعض صدقني اني اخاف انها حاسه فيني اخاف انها تفكر فيني اخاف انها انصدمت لما خطبت بنت خالتها اخاف انها مجروحه
معليش ماعندي احد افضفض له الاانتمم لأن زوجتي لو تدري اني احبها صدقوني بتبكي واخاف عليها انها تسمع عن حبي هذا وتسئلني عنه
اخاف من ان لون وجهي يتغير وتجبني لحظة صمت انا حتى اسمها اذا سمعت طعن في صدري خنجر احححححححح
الحب متعب
من جد هاذي قصتي وكانت وربي دموعي حقيقه كنت احبها بس نهايتها بتعرفونها فول بلاحمص بس دعواتي لها ويهني الحين من بياخذها ومن بتروح وكيف تكون حياتها شكلي ببوس عيالها اذا طلعوا على الدنيا بقول هذا بوسي لأمكم اللي تمنيت اني ابوسها تمنيت اشم عطرها المس خدودها وهذا عنها وسلم على امك قل خالوا يسلم عليك

مواجع وحب ودموع وفراق وقهر

بس يارب تكون خيره لي لاتكرهوا شي عسى ان يكون خير لكم

كيان انسانة · 12-07-2009, 16:10

كل واحد فيكم راح لنصيبه
هي ربي يوفقها ويرزقها بالزوج الصالح
وانت حاول تناسها ولا تتذكرها دايم ومع الوقت بإذن الله راح يزول اللي تحسه الحين
والله يوفقك انت وزوجتك ويديم بينكم المحبة

عزابي2009 · 12-07-2009, 16:17

اقتباس:

المشاركة الأصلية كتبت بواسطة كيان انسانة

كل واحد فيكم راح لنصيبه
هي ربي يوفقها ويرزقها بالزوج الصالح
وانت حاول تناسها ولا تتذكرها دايم ومع الوقت بإذن الله راح يزول اللي تحسه الحين
والله يوفقك انت وزوجتك ويديم بينكم المحبة

ايو الله انك صادقه كل واحد اخذ نصيبه
يارب الله =يوفقها ويوفق جميع البنات الصالحات
وربي اني احاول انساها لأني عندي زواجي مابقى عنه شي وان شالله انها بتغرس الحب من جديد وينهي الحب القديم

امين الله يسمع منك وانتي يارب يوفقك ويسعدك مع زوجك ومع احبابك وغاليك

تحياتي لك ولردك ومتابعتك لموضوعي

gege2009 · 12-07-2009, 18:15

يااااااااااااااااااااااااااااااااااااااااااااااااا اااااااااااااااااااااااااااااااااااالــــلــــه نهـــــــــــــــــايه (وش اقووول الله يكتبلك الي فيه الخيييير)

زيين كملتها ماصار فيها جزء أخير (سلمته من لساني)..

بتاخذ بنت خالتها بتتعذب اكثر كل ماذكرت اسمها...لاكن اذا زوجتك سكنت قلبك طبعا شي ثاني(عن تجربه) راح تكووون عادي .. اذا انذكر اسمها عندك بس بتتمنى لها الخييير ... لان حبيبتك بقلبك مستوطنه (الي اهي زوجتك) انت بس اسمح لحبك الجديد يكبر ويكبر وبصدق مشاعر (صدقني راح تتعدى الخوف الي جواتك )....(مجربه من طريق ثاني مو شرط حبيب بس بنفس الجنون الي عشته)...

ههههههههه حلوة حركه احب عيالها سويتها منقبل...

انت خايف انها تفكر فيك اتوقع لا ..لانك انت ماعطيتها اشارة .. تعذبت لوحدك..

يابخت زوجتك ماشاالله ... آآآآآآآآآآه ...الله يرزقنا واحد يقدر وخومنسي...

الله يوفقك ياروميو ويخليلك جوليييت الجديدة...ههههههههه

الله يوفقك في حبك الجديد .... استمتعنا بالقصه (خبل) بس النهايه غييير متوقه...مستبدله بحب جديد
نننتظر قصة حبك الجديد هههههههه
الله يوفقك.

THE SKY COLORS · 12-07-2009, 18:32

ماتدري وين الخيره فيه
اهم شيء انك كنت حاط ربك قدام عينك ولا لعبت على بنت جيرانكم المسكينه يعني مادرت عنك
والله يوفقك مع خطيبتك الجديده

~ تَـــــــــرَف ~ · 12-07-2009, 19:15

ربي يسعدك ويهنيك مع خطيبتك آلجديده وآلله يكتب لبنت جيرآنكم آلخير وآلسعآده وآلزوج آلصآلح ,,,

عزابي2009 · 12-07-2009, 20:57

[quote=gege2009;5204845]يااااااااااااااااااااااااااااااااااااااااااااااااا اااااااااااااااااااااااااااااااااااالــــلــــه نهـــــــــــــــــايه (وش اقووول الله يكتبلك الي فيه الخيييير)
ياااااااااااااااالله رد ولا احلى الحقيقه رفعتي فيني امين الله يكتب لي اللي فيه الخير
ويوفقك انتي ويزوجك اللي براسك واللي يسعدك
زيين كملتها ماصار فيها جزء أخير (سلمته من لساني)..
خلاص كملتها وارتحت عشانك اختصرتها والا هي طويله عريض وقفت وجلست وانتظرت وبكيت وحنيت وابتسمت و وا وال
يمكن اني بنقطع عن النت فتره طويله يمكن تكون 6 اشهر بس وربي بيوحشوني الاعضاء
بتاخذ بنت خالتها بتتعذب اكثر كل ماذكرت اسمها...لاكن اذا زوجتك سكنت قلبك طبعا شي ثاني(عن تجربه) راح تكووون عادي .. اذا انذكر اسمها عندك بس بتتمنى لها الخييير ... لان حبيبتك بقلبك مستوطنه (الي اهي زوجتك) انت بس اسمح لحبك الجديد يكبر ويكبر وبصدق مشاعر (صدقني راح تتعدى الخوف الي جواتك )....(مجربه من طريق ثاني مو شرط حبيب بس بنفس الجنون الي عشته)...

كلامك عسل اه اخاف تسير علينا واخاف عيوني تناظرها واخاف فمي ينفتح ولساني يدلع وعيوني تتفتح وقلبي ينشرح و و و احححححححح بس يارب تعين

فعلا انا بحاول اني بنساها واكيد اني انساها اذا زوجتي عطتني كل قلبها وان شاالله راح اتعدى الخوف اللي جواتي اله يسمع منك ياجيجي

مجربه من طريق ثاني,,,,, مافهمت يعني انتي حبيتي شخص ثاني حبيتي وانجرحتي ياليت اذا عندك عبره تكتبيها لي ودي استفيد وتفيدي اخوانا العضاء لان بعضهم يجهل الحب ويجهل احساسه وطعمه
ههههههههه حلوة حركه احب عيالها سويتها منقبل...
هههههههههه لاتلوميني بعوض الايام والسنين اللي راحت وبشم عطرها اكيد فيه من طبع امه وفيه ملامح من امه صدقيني غير اصاحب زوجها واسير عليهم واذوق من قهوتها من ايديها
انت خايف انها تفكر فيك اتوقع لا ..لانك انت ماعطيتها اشارة .. تعذبت لوحدك..
ليش لا مايقولوا القلوب عند بعض
ليش من دون البنات اهي الللي دخلت راسي وقلبي وتفكيري وعقلي وكلي
يابخت زوجتك ماشاالله ... آآآآآآآآآآه ...الله يرزقنا واحد يقدر وخومنسي...
احسن مافيك انك ذكرتي الله ياشيخه الله لايغير علينا ولاعليك ويسعدك انتي وين مارحتي دعواتي لك

الله يوفقك ياروميو ويخليلك جوليييت الجديدة...ههههههههه
هههههههههه رومبوا والا جاك رومبوا شكله هـــــــــــنــــــــــدي صح يخليلي روز الجديدهههههههههه
الله يوفقك في حبك الجديد .... استمتعنا بالقصه (خبل) بس النهايه غييير متوقه...مستبدله بحب جديد
ويوفقك انتي ويعطيك على قد نيتك استمتعت بردك المرثي والمعزز بالفتامين واوا شكلي بنزل عشرين قصه هههههههههههه وكلها حب ورومنسيه ومكالمات وحب والغاز خخخخخ
نننتظر قصة حبك الجديد هههههههه
هههههههه لاقصة حبي الجديده خلاص بعطيك حبي الجديد وشلون ينبت وشلون ينمو بس بشرط اذا عطيتني قصتك اللي تقولي مجربه بنتظرها ...
الله يوفقك.
ويوفقك انتي وين مارحتي ويخليك لغاليك ويزوجك ويسعدك باللي تتمني

تحياتي لك ولردك المعزز بالفتامين سي خخخخخخخخ اخوك عزابي 2009 يشكرك

عزابي2009 · 12-07-2009, 21:08

اقتباس:

المشاركة الأصلية كتبت بواسطة THE SKY COLORS

ماتدري وين الخيره فيه
اهم شيء انك كنت حاط ربك قدام عينك ولا لعبت على بنت جيرانكم المسكينه يعني مادرت عنك
والله يوفقك مع خطيبتك الجديده

صح الواحد مايدري وين الخيره بس يارب تهدينا لما فيه خير لنا وتسهل لنا وتجعلنا من اهل الخير

اكيد ربي معي وين مااروح
مستحيل باللعب بالبنت بيصير ذنبها برقبتك لابخليها تعيش حياتها وخلي الحب من طرف واحد اخاف لو تعطيني قلبها اخاف واخاف اني انسحب
بس صدقيني اني ماراح اصارح احد غيركم لانكم انتم الوحيدون الثقه لأني بنك مستعار وبلا عنوان بس اخاف تقراء القصه وتجي بين ايدينها وترسل لها بلوتوث ملاحظات وتقراءها وتتذكر اذا كان لها ذاكره بس لا مستحيل

تحياتي لك ورربي يوفقك ويعطيك العافيه على مداخلتك

عزابي2009 · 12-07-2009, 21:11

اقتباس:

المشاركة الأصلية كتبت بواسطة ~ تَـــــــــرَف ~

ربي يسعدك ويهنيك مع خطيبتك آلجديده وآلله يكتب لبنت جيرآنكم آلخير وآلسعآده وآلزوج آلصآلح ,,,

امين الله يكتب لها الزوج الصالح اللي بيستاهلها
وانتي يوفقك ويكتب لك اللي فيه الخير لك ولايغير سعادتك

شاكر لك ردك

ناعسه الهدب · 13-07-2009, 06:10

الله يوفقك عزابي ويسعدك............... ويسعد بنت جيرانكم ويزوجها الزوج الصالح-
بس تدري الحب حلو وخاصه من اولاد الجيران بس غالبا ماينتهي بزواج ليه مادري...................يمكن مافيه اسباب مقنعه.....................
ع العموم الله الله بزوجتك

ولايضيق صدرك وانا اختك
تقبل مروري يالغلا

الـثُــريا · 13-07-2009, 10:08

يااااااااااااااه ياعزااااابي مدري ليش احس اني اعرفك اسلوبك مو غريب علي !!!!
لايروح بالك بعيداطمن ماأعرفك بس من جد اسلوبك رائع جدا بالطرح يذكرني بواحد عزيز علي 00مدري انتم كلكم ياشباب تتشابهون بطريق الكلام !!!
ع العموم الله يوفقك مع عروسك ويسعدك معها وان شاء الله تاخذ عقلك وقلبك وماتقدر تستغنى عنهاابدا قوووول امين
تدري وانا اقر اخر كلامك بالاخير تذكرت قصيده احفظها عن ظهر قلب اعجبتني ابياتها واحس فيها مني(( قصةقديمة لي ))
غابت ثمان سنيـن حـلّ وترحـال غابـت ثمـان ٍ كلهـا مدلهـمّـة
سألت عنها سنين وشهـور وليـال ولافيه قطر غيـر وجهـت يمّـه
وعقب الثمان اللي تعبها برى الحال جاب الزمـان الكارثـة والمطمّـة
جاني ولدها مبتسم بيـن الأطفـال ومن بسمته ذكرت أنا بسمـة أمّـه
شفته وصاحت داخلي كل الآمـال بصوت ٍ عجزت بكتم الأنفاس ألمّه
ركضت له ودمعي على الخد همّال ومن كثر شوقي قمت بالحيل أضمّه
لحظة حضنته والطفل في يدي مال شميت ريحتها على اطراف كمـه

بس خلك وانت اختك من الحب القديم وحط بين عيونك انها ماكانت تدري عن هوى دارك ههههههه
والحين انت عريس وماشاء الله اعجبتك عروستك والحمد لله انك حبيتها وارتحت لها لاتخلي الماضي ياثر عليك لو حتى بالحنين له 00
وامك هي ادرى بالبنت واكيد تشوفلك المناسبه وع مواصفاتك اللي انت تبيها00
بالنهاية الله يوفقك ويسعدك ورح بسرررررررررررعة عطها الجوال اللي شاريه لها عشان تستمتع بهالاياااام قبل الزواج 00
وابشرك انا زوجي كلمني عرف يجيبني ههههههههه اول كنت رافضه بس كلمني غصب علي آآآآآآآآآآآآآآآآه منكم يالرجال تعرفون شلون تجيبونا00 بس والله بصدق اتحسفت ع الايام اللي ماكلمته فيها ماتخيل كيف ارتحت لما سمعت سواليفه اللي موتتتني ضحك وخفيف دمه ماتخيل فديته والله الله لايحرمني منه حسيت انو كسر الخوف اللي فيني والحين صرت انا اللي ادق عليه ههههههه
اسفه طولت عليك اخوي وبالتوفيق ان شاء الله لنا جميعاا
تحياتي لك00

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الحب قبل الزواج أيام الثانويه الحب ايام البراءه الجزء الثاني