عالم الحياة الزوجية - منتدى

متفائل بزواجي · 12-07-2009, 22:51

السلام عليكم أيها الأفاضل

أنا مخصص 30 ألف ريال لتأثيث الشقة

وهي مجلس رجال + مجلس نساء + صالة صغيرة + غرفة نوم + مطبخ

لكني بدأ أخاف هل هي كافية أم لا ؟!

لأن عندي التزامات كثيرة

فأرجوكم يا أهل الرياض

ويا أهل التجربة

ساعدوني وخففوا ما بي

قاهرةعذالها · 12-07-2009, 22:57

ممممممم تكفي على حسب شرائك للاثاث يعني تبغى غالي والا رخيص

بس ان شاء الله تكفي>>يعنني فاهمه

اتمنى الرجال يفيدونك اكثر
تقبلي مروري

عايش بهم · 12-07-2009, 23:30

السلام عليكم ورحمة الله وبركاته
اسأل الله أن يجعلها شقة عامرة بالطاعة والإيمان وعقبال الفله طال عمرك

أنا توني خلص من تأثيث شقتي
و30 الف راح تكفي إذا كنت ماتحب الكشخه مرهـ

أما أنا فكلفت أثيث شقتي ال50 الف ريال

ولكن انا لاتشره علي كل ما أشوفه ويعجبني آخذه

وأنت إذا من أهل الرياض راح ادلك على أماكن راح عجبك وروعه في التأثيث

مع تمنياتي لك بالسعادة الزوجيه وبالسعادة في الدنيا والأخرة

وفقك ربي لكل خير

мϊŝŞ ŗĴąĦ · 13-07-2009, 00:40

الله يوفقك ياااخوووي
ان شالله تكفي
فرصتك فرصتك الحيييييين كل المحلااااااات التااااثيييث مسوي تخفيضاااااااااااااااااات بقووه يعني اذا لحقت علييييهم ولاضيعت الفرصه بتكفي 30 الف وبيكوون كثيير بعد
تحياااااتي......

المعانق · 13-07-2009, 00:43

اولا الف مبررروك ...

والمبلغ 30000ريال .. اشوف انه يكفي.. وعلى حسب شرائك لنوعيه الأثاث...

والله يسعدك

من جنبها · 13-07-2009, 02:51

الله يكون بعونك ويوفقك ان شالله

ضيم السنين · 13-07-2009, 03:12

يعني لازم حقين الرياض هم يردون
مع ان حقين الرياض لعبو عليك قالولك تكفي
وهي ماتكفي
ان زدتها 20 الف بتمشي امورك

unnamed · 13-07-2009, 03:35

تكفيك ونص باذن الله

بس شد شوي بالصرف ولاتاخذ اول شي يطيح عينك عليه

يعني دور

اميره بلا فارس · 13-07-2009, 03:44

مااتوقع اذا تبي ذوق وشي حلو وصناعه جيده

**الملـــــكـــــة** · 13-07-2009, 03:53

تكفي ونص ..

وبتشتري بها أشياء ذوق بعد ..

بس لا تدخل لا ايكيا ولا ديموس لأن أثاثه غالي ومو جيد ..

والله يوفقك يارب ويتمم عليك ..

ناعسه الهدب · 13-07-2009, 07:34

اولا الله يوفقك ويسعدك ويجعله بيت عامر
شف ياخوي تكفي ان شاء الله وربي بيجعل به بركه بس شف وانا اختك في محلات تلقها شابه نار وهي كلها قرابيع مجمعه............... وفيه محلات حلوه وراقيه والاسعار معقوله يعني اختيار المحلات اهم شي
الله يوفقك ان شاء الله

ksa_10 · 13-07-2009, 13:14

أخوي اقول هالكلام من تجربة
أول شي أنا ما أدري وش وضعك المادي ووش نوع الاثاث اللي راح تحطه لكن اذا تبي رأيي
أول شي مجلس رجال , وصالة ما راح تحتاج لهم أول ست شهور بالزواج
ما راح أحد يطب عليك غير أهلك وأهل زوجتك وكلها خمس دقايق ويمكن ما يجونك بعد
لأنكم عرسان ما فيه أحد يبي يلزق فيكم فلا تحط مبدئيا غير غرفه النوم ومطبخ وغرفه جلوس لك انت وزوجتك وبعد فتره ظبط الصالة والمجلس منها تختار أنت وزوجتك ومنها توسع على نفسك خصوصا بشهر العسل
ولا تقول لأحد خصوصا المدام ما عندي فلوس , قلها ما راح أحط مجلس وصاله حتى نختارها أنا واياك على راحتنا وباختيارنا
والـ30 ألف يا الله تكفي مصاريف الشقه الاساسية خلني أعطيك مثال للاثاث بأسعار مقبولة
غرفه نوم من 6 - 10 آلاف ريال
مرتبة سرير 500 - 1500 ريال
مفرش 500 ريال
ستارة 500 ريال
تحتاج عدد 3 مكيفات سعرها 3000 ريال
تحتاج جلسه لغرفه الجلوس تكلفك 2000ريال
تلفزيون 2000ريال
طاوله 500 ريال
ستاره 500 ريال
المطبخ :
ثلاجه 2000ريال
فرن (أنصحك بالفرن الكهربائي حتى تفتك من جب الغاز ود الغاز ) سعره 3000 ريال
مواعين = 3000 ريال
المطبخ اذا راكب كويس ( اذا ما ركب تقدر تفصل مطبخ 1300ريال )
(ملاحظه ) الاشياء الكهربائية والمكيفات خلها أخر شي تشتريها لأنه ممكن تجيك كهدايا

وبالتوفيق

حبيب دلولة · 13-07-2009, 14:10

اخوي ksa_10 عطاك تفصيل ممتاز ... ولكن لي ملاحظات ...

كله يعتمد على أمرين : 1- مساحة الشقة و عدد الغرف ..الخ . 2- مستوى الأثاث اللي راح تشتريه ...

فيه غرف نوم بـ 30 ألف و فيه بـ 5 آلاف ... فيه ثلاجة بـ 10 آلاف و فيه 2500 و هكذا ...

أنا أتكلم عن تجربة طبعاً ...

مجلس الرجال زي ماقال اخوي خله بعدين ماله داعي ...

أهم شي : الصالة - غرفة النوم - المطبخ .

1- الصالة : كنب ؟؟ جلسة أرضية ..؟؟ ... الكنب يعتمد ، لكن الزين لن يقل عن 4000 وطالع ... وياصل 15 ألف .
تلفزيون .. تبي تحط LCD من 2000 ريال و طالع ... تبي عادي ... رسيفر لو تبي تحط رسيفر ...!
برضو مثلا سجادة أو أباجورة أو أي زينة أخرى ...
ستائر ..

2- غرفة النوم .. السعر المناسب والتصميم الجيد والجودة المعقولة تتراوح بين 5000 إلى 10.000 ... وغالباً تجي مرتبة السرير معها ... وتختلف الغرف حسب القطع الملحقة معها ..من 8 إلى 13 قطعة .

3- المطبخ : زي ما قال الأخ .. الثلاجة الممتازة والحجم الممتاز و ماركة تحصلها 2800 ريال تقريبا فرن كهرب 3500 وطالع مايكروويف 200 أو 250 و طالع .. أيضاً الغسالات للملابس تتراوح ..لكن الجيدة الأوتوماتيك تحصلها 1800 - 2000 ريال ..الخ

يبقى مكيفات مثلاً ... حسب العدد لديك .. احسب بين 800 إلى 1200 ريال للمكيف الواحد حسب الماركة

تحياتي

**الملـــــكـــــة** · 14-07-2009, 02:18

أخوي ksa جاوبك وبالتفصيل ...

ماشاء الله عليه ذكر أشياء ماجات على بالي زي مفرش السرير والمكيفات كل الأدوات الكهربائية ماجات على بالي << حريم ماقد جربتم المصاريف ..

انصحك تتبع نصيحة أخوي لأن كلامه عين العقل ...

واذا أصريت انك تجيب مجلس الرجال مايمنع بس مجلس الحريم ماله داعي خل الحريم يجلسون في غرفة جلوسكم لحد ماربي يفرجها ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

يا أهل الرياض هل تكفي 30 ألف لتأثيت الشقة