عالم الحياة الزوجية - منتدى

ولد مكةaa · 13-07-2009, 00:43

السلام عليكم
هذي القصيدة اهديها لكل زوجين
يتهادون بالكلام الجميل
بالشكر والعرفان فيما بينهم
واتمنى من كل زوج أن يذهب يشتري هدية لزوجته

ويعطيها هذي الأبيات

تسلـم عيـون ٍ للمحـبـة خذتـنـي
طال الزمـان . . وماتغيـر هواهـا
يامـا بريحـان العواطـف كستنـي
وأهدتنـي ورود الغـرام وشـذاهـا
تستاهـل التقديـر يـامـا رعتـنـي
حتى أحتواني في غلاها . . غلاهـا
من قبلهـا سـود السنيـن أحتوتنـي
واليـوم قلبـي بالحنـان أحتـواهـا
لهـا الغـلا كـلـه ولوماعطتـنـي
من الغـلا شـي ٍ يعـوض جفاهـا
تزعل . . وأراضيها وياما أزعلتنـي
وأنا أتمنى طـول عمـري رضاهـا
باعت ( ألوف المعجبين ) وشرتنـي
ومجنونها . . باع الحيـاه وشراهـا
يسعـد لياليهـا متـى ماأذكرتـنـي
و( صباحها السكر ) ويسعد مساهـا
ويسعـد عيـون ٍ كـل ماناظرتنـي
ضاعت عيوني في ( متاهة ) حلاهـا
( رموشها ) ( تنهيدها ) لا افقدتنـي
و( تفريكة يديها ) و( عضة شفاهـا )
و( بسماتها ) و( دمعاتهـا ) لالقتنـي
والشيطنه . . اللـي تعـزز ذكاهـا
و( يسعد وفاها ) لوفرضنا ( نستني )
وإن مانستني . . يسعـد الله وفاهـا
ويسعـد ليـال ٍ عشتهـا ووحشتنـي
أحلى ليـال العمـر كانـت معاهـا
ويسعـد مكـان ٍ كــل ماقابلتـنـي
شـوي وإلا قـام فيـنـا أيتبـاهـى
ويسعد ( نعومـة يدهـا ) لالمستنـي
كن النعومة مااوجـدت فـي سواهـا
أتووووه وأذكر خالقي يـوم جتنـي
قدامهـا ضـي الشمـوس ووراهـا
عجـزت لأنسـى كلمـة ٍ أرهقتنـي
( دنياي ظلما وأنت نـور بسماهـا )
من يومها غير ( الأمل ) ماعطتنـي
ورسايـل ٍ ماغيـري أحـد ٍ قراهـا
يسعد مساها من كثـر مـا أسعدتنـي
وكثر الغيااااااب المر . . يسعد مساها

-------------

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تسلم عيون للمحبه خذتني