عالم الحياة الزوجية - منتدى

عاشق(الN) · 14-07-2009, 04:01

اللي خلاني اكتب هالموضوع هو واحد من الشباب متزوج بنت من قرايبة وابوها ثري
وهو انسان على قد حاله يعني ماديته وسط وزواجه له حوالي اربع سنوات وعنده منها اولاد
المهم اني من فتره سامع انه يفكر بالزواج الين جا قبل يومين وكنا جالسين
لحالنا وجابتنا السوالف لموضوع الزواج ولما سألته عن موضوعه اكد لي انه
ناوي يتزوج وفهمت من كلامه انه ماكان مرتاح مع زوجته لانها مهي مقتنعه
بمستواه المعيشي وذكر لي امور كثيرة لكن حبيت اختصرها لكم
~ ~ ~ ~ ~ ~
عشان كذاحبيت اشوف رايكم بمثل هذا الزواج هل تنظرون له على
انه مثل الزيجات العادية ولاتعتقدون ان فيه ظلم لأي من الطرفين
وممكن تواجهه مشاكل بسبب الفوارق المادية
واذا منكم احد عايش مثل هالتجربه ياليت يقول لنا رأيه بصراحة

ضيم السنين · 14-07-2009, 04:10

اجل كلن يأخذ ع مستواه وينفك
والله ماهو شرط ابد بس هذي توقف على العقليات والقناعات
وزوجته شكلها مايهمها الا المظاهر والماده ولا دام رجلها معيشها زين وش تبي اكثر لازم يعني تعيش بثراء فاحش
والله عاد الوحده عيشتها عند اهلها اكيد ماهي مثل عند زوجها يعني المفروض تتأقلم خاصه وانه مو من الطبقه الكادحه مره

نجلاء22 · 14-07-2009, 04:13

شكله طاح بالنعمه المره الاولى وبيكررها
وبعدين الرجل اذا بغى يتزوج حط اي عذر وحط بزوجته كل العيوب
علشان يقنع اللي حوله بزواجه الثاني
عموما حقه يتزوج الله يوفقه

همس.... · 14-07-2009, 04:13

متابعه

(سحر انثى) · 14-07-2009, 04:29

والله ياطويل العمر والسلامه
انوه فيه شي مقتنع وشي مو مقتنع
في لحظه انك ترتبط بشخص مهما كانت الصفات
ولكن مسأله الحاله الماديه والله فيه واحد متزوج ع وحده مرررره ابوها معروف ومشاءالله
مرررره مرتاحين ماديا
وهو شخص من أول ماتزوجها عادي والبنت مشاءالله اخلاااااق قمه بالاخلاق
ولا عمرها تأففت من عيشتها
هي مساله قناعه فقط يعني أيام الخطبه اكيد اهو يكلمها كيف بالله مالمس الشي هذا فيها
والبنت اكيد تعرف وضعه ليش مارفضت من البدايه
ولا هي مسأله ابي اتزوج وبس
وهذا الرجال توه يستوعب من بعد ماجاب كم طفل
ولا زادة قريشاته ومل ويبي يجدد
اقول نصيحتي له يقعد ع حرمته ويفهمها ويقعد ع شان عياله
وبالتوفيق

عاشق(الN) · 14-07-2009, 04:38

اقتباس:

المشاركة الأصلية كتبت بواسطة ضيم السنين

اجل كلن يأخذ ع مستواه وينفك
والله ماهو شرط ابد بس هذي توقف على العقليات والقناعات
وزوجته شكلها مايهمها الا المظاهر والماده ولا دام رجلها معيشها زين وش تبي اكثر لازم يعني تعيش بثراء فاحش
والله عاد الوحده عيشتها عند اهلها اكيد ماهي مثل عند زوجها يعني المفروض تتأقلم خاصه وانه مو من الطبقه الكادحه مره

والله ياضيم في هالوقت اغلبنا يقدم المادة قبل كل شي
شكرا على مرورك واضافتك المهمة

آخر وريقات التوت · 14-07-2009, 04:41

من حقه يتزوج اذا كان مومرتاح معها
بس اللي اتوقعه ان زوجته راح تطلب الطلاق

عاشق(الN) · 14-07-2009, 04:44

اقتباس:

المشاركة الأصلية كتبت بواسطة نجلاء22

شكله طاح بالنعمه المره الاولى وبيكررها
وبعدين الرجل اذا بغى يتزوج حط اي عذر وحط بزوجته كل العيوب
علشان يقنع اللي حوله بزواجه الثاني
عموما حقه يتزوج الله يوفقه

اوووووف ليش كل هالتطرف الله يهديك
على كل حال انا مادخلت في قلبه
لكن اللي بين من كلامه مااظنه شاف
النعمه اللي تقولين

مشكورة على مرورك وتعليقك

اناغير · 14-07-2009, 04:56

متبعه

عاشق(الN) · 14-07-2009, 05:00

اقتباس:

المشاركة الأصلية كتبت بواسطة (سحر انثى)

والله ياطويل العمر والسلامه
انوه فيه شي مقتنع وشي مو مقتنع
في لحظه انك ترتبط بشخص مهما كانت الصفات
ولكن مسأله الحاله الماديه والله فيه واحد متزوج ع وحده مرررره ابوها معروف ومشاءالله
مرررره مرتاحين ماديا
وهو شخص من أول ماتزوجها عادي والبنت مشاءالله اخلاااااق قمه بالاخلاق
ولا عمرها تأففت من عيشتها
هي مساله قناعه فقط يعني أيام الخطبه اكيد اهو يكلمها كيف بالله مالمس الشي هذا فيها
والبنت اكيد تعرف وضعه ليش مارفضت من البدايه
ولا هي مسأله ابي اتزوج وبس
وهذا الرجال توه يستوعب من بعد ماجاب كم طفل
ولا زادة قريشاته ومل ويبي يجدد
اقول نصيحتي له يقعد ع حرمته ويفهمها ويقعد ع شان عياله
وبالتوفيق

والله يااخت سحر انثى كلامك مقنع بشكل كبير لكن مسألة انه ايام الخطبه يعرف
عنها مثل هالشي اعتقد صعب
وهو ترى ماقالي انها رافضة عيشته بشكل كامل لكن يقول تصرفاتها ماهي مريحتني
واعطاني مثل يقول مااذكر انها طلبت مني فلوس او اي يشي يحسسني اني انا المسئول عنها مهو ابوها يقول حتى ايام العيد يقول والله اني اعطيها نصف راتبي ومع ذلك مايبين فيها وتعمد انها تشري اشياء قيمتها
اضعاف مااعطيتها وبالذات النقطة هاذي حسستني كيف هو متظايق من وضعه
مشكورة اختي على اضافتك

(((قلب امرأة))) · 14-07-2009, 05:09

اعتقد ان الامر عادي ولا فية شئ

من حق الفقير تزوج غنية ومن حق الغني يتزوج فقيره

والحياة ماشية

بس يوجد بعض الشباب اذا تزوجو بغنيات صار كل همهم الحصول ع مال الغنية يعني كانة متتزوج صرافة وليس انسانة

وايضا فية نساء مغرورات وكل همهم انهم يذلون الطبقة الفقيره

ويسيطرون عليهم بفلوسهم ويعاملوهم كانهم خدم او سواقين عندهم

فاحسن شئ الغني يتزوج غنية الفقير تزوج فقيرة الذي حالة المادية متوسط يتزوج من مستواه وتحت يعني لا يطالع فواق وتنكسر رقبتة

غنوجه ابوهااا · 14-07-2009, 05:51

اولا ..مافي اي مشاكل باختلاف المستووووى ..دامها رضت من الاول
اما زواج صاحبك ..يعتمد ع عيشته معهاا..ولا فيها ظلم دامها مقصره في حقه ..وتعايره بعد

وبالتوفيق

كيان انسانة · 14-07-2009, 05:59

الحياة تمشي بالتفاهم والمراعاة بين الزوجين
وهذول من كلامك ماهم متفاهمين من الناحية المادية
بعض الأحيان البنت تكون من عايلة غنية وتتزوج واحد على قد حاله
ومبسوطه معه ومراعية لحالته المادية وبعضهم ياربي يا ساتر
نفس العيشة اللي عاشتها ببيت اهلها تبيها ببيت زوجها هاذي مامنها رجا

الله يعينه

إنهاأنا · 14-07-2009, 07:24

ليست أي فتاة تستطيع العيش في أقل من مستواها المادي
وحقيقةً إنه بالفعل أمرٌ صعب
ولكن وبما أنها قبلت منذ البداية مدعيةً المثاليه ..وجب عليها الصبر

من الخطأ أن يقبل شاب بالزواج من فتاة مترفه وإن وافقت..فهو يعلم في قرارة نفسه أنه سيحرمها من بعض ما كانت تنعم به
ستبقى أقل من مجتمعها وستكتم مشاعرها وإن تماسكت...

تحياتي

عاشق(الN) · 14-07-2009, 20:20

اقتباس:

المشاركة الأصلية كتبت بواسطة همس....

متابعه

اختي. همس
شكرا على مرورك واعتذر لعدم انتباهي لمشاركتك

اقتباس:

متبعه

انا غير. شكرا لك

اقتباس:

من حقه يتزوج اذا كان مومرتاح معها
بس اللي اتوقعه ان زوجته راح تطلب الطلاق

اخر وريقات التوت. ممكن تطلب الطلاق لكن مااظن راح تفرق
كثير بالنسبة له

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)