عالم الحياة الزوجية - منتدى

حنش9 · 15-07-2009, 02:10

السلام عليكم ورحمة الله وبركاته
اخواني اعضاء المنتدى
انا انسان ابلغ من العمر 25 سنه وابحث عن زوجه
وياكثر مادورت
الموهم تحصل امور تردني مره من عندي مره من الطرف الآخر
مالكم بالطويله
انا تقدمت للناس من الجماعه
وشفت البنت بالنظره الشرعيه طبعاً
المهم انا شفت البنت
هي بنت عاديه صحيح الواحد يتمنى انها ملكة جمال
لاكن الجمال موب كل شيء
السؤال هنا
انا شفت البنت وهي شافتني
وانا متردد
مع اني صليت صلاة استخاره ولا ادري وش ازين
محتار يالربع

إح ـسـاس طفـله · 15-07-2009, 02:28

إذا صليت الاستخارة وماحسيت بضيق

توكل على الله

خصوصا لو أنت واثق من أخلاق البنت وإنها بإذن الله راح تناسبك

الخوف يكون لو حسيت بضيق أو ماأنت مرتاح بعد الصلاة

بس الحمدلله طالما بس تردد أتوقع إنه شي طبيعي جدا

اجزم على قولهم وتزوج

موفق

من جنبها · 15-07-2009, 03:25

صلاة الاستخاره مالها علاقة بضيقة الصدر وانشراحه بس الاغلب فاهمينها غلط
ياليت لو تبحث عن صلاة الاستخاره علشان تعرف طريقتها وفائدتها بشكل عام
الله يوفقك اخوى

فديت اسمك انا ورسمك · 15-07-2009, 04:47

اذا صليت صلاة الاستخاره <<<اكثر من مره

يانك تحلم بعدها وتفسر حلمك عند شيخ

او انك ترتاح راحه نفسيه لهذا الموضوع

نفسي اتزوج لورا بوش · 15-07-2009, 04:51

تبي نصحتي يابعدي خلك عزابي مثلي

نفسي يكون عدد العزاب بالمنتدى اكثر من المتزوجين
بصراحه اكره المتزوجين لانهم مايقدرون اخوانهم العزابيه

لاندكروزر · 15-07-2009, 06:07

ماشاء الله شفت البنت ومتردد !!!
عندنا لو تموت ماتشوف البنت نظرة شرعيه اجل يعرضون بناتهم <<<< عادات وتقاليد وش نسوي ؟؟
اذا كنت مرتاح للبنت توكل على الله واستر عليها

اجمل احساسي · 15-07-2009, 06:10

ليش متردد؟؟؟؟؟؟؟؟؟؟؟؟؟؟؟؟؟؟؟؟؟؟؟
طيب ارتحت نفسيا يوم شفت البنت يعني حسيت انو ممكن تعيش معها وتكمل مشوار حياتك؟؟؟؟؟؟؟؟؟

حنش9 · 15-07-2009, 16:48

اقتباس:

المشاركة الأصلية كتبت بواسطة لاندكروزر

ماشاء الله شفت البنت ومتردد !!!
عندنا لو تموت ماتشوف البنت نظرة شرعيه اجل يعرضون بناتهم <<<< عادات وتقاليد وش نسوي ؟؟
اذا كنت مرتاح للبنت توكل على الله واستر عليها

الرسول يقول بما معناه
(انظر إليها فإنه أحرى أن يؤدم بينكما)
خل تنفعكم عاداتكم ياصاح

حنش9 · 15-07-2009, 16:49

اقتباس:

المشاركة الأصلية كتبت بواسطة اجمل احساسي

ليش متردد؟؟؟؟؟؟؟؟؟؟؟؟؟؟؟؟؟؟؟؟؟؟؟
طيب ارتحت نفسيا يوم شفت البنت يعني حسيت انو ممكن تعيش معها وتكمل مشوار حياتك؟؟؟؟؟؟؟؟؟

من هالناحيه ايه حسيت اني بعيش معها
وعلى هالطاري الله من وحده حسيت اني بعيش معها<<فاتح قلبه فندق

طالب الحور · 15-07-2009, 18:14

أخي الكريم

أولاً : أسأل الله لك التوفيق و السداد

بالنسبة لصلاة الإستخارة

ليس الأمر هو أن تحس بضيق أو أن ترتاح

بما أنك إستخرت الله عز و جل

فتوكل على الحي القيوم سيحانه

و أعلم

أنهُ ستتيسر لك الأمور إن كان بها خير إن شاء الله

Tera. · 15-07-2009, 18:20

مساء الخير اخوي ..

طبيعي وانا اخوك ان الواحد يتردد ..!!

هذا قرار مصيري ..

ولا تتوقع ان فيه احد شاف نظرة شرعية وقال يله هذي اللي ابييها ..!!

ترى الشوفة الشرعية ما فيها حب من أول نظرة ..!!

اهم خطوة في الموضوع انك استخرت .. والحمدلله هذا شئ كويس ..

طيب وش شعورك اول ما شفت البنت ..؟ هل حسيت انك متقبلها وهي جالسة معك ..!؟

اذا كنت مرتاح بهذيك اللحظة فهذا من علامات القبول .. بس مو شرط تكون هي الحد الفاصل في

الموضوع ..

حاول تركز تفكيرك شوي .. ليش انت متردد ؟؟ هل فيه سبب معين ؟.

والا بس تتوقع لو رفضتها راح تلقى احلى منها مثلاً ..؟؟

اذا ما كان فيه سبب قوي ..

بمعنى ان شكلها غير مقبول نهائياً ..

او حصل لك ضيقة لما شفتها ..

او انه ذُكر لك أشياء ما تعجبك فيها .. او في اهلها ..

فإذا انتفت الأسباب اللي ذكرتها لك اعلاه ..

فأنا من رأيي انك توافق ..

والتردد هذا شئ طبيعي جداً ..

وبالأول والأخير ما دامك استخرت ..

فهذا معناه ان سلمت الأمر لله سبحانه ..

وهو راح يسيّرك للي فيه خير لك ..

الله يوفقك ويسمح امرك ..

اجمل احساسي · 16-07-2009, 02:43

اقتباس:

المشاركة الأصلية كتبت بواسطة حنش9

من هالناحيه ايه حسيت اني بعيش معها
وعلى هالطاري الله من وحده حسيت اني بعيش معها<<فاتح قلبه فندق

هههههههههههههههههههههه اجل فندق
بعدين يا خوي ما شاء الله عليك شكللك مار على بنات الناس !!!!!!
كم وحدة شفتها اعترف

شوف انا بقول لك شي
المفروض انك قبل ما تروح للبنت اللي تبي تشوفها تكون مقتنع فيها تماما ومتاكد انك اذا شفتها وارتحت لها راح تكمل مشروع الزواج ولازم تستخير على طول عاد اذا كان في الزواج خيرة راح يتيسر امر الزواج
وهذي نصيحة مني :: تاكد انك ما راح تاخذ الا نصيبك
و باالتوفيق

حنش9 · 16-07-2009, 03:42

اقتباس:

المشاركة الأصلية كتبت بواسطة اجمل احساسي

هههههههههههههههههههههه اجل فندق
بعدين يا خوي ما شاء الله عليك شكللك مار على بنات الناس !!!!!!
كم وحدة شفتها اعترف

شوف انا بقول لك شي
المفروض انك قبل ما تروح للبنت اللي تبي تشوفها تكون مقتنع فيها تماما ومتاكد انك اذا شفتها وارتحت لها راح تكمل مشروع الزواج ولازم تستخير على طول عاد اذا كان في الزواج خيرة راح يتيسر امر الزواج
وهذي نصيحة مني :: تاكد انك ما راح تاخذ الا نصيبك
و باالتوفيق

قسم بالله ماشفت غير ذي
ياخي لوهي على القناعه كان ماخذت الا جيهان نصر بس على رقم عاقله
والبنات كذلك موب راضين بأقل من هالطخممان ولا وش يبون فينا

Tera.
تعجبني طريقة تفكيرك

اجمل احساسي · 16-07-2009, 04:40

اقتباس:

المشاركة الأصلية كتبت بواسطة حنش9

قسم بالله ماشفت غير ذي
ياخي لوهي على القناعه كان ماخذت الا جيهان نصر بس على رقم عاقله
والبنات كذلك موب راضين بأقل من هالطخممان ولا وش يبون فينا

هههههههههههههههههههههههههههههههههههه
تصدق اني عطست يوم قلت جيهان نصر >>>(انت من اي عصر)
بعدين من قال ان البنات موب راضين الا بطخوم شف انا اقرب مثال خطيبي شيييييييييييييييييييييين بقوة وما قلت شي

لاندكروزر · 16-07-2009, 05:17

اقتباس:

الرسول يقول بما معناه
(انظر إليها فإنه أحرى أن يؤدم بينكما)
خل تنفعكم عاداتكم ياصاح

اتفق معك النظره الشرعيه جائزه لانختلف
لكن هل تعلم ان الكثير من القبائل لايسمحون للخاطب بالنظره الشرعيه بل ويعتبرونها عيب
ويقولون كيف نسمح لك من هب ودب ان يرى بناتنا !!!! هذه العادات موجوده لا اعتقد انك تنكرها
احمد ربك وجدت عائله تسمح بالنظره الشرعيه والله يوفق الجميع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

نظرة شرعيه صلاة استخاره وش تحس