عالم الحياة الزوجية - منتدى

* غنى * · 15-07-2009, 04:18

السلام عليكم ورحمة الله وبركاته

بدخل على طول بلب الموضوع ماحب الف والدوران ...

ليش البنت اللي فيها سكر تنرفض يعني لما يجي احد يخطبها ويدري ان فيها السكر يتراجع ليه هي ماتحس

ماعندها شعور ماهي زي البنات الثانيات والله قهر احس ودي اعطيهم طراق يصحون من اللي هم فيه

ياناس يابشر ابغى حل يقنعني لرفضهم والله اني اتقطع حزن كل يوم هذا شي بيد الله مالي فيه

لو بيدي كان خرجته من دمي لكن حيل الله اقوى معني ماني شايفه فيني شي يمنعني عن الزواج كل شي

فيني كامل والكامل وجه الله اخلاق وادب وبنت ناس ويش يبغون اكثر من كذا مايدرون ان الله

قادر يخرجه مني ويبلاهم ان الله على كل شي قدير صرت ارفض كل من دق ويبغى يجي يخطب من دون تفكير

ياليت لو وحده تمر بنفس المشكله تعطيني رائيها او تعرفين احد

دعواتكم لي والله يوفقكم ويسعدكم

يابخت الحلا فيني · 15-07-2009, 04:28

اسم الله عليك حبيبتي

بس يمكن لان اللي فيها سكر يكون خطر عليها لما تصير حامل ويمكن يؤدي الى الوفاه لاسمح الله

انا مو جايه اخوفك بالكلام

اتذكر صار موقف بيني وبين خالتي ادى الى مشكله
كانت تبي تخطب لولدها وكانت تسولف لنا عن البنات اللي حاطتهم في بالها

ومن ضمن البنات

البنت اللي فيها سكر وكانت مواصفاتها هي المطلوبه
بعدين قامت تقول خالتي انا مو مجنونه اخطب لولدي وحده فيها سكر ويبتلش فيها ولدي

عاد انا عصببببببببببببببببببببت

قلت لها وش فيها البنت والحمد لله ان مرضها مو شايد وخطير ولو بنتش فيها سكر خلاص لاتزوجينها وتبلشين اولاد الناس فيها

عاد هي سكتتتتتتتتت ومارضت على بنتها

الناس كذا ياقلبي
لازم يطلعون عيوووووووووووووووووب في الوحده

انتي ماعليك من احد

نصيبك بيجيك صدقيني بس انتي تفائلي واهم شي تهتمين في صحتك علشان السكر لايتعبك
بالتوفيق ياقلبي

من جنبها · 15-07-2009, 04:35

يا اختى ترا مو كل اللى فيها تنرفض بس الاغلب يرفضون
يخافون انتقال المرض الى الاطفال وتعرفين الواحد يخاف ان يكونو الاطفال معرضين لهذا الداء
وطبعاا مافيه داء الا له دواء وهو موجود حاليااً بس مكلف
الله يكون في عونك ويرزقك بالزوج الصالح
تقبل مرورى

كيان انسانة · 15-07-2009, 04:36

قدامك العافية ان شاء الله
حطي في بالك ما راح تاخذين الا نصيبك سواء الحين او بعدين
وقتها راح ترتاحين وايش دراك يمكن الولد اللي تراجع لين عرف بمرضك
مجرد تراجعه خيرة لك من رب العباد

موفقه

* غنى * · 15-07-2009, 04:39

هلا فيكِ أختي كلامك كثير ريحني

وبنسبه للناس انا معطيتهم اشكل لأني يئست منهم وما ارتجي من وراهم شي

وعلى اي اساس يحكمون عليه بتعب وقت الحمل هذي اشياء الله يدبرها

مو الشخص بنفسه وانا الحمد لله بصحه جيده وبلعكس ماخوفتيني ولا شي

اسأل الله العوض

شاكره لمرورك حياتي

غنوجه ابوهااا · 15-07-2009, 04:40

ياحياتي انتي ..ماعليك من ناقصين العقووول

ماعليك الا العافيه بس ..

عادي ..انا لما امي جابتني كان معهااا السكر ..وجيت ولله الحمدلله ..وبكامل عافيتي ..ومافيني شي

بس جهل الناس وخوفهم انو ينتقل><<< خطا<<>>..
<<>>>
لانو السكر مرض وراثي وليس بالعدوووووووووووووووووى

ربي يوفقك حياتي ..ووكلي امرك لربك بس

* غنى * · 15-07-2009, 04:44

[quote=من جنبها;5220736]يا اختى ترا مو كل اللى فيها تنرفض بس الاغلب يرفضون
يخافون انتقال المرض الى الاطفال وتعرفين الواحد يخاف ان يكونو الاطفال معرضين لهذا الداء
وطبعاا مافيه داء الا له دواء وهو موجود حاليااً بس مكلف
الله يكون في عونك ويرزقك بالزوج الصالح
تقبل مرورى[/quote

ينتقل لما يكون وراثي من قبل الأبوين وانا الحمد لله اهلي مافيهم شي ولا جداني

ولا اي احد من العيله

شكراً لك اخوي

* غنى * · 15-07-2009, 04:45

كيان انسانه شاكره لك مرورك

والحمد لله على قضاءه وقدره

عافك الوقت · 15-07-2009, 04:51

والله اول مره ادري عن الكلام ذا

اعتبريه الرجال الي يرفض الي معها سكر ناااقص العقل

* غنى * · 15-07-2009, 04:53

اقتباس:

المشاركة الأصلية كتبت بواسطة غنوجه ابوهااا

ياحياتي انتي ..ماعليك من ناقصين العقووول
ماعليك الا العافيه بس ..
عادي ..انا لما امي جابتني كان معهااا السكر ..وجيت ولله الحمدلله ..وبكامل عافيتي ..ومافيني شي
بس جهل الناس وخوفهم انو ينتقل><<< خطا<<>>..
<<>>>
لانو السكر مرض وراثي وليس بالعدوووووووووووووووووى
ربي يوفقك حياتي ..ووكلي امرك لربك بس

هلا بك يالغلا فرحتيني بمرورك ومداخلتك
سلامة امك ان شاء الله والله يخليها لك ويعينك على برها
اذا على الناس فهم جهلاء ولاكئنهم يفقهون شي بس يدربون روسهم على بيوت الناس ولا يسئلو عنهم اول
المفروض الواحد يسئل عن كل شي عن البنت بدون لا تدري هي واهلها ان عجبهم اهلا وسهلا ماعجبهم
يادار مادخلك شر مويجو يجرحو مشاعرها ويروحو
تحياتي لك ياقلبي ونورتي صفحتي

قيود الحب · 15-07-2009, 04:57

حبيبتي اسأل الله العظيم رب العرش العظيم ان يشفيك،،
يوم ولادتي خرجت من غرفة الولاده للملاحظه حصلت قدامي واحده توها والده وكانت قمه في الجمال كانت عندها الممرضه تعطيها ابر انسولين
قالت عندي السكر من يوم انا ١٠ سنوات عمري ، وقلت والله من جمالك ،،هههههه
الخلاصه ان مافيها شي واذا جاء نصيبك لا راد له الاالله ،، الي جوك وراحوا دول الله موكاتبهم لك ،، الله يرزقك ببن الحلا ل ،،

ضيم السنين · 15-07-2009, 05:04

وسعي صدرتس ياحبيبتي ولا تتكدرين ابد
هذاك اول كان السكر مشكله .. الحين مثله مثل الزكمه مثل الكحه
مع تطور العلاج .. ولا يشكل عائق ابد ابد مع الاهتمام والنظام
والسكر يجي فجأة حتى مع البزارين .. يعني ماعاد السالفه وراثه
وتختلف نسبته مع كل انسان
وان شاء الله اللي معتس خفيف لايذكر دامه مو وراثه
واللي يرفضون البنات عشان السكر مساكين ع بالهم ان العافيه بتدوم
مايدرون ان حتى لو اخذو وحده سليمه من الامراض ممكن بغمضة عين تبتلي بمرض .. الله يكفينا واياكم الشر ويعافينا
واصلا ينقلعون لانهم ماهم من نصيبتس
الله يكتب لتس ولي ولجميع المسلمين الخير والصلاح يارب

* غنى * · 15-07-2009, 05:13

عافك الوقت وانا اختك فيه أغرب من كذا والحمد لله على نعمة العقل

شكراً ع المرور

قيود شاكره لك مرورك وشكراً ع الدعوه

وانا مافضفضت الا اللي اشوفهم يجون ويروحون

حسيت بعدها بضيق على حالتي والحمد لله انا اشوف اني بنعمه كبيره

عن غيري

اسعدتيني بمرورك

* غنى * · 15-07-2009, 05:24

اقتباس:

المشاركة الأصلية كتبت بواسطة ضيم السنين

وسعي صدرتس ياحبيبتي ولا تتكدرين ابد
هذاك اول كان السكر مشكله .. الحين مثله مثل الزكمه مثل الكحه
مع تطور العلاج .. ولا يشكل عائق ابد ابد مع الاهتمام والنظام
والسكر يجي فجأة حتى مع البزارين .. يعني ماعاد السالفه وراثه
وتختلف نسبته مع كل انسان
وان شاء الله اللي معتس خفيف لايذكر دامه مو وراثه
واللي يرفضون البنات عشان السكر مساكين ع بالهم ان العافيه بتدوم
مايدرون ان حتى لو اخذو وحده سليمه من الامراض ممكن بغمضة عين تبتلي بمرض .. الله يكفينا واياكم الشر ويعافينا
واصلا ينقلعون لانهم ماهم من نصيبتس
الله يكتب لتس ولي ولجميع المسلمين الخير والصلاح يارب

هذا اللي مستغربه منه احنا صح بشر مختلفين لكن ربنا واحد اللي بلاني فيه قادر يبلاهم

بس اللي قاهرني اني احسن من اللي مافيها شي والله اعرف اطبخ واغسل وعلي مسؤليات كثيره

ويتجنبوني الناس والله مو مدح لنفسي لكن هذي الحقيقه شي يقهرررر

والرفله ياخذونها اللي لاتعرف طبخه ولا سنع وبس نايمه

لله المشتكى

اسعدتيني بمداخلتك كوووني بخير

* غنى * · 15-07-2009, 05:46

ودي ابكــي لين ما يبقى دمــــوع
ودي اشكي لين ما يبقى كـــــــلام
من جروحٍ صارت بقلبي تنـــــوع
ومن همومٍ احرمت عيني المنـــام

انطفت في دنيتي كل الشمـــــــوع
والهنا ما يوم في دنيـــــــــاي دام
غربتي طالت متى وقت الرجـــوع
كل عام امني احلامي بعـــــــــــام

ان شكيت للحال محدٍ لي سمـــوع
وان سكت الناس زادوني مـــــلام
طال صبري والزمن عيّ يطــــوع
والرجا باللي عيونه ما تنــــــــــام

تعـــــــــــبت

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ليش ياااااعاااالم ..؟؟