عالم الحياة الزوجية - منتدى

*وردة الجوري* · 15-07-2009, 05:16

يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على السرير الابيض..

الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع. .

ترد انت بكل خوف : خير يمه؟ ....

تقول امك: ترى جارتنا ام فهـد تبي تخطبك لبنتها. وانت ماشالله كبرت و احلويت وكلن يبيك. ها وش رايك ههههههههههههىىآي

ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة (هذا اذا كنت محلق اللحية) و تقول: .... هههههههههههههههههههههههىىآي

الراي رايك والشور شورك يايمه..

تقول امك: انا بصراحة ما اشوف في البنت شي. .

ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..

ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. .

تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل)

تقول امك: هي شافتك و انت نازل من باص المدرسة (الله واكبر يالروز رايز)...

بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل)

و تراها هي و امها جايين يوم الخميس علشان يشوفونك..

تسال انت: طيب يا يمه ابوي وش رايه؟

تقول امك: ابوك ما يدري خليه حايس في المطبخ الله يعينه..

تقول انت :اللي تشوفينه يمه. .وتطلع امك من الغرفة

وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري)

و تقول : اه اخيرا حسَت و خطبتني. ( لا لا لا والله ما يصير بس بكمل)

و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت)

وتجي البيت و تلبس الثوب اللي فصلته عند المصمم( عبده شولق) لثياب الاعراس الحفلات و ذاك المكياج وذاك العطر اللي يشق الخشم و تنزل للصالة

ويقولك ابوك : يالله دخل العصير على خطيبتك ترى امك ذبحتنا تسال عنك

تقول انت بكل خجل: واي واي يا يبه انا استحي هههههههههههههههههههههههههههآآآآآآي

ابوك يقولك وهو يطق على كتفك و يضحك يا ولد روح لعروسك إهئ إهئ

تقول انت: يا يبه دايما تحرجني انت واي واي

و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير حكيم على غفلة)

ترد هي بعد ما وقفت و عليكم السلام ( و هي تناظر فيك و في كل قطعة فيك) ...

و تقولها تفضلي....

تقول هي: وش الاحلى العصير الاحمر و لا الاصفر؟ بزعمها تبي تلطف الجو معك ...تتلصق.

تقول انت: كله حلو

تقول هي: اكيد كله حلو لانك انت اللي مسويه

ثم تحط الصينية بسرعة و يدك على فمك و تضحك و تروح داخل بسرعة

ياربييييييييييييييه

الا اخوانك يستنونك و يقولون: ها وشلون شكلها

تقول انت: واي واي تهبل تهبل حلوة و دمها خفيف و ذوق اهههههااي

الا ابوك من المطبخ يلولش (يزغرط بالمصري) ههههههههههههههههههىآآي

لللللللوووولللللوووووشششششششش مبروك يا ولدي

الا بدخلة اختك العربجية من بره و حاطه عبايتها على كتفها و تقول : خير وش فيه !!

يقوله ابوك : قصري صوتك في وحده داخل خطبت اخوك ..

تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لاوريها شغلها اللي جايه تخطب اخوي ...

الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات <..تخيلوا عاد

و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت) و شوي تحاول تبوسك و انت تقول لا لا عيب احد يشوفنا( يعني لو ماحد يشوفنا ترى عادي)

و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود وسارة

وشوي الا العفسة قايمة : ترى العروس جايه

و ينطون الرجال و الشباب كلن يلبس شماغه و يتلطم ..

و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر ههههىىآي

ثم تلف وجهك وانت مستحي ههههههههههههههههههههههههه

و يتم الزواج ..........................

<((( تفـحط من الضحـــكُ ههههههههههههههههههههههههههىىآي <(( تتخيل كل شيُ
انتظر ردود الشباب
تحيـآتيُ

دلع الطفوله · 15-07-2009, 07:00

اما لو اخطب ياسلااااااااااااام أفتري في الرجااااااااال زي مايفتروا فينا
لا وابغى واحد يكوووووون يشبه يحى ولا رامي عيااااااااش ولا عززززززوز اللي بستار
يووووووه في كثيرين براسي لوووووول

يسلمووووو ياعسل
تقبلي مروري الصغنونو

نبرة الاحزان · 15-07-2009, 09:08

الله متى يصير كذا

دلوعة نايف · 15-07-2009, 09:13

ههههههههههههههههههههههههههههههه
اقول يازين الاحلام بس ..

نـدى · 15-07-2009, 10:03

اقتباس:

تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر ههههىىآي

ههههههههههههههههههههه
انتبهي ترى الي يخطب يدفع المهر ههههههههههه
ضربية الاختيار : تحمل مصاريف الزواج ههههههه

امركشي · 15-07-2009, 10:09

هههههههههههههههههههههههه
ذكرتيني بحلقة طاش
اقول رددوا بس ياليل ماطولك

بنــ الرابطة ــت · 15-07-2009, 10:35

ابوك يقولك وهو يطق على كتفك و يضحك يا ولد روح لعروسك إهئ إهئ

هههههههههههههههههههههههههههههههههههههههههه

يخرب بيت ابليسك

يسلمووووووووو

@. بادرة .@ · 15-07-2009, 17:52

تقول امك: ابوك ما يدري خليه حايس في المطبخ الله يعينه..

هههههههههههههههههههه الله يسعدك

*وردة الجوري* · 15-07-2009, 18:55

عاااااااااادي خليناااااا نحلم شوووي (خخخ)

شااااااكرة مروركم وتعلقكم الرااائع

لا عدمنااااااكم *_*

توتو0 · 15-07-2009, 19:05

وااااااااااااااااااااااااااااااااااااااااااااااااو ياليت علشان اتشرط واختار العريس الحلوووووووووووووووو
مثل ماهو يختاااااااااااااااااااااااااااار
خخخخخخخخخخخخخخخخخخخخخخخخخخ

بنت البقوم · 16-07-2009, 15:05

ههههههههههههههههههههههههه
اقووووووووول خلونا نحلم بس
وربي لو يصير لنجننهم مثل ماجننونا

المايا · 17-07-2009, 06:51

آآآآآآه بتني عورني
يسلمووو

(كوكب لمار) · 17-07-2009, 08:43

وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري)
خخخخخ ايه والله ابي اشوف هالمنظر بس هههههههههههههههههههههههههههههههههههههاي
الله يسعدك على هالموضوع

افيدوني لو سمحتو · 17-07-2009, 12:09

كان طيران على تركيا بخطب اياد الي مع ليلى

إنهاأنا · 18-07-2009, 07:08

ههههههههه
بس والله مو حلو
امبسطت وانا اقراها

يسلمووو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تخيــــــــــــلوا البنات يخطبـــــــــون